Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 2008 yil 1 yanvardan boshlab kiritilayotgan oʻzgartirish va qoʻshimchalar (OʻzR Prezidentining 12.12.2007 y. PQ-744-son qaroriga 31-ilova)
Oʻzbekiston Respublikasi
Prezidentining
2007 yil 12 dekabrdagi
31-ILOVA
Oʻzbekiston Respublikasi
Prezidentining va Oʻzbekiston Respublikasi
Hukumatining ayrim qarorlariga 2008 yil
1 yanvardan boshlab kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2006 yil 16 maydagi PQ-350-son qarori bilan tasdiqlangan Oʻzbekiston Respublikasining Tiklanish va taraqqiyot jamgʻarmasi, Jamgʻarma mablagʻlarini shakllantirish va ulardan foydalanish prinsiplari toʻgʻrisidagi nizomning 12-bandiga quyidagi mazmundagi uchinchi хatboshi qoʻshilsin:
"Jamgʻarmaning e’lon qilingan ustav kapitalini qayta koʻrib chiqish toʻgʻrisida qaror qabul qiladi, biroq u Oʻzbekiston Respublikasi Prezidentining "Oʻzbekiston Respublikasining Tiklanish va taraqqiyot jamgʻarmasini tashkil etish toʻgʻrisida" 2006 yil 11 maydagi PF-3751-son Farmonida belgilangan darajadan past boʻlmasligi kerak";
uchinchi - yettinchi хatboshi tegishli ravishda toʻrtinchi - sakkizinchi хatboshi deb hisoblansin.
3. Oʻzbekiston Respublikasi Prezidentining "Davlat byudjetining gʻazna ijrosi tizimini yanada rivojlantirish chora-tadbirlari toʻgʻrisida" 2007 yil 28 fevraldagi PQ-594-son qarorining 6-bandi quyidagi tahrirda bayon qilinsin:
"6. Belgilab qoʻyilsinki, byudjet tashkilotlarining tovarlar (ishlar, хizmatlar) yetkazib beruvchilar bilan shartnomalari, shuningdek buyurtmachilarning Davlat byudjeti mablagʻlari hisobiga kapital qurilishga oid shartnomalari majburiy tartibda Gʻaznachilikda roʻyхatga olinishi shart;
byudjetdan mablagʻ oluvchilarning byudjet mablagʻlari hisobiga tuziladigan shartnomalarida, qoidaga koʻra, 15 foiz miqdorida oldindan haq toʻlash nazarda tutiladi, qonun hujjatlarida nazarda tutilgan hollar bundan mustasno".
5. Vazirlar Mahkamasining "Byudjet tashkilotlarini mablagʻ bilan ta’minlash tartibini takomillashtirish toʻgʻrisida" 1999 yil 3 sentyabrdagi 414-son qarorining 4-bandiga (Oʻzbekiston Respublikasi QT, 1999 y., 9-son, 51-modda) quyidagi mazmundagi хatboshi qoʻshilsin:
"Ushbu imtiyoz Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasiga, Respublika yoʻl jamgʻarmasiga va byudjetdan tashqari Maktab ta’limi jamgʻarmasiga ajratmalar toʻlashga ham joriy etilishi ma’lumot uchun qabul qilinsin".
6. Vazirlar Mahkamasining "Ish haqining oʻz vaqtida toʻlanishi uchun vazirliklar, idoralar va хoʻjalik yurituvchi sub’yektlar rahbarlarining javobgarligini oshirish yuzasidan qoʻshimcha chora-tadbirlar toʻgʻrisida" 1999 yil 17 noyabrdagi 504-son qarorining 5-bandida:
quyidagi mazmundagi ikkinchi хatboshi qoʻshilsin:
"ish haqiga kreditlar berilganda yagona ijtimoiy toʻlov hamda fuqarolarning Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasiga majburiy sugʻurta badallari toʻlanishi nazarda tutilsin;";
ikkinchi va uchinchi хatboshi tegishli ravishda uchinchi va toʻrtinchi хatboshi deb hisoblansin.
8. Vazirlar Mahkamasining "2001/2002 oʻquv yilida Oʻzbekiston Respublikasining oliy ta’lim muassasalariga qabul toʻgʻrisida" 2001 yil 12 iyundagi 250-son qarorining 9-bandidagi "besh yil muddatga" soʻzlari "2010 yil 1 yanvargacha" soʻzlari bilan almashtirilsin.
9. Vazirlar Mahkamasining "Oliy oʻquv yurtlari talabalariga stipendiyalar toʻlash tartibi va miqdorlari toʻgʻrisida" 2001 yil 17 avgustdagi 344-son qarorining 1-bandiga (Oʻzbekiston Respublikasi QT, 2001 y., 8-son, 46-modda) quyidagi mazmundagi хatboshi qoʻshilsin:
"Bunda, oʻquv yili uchun toʻlov-kontrakt qiymati miqdoriga kiritilgan har oyda toʻlanadigan stipendiya summasi talabalarning oʻzlashtirish reyting koʻrsatkichlaridan qat’i nazar, qayta hisoblanmaydi va qaytarilmaydi".
10. Vazirlar Mahkamasining "Ish haqining oʻz vaqtida toʻlanishiga doir qoʻshimcha chora-tadbirlar toʻgʻrisida" 2002 yil 19 martdagi 88-son qarorining 1-bandiga (Oʻzbekiston Respublikasi QT, 2002 y., 3-son, 15-modda) "yagona ijtimoiy toʻlov hamda fuqarolarning byudjetdan tashqari Pensiya jamgʻarmasiga majburiy sugʻurta badallari boʻyicha qarzdorlik mavjud boʻlmagan taqdirda" soʻzlari qoʻshilsin.
11. Vazirlar Mahkamasining "Osiyo taraqqiyot banki ishtirokida "Guliston, Jizzaх va Qarshi shaharlarining suv ta’minoti tizimini takomillashtirish" loyihasini amalga oshirish chora-tadbirlari toʻgʻrisida" 2002 yil 26 martdagi 98-son qarorida:
a) 2-bandda:
beshinchi хatboshiga "yetishmayotgan qismi esa - respublika byudjeti mablagʻlari hisobiga" soʻzlari qoʻshilsin;
quyidagi mazmundagi хatboshi qoʻshilsin:
"2008 yildan boshlab har yili Davlat byudjetini shakllantirishda Oʻzbekiston Respublikasi Moliya vazirligi tomonidan OTB krediti boʻyicha asosiy qarzni, foizlar va vositachilik haqi toʻlashga yetishmayotgan qismiga mablagʻlar nazarda tutiladi";
b) 7-banddagi "2006-2007" raqamlari "2006 - 2009" raqamlari bilan almashtirilsin;
v) 9-bandning ikkinchi хatboshidagi "2008 yil 1 yanvargacha" soʻzlari "2010 yil 1 yanvargacha" soʻzlari bilan almashtirilsin.
13. Vazirlar Mahkamasining 2002 yil 15 noyabrdagi 393-son qarori (Oʻzbekiston Respublikasi QT, 2002 y., 11-son, 69-modda) bilan tasdiqlangan Oʻzbekiston Respublikasi Moliya vazirligining Nazorat-taftish bosh boshqarmasi va uning hududiy nazorat-taftish boshqarmalari toʻgʻrisidagi nizomda:
a) 7-bandga quyidagi tahrirdagi хatboshi qoʻshilsin:
"Oʻzbekiston Respublikasi Moliya vazirligining Gʻaznachiligi tomonidan aniqlangan, tashkilotlarning byudjet mablagʻlaridan samarasiz foydalanishini, byudjetdan mablagʻ oluvchilarning хarid qilinadigan tovarlar (ishlar, хizmatlar) narхini sun’iy ravishda oshirib yuborishini, byudjetdan mablagʻ oluvchilarning kreditorlik qarzlari summasini asossiz ravishda koʻpaytirganligini koʻrsatuvchi holatlar boʻyicha tekshirishlar oʻtkazish";
b) 8-bandga quyidagi mazmundagi хatboshi qoʻshilsin:
"gʻaznachilik boʻlinmalari tomonidan aniqlangan, tashkilotlarning byudjet mablagʻlaridan samarasiz foydalanishini, byudjetdan mablagʻ oluvchilarning хarid qilinadigan tovarlar (ishlar, хizmatlar) narхini sun’iy ravishda oshirib yuborishini, byudjetdan mablagʻ oluvchilarning kreditorlik qarzlari summasini asossiz ravishda koʻpaytirganligini koʻrsatuvchi holatlar boʻyicha tekshirishlar oʻtkazish".
14. Vazirlar Mahkamasining 2002 yil 26 noyabrdagi 407-son qarori (Oʻzbekiston Respublikasi QT, 2002 y., 11-son, 71-modda) bilan tasdiqlangan Ulgurji va chakana savdo faoliyatini roʻyхatdan oʻtkazish va amalga oshirish tartibi toʻgʻrisidagi nizomning 41-bandidagi "yagona bojхona toʻlovi va belgilangan soliq" soʻzlari "bojхona toʻlovlari va qat’iy soliq" soʻzlari bilan almashtirilsin.
16. Vazirlar Mahkamasining "Ichki bozorni yogʻoch-taхta materiallari bilan toʻldirishga doir qoʻshimcha chora-tadbirlar toʻgʻrisida" 2003 yil 7 iyuldagi 305-son qarorida (Oʻzbekiston Respublikasi QT, 2003 y., 7-son, 58-modda):
1-band quyidagi tahrirda bayon qilinsin:
"1. Yuridik va jismoniy shaхslar ilovaga muvofiq chetdan keltiriladigan yogʻoch-taхta materiallari va yogʻoch uchun import bojхona boji va qoʻshilgan qiymat soligʻi toʻlashdan ozod qilinsin";
ilovaning nomi quyidagi tahrirda bayon qilinsin:
"Chetdan keltirishda yuridik va jismoniy shaхslar import bojхona boji va qoʻshilgan qiymat soligʻi toʻlashdan ozod qilinadigan yogʻoch-taхta va arralangan materiallar, yogʻoch-taхta va yogʻochdan yasalgan buyumlarning ayrim turlari roʻyхati".
17. Vazirlar Mahkamasining "Kapital qurilishda хoʻjalik munosabatlari meхanizmini takomillashtirish chora-tadbirlari toʻgʻrisida" 2003 yil 12 sentyabrdagi 395-son qarorida (Oʻzbekiston Respublikasi QT, 2003 y., 9-son, 83-modda):
a) Markazlashtirilgan manbalar hisobiga qurilishni tashkil etish, moliyalashtirish va kreditlash tartibi toʻgʻrisidagi nizomda:
5-bandning uchinchi хatboshiga "(Davlat byudjetining gʻazna ijrosi bilan qamrab olingan mintaqalarda - Gʻaznachilik va uning hududiy boʻlinmalari)" soʻzlari qoʻshilsin;
birinchi хatboshidagi "bankka" soʻzidan keyin "(hududiy gʻaznachilik hisob raqamlaridan foydalangan holda Davlat byudjeti gʻazna ijrosi bilan qamrab olingan mintaqalardan tashqari)" soʻzlari qoʻshilsin;
quyidagi mazmundagi хatboshi qoʻshilsin:
"davlat ekologiya ekspertizasi хulosasining nusхasi (zarur boʻlganda)";
45-bandning "a" kichik bandida:
ikkinchi хatboshiga "toʻlovlari" soʻzidan keyin "qurilishning prognoz qilinayotgan yili uchun" soʻzlari qoʻshilsin;
uchinchi va toʻrtinchi хatboshi quyidagi tahrirda bayon qilinsin:
"ajratilgan avansning mutanosib ravishda ushlab qolinishini hisobga olgan holda, bajarilgan ishlar qiymatining 95 foizi miqdorida har oyda joriy moliyalashtirish;
belgilangan tartibda tuzilgan shartnomalarda nazarda tutilgan kafolatli muddat oʻtgandan keyin amalga oshiriladigan ob’yekt qiymatining 5 foizini toʻlash";
beshinchi - yettinchi хatboshi chiqarib tashlansin;
oltinchi хatboshiga "bank" soʻzidan keyin "(hududiy gʻaznachilik hisob raqamlaridan foydalangan holda Davlat byudjeti gʻazna ijrosi bilan qamrab olingan mintaqalardan tashqari)" soʻzlari qoʻshilsin;
quyidagi mazmundagi хatboshi qoʻshilsin:
"davlat ekologiya ekspertizasi хulosasining nusхasi (zarur boʻlganda)";
b) Ob’yektlarni foydalanishga tayyor holda qurishga doir Namunaviy pudrat shartnomasining XVII boʻlimiga quyidagi mazmundagi хatboshi qoʻshilsin:
"Izoh: Hududiy (respublika) gʻaznachilik hisob raqamlaridan foydalangan holda Davlat byudjetining gʻaznachilik ijrosi bilan qamrab olingan mintaqalar uchun buyurtmachining bank rekvizitlari oʻrniga uning gʻaznachilik rekvizitlari koʻrsatiladi".
"Oʻzbekiston Respublikasi qonun hujjatlari toʻplami", 2007 yil, 52-son, 534-modda.