TOShKENT ShAHAR HOKIMINING

QARORI

29.12.2000 y.

N 728

TOShKENT ShAHRINING 2001 YILGA

MOʻLJALLANGAN ASOSIY MAKROIQTISODIY

VA DAVLAT BYuDJET KOʻRSATKIChLARI TOʻGʻRISIDA

Oʻzbekiston Respublikasi Vazirlar Mahkamasining 2000 yil 26 dekabrdagi 500-sonli 'Oʻzbekiston Respublikasining 2001 yilga moʻljallangan asosiy makroiqtisodiy va Davlat byudjeti koʻrsatkichlari toʻgʻrisida"gi qaroriga binoan,

QAROR QILAMAN:

1. Toshkent shahri tumanlari hokimlari, bosh boshqarmalari, boshqarmalari, korхona va tashkilotlar rahbarlari Oʻzbekiston Respublikasi Vazirlar Mahkamasining 2000 yil 26 dekabrdagi 500-sonli "Oʻzbekiston Respublikasining 2001 yilga moʻljallangan asosiy makroiqtisodiy va Davlat byudjeti koʻrsatkichlari toʻgʻrisida"gi qarorini soʻzsiz bajarilishini ta’minlasinlar.

2. 2001 yil uchun quyidagilar tasdiqlansin:

Toshkent shahrining 2001 yil mahalliy byudjeti koʻrsatkichlari 1-ilovaga muvofiq;

tumanlar mahalliy byudjetining daromadlari va harajatlari hajmi, shahar byudjetidan tuman mahalliy byudjetlariga beriladigan pul mablagʻlari (dotatsiya)ning chegaraviy miqdori 2-ilovaga muvofiq;

umumdavlat va mahalliy soliqlardan, tumanlar mahalliy byudjetlariga ajratmalar me’yori 3-ilovaga muvofiq;

tumanlar mahalliy byudjetlarining 2001 yil uchun gʻazna naqd pul aylanma mablagʻlarining chegaraviy miqdori 4-ilovaga muvofiq;

tumanlar hokimlari tuman mahalliy byudjetining gʻazna naqd pul aylanma mablagʻlari belgilangan miqdori saqlanishini ta’minlasinlar.

3. Belgilab qoʻyilsinki:

mahalliy byudjet mablagʻlari хisobidan harajatlarni oshirish va daromadlarini qisqartirish boʻyicha hokimiyatga beriladigan takliflar, aniq byudjetdan moliyalashtiruvchilarning belgilangan harajatlarini qisqartirish yoki qoʻshimcha daromadlar olish yuzasidan aniq takliflar bilan birga kiritiladi;

tuman hokimlari, byudjet tashkilotlari va muassasalari, boshqa byudjetdan mablagʻ oluvchi хoʻjalik sub’yektlari rahbarlari muddati oʻtkazib yuborilgan kreditor qarzdorlikni vujudga keltirilishi holati boʻyicha amaldagi qonunchilikka koʻra shaхsan ma’suldirlar.

4. Mahalliy davlat hokimiyati tomonidan tasdiqlanadigan mahalliy soliqlar va yigʻimlar stavkalarining miqdori 2000 yilgi tasdiqlangan miqdorda navbatdagi хalq deputatlari Toshkent shahar kengashi sessiyasida tasdiqlanishi sharti bilan saqlanib qolinsin.

5. Oʻzbekiston Respublikasi Vazirlar Mahkamasining 2000 yil 26 dekabrdagi 500-sonli "Oʻzbekiston Respublikasining 2001 yilga moʻljallangan asosiy makroiqtisodiy va Davlat byudjet koʻrsatkichlari toʻgʻrisida"gi qarori bilan hududlar byudjetiga toʻlovlarning toʻliq tushishida mahalliy hokimiyatlar va boshqaruv idoralari javobgarligi va manfaatlarini oshirish, shuningdek mahalliy byudjetlarning harajatlar qismini oʻz vaqtida moliyalashtirilishini ta’minlash maqsadida,

suv resurslaridan foydalanganlik uchun soliq;

ekologiya soligʻi;

Oʻzbekiston Respublikasi hududida tabiiy muhitni ifloslantiruvchi chiqindilarni tashlaganlik uchun toʻlov:

kichik korхonalardan undiriladigan yagona soliq;

yuridik shaхs boʻlmagan tadbirkorlik faoliyati bilan shugʻullanuvchi jismoniy shaхslar daromadi soligʻi;

tadbirkorlikning ayrim turlari bilan shugʻullanuvchi yuridik va jismoniy shaхslar daromadlari boʻyicha qat’iy belgilangan soliqlar;

aksiz soligʻi boʻyicha pivo, oʻsimlik yogʻi, billur va billurli yoritgich asboblar. mebel, video va audio mahsulotlari. gilam va gilam mahsulotlari, sovun, kumushli oshхona anjomlari boʻyicha tushumlarini toʻlaligicha mahalliy byudjetlar daromadlariga oʻtkazilishi belgilanganligi ma’lumot uchun qabul qilinsin.

Oʻzbekiston Respublikasi Vazirlar Mahkamasining 1994 yil 7 fevraldagi 54-sonli qarori bilan tasdiqlangan koʻrsatmalar bajarilmagan holda, aholiga issiqlik quvvati va issiq suv yetkazib berish bilan bogʻliq tarif narhlaridagi tafovutlar shahar byudjeti daromadlarining oshirib bajarilgan qismi yoki byudjetdan tashqari mablagʻlar хisobidan qoplanishi mumkinligi ma’lumot uchun qabul qilinsin.

6. Ushbu qarorning bajarilishining nazorati hokim oʻrinbosari I.M.Xanov zimmasiga yuklatilsin.

Toshkent shahar hokimi                                            K. Toʻlaganov

Toshkent shahar hokimi

2000 yil 29 dekabrdagi

728-sonli qaroriga

1-ILOVA

Toshkent shahrining 2001 yil byudjeti

ASOSIY KOʻRSATKIChLARI

Moliya bosh boqarmasi boshligʻi                                              B. Toхirov

Toshkent shahar hokimi

2000 yil 29 dekabrdagi

728-sonli qaroriga

2-ILOVA

Toshkent shahrining tumanlarning va

shahar mahalliy byudjetlarining

2001 yil daromadlar, harajatlar va

DATATsIYaLAR MIQDORI

Moliya bosh boshqarmasi boshligʻi                                            B. Toхirov

Toshkent shahar hokimi

2000 yil 29 dekabrdagi

728-sonli qaroriga

4-ILOVA

Toshkent shahar tumanlari va shahar mahalliy

byudjetlarining 2001 yil uchun gʻazna naqd

pul aylanma mablagʻlarining

ChEGARAVIY MIQDORI

Moliya bosh boshqarmasi boshligʻi                                                 B. Toхirov