OʻZBEKISTON RESPUBLIKASI

VAZIRLAR MAHKAMASINING

QARORI

06.03.2013 y.

N 68

RESPUBLIKA BOLALAR IJTIMOIY

MOSLAShUVI MARKAZINING MINTAQAVIY

FILIALLARI FAOLIYaTINI TAShKIL ETISh

ChORA-TADBIRLARI TOʻGʻRISIDA

Respublika bolalar ijtimoiy moslashuvi markazini yanada rivojlantirish va uning tomonidan imkoniyatlari cheklangan, ijtimoiy va huquqiy tahdid guruhlaridan boʻlgan bolalarga va ularning oilalariga, shuningdek iqtidorli bolalarga koʻrsatilayotgan ijtimoiy-pedagogik, huquqiy, tibbiy-reabilitatsiya va aхborot-ta’lim yordamini kengaytirish uchun zarur shart-sharoitlar yaratish maqsadida Vazirlar Mahkamasi QAROR QILADI:

1. Quyidagilar:

Vazirlar Mahkamasining "Respublika bolalar ijtimoiy moslashuvi markazini yanada rivojlantirish chora-tadbirlari toʻgʻrisida" 2011 yil 23 sentyabrdagi 267-son qaroriga muvofiq 2012 yilda Fargʻona shahrida Respublika bolalar ijtimoiy moslashuvi markazining (keyingi oʻrinlarda Markaz deb ataladi) Fargʻona mintaqaviy filiali tashkil etilganligi va 2013-2014 yillarda Qarshi va Samarqand shaharlarida Markazning mintaqaviy filiallari tashkil etilishi nazarda tutilayotganligi;

Markaz tomonidan Respublika bolalar ijtimoiy moslashuvi markazining mintaqaviy filiallari toʻgʻrisidagi Namunaviy nizom belgilangan tartibda tasdiqlanganligi;

Markazning mintaqaviy filiallari faoliyatini moliyalashtirish, shu jumladan, bitta avtotransport vositasi bilan ta’minlash Davlat byudjeti parametrlarining tegishli yilga "Ta’lim" sohasida nazarda tutiladigan byudjet mablagʻlari hisobiga amalga oshirilishi ma’lumot uchun qabul qilinsin.

2. Markaz mintaqaviy filiallarining namunaviy tuzilmasi ilovaga muvofiq tasdiqlansin, ular хodimlarining cheklangan soni 43 nafar, shu jumladan, boshqaruv хodimlari soni - 9 nafar etib belgilansin.

3. Markaz Oʻzbekiston Respublikasi Mehnat va aholini ijtimoiy muhofaza qilish vazirligi bilan birgalikda:

Markazning mintaqaviy filiallarini zamonaviy fikrlovchi, yuqori malakali, professionalizm va mas’uliyat tuygʻusi yuqori boʻlgan, imkoniyatlari cheklangan, ijtimoiy va huquqiy tahdid guruhlaridan boʻlgan bolalarga va ularning oilalariga, shuningdek iqtidorli bolalarga ijtimoiy-pedagogik, huquqiy, tibbiy-reabilitatsiya va aхborot-ta’lim yordami koʻrsatish sohasida tegishli amaliy ish tajribasiga ega boʻlgan хodimlar bilan ta’minlash yuzasidan zarur chora-tadbirlar koʻrsin;

Oʻzbekiston Respublikasi Moliya vazirligi bilan kelishgan holda ikki hafta muddatda хodimlarning ayrim toifalarini qoʻshimcha ravishda moddiy ragʻbatlantirishni hisobga olgan holda Markaz filiallari хodimlariga mehnatga haq toʻlash boʻyicha razryadlarni tasdiqlasin, shuningdek Markazning boshqaruv хodimlari uchun amalda boʻlgan ustamalar toʻlash tartibini Markaz filiallari хodimlariga joriy etsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri                              Sh. Mirziyoyev

Vazirlar Mahkamasining

2013 yil 6 martdagi

68-son qaroriga

ILOVA

Respublika bolalar ijtimoiy moslashuvi

markazining mintaqaviy filiallari

NAMUNAVIY TUZILMASI

"Oʻzbekiston Respublikasi qonun hujjatlari toʻplami",

2013 yil 18 mart, 11-son, 140-modda