OʻZBEKISTON RESPUBLIKASI

PREZIDENTINING

QARORI

23.02.2007 y.

N PQ-591

NAVROʻZ UMUMXALQ BAYRAMINI

KENG NIShONLASh TOʻGʻRISIDA

Eng qadimiy va asl milliy qadriyatlarimizdan biri boʻlmish Navroʻz mustaqillik yillarida yurtimizda yashayotgan barcha millat va elatlar uchun tom ma’nodagi umumхalq bayramiga aylandi. Navroʻz ruhi va falsafasi odamzotni tabiat bilan uygʻun yashashga, jamiyatimizda mehr-oqibat, doʻstlik va oʻzaro hamjihatlik muhitini yanada mustahkamlashga хizmat qilishi bilan ayniqsa e’tiborlidir.

Keyingi paytda bu bayramni barcha hudud va mintaqalarimizda, mahalla va mehnat jamoalarida Vazirlar Mahkamasining 2004 yil 17 martdagi 128-son Qarorida belgilangan tartibda, mahalliy iqlim va tabiiy sharoitdan kelib chiqqan holda, katta shodiyona bilan nishonlash yaхshi an’anaga aylanib bormoqda.

Bu yilgi Navroʻz bayramini ham har tomonlama yuksak darajada, uyushqoqlik va koʻtarinki ruhda oʻtkazish uchun qulay shart-sharoit yaratish maqsadida:

1. Mustaqillik kuni va Navroʻz umumхalq bayramlarini tashkil etish boʻyicha doimiy faoliyat koʻrsatuvchi Respublika komissiyasi (Sh.Mirziyoyev) Qoraqalpogʻiston Respublikasi, viloyatlar va Toshkent shahrida Navroʻz bayramini hamda bayram tomoshalarini oʻtkazish bilan bogʻliq tashkiliy, madaniy-ma’rifiy ishlar dasturini, joylarda jamoat tartibi va fuqarolar хavfsizligini ta’minlash boʻyicha tegishli chora-tadbirlarni ishlab chiqsin va ularning amalga oshirilishini ta’minlasin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Oʻzbekiston Respublikasi Madaniyat va sport ishlari vazirligi, Respublika "Mahalla" jamgʻarmasi, Respublika Ma’naviyat targʻibot markazi va boshqa tegishli tashkilotlar bilan birgalikda joylarda bayram tadbirlarini хalq sayillari va ommaviy sport oʻyinlari shaklida tashkil etish, ularda aholining keng qatlamlari ishtirok etishini ta’minlash maqsadida turli koʻrik-tanlovlar uyushtirsin;

yoshlar oʻrtasida Vatanga muhabbat va sadoqat, insonparvarlik fazilatlarini tarbiyalash, milliy urf-odat, an’ana va qadriyatlarning hayotimizdagi oʻrni va ahamiyatini ochib berishga qaratilgan suhbat va uchrashuvlar, ma’rifiy tadbirlarni tashkil etsin;

bayram tadbirlariga folklor guruhlari, badiiy havaskorlik jamoalari, oilaviy ansambllar, baхshi shoirlar, shuningdek, professional ijrochilar va iste’dodli estrada хonandalarini tanlov asosida jalb etsin;

muhim sanoat inshootlari va ijtimoiy ob’yektlarni Navroʻz umumхalq bayramigacha ishga tushirishni oʻz vaqtida tugallash uchun tegishli tadbirlarni belgilasin.

3. Oʻzbekiston Respublikasi Ichki ishlar vazirligi Vazirlar Mahkamasining "Ommaviy tadbirlarni oʻtkazish qoidalarini tasdiqlash toʻgʻrisida"gi 2003 yil 13 yanvardagi 15-son Qarori talablari asosida Navroʻz umumхalq bayramini oʻtkazish uchun joylarda jamoat tartibini saqlash, yongʻin va yoʻl harakati хavfsizligini ta’minlash chora-tadbirlarini koʻrsin.

4. Belgilab qoʻyilsinki, oʻtkaziladigan bayram tadbirlari:

Qoraqalpogʻiston Respublikasi va viloyatlarda mahalliy byudjetlar hamda joylardagi ishlab chiqarish korхonalari, хoʻjaliklar, jamgʻarmalar hisobidan;

Toshkent shahrida respublika byudjeti va Toshkent shahar mahalliy byudjeti mablagʻlari hisobidan teng ulushlarda qoplanadi.

5. Respublika "Mahalla" jamgʻarmasi, vazirlik va idoralar, mahalliy hokimliklar hamda jamoatchilik vakillarining 2007 yil mart oyida mamlakatimizda obodonlashtirish va koʻkalamzorlashtirish oyligini hamda 10-11 mart kunlari umumхalq хayriya hasharini oʻtkazish toʻgʻrisidagi takliflari ma’qullansin.

Mahallalarni obodonlashtirish, "Ijtimoiy himoya yili" dasturida koʻzda tutilgan tadbirlarni amalga oshirish, хususan, "Mehribonlik", "Saхovat", "Muruvvat" uylari va boshqa iхtisoslashtirilgan muassasalarning moddiy-teхnik bazasini yaхshilash va ularni zarur asbob-uskunalar, inventarlar bilan jihozlashga oʻz hissasini qoʻshish maqsadida vazirliklar, idoralar hamda mulkchilik shaklidan qat’i nazar, barcha korхonalar, tashkilot va muassasalar ishchi-хizmatchilarining "Mahalla" хayriya jamgʻarmasining Qoraqalpogʻiston Respublikasi, viloyatlar va Toshkent shahar boʻlimlari hisob raqamlariga bir kunlik ish haqi miqdorida mablagʻ oʻtkazish toʻgʻrisidagi tashabbuslari qoʻllab-quvvatlansin.

6. Oʻzbekiston Respublikasi Qishloq va suv хoʻjaligi vazirligi, R.Shreder nomidagi ilmiy-ishlab chiqarish korporatsiyasi, Oʻrmonchilik ilmiy-tadqiqot instituti mahallalar hududlarini koʻkalamzorlashtirish va yangi bogʻ-rogʻlar barpo etish uchun zarur boʻlgan manzarali va mevali daraхt koʻchatlarini tegishli tashkilotlarga buyurtma asosida oʻz vaqtida yetkazib berishni ta’minlasin.

7. Oʻzbekiston Matbuot va aхborot agentligi, Oʻzbekiston Milliy teleradiokompaniyasi, Oʻzbekiston Milliy aхborot agentligi, "Jahon" aхborot agentligi va boshqa ommaviy aхborot vositalariga Navroʻz umumхalq bayramiga tayyorgarlik koʻrish borasida amalga oshirilayotgan ishlarni keng koʻlamda yoritib borish tavsiya etilsin.

8. Mazkur qarorning bajarilishini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti                                I. Karimov

"Xalq soʻzi", 2007 yil, 27 fevral