OʻZBEKISTON RESPUBLIKASI

OLIY KENGAShINING

QARORI

05.05.1994 y.

N 1057-XII

"QIMMATLI QOGʻOZLAR BILAN AMALGA

OShIRILADIGAN OPERATsIYaLARDAN

OLINADIGAN SOLIQ TOʻGʻRISIDA"GI

OʻZBEKISTON RESPUBLIKASI QONUNINI

AMALGA KIRITISh TARTIBI HAQIDA

Oʻzbekiston Respublikasi Oliy Kengashi QAROR QILADI:

1. "Qimmatli qogʻozlar bilan amalga oshiriladigan operatsiyalardan olinadigan soliq toʻgʻrisida"gi Oʻzbekiston Respublikasi Qonuni 1994 yil 1 iyundan e’tiboran amalga kiritilsin.

2. Oʻzbekiston Respublikasi Vazirlar Mahkamasi ikki oylik muddat ichida:

qonunlarni "Qimmatli qogʻozlar bilan amalga oshiriladigan operatsiyalardan olinadigan soliq toʻgʻrisida"gi Oʻzbekiston Respublikasi Qonuniga muvofiqlashtirish haqidagi takliflarni Oʻzbekiston Respublikasi Oliy Kengashiga kiritsin;

Hukumatning qarorlarini "Qimmatli qogʻozlar bilan amalga oshiriladigan operatsiyalardan olinadigan soliq toʻgʻrisida"gi Oʻzbekiston Respublikasi Qonuniga muvofiqlashtirsin, respublika vazirliklari, davlat qoʻmitalari va idoralari oʻzlarining mazkur Qonunga zid boʻlgan normativ hujjatlarini qayta koʻrib chiqishi va bekor qilishini ta’minlasin.

3. Belgilab qoʻyilsinki, qonunlar "Qimmatli qogʻozlar bilan amalga oshiriladigan operatsiyalardan olinadigan soliq toʻgʻrisida"gi Oʻzbekiston Respublikasi Qonuniga muvofiqlashtirilgunga qadar amaldagi qonun hujjatlarining mazkur Qonunga zid boʻlmagan qismi qoʻllanilaveradi.

Oʻzbekiston Respublikasi Oliy Kengashi

Raisi vazifasini bajaruvchi                                                    E. Xalilov

"Oʻzbekiston Respublikasi Oliy Kengashi Aхborotnomasi", 1994 y., N 5, 133-modda