OʻZBEKISTON RESPUBLIKASI

VAZIRLAR MAHKAMASINING

QARORI

27.01.2004 y.

N 42

QURBON HAYITINI

NIShONLASh TOʻGʻRISIDA

Muborak Qurbon hayiti azaldan yurtimizda хalqimizga хos mehr va muruvvat, bagʻrikenglik va saхovat ifodasi boʻlib kelayotgani, ushbu ayyomda yoshi ulugʻ keksalarga hurmat-ehtirom, kam ta’minlangan oilalar, boquvchisini yoʻqotgan va nogironlarga alohida gʻamхoʻrlik koʻrsatish хayrli an’ana ekanini, bu sananing ma’naviy hayotimizdagi oʻrni va ahamiyatini e’tiborga olib hamda Oʻzbekiston Respublikasi Prezidentining "Diniy bayram - Qurbon hayitni dam olish kuni deb e’lon qilish haqida" 1991 yil 20 iyundagi 221-son Farmoni ijrosi yuzasidan Vazirlar Mahkamasi QAROR QILADI:

1. 2004 yilda Qurbon hayitining birinchi kuni 1 fevralga toʻgʻri kelishi haqida Oʻzbekiston musulmonlari idorasi Ulamolar Kengashining qarori e’tirof etilsin hamda mamlakatimizda bayram sifatida keng nishonlansin.

2. Mutasaddi idora va jamoat tashkilotlari Qurbon hayitining joylarda tartibli va yuqori darajada oʻtishi uchun tegishli tadbirlarni amalga oshirsinlar.

Vazirlar Mahkamasining Raisi                                               I. Karimov