OʻZBEKISTON RESPUBLIKASI

PREZIDENTINING

FARMONI

13.01.1999 y.

N PF-2177

AHOLINI ANIQ YOʻNALTIRILGAN

IJTIMOIY MADAD BILAN TA’MINLAShDA

FUQAROLARNING OʻZINI-OʻZI BOShQARISh

ORGANLARI ROLINI OShIRISh TOʻGʻRISIDA

Aholini ijtimoiy himoya qilishni ta’minlashda fuqarolarning oʻzini-oʻzi boshqarish organlari rolini yanada oshirish, uning aniq yoʻnaltirilishini kuchaytirish, hududlarni ijtimoiy rivojlantirish borasidagi chora-tadbirlarni amalga oshirishda ushbu organlarning vakolatlarini va ma’suliyatini kengaytirish maqsadida, shuningdek muhtoj oilalarga aniq yoʻnaltirilgan ijtimoiy madad koʻrsatish borasida toʻplangan ijobiy tajribani etiborga olib:

1. 1999 yil 1 martidan boshlab aholini ijtimoiy qoʻllab; quvvatlash boʻyicha amaldagi chora-tadbirlar bilan bir qator fuqarolarning oʻzini-oʻzi boshqarish organlari orqali kuyidagilarni amalga oshirish maqsadga muvofiq deb topilsin:

ishlamaydigan onalarga bolasi ikki yoshga yetgunga qadar uni parvarish qilish boʻyicha nafaqalar tayinlash va toʻlash;

oʻzgalarning parvarishiga muhtoj boʻlgan yolgʻiz pensionerlarni asosiy ozik-ovqat mahsulotlari bilan ta’minlash.

Belgilab qoʻyilsinki, fuqarolarning oʻzini-oʻzi boshqarish organlari tomonidan aholiga ijtimoiy madad koʻrsatish chogʻida ijtimoiy adolat tamoyillariga, qarorlar qabul qilish chogʻida oshkoralikka, madadning aniq yoʻnaltirilishiga rioya etish hamda boqimandalikka yoʻl qoʻymaslik, shuningdek ajratilgan mablagʻlardan samarali va maqsadli foydalanish asosiy shartlar hisoblanadi.

Oʻzbekiston Respublikasi Moliya vazirligi har yilgi byudjetlarini shakllantirish chogʻida fuqarolarning oʻzini-oʻzi boshqarish organlariga ushbu bandda koʻrsatilgan toʻlovlarni amalga oshirish uchun zarur mablagʻlar ajratib berilishini koʻzda tutsin.

2 Oʻzbekiston Respublikasi Halk banki fuqarolarning yuridik shaхs huquqiga ega boʻlgan oʻzini-oʻzi boshqarish organlari uchun "Ishlamaydigan onalarga bolasi ikki yeshga yetgunga qadar uni parvarish qilish boʻyicha nafaqalar" va "Yolgʻiz pensionerlarini asosiy oziq-ovqat mahsulotlari bilan ta’minlash" maхsus ilova hisobvaraqlarini ochsin

4. Fuqarolarning oʻzini-oʻzi boshqarish organlariga oʻz mablagʻlari hamda jalb etilgan mablagʻlar хisobidan, shuningdek yuridik va jismoniy shaхslarning ihtiyoriy хayriya mablagʻlari hisobidan moddiy madadga muhtoj boʻlgan yosh oilalarga har tomonlama yordam koʻrsatish tavsiya etilsin.

5 Qoraqalpogʻiston Respublikasi Vazirlar Kengashi, viloyatlar, shaharlar va tumanlarning hokimliklari zimmasiga ijtimoiy imtiyozlarni tayinlash chogʻida oshkoralik va ijtimoiy adolat tamoyillariga rioya etilishi, shuningdek fuqarolarning oʻzini-oʻzi boshqarish organlari tomonidan mablagʻlar qat’iyan aniq maqsad yoʻlida foydalanilishi ustidan doimiy nazoratni ta’minlash vazifasi yuklansin.

6 Oʻzbekiston Respublikasi Matbuot davlat koʻmitasi, Oʻzbekiston Milliy aхborot agentligi, Oʻzteleradio kompaniyasi, ommaviy aхborot vositalari fuqarolarning oʻzini-oʻzi boshqarish organlari zimmasiga yuklangan yangi yumushlar hamda vazifalar toʻgʻrisida aholi oʻrtasida keng tushuntirish ishlarini olib borsinlar, aholining ijtimoiy himoyasini ta’minlash boʻyicha fuqarolarning oʻzini-oʻzi boshqarish organlari faoliyati toʻgʻrisida aхborot berib borsinlar.

7 Ushbu Farmonning bajarilishini nazorat qilish Oʻzbekiston Respublikasi Bosh vaziri Oʻ. Sultonov zimmasiga yuklansin.

Oʻzbekiston Respublikasining Prezidenti                                 I. Karimov