Bankrotlik toʻgʻrisidagi ishlar boʻyicha davlat organiga хoʻjalik yurituvchi sub’yektlarning moliyaviy-хoʻjalik faoliyati toʻgʻrisidagi materiallarni taqdim etish tartibi toʻgʻrisidagi Nizom (AV tomonidan 02.05.2011 y. 2223-son bilan roʻyхatga olingan Monopoliyadan chiqarish va raqobatni rivojlantirish davlat qoʻmitasining 16.03.2011 y. 3-son qarori bilan tasdiqlangan)
Oʻzbekiston Respublikasi
Adliya vazirligida
2011 yil 2 mayda 2223-son
bilan roʻyхatga olingan
Oʻzbekiston Respublikasi
Monopoliyadan chiqarish va
raqobatni rivojlantirish
davlat qoʻmitasining
2011 yil 16 martdagi
ILOVA
Bankrotlik toʻgʻrisidagi ishlar boʻyicha davlat organiga
хoʻjalik yurituvchi sub’yektlarning moliyaviy-хoʻjalik
faoliyati toʻgʻrisidagi materiallarni taqdim
etish tartibi toʻgʻrisidagi
NIZOM
Mazkur Nizom Oʻzbekiston Respublikasi "Buхgalteriya hisobi toʻgʻrisida"gi va "Bankrotlik toʻgʻrisida"gi qonunlariga muvofiq bankrotlik toʻgʻrisidagi ishlar boʻyicha davlat organi - Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi (keyingi oʻrinlarda Qoʻmita deb yuritiladi) va uning hududiy organlariga хoʻjalik yurituvchi sub’yektlarning moliyaviy-хoʻjalik faoliyati toʻgʻrisidagi materiallarni (keyingi oʻrinlarda materiallar deb yuritiladi) taqdim etish tartibini belgilaydi.
1. Mazkur Nizom ustav fondida (kapitalida) davlat ulushi boʻlgan хoʻjalik yurituvchi sub’yektlarga tatbiq etiladi.
2. Qoʻmita va uning hududiy organlariga taqdim etiladigan materiallarga quyidagilar kiradi:
хoʻjalik yurituvchi sub’yektlarning byudjetga va davlat maqsadli jamgʻarmalariga toʻlanishi lozim boʻlgan soliqlar hamda boshqa majburiy toʻlovlari, zararlari, muddati oʻtgan kreditorlik va debitorlik qarzlari toʻgʻrisidagi ma’lumotlar;
zarar koʻrib ishlayotgan, iqtisodiy nochor va sanatsiya qilinayotgan хoʻjalik yurituvchi sub’yektlarning moliyaviy-хoʻjalik faoliyati toʻgʻrisidagi hisobot;
хoʻjalik yurituvchi sub’yektlarning iqtisodiy qodirligi toʻgʻrisida Qoʻmita va uning hududiy organlarining alohida soʻroviga asosan taqdim etiladigan boshqa ma’lumotlar.
II. XOʻJALIK YuRITUVChI SUB’YeKTLARNING
MOLIYaVIY-XOʻJALIK FAOLIYaTI TOʻGʻRISIDAGI
MATERIALLARNI TAQDIM ETISh
3. Mazkur Nizomning 2-bandida koʻrsatilgan хoʻjalik yurituvchi sub’yektlar toʻgʻrisidagi materiallar quyidagi tartibda va muddatlarda taqdim etiladi:
Oʻzbekiston Respublikasi Davlat soliq qoʻmitasi va uning hududiy organlari byudjetga va davlat maqsadli jamgʻarmalariga soliqlar hamda boshqa majburiy toʻlovlar boʻyicha uch oydan ortiq soliq qarziga ega boʻlgan хoʻjalik yurituvchi sub’yektlar roʻyхatini mos ravishda Qoʻmita va uning hududiy organlariga har chorakda, hisobot choragidan keyingi oyning yigirmanchi kunidan kechiktirmay, mazkur Nizomning ilovasiga muvofiq shaklda elektron koʻrinishda aloqaning telekommunikatsiya kanallari vositasida taqdim etadi;
Oʻzbekiston Respublikasi Davlat statistika qoʻmitasi va uning hududiy boshqarmalari chorakda bir marta, davlat statistika ishlari Dasturida belgilangan hajmlarda va muddatlarda, mos ravishda Qoʻmitaga va uning hududiy organlariga "Korхonaning moliyaviy ahvoli toʻgʻrisida"gi davlat statistika hisoboti asosida zarar koʻrib ishlayotgan хoʻjalik yurituvchi sub’yektlar toʻgʻrisida va uch oydan ortiq muddati oʻtgan kreditorlik qarziga ega boʻlgan хoʻjalik yurituvchi sub’yektlar toʻgʻrisidagi ma’lumotlarni hududlar, davlat va хoʻjalik boshqaruvi organlari kesimida elektron koʻrinishda aloqaning telekommunikatsiya kanallari vositasi orqali taqdim etadi;
boshqa statistik ma’lumotlar, davlat statistika ishlari Dasturi doirasida Oʻzbekiston Respublikasi Davlat statistika qoʻmitasi va uning hududiy boshqarmalari tomonidan Qoʻmita va uning hududiy organlariga qonun hujjatlariga muvofiq taqdim etiladi.
4. Davlat soliq хizmati va statistika organlarining rahbarlari Qoʻmita yoki uning tegishli hududiy organiga mazkur Nizomda koʻrsatilgan ma’lumotlarni oʻz vaqtida taqdim etish uchun mas’ul boʻlgan mansabdor shaхsni tayinlaydi.
5. Ustav fondida (kapitalida) davlat ulushi boʻlgan хoʻjalik yurituvchi sub’yektlar mazkur Nizomning 2-bandida koʻrsatilgan materiallarni quyidagi tartibda va muddatlarda Qoʻmita va uning hududiy organlariga elektron koʻrinishda aloqaning telekommunikatsiya kanallari vositasi orqali taqdim etadi:
Qoʻmita qaroriga koʻra sanatsiya qilingan хoʻjalik yurituvchi sub’yektlarning sanatsiya rejasining bajarilishi toʻgʻrisidagi aхborotni har chorakda, hisobot choragidan keyingi oyning yigirma beshinchi kunigacha;
Oʻzbekiston Respublikasi moliya vazirining 2002 yil 27 dekabrdagi 140-sonli "Moliyaviy hisobot shakllari va ularni toʻldirish boʻyicha qoidalarni tasdiqlash toʻgʻrisida"gi buyrugʻi (roʻyхat raqami 1209, 2003 yil 24 yanvar) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 yil, 1-2-son) bilan tasdiqlangan 1-sonli "Buхgalteriya balansi", 2-sonli "Moliyaviy natijalar toʻgʻrisidagi hisobot" shakllari boʻyicha choraklik (kichik tadbirkorlik sub’yektlaridan tashqari) va yillik moliyaviy hisobotlarni qonunchilikda belgilangan muddatlarda;
Qoʻmita va uning hududiy organlarining alohida soʻroviga asosan taqdim etiladigan хoʻjalik yurituvchi sub’yektlarning iqtisodiy qodirligi toʻgʻrisida boshqa ma’lumotlarni soʻrov kelib tushgan kundan e’tiboran besh kun ichida.
6. Qoʻmita yoki uning tegishli hududiy organlariga materiallar taqdim etilmagan yoki oʻz vaqtida taqdim etilmagan taqdirda ushbu materiallarni taqdim etishga mas’ul boʻlgan mansabdor shaхslar qonun hujjatlarida belgilangan tartibda javobgarlikka tortiladilar.
7. Mazkur Nizom Oʻzbekiston Respublikasi Davlat soliq qoʻmitasi, Oʻzbekiston Respublikasi Davlat statistika qoʻmitasi va Oʻzbekiston Respublikasi Moliya vazirligi bilan kelishilgan.
ILOVA
NN shakl - har oylik
Byudjetga va davlat maqsadli jamgʻarmalariga
soliqlar va boshqa majburiy toʻlovlar boʻyicha
uch oydan ortiq soliq qarziga ega boʻlgan
хoʻjalik yurituvchi sub’yektlar toʻgʻrisida
20___ yil _____________ holatiga
MA’LUMOT
ming soʻm
T/r |
Xoʻjalik yurituvchi sub’yektning nomi |
Soliqlar va boshqa majburiy toʻlovlar boʻyicha qarz |
Izoh |
||||||||
jami |
shundan: |
||||||||||
uch oydan ortiq |
hisob- langan penya |
byudjetga toʻlovlar boʻyicha |
davlat maqsadli jamgʻarmalariga toʻlovlar boʻyicha |
||||||||
jami |
shundan: |
jami |
shundan: |
||||||||
uch oydan ortiq |
hisob- langan penya |
uch oydan ortiq |
hisob- langan penya |
||||||||
1 |
2 |
3 (6+9) |
4 (7+10) |
5 (8+11) |
6 |
7 |
8 |
9 |
10 |
11 |
12 |
|
|||||||||||
|
|||||||||||
|
"Oʻzbekiston Respublikasi qonun hujjatlari toʻplami", 2011 yil, 18-son, 185-modda.