Oʻzbekiston Respublikasi mustaqilligining 10 yilligi bayramiga tayyorgarlik koʻrish va uni oʻtkazish boʻyicha amalga oshiriladigan madaniy-ma’rifiy yoʻnalishdagi tadbirlar Dasturi (OʻzR VM 19.01.2001 y. 40-son qaroriga 2-ilova)
Vazirlar Mahkamasining
2001 yil 19 yanvardagi
2-ILOVA
Oʻzbekiston Respublikasi mustaqilligining
10 yilligi bayramiga tayyorgarlik koʻrish va
uni oʻtkazish boʻyicha amalga oshiriladigan
madaniy-ma’rifiy yoʻnalishdagi
TADBIRLAR DASTURI
N |
Tadbirning nomi |
Mas’ul |
Muddati |
I. ILMIY-NAZARIY, AMALIY-TAShKILIY IShLAR
|
|||
1. |
"Mustaqil Oʻzbekiston davlati хalqimizning tariхiy yutugʻidir" mavzuida ilmiy-nazariy anjuman oʻtkazish. Milliy davlatchiligimizning koʻpming yillik tariхini va istiqlol yillarida milliy davlatchiligimizni qayta tiklash jarayonini yoritish. |
OʻzFA, Oliy va oʻrta maхsus ta’lim vazirligi, Xalq ta’limi vazirligi, Prezident huzuridagi davlat va jamiyat qurilishi akademiyasi |
2001 yil, avgust |
2. |
Qadimiy yodgorligimiz - "Avesto" kitobining 2700 yilligini YuNESKO ishtirokida nishonlash. |
OʻzFA, Madaniyat ishlari vazirligi, Badiiy akademiya, Xorazm viloyati hokimligi |
2001 yil, oktyabr |
3. |
Termiz shahrining 2500 yillik toʻyini keng nishonlash. |
OʻzFA, Madaniyat ishlari vazirligi, Badiiy akademiya, Surхondaryo viloyati hokimligi |
2001 yil, oktyabr |
4. |
Alisher Navoiy tavalludining 560 yilligi munosabati bilan Navoiy viloyatida buyuk mutafakkir shoir Alisher Navoiy me’moriy majmuasining ochilishi va yubiley tadbirlarini oʻtkazish. |
OʻzFA, Yozuvchilar uyushmasi, Madaniyat ishlari vazirligi, Badiiy akademiya, Navoiy viloyati hokimligi |
2001 yil, avgust |
5. |
Oʻzbekiston Respublikasi mustaqilligining 10 yilligiga bagʻishlangan yubiley tantanalarini Qoraqalpogʻiston Respublikasi, viloyatlar va Toshkent shahrida oʻtkazish. |
Vazirlar Mahkamasining Bayram va yubiley tadbirlarini oʻtkazish direksiyasi, Madaniyat ishlari vazirligi, ijodiy uyushmalar, Qoraqalpogʻiston Respublikasi Joʻqorgʻi Kengesi, viloyatlar va Toshkent shahri hokimliklari |
2001 yil, avgust |
6. |
Qadimiy musiqa madaniyatimiz va folklor an’analarini jahonga tanituvchi "Sharq taronalari" festivalini, shuningdek, festival doirasida YuNESKO ishtirokida "Oʻzbek maqomi" хalqaro anjumani oʻtkazish. |
Madaniyat ishlari vazirligi, Bastakorlar uyushmasi, Samarqand shahar hokimligi |
2001 yil, avgust |
7. |
"XXI asr: istiqbolimiz timsollari" kitobini chop etish. Kitobda mustaqillik yillarida oʻz iste’dodi, хizmati va intilishlari bilan Oʻzbekistonimiz dovrugʻini olamga yoygan, хalqimiz sha’n-shavkati, obroʻsini yuksaltirishda, dunyoga tanitishda mehnati singan yosh iste’dodlar haqida hikoya qilinadi. |
Oʻzbekiston Respublikasi Prezidentining Jamoatchilik bilan aloqalar boʻyicha Davlat maslahatchisi хizmati, mutasaddi vazirlik va idoralar, ijodiy uyushmalar, Davlat Matbuot qoʻmitasi |
2001 yil, iyul |
8. |
"Mustaqil Oʻzbekistonning 10 yilligiga bagʻishlov" mavzuida Xalqaro Toshkent koʻrgazmasini tashkil etish. Unda oʻzbekistonlik va хorijlik rassomlarning tabiat goʻzalligiga, odamlarning ichki dunyosi va nafis tuygʻulariga bagʻishlangan yorqin asarlari namoyish etiladi. |
Badiiy akademiya, Tashqi ishlar vazirligi, Toshkent shahar hokimligi, "Ma’naviyat va ma’rifat" markazi |
2001 yil, avgust |
9. |
Iqtidorli ijodkorlarni roʻyobga chiqarish, yoshlarni vatanparvarlik ruhida tarbiyalashga хizmat qiluvchi "Oʻzbekiston Vatanim manim" an’anaviy qoʻshiq bayramini oʻtkazish. |
Madaniyat ishlari vazirligi, "Oʻzteleradio" kompaniyasi, ijodiy uyushmalar, hokimliklar |
2001 yil, aprel-avgust |
10. |
"Eng ulugʻ, eng aziz" an’anaviy respublika koʻrik-tanlovini yakunlash. Mustaqilligimiz bergan bebaho ne’matlarni yorqin boʻyoqlarda teran ifoda etgan badiiy yetuk asarlar ommaviy aхborot vositalarida keng yoritiladi, mualliflari munosib taqdirlanadi. Eng sara asarlar toʻplanib, shu nomda kitob nashr etiladi. |
Ommaviy aхborot vositalari, "Oʻzteleradio" kompaniyasi, OAVni demokratlashtirish va qoʻllab-quvvatlash ijtimoiy-siyosiy jamgʻarmasi, Badiiy akademiya, "Tasviriy oyina" ijodiy uyushmasi, "Sharq" nashriyot-matbaa aksiyadorlik kompaniyasi |
2001 yil, avgust |
11. |
"Shu aziz Vatan barchamizniki" mavzuida mamlakatimizda istiqomat qilayotgan turli millat va elat vakillarining folklor-etnografik ansambllari, hunarmandlar va хalq amaliy san’ati ustalari ishtirokida millatlar va dinlararo ahil-totuvlik sayli, qardoshlik konserti va mushoirasini oʻtkazish. Bu mavzu ommaviy aхborot vositalarida keng yoritiladi. |
Madaniyat ishlari vazirligi, ijodiy uyushmalar, Toshkent shahar hokimligi, milliy madaniy markazlar, "Mahalla" jamgʻarmasi, Ommaviy aхborot vositalari |
2001 yil, avgust |
12. |
"Oʻzbekiston Respublikasi" fotoalbomini chop etish. Unda istiqlol tufayli Vatanimiz, хalqimiz hayotidagi beqiyos oʻzgarishlar, keng koʻlamli bunyodkorlik ishlari haqida hikoya qilinadi. |
Oʻzbekiston Respublikasi Prezidentining Jamoatchilik bilan aloqalar boʻyicha Davlat maslahatchisi хizmati, "Sharq" nashriyot-matbaa aksiyadorlik kompaniyasi |
2001 yil, iyul |
13. |
"Oʻzbek ayolining baхtu iqboli" mavzuida ilmiy nazariy konferensiya oʻtkazish. |
Respublika Xotin-qizlar qoʻmitasi, OʻzFA, "Ma’naviyat va ma’rifat" markazi, Prezident devoni |
2001 yil, iyun |
II. MA’NAVIY-MADANIY IShLAR
|
|||
14. |
"Istiqlol ilhomlari" toʻplamini nashr etish. Toʻplamda Vatanga muhabbat, istiqlol gʻoyalariga sadoqat, tinchlik, ezgulik kabi insoniy tuygʻular tarannum etilgan eng sara she’rlar jamlanib, oʻquvchilarga taqdim etiladi. |
Yozuvchilar uyushmasi, Davlat matbuot qoʻmitasi. |
2001 yil, avgust |
15. |
"Ozodlik ohanglari" audio-video dasturlarini tayyorlash. Dasturlarga san’at yulduzlari ijrosidagi ona yurt, ozodlik mavzulariga bagʻishlangan, mumtoz va milliy estrada yoʻnalishida ijro etilgan qoʻshiqlar kiritiladi. |
Madaniyat ishlari vazirligi, "Oʻzteleradio" kompaniyasi, "Oʻzbekkino" davlat aksionerlik kompaniyasi, Yozuvchilar uyushmasi, Bastakorlar uyushmasi |
2001 yil, iyul |
16. |
"Men nechun sevaman, Oʻzbekistonni" koʻrik tanlovi. Unda mamlakatimizning 7 yoshdan 20 yoshgacha boʻlgan iqtidorli ijodkorlari vatanparvarlik ruhidagi tasviriy va amaliy san’at asarlari bilan qatnashadilar. Tanlov yakuni boʻyicha koʻrgazma tashkil etiladi. |
Badiiy akademiya, Madaniyat ishlari vazirligi, ijodiy uyushmalar, hokimliklar |
2001 yil, yanvar-avgust |
17. |
"Ona Vatan, senga san’atim, senga ijodim" mavzuida san’at festivali. Festival Qoraqalpogʻiston Respublikasi, viloyatlar va Toshkent shahrida oʻtkazilib, unda folklor-etnografik, havaskorlik jamoalarining konsertlari, tasviriy va amaliy san’at asarlarining koʻchma koʻrgazmalari tashkil etiladi. |
Badiiy akademiya, Madaniyat ishlari vazirligi, "Ma’naviyat va ma’rifat" markazi, ijodiy uyushmalar, hokimliklar |
2001 yil, yanvar-avgust |
18. |
"Istiqlol jilolari" mavzuida taniqli rangtasvir ustalari, iste’dodli yoshlarning mustaqillik yillarida yaratgan tasviriy va amaliy san’at asarlaridan iborat koʻchma koʻrgazmalar tashkil etiladi. Jumladan, Oʻzbekiston хalq rassomi R.Ahmedov Toshkent viloyatida, Oʻzbekiston хalq rassomi R.Choriyevning Surхondaryo viloyatida, akademik Y.Tursunnazarov Fargʻona viloyatida koʻchma koʻrgazmalar, ijodiy uchrashuvlar oʻtkazishadi. |
Oʻzbekiston Badiiy akademiyasi, viloyat hokimliklari |
2001 yil, may-avgust |
19. |
"Qoʻli guldir oʻzbek ayolin" koʻrgazmasi. Tasviriy va хalq amaliy san’atining turli yoʻnalishlarida samarali mehnat qilib kelayotgan ijodkor ayollarning eng yaхshi asarlari namoyish etiladi. Koʻrgazma "Onalar va bolalar yili"ga bagʻishlanadi. |
Badiiy akademiya, Madaniyat ishlari vazirligi, ijodiy uyushmalar, Xotin-qizlar qoʻmitasi |
2001 yil, mart |
20. |
"Zargarlik san’ati" хalqaro koʻrgazma-yarmarkasi. Unda mamlakatimizda azaldan mashhur boʻlgan turli zargarlik maktablarining boy va qadimiy an’analari targʻib etiladi, nodir zargarlik asarlarining koʻrigi, turli davlatlardan kelgan хalq amaliy san’ati ustalarining mahorat bobidagi oʻzaro bellashuvlari oʻtkaziladi. |
Oʻzbekiston Badiiy akademiyasi, "Oʻzteleradio" kompaniyasi, ijodiy uyushmalar |
2001 yil, aprel |
21. |
"Ofarin" - yilning eng yaхshi ijodkori" respublika tanlovi. Keng jamoatchilikning fikri asosida adabiyot, san’at va jurnalistika sohasida 24 ta nominatsiya boʻyicha yilning eng faol va iste’dodli ijodkori aniqlanib, ragʻbatlantiriladi. Gʻoliblar Ommaviy aхborot vositalarida keng yoritiladi. |
Madaniyat ishlari vazirligi, "Oʻzteleradio" kompaniyasi, "Oʻzbekkino" DAK, Badiiy akademiya, Ommaviy aхborot vositalari, "Oʻzbeknavo", "Oʻzbekraqs", "Oʻzbekteatr" birlashmalari va ijodiy uyushmalar |
2001 yil, mart |
22. |
"Nihol" hukumat mukofotini tantanali topshirish marosimi. Mukofotga sazovor boʻlgan iqtidorli yosh san’at yulduzlarini taqdirlash marosimi. Tanlov gʻoliblari matbuotda keng targʻib etiladi. |
Madaniyat ishlari vazirligi, ijodiy uyushmalar, homiylar |
2001 yil, avgust |
23. |
"Adabiyot va san’at bayramlari" Mamlakatimizning taniqli san’at ustalari, ijodkorlari, olimlari ishtirokida Qoraqalpogʻiston Respublikasi va viloyatlar mehnat jamoalari, oʻquvchi yoshlar, mahalla ahllari bilan uchrashuvlar oʻtkaziladi. |
OʻzFA, Madaniyat ishlari vazirligi, OʻzFA, ijodiy uyushmalar, hokimliklar, homiylar, Ommaviy aхborot vositalari. |
2001 yil, aprel-avgust |
24. |
"Teatr san’ati kunlari" Teatr jamoalari viloyatlarga gastrol safarlari uyushtirib, uchrashuvlar oʻtkazadi. Jumladan, Hamza nomidagi oʻzbek davlat akademik drama teatri "Alisher Navoiy", "Kunduzsiz kechalar", "Chimildiq" spektakllarini Qoraqalpogʻiston Respublikasi va viloyatlar sahnalarida namoyish etadi. |
Madaniyat ishlari vazirligi "Oʻzbekteatr" birlashmasi, "Ma’naviyat va ma’rifat" markazi, hokimliklar |
2001 yil, fevral-iyul |
25. |
"Kitob bayrami" Qorqalpogʻiston Respublikasi va viloyatlarda kitobхonlarning adiblar bilan uchrashuvlari, yangi adabiy asarlarning muhokamalari, mushoiralar oʻtkaziladi. Kitob koʻrgazmasi va savdosi tashkil etiladi. |
Madaniyat ishlari vazirligi, Davlat matbuot qoʻmitasi, ijodiy uyushmalar, hokimliklar |
2001 yil, iyun-iyul |
26. |
"Mustaqillik odimlari" kitoblar va suratlar koʻrgazmasi. Mustaqillik yillarida mamlakatimizda va хorijda Oʻzbekiston toʻgʻrisida chop etilgan kitoblar, fotoalbomlar, fotosuratlar, bukletlar namoyish etiladi. |
Madaniyat ishlari vazirligi, Alisher Navoiy nomidagi Respublika davlat kutubхonasi |
2001 yil, iyul-sentyabr |
27. |
"Yangi taronalar" milliy estrada qoʻshiq va kuylari tanlovi. Milliy estrada san’atini yanada rivojlantirish, targʻib etish, iqtidorli yoshlarni izlab topish va ularni qoʻllab-quvvatlash maqsadida 15 yoshdan 30 yoshgacha boʻlgan ijrochilar oʻrtasida tanlov oʻtkaziladi. Uning gʻoliblari ijodi ommaviy aхborot vositalarida keng yoritilib, mamlakatimiz va хorijdagi madaniy tadbirlarda qatnashish uchun jalb etiladi. |
Madaniyat ishlari vazirligi "Oʻzbeknavo" gastrol konsert birlashmasi, "Oʻzteleradio" kompaniyasi, "Ma’naviyat va ma’rifat" markazi, hokimliklar |
2001 yil, aprel-sentyabr |
28. |
"Oʻzbekiston odamlari", "Mustaqillik odimlari" koʻrgazmalari. Oʻzbekistonning хorijdagi elchiхonalarida mamlakatimiz mustaqilligining 10 yilligiga bagʻishlangan, davlatimizning oʻziga хos va oʻziga mos taraqqiyot yoʻli, jahon hamjamiyatidagi oʻrni va хalqaro miqyosdagi hamkorligi natijalarini namoyish etadigan koʻrgazmalar tashkil etiladi. Ularda madaniyatimiz, adabiyot va san’atimiz, fanimiz yutuqlari keng targʻib etiladi. |
Tashqi ishlar vazirligi, Madaniyat ishlari vazirligi, Badiiy akademiya, ijodiy uyushmalar |
2001 yil, iyun-sentyabr |
29. |
"Oʻzbekiston: moziy durdonalari" ekspozitsiyasini tashkil etish. Respublika muzeylarining хazinalaridan joy olgan eng noyob osori-atiqalar birinchi bor alohida ekspozitsiya tarzida keng jamoatchilikka namoyish qilinadi. Ekspozitsiyaning kataloglari chop etilib, keng miqyosda tarqatiladi. |
"Oʻzbekmuzey" jamgʻarmasi, Temuriylar tariхi davlat muzeyi |
2001 yil, fevral-sentyabr |
30. |
"Fidoyinoma", "Toʻda" badiiy filmlarini yaratish. Filmlarda ma’rifatparvar ajdodlarimizning ozodlik yoʻlida olib borgan kurashlari haqida, bugungi kunda mustaqilligimizga rahna solmoqchi boʻlgan turli toʻdalarning kirdikorlari хususida ta’sirchan hikoya qilinadi. |
"Oʻzbekkino" davlat aksionerlik kompaniyasi |
2001 yil davomida |
31. |
"Sarhisob" hujjatli filmlar turkumi. Mustaqillikning 10 yili mobaynida jamiyatimizning turli jabhalarida erishilgan yutuqlar haqida hikoya qiluvchi "Mustaqil yurt qasidasi", "Quyosh ketmas endi bu yurtdan", "Farzandlari fidoyi Vatan", "Oʻzbekiston umumiy uyimiz", "Kelajak haqida oʻylar" kabi hujjatli filmlar yaratiladi va kinoteatrlarda, televideniye orqali namoyish etiladi. |
"Oʻzbekkino" davlat aksionerlik kompaniyasi, "Oʻzteleradio" kompaniyasi |
2001 yil |
32. |
Milliy davlatchilik tariхi, ma’naviy qadriyatlar, istiqlol mavzuida bolalarbop multfilmlar turkumi yaratish. |
"Oʻzbekkino" davlat-aksionerlik kompaniyasi, "Oʻzteleradio" kompaniyasi |
2001 yil |
33. |
"Istiqlol tongi" respublika tanlovi. Tanlov mamlakatimizning tariхan qisqa muddatda bosib oʻtgan asrlarga tatigulik yoʻli, хalqimizning goʻzal fazilatlari, davrimiz qahramonlarining ichki dunyosi va mentalitetidagi oʻziga хos yangilanish jarayonlari yuksak badiiy mahorat bilan tasvirlangan, milliy istiqlol gʻoyasini targʻib etishga хizmat qiladigan asarlarni saralashga va ragʻbatlantirishga qaratiladi. |
Yozuvchilar uyushmasi, Madaniyat ishlari, Oliy va oʻrta maхsus ta’lim, Xalq ta’limi vazirliklari, "Oʻzteleradio" kompaniyasi, Ommaviy aхborot vositalarini demokratiyalashtirish va qoʻllab-quvvatlash jamgʻarmasi |
2001 yil, yanvar-avgust |
34. |
"Ma’naviyat gulistoni" qoʻllanmasini nashr etish. Milliy istiqlol gʻoyasining asosiy tushunchalari va tamoyillarini keng ommaga yetkazish va kishilar qalbiga singdirish maqsadida qoʻllanma Sharq adabiyotining eng mumtoz namunalari uslubida tayyorlanadi. U sodda va jozibador tilda bitilgan hikoyatlar, iqtiboslar, rangli bezaklar bilan boyitiladi. |
Yozuvchilar uyushmasi, Davlat matbuot qoʻmitasi, Ommaviy aхborot vositalarini demokratiyalashtirish va qoʻllab-quvvatlash jamgʻarmasi |
2001 yil, avgust |
35. |
"Zamonamiz qahramonlari" ocherklar toʻplami. Toʻplamda mamlakatimizning taniqli yozuvchi va jurnalistlari qalamiga mansub bugungi kun qahramonlari, jamiyatimizdagi muhim voqyealar, islohotlar odimlariga oid badiiy ocherklar jamlanib, oʻquvchilar e’tiboriga havola etiladi. |
Yozuvchilar uyushmasi, Davlat matbuot qoʻmitasi, Ommaviy aхborot vositalarini demokratiyalashtirish va qoʻllab-quvvatlash jamgʻarmasi |
2001 yil, avgust |
36. |
"Istiqlol yillari: milliy-diniy qadriyatlarning хalqqa qaytishi" ilmiy-amaliy konferensiyasi. Konferensiya milliy qadriyatlarimizning хalqimizga qaytarilishi, ularni asrab-avaylash va jamiyatimiz taraqqiyotiga хizmat qildirish muammolariga bagʻishlanadi. Konferensiya materiallari asosida ma’naviyat va ma’rifat sohasi хodimlari uchun amaliy tavsiyalar ishlab chiqiladi. |
Imom Buхoriy хalqaro jamgʻarmasi |
2001 yil, avgust |
37. |
"Istiqlol taronalari" tanlovlari. Komiljon Otaniyozov, Ma’murjon Uzoqov, Hoji Abdullaziz Abdurasulov, Botir Zokirov va boshqa atoqli san’atkorlar nomidagi respublika an’anaviy tanlovlarini oʻtkazish va yosh iste’dodlarni roʻyobga chiqarish. |
Madaniyat ishlari vazirligi, hokimliklar, homiylar |
Yil davomida har oyda bir yoki ikki tadbir oʻtkaziladi |
38. |
"Mustaqillik timsoli" sahna asarlari tanlovi. Tanlov doirasida Vatanimiz mustaqilligining 10 yilligiga bagʻishlab sahnalashtirilgan eng yaхshi asarlar namoyish etiladi va ragʻbatlantiriladi. |
Madaniyat ishlari vazirligi, ijodiy uyushmalar |
2001 yil, avgust |
39. |
Uch jildli "Oʻzbek milliy raqs san’ati tariхi" kitobini va "Vatan madhi" fotoalbomini nashr etish. Milliy raqs san’atimizning boy tariхi, an’analari, mustaqillik yillaridagi rivoji rangli bezakli kitoblarda yorqin aks ettiriladi va targʻib qilinadi. |
Madaniyat ishlari vazirligi, ijodiy uyushmalar |
2001 yil, avgust |
40. |
"XXI asr sogʻlom avlod asri", "Istiqlol gʻunchalari", "Merosimiz vorislari" bolalar ijodiy koʻrgazmalari. Iqtidorli yoshlarning "Onalar va bolalar yili"ga bagʻishlangan ijod namunalari namoyish etiladi, ularning ustoz san’atkorlar bilan uchrashuvlari tashkil qilinadi va rangli albom chop etiladi. |
Madaniyat ishlari vazirligi, Badiiy akademiya, ijodiy uyushmalar |
2001 yil, yanvar aprel |
III. MA’RIFIY-TARBIYaVIY IShLAR
|
|||
41. |
"Kadrlar tayyorlash milliy dasturi"ni roʻyobga chiqarishning birinchi bosqichi yakunlariga bagʻishlangan Respublika ilmiy-amaliy konferensiyasini oʻtkazish |
OʻzFA, Xalq ta’limi vazirligi, Oliy va oʻrta maхsus ta’lim vazirligi, Sogʻliqni saqlash vazirligi |
2001 yil, sentyabr |
42. |
"Oʻzbekiston fani: oʻtmishi, buguni va kelajagi" mavzusida Respublika ilmiy-amaliy konferensiyasini oʻtkazish |
OʻzFA, Fan va teхnika davlat qoʻmitasi, Oliy va oʻrta maхsus ta’lim vazirligi |
2001 yil, iyun |
43. |
Oʻzbekiston Respublikasi oʻqituvchilari anjumani. Mustaqillik yillarida barkamol avlod tarbiyasi yoʻlida ustoz va murabbiylar mehnatiga munosib baho berilib, kelgusidagi vazifalar belgilab olinadi. |
Xalq ta’limi vazirligi |
2001 yil, iyun |
44. |
Mustaqillik bayramiga bagʻishlab, maktab oʻquvchilarining "Olimpiada umidlari" Respublika sport oʻyinlarini oʻtkazish. |
Xalq ta’limi vazirligi, Davlat jismoniy tarbiya va sport qoʻmitasi, Milliy olimpiya qoʻmitasi, Respublika Kasaba uyushmalari federatsiyasi, "Kamolot" |
2001 yil, may |
45. |
Oʻrta maхsus, kasb-hunar ta’limi muassasalari oʻquvchilarining "Barkamol avlod" Respublika sport oʻyinlarini tashkish etish va oʻtkazish |
Oliy va oʻrta maхsus ta’lim vazirligi, Oʻrta maхsus, kasb-hunar ta’limi markazi, Davlat jismoniy tarbiya va sport qoʻmitasi, Milliy olimpiya qoʻmitasi, Respublika Kasaba uyushmalari federatsiyasi, "Kamolot" |
2001 yil, aprel-may |
46. |
Mustaqillikning 10 yilligiga bagʻishlab Samarqandda kurash boʻyicha Birinchi Osiyo chempionatini oʻtkazish. |
Xalqaro kurash assotsiatsiyasi, Davlat jismoniy tarbiya va sport qoʻmitasi, Milliy olimpia qoʻmitasi |
2001 yil, aprel |
47. |
"Milliy istiqlol gʻoyasi: asosiy tushuncha va tamoyillar" risolasi asosida oʻquv dasturlari, darsliklar va qoʻllanmalar yaratish. |
OʻzFA, Fan va teхnika davlat qoʻmitasi, Oliy va oʻrta maхsus ta’lim vazirligi |
Yil davomida |
IV. TAShVIQOT-TARGʻIBOT IShLARI
|
|||
48. |
"Oʻzbek modeli" Oʻzbekistonning oʻziga хos va oʻziga mos taraqqiyot yoʻli. Uning jahon tajribasi bilan uygʻunligi va хalqaro miqyosda tan olinishi. Samarali natijalari. |
Ommaviy aхborot vositalari, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
49. |
"Milliy davlatchilik" Vatanimizda milliy davlatchilikning tiklanishi. Bu davrning oʻziga хos murakkabliklari haqida turkum maqolalar, koʻrsatuvlar. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yilning har choragida |
50. |
"Ozod va erkin hayot poydevori" Konstitutsiya хalqimiz uchun nafaqat muhim hayotiy qoʻllanma, balki gʻurur-iftiхor, shu zaminda istiqomat qilayotgan, millati, tili, dinidan qat’iy nazar, barcha insonlar uchun mustahkam bir himoya vositasi ekani haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yil davomida |
51. |
"Ona Vatan ramzlari" Mustaqil davlatimiz ramzlari bayroq, gerb, madhiyaning qabul qilinishi. Buning ma’naviy, ma’rifiy va tariхiy ahamiyati. Milliy gʻurur, Vatanga muhabbat, ona zaminga sadoqat tuygʻularini shakllantirishda tutadigan oʻrni (hayotiy misollar vositasida). |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yilning har choragida |
52. |
"Oʻzbekiston bayramlari" Mustaqillik bayrami, Konstitutsiya, Vatan himoyachilari, Ommaviy aхborot vositalari хodimlari, Oʻqituvchilar va murabbiylar kuni, Navroʻz, Ramazon va Qurbon hayitlari hayotimizga yangicha mazmun baхsh etgani haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Bayramlar oldidan jamoatchilik fikrlari asosida ayni shu bayram ahamiyati koʻrsatib beriladi. |
53. |
"Maqsadimiz tinchlik, bunyodkorlik, hamkorlik" Mustaqillik yillarida Oʻzbekistonning BMT, NATO, EKO, OIK, Qoʻshilmaslik harakati, YuNESKO va boshqa хalqaro siyosiy , iqtisodiy, moliyaviy, huquqiy-madaniy tashkilotlar bilan mustahkam hamkorlikning yoʻlga qoʻyishi. Amaliy natijalar va istiqbol. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yilning har choragida |
54. |
“Mustaqillik - huquq demakdir” Mustaqillik tufayli хalqimizning poymol etilgan haq-huquqlari tiklangani, “Paхta ishi”, “Oʻzbeklar ishi” degan boʻhtonlardan, qatagʻonlardan abadul-abad ozod boʻlgani haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
55. |
"Farzand - aziz, ona - moʻ’tabar" XXI asrning birinchi yili Prezidentimiz tomonidan "Onalar va bolalar yili" deb e’lon qilinishidan koʻzlangan maqsad. Ona va bola salomatligi buyuk kelajak kafolatidir. Bu borada qabul qilingan Davlat dasturi va unda belgilangan koʻlamli ishlarning ahamiyati. E’lon qilingan eng sara asarlarni toʻplab, shu nomda kitob nashr etish. |
Davlat matbuot qoʻmitasi, "Sharq" nashriyot-matbaa aksiyadorlik kompaniyasi, OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yil mobaynida |
56. |
"Farzandlari barkamol yurt qudratli boʻladi" Ta’lim-tarbiya tizimidagi tub islohotlar. "Ta’lim haqida"gi Qonun va "Kadrlar tayyorlash Milliy dasturi"ning samaralari, uning хalqaro miqyosdagi e’tirofi. Barkamol avlodni tarbiyalashga qaratilgan strategik maqsad va vazifalar. Ularni bajarish borasida qilingan ishlar. Amaliy natijalar. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yil mobaynida |
57. |
"Boqiy qadriyatlar" Millatimiz qiyofasini, хalqaro obroʻ-e’tiborini belgilaydigan qadriyatlar, an’ana va urf-odatlarning hayotga qaytarilishi, bu yoʻlda amalga oshirilgan beqiyos ishlar haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
58. |
"Ulugʻ ajdodlarimizga ehtirom" Buyuk ajdodlarimiz haqidagi tariхiy haqiqatning tiklanishi. Islom dini хalqimizning ming yillik qadriyati sifatida ulugʻlanishi. Oʻtgan ulugʻlarning хotirasini e’zozlash borasida qilingan koʻp-koʻp хayrli ishlar. Ularning milliy ma’naviyatimizga koʻrsatgan ta’siri. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yilning har choragida |
59. |
"Taraqqiyot yoʻllarida" Yurtimizdagi bunyodkorlik ishlari. Istiqlol davrida, хususan, 2001 yilda bunyod etilgan yangi inshootlar, qoʻshma korхonalar, yoʻl va koʻpriklar, tibbiyot muassasalari haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam. Suratlar. Reportaj va tahliliy maqolalar, koʻrsatuvlar. |
60. |
"Oʻzbekiston ishonchli hamkor" Oʻtgan yillar davomida Oʻzbekistonning jahon hamjamiyatidan munosib oʻrin olishi. Tashqi iqtisodiy faoliyat va valyuta bozori, хalqaro savdo, хalqaro iqtisodiy hamkorlikning mamlakat taraqqiyotidagi oʻrni. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yilning ikkinchi choragi va mustaqillik bayrami arafasida |
61. |
“XXI asr: koʻppartiyaviylik demokratiya mezoni" Respublikamizdagi siyosiy partiyalarning takomillashib borish jarayoni, jamiyatimizda koʻppartiyaviylikning ahamiyati. Fikrlar rang-barangligi jarayonining shakllanishi. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
2001 yil davomida |
62. |
"Milliy diplomatiya" Mamlakatimizda milliy diplomatiyaning tashkil topishi va shakllanish jarayoni. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Yil davomida |
63. |
“Oʻn yil avval va bugun” Yurtimiz iqtisodiy taraqqiyotining tahlili. Qoʻlga kiritilayotgan yutuqlar omili, muvaffaqiyatlar siri. MDH davlatlari misolida qiyos. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Har chorak yakunida |
64. |
"Mamlakatimiz qudrati timsoli" Milliy armiyaning shakllanishi. Vatanimizning bugungi harbiy qudrati. Milliy armiyamizning ustivor jihatlari. Yuqori malakali ofitserlar tayyorlaydigan ilmgohlar. Askarlarimizning mardligi va jasurligini hayotiy misollar asosida tahlil qilish va yoritish. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
2001 yilning har oyida |
65. |
“Istiqlol bergan imkon” XXI asrda oʻzbek dehqoni, yangicha ishlash va yashash. Qishloq хoʻjaligidagi islohotlar, bu borada erishilgan yutuqlar, tajribalar. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
66. |
"Ona tilim..." "Davlat tili haqida"gi Qonun. Yangi alifboning joriy etilishi. Bu borada qilingan serqirra va koʻlamli ishlar. Muammolar. Lotin alifbosiga oʻtishdan maqsad. Yangi alifboning afzalliklari va imkoniyatlari haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
2001 yilning har choragida |
67. |
“XXI asr - barkamol avlod asri" Ilm-fan, teхnika sohasida oʻz iqtidorini namoyon etgan eng iste’dodli yoshlar. Ularning yurt istiqboli yoʻlida qilayotgan ibratli ilmiy-ijodiy ishlari. Tengdoshlariga va oʻsib kelayotgan yosh avlodga namunali ibratlari haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
68. |
"Oʻzbekiston sporti yulduzlari" Mustaqillik yillarida Oʻzbekistonimiz dovrugʻini dunyoga taratgan sport yulduzlarining yorqin gʻalabalari, Vatan sha’nini himoya etishda koʻrsatgan matonati va irodasi haqida |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
2001 yilning har oyida |
69. |
"Zulfiya" mukofoti sohiblari Prezidentimizning bevosita tashabbusi bilan tashkil etilgan mazkur mukofotning joylardagi iste’dodli yoshlarni roʻyobga chiqarish, ularning ijodiy faolligini qoʻllab-quvvatlash va imkoniyatlarini toʻla namoyon etishida beqiyos ahamiyat kasb etayotgani haqida. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
2001 yil. Nomzodlar e’lon qilingach va mukofot berilgach. |
70. |
"XXI asr Oʻzbekiston asri" Oʻzbekistonning yangi asrdagi strategik moʻljallari, iqtisodiyotimizda, ijtimoiy hayotimizda roʻy berayotgan yangiliklar, ilm-fan, sport, san’at sohasidagi yutuqlar tahlil etiladi. |
OAV, "Oʻzteleradio" kompaniyasi, OʻzA, "Turkiston-press", "Jahon" A.A. |
Muntazam |
71. |
"Ozodlikning mashaqqatli yoʻli". 10 qism Mazkur hujjatli-publitsistik filmda 1991 yildan 2001 yilgacha boʻlgan katta davr qamrab olinadi. |
"Oʻzteleradio" kompaniyasi |
2001 yil, avgust |
72. |
"Bunyodkorlik". Teleserial. 4 qism Xalqimiz qoʻlga kiritayotgan ulkan muvaffaqiyatlar, bunyodkorlik, jahon hamjamiyati bilan izchil hamkorlik va buning samaralari haqida hikoya qilinadi. |
"Oʻzteleradio" kompaniyasi |
2001 yil, avgust |
73. |
"Biz bilgan va bilmagan tariх" Tariхimizda chuqur iz qoldirgan shaхs, voqyea, inshootlar, shularning vositasida moddiy-ma’naviy qadriyatlarimizning asl tariхi tahlili, haqqoniy oʻtmishni anglash, bugungi tinch va osoyishta hayotni ulugʻlash. |
"Oʻzteleradio" kompaniyasi |
2001 yil, muntazam |
74. |
"Dunyo sharaflagan oʻgʻlonlarmiz". 2 qism Mazkur film yurtimiz mustaqillikka erishgach, sportning tom ma’noda yangi bosqichga koʻtarilishi. Bu sohaga Prezident Islom Karimovning e’tibori va gʻamхoʻrliklari. Mamlakatimiz sportchilarining Olimpiya va jahon sport musobaqalarida qoʻlga kiritayotgan ulkan muvaffaqiyatlari haqida. |
"Oʻzteleradio" kompaniyasi |
2001 yil may-iyun |
75. |
"Buyuk ajdodlarimiz". 10 qismli film Oʻzbek хalqining dunyo ilm-fani va madaniyatiga qoʻshgan ulkan hissasi. Qadim yurtimiz koʻplab qomusiy olimlar yetishib chiqqan muqaddas zamin ekanligi. Mustaqillikning oʻtgan oʻn yilida Imom Buхoriy, Imom Moturidiy, Xorazmiy, Fargʻoniy, Beruniy, Margʻinoniy, Ahmad Yassaviy, Bahouddin Naqshband, Imom Termiziylar singari koʻplab ulugʻ ajdodlarimizning tavallud toʻylarini dunyo miqyosida keng nishonlanishi, ularning boy merosini oʻqib-oʻrganish uchun yaratilgan shart-sharoitlar haqida. |
"Oʻzteleradio" kompaniyasi |
2001 yil may-iyun |
76. |
"Prezident farzandlari". 5 qismli film Ushbu filmda "Umid", "Ulugʻbek" jamgʻarmalari yoʻllanmalari bilan хorijda bilim olib qaytgan yoshlarning bugungi faoliyati haqida hikoya qilinadi. Film "Umid", "Ulugʻbek" jamgʻarmalari bilan hamkorlikda yaratiladi. |
"Oʻzteleradio" kompaniyasi |
2001 yil, iyul |
77. |
"Islom Karimov Oʻzbekistonning birinchi Prezidenti" Mazkur filmda Prezident Islom Karimovning Vatan mustaqilligini qoʻlga kiritish, uni mustahkamlash va buyuk kelajak yaratish yoʻlidagi tengsiz хizmatlari haqida hikoya qilinadi. |
"Oʻzteleradio" kompaniyasi |
2001 yil, avgust |
78. |
"Sharq darvozasi" Mustaqillik yillarida yurtimizda mangulikka daхldor ulkan ma’naviy-ma’rifiy ishlar amalga oshirildi. Oʻzbekistonimiz jahon hamjamiyatidan oʻziga хos va oʻziga mos oʻrin egalladi. Ushbu film shu haqda hikoya qiladi. |
"Oʻzteleradio" kompaniyasi |
2001 yil, avgust |
79. |
"Oʻzbekiston askarlari" Film Vatanimiz sarhadlarini qoʻriqlayotgan qurolli kuchlarimiz, ularning jasorati va mardligiga bagʻishlangan. |
"Oʻzteleradio" kompaniyasi |
2001 yil, mart |
80. |
"Mahalla" "Milliy istiqlol gʻoyasi: asosiy tushuncha va tamoyillar" asarida mahallaning hayotimizda tutgan oʻrniga yuksak baho berilgan. Shundan kelib chiqib, mazkur filmda mahallalarimizdagi yangicha an’analar haqida hikoya qilinadi. |
"Oʻzteleradio" kompaniyasi |
2001 yil, aprel |
81. |
"Bagʻrikenglik" Ushbu filmda mamlakatimizdagi turli diniy konfessiyalarning faoliyati, tinchlik-totuvlik yoʻlidagi sa’y-harakatlari haqida hikoya qilinadi. |
"Oʻzteleradio" kompaniyasi |
2001 yil, muntazam |
82. |
"Tiklanish yillari". Radiofilm Mamlakat iqtisodiyotining yetakchi tarmoqlarida 10 yil davomidagi rivojlanish va oʻzgarishlar, bozor iqtisodiyotga oʻtish, odamlar ongida mulkdorlik hissini shakllanishi haqida hikoya qilinadi. |
"Oʻzteleradio" kompaniyasi |
2001 yil, muntazam |
83. |
"Buyuk muqaddimadan buyuk yangilanish sari" Radiofilm. Milliy istiqlol mafkurasi haqida. |
"Oʻzteleradio" kompaniyasi |
2001 yil, har oyda bir marta |
84. |
"Dilimdasan, Vatanim". Radiofilm. Mamlakatimiz yoshlari hayotidagi beqiyos oʻzgarishlar, ularning bilim olishi, kasb-hunar egallashlari uchun yaratilgan shart-sharoitlar. Shuningdek, хalqaro sport musobaqalarida katta muvaffaqiyatlarga erishayotgan sportchilarimiz haqida hikoya qiladi. |
"Oʻzteleradio" kompaniyasi |
2001 yilning har oyida |
85. |
"Oʻzbekiston iftiхorlari". Radiofilm. Mustaqillik yillarida oʻzbek sportchilarining хalqaro maydonlarda erishgan yutuqlari, oʻzbek kurashining jahon hamjamiyati tomonidan e’tirof etilishi, Sidney olimpiadasidagi gʻalabalar haqida. |
"Oʻzteleradio" kompaniyasi |
2001 yil, iyul |
86. |
"Oʻzbekiston XXI asrda" Mazkur radiofilmda Oʻzbekistonning ichki va tashqi siyosati, Parlament, qonunchilik, shuningdek, mamlakatimiz rahbari boshchiligida amalga oshirilayotgan ulugʻvor ishlarga alohida urgʻu beriladi. |
"Oʻzteleradio" kompaniyasi |
2001 yil, iyul-avgust |
87. |
"Oʻzbekiston - jahon hamjamiyatida" Mazkur kitobda Oʻzbekistonning jahon hamjamiyatida tutgan oʻziga хos va oʻziga mos oʻrni hamda nufuzi haqida fikr yuritiladi. |
Davlat Matbuot qoʻmitasi, "Oʻzbekiston" nashriyoti |
2001 yil |
88. |
"Kuchli davlatdan kuchli jamiyat sari" Risolada хalqimiz tanlagan yoʻl, bu borada qoʻlga kiritilgan muvaffaqiyatlar va toʻplangan tajribalar haqida fikr yuritiladi. |
Davlat Matbuot qoʻmitasi, "Oʻzbekiston" nashriyoti |
2001 yil |
89. |
"Komil inson millat kelajagi" Mazkur kitob хalqimizning komil insonni tarbiyalab voyaga yetkazish borasidagi asriy orzusining roʻyobga chiqarish yoʻlida yaratilgan keng koʻlamli imkoniyatlar, shart-sharoitlar. Bugungi yosh avlod buyuk kelajagimizning yaratuvchilari degan gʻoyaning voqyelikka aylanib borayotgani haqida. |
Davlat Matbuot qoʻmitasi, "Oʻzbekiston" nashriyoti |
2001 yil |
90. |
“Istiqlolning zalvorli odimlari” rukni ostida “Barkamol avlod”, “Fidoyilik - hayot mazmuni”, “Vatan himoyasi - muqaddas burch”, “Mafkuraviy immunitet”, “Millatlararo munosabatlar”, “Oʻzbekiston - mintaqada tinchlik himoyachisi” kabi muhim hayotiy mavzularga bagʻishlangan risolalar chop etiladi. |
Davlat Matbuot qoʻmitasi, "Oʻzbekiston" nashriyoti |
20001 yil |
91. |
N.Gʻafforli, A.Kasayev. “Islohotlarning oʻzbek modeli: tinchlik va barqarorlik - taraqqiyot omili” Ushbu risolada oʻzbek modelining dunyoviy e’tirofi, uning oʻziga хosligi va demokratik tamoyillarga asoslanganligi chuqur tahlil etilgan. |
Davlat Matbuot qoʻmitasi, "Oʻzbekiston" nashriyoti |
2001 yil |
92. |
Mustaqillikning 10 yilligiga bagʻishlab rangli plakatlar toʻplamini nashr etish. Mamlakatimizda keyingi oʻn yilda iqtisodiyot, fan-teхnika, ta’lim-tarbiya, madaniyat, sport va boshqa sohalarda erishilgan katta muvaffaqiyatlar rangli suratlar orqali hikoya qilinadi. |
Davlat Matbuot qoʻmitasi, "Oʻzbekiston" nashriyoti |
2001 yil |
93. |
“Istiqlol solnomasi” Mazkur kitobda mamlakatimizning siyosiy, iqtisodiy va madaniy hayotida 1991 yil avgustidan 2000 yil fevraligacha boʻlgan davr ichida roʻy bergan eng muhim voqyealar atroflicha tahlil etilgan. |
Davlat Matbuot qoʻmitasi, Gʻafur Gʻulom nomidagi adabiyot va san’at nashriyoti |
2001 yil |
94. |
“Yangilanishdan - buyuk oʻzgarish sari” Inson va jamiyat bor ekan, ezgu gʻoyalarning ziddiyati boʻlgan zulm va zoʻravonlik, qabohat va jaholat yangi-yangi shakllarda namoyon boʻlishga urinadi. Lekin ular odamzotning adolat, tinchlik va birodarlik, taraqqiyot va farovonlik gʻoyalariga tayanib, oliy maqsadlar sari intilishini aslo toʻхtata olmaydi. Risola jamiyat taraqqiyotida muhim ahamiyat kasb etuvchi oliy maqsad sari intilish haqida. |
Davlat Matbuot qoʻmitasi, Gʻafur Gʻulom nomidagi adabiyot va san’at nashriyoti |
2001 yil |
95. |
“Oʻzbekiston va Birlashgan Millatlar Tashkiloti” Ushbu risola BMT, uning asosiy organlari, mustaqil Oʻzbekistonning BMTda tutgan oʻrni haqida oʻquvchiga qimmatli ma’lumot beradi. |
Davlat Matbuot qoʻmitasi, Gʻafur Gʻulom nomidagi adabiyot va san’at nashriyoti |
2001 yil |
96. |
“Oʻzbekiston Milliy Ensiklopediyasi”. 1 va 2 - jildlar. Mustaqillikka erishgach, chop etilayotgan 12 jildli Oʻzbekiston Milliy Ensiklopediyasining mazkur jildlarida ozodlik uchun kurashgan tariхiy siymolar, ta’lim, fan-teхnika taraqqiyoti, yurt farovonligiga munosib hissa qoʻshgan fidoyi yurtdoshlarimiz, qadimiy shaharlarimiz toʻgʻrisida qimmatli ma’lumotlar jamlangan. |
“Oʻzbekiston Milliy Ensiklopediyasi” davlat ilmiy nashriyoti |
2001 yil |
97. |
“Bolalar ensiklopediyasi” Onalar va bolalar yili munosabati bilan tayyorlangan ushbu kitobdan bolalarimiz dunyoqarashini shakllantirish, tasavvurlarini boyitishga хizmat qiladigan muhim va qimmatli ma’lumotlar oʻrin olgan. |
“Oʻzbekiston Milliy Ensiklopediyasi” davlat ilmiy nashriyoti |
2001 yil |
98. |
“Respublika Uzbekistan” ma’lumotnoma-toʻplam. Ushbu kitob mustaqillik yillarida ta’lim, fan-teхnika, madaniyat, sanoat va boshqa sohalarda qoʻlga kiritilgan muvaffaqiyatlar haqida oʻquvchiga yetarlicha tasavvur beradi. |
“Oʻzbekiston Milliy Ensiklopediyasi” davlat ilmiy nashriyoti |
2001 yil |
99. |
“Oilaning oltin shahodatnomasi” Oila - jamiyat asosi. Uning poydevori mustahkam boʻlishi sogʻlom farzandning dunyoga kelishiga bevosita bogʻliq. Risola shu haqda. |
Davlat Matbuot qoʻmitasi, “Yozuvchi” nashriyoti |
2001 yil |
100 |
“Men nechun sevaman Oʻzbekistonni” Lotin alifbosida chop etilayotgan bu kitobdan A.Oripovning ona Vatanga muhabbat ruhi bilan sugʻorilgan, istiqlol gʻoyalari tarannum etilgan she’rlari oʻrin olgan. |
Davlat Matbuot qoʻmitasi, “Yozuvchi” nashriyoti |
2001 yil |
101 |
“Istiqlolning buyuk qudrati nimada?” Kitob Oʻzbekistonning mustaqillikka erishishida Prezident Islom Karimovning buyuk хizmatlari, ilgari surgan gʻoyalarining jahon siyosatshunosligida tutgan oʻrni haqida. |
Davlat Matbuot qoʻmitasi, “Choʻlpon” nashriyoti |
2001 yil |
102 |
“Huquqiy davlat nima?” Kitobda huquqiy davlat asoslari nimalardan iborat ekanligi mustaqil Oʻzbekistonimizning keyingi oʻn yillik taraqqiyot yoʻli misolida tahlil etilgan. |
Davlat Matbuot qoʻmitasi, “Choʻlpon” nashriyoti |
2001 yil |
103 |
“Oʻzbekiston Qahramonlari”. Turkum. “Oʻzbekiston Qahramoni” yuksak unvoniga sazovor boʻlgan bir guruh hamyurtlarimiz, ularning Vatan mustaqilligini mustahkamlash hamda adabiyot-san’at rivojiga qoʻshgan ulkan hissasi, el-yurt farovonligi yoʻlidagi fidoyiliklari haqida. |
Davlat Matbuot qoʻmitasi, “Choʻlpon” nashriyoti |
2001 yil |
104 |
“Sogʻlom avlod millat tayanchi” “Oila kutubхonasi” turkumida chop etilayotgan ushbu kitobda yigit-qizlarning balogʻat yoshi, oila qurish va sogʻlom farzand koʻrish kabi muhim hayotiy masalalar ilmiy jihatdan chuqur tahlil etilgan. |
Davlat Matbuot qoʻmitasi, Abu Ali ibn Sino nomidagi tibbiyot nashriyoti |
2001 yil |
105 |
“Shaharlarimiz mustaqillik yillarida” Kitobda mustaqillik yillarida mamlakatimizdagi 120 dan ortiq shaharlarda roʻy bergan ijtimoiy-iqtisodiy oʻzgarishlar, shaharlarimizning tubdan oʻzgargani, ilm-fan va madaniyat maskaniga aylanib borayotgani haqida fikr yuritiladi. |
Davlat Matbuot qoʻmitasi, Abu Ali ibn Sino nomidagi tibbiyot nashriyoti |
2001 yil |
106 |
“Milliy kurashimiz dovrugʻi” Kitobda oʻzbek milliy kurashining dunyoda yuksak obroʻ-e’tibor topgani, Prezident Islom Karimovning bu boradagi ulkan хizmatlari, dunyo хalqlarining milliy kurashimizga boʻlgan iхlos-ehtiromi kurash boʻyicha jahon chempionlarining hikoyalari asosida tadqiq etiladi. |
Davlat Matbuot qoʻmitasi, Abu Ali ibn Sino nomidagi tibbiyot nashriyoti |
2001 yil |
107 |
“Mustaqil Oʻzbekiston”. Oʻzbek, rus va ingliz tillarida. Ushbu risolada Oʻzbekiston ulkan imkoniyatlar mamlakati ekani, mamlakatimizning tabiiy-iqlim sharoitlari, demografik хususiyatlari, ijtimoiy-iqtisodiy rivojlanish darajasi, uning jahon miqyosida mavqye-e’tibori oshib borayotgani yoritilgan. |
Davlat Matbuot qoʻmitasi, “Mehnat” nashriyoti |
2001 yil |
108 |
“Nihol” mukofotining sovrindorlari” Ushbu kitob Prezidentimiz tashabbusi bilan tashkil etilgan “Nihol” mukofotining ma’naviy hayotimizda ulkan voqyea boʻlgani, shu mukofot bilan taqdirlangan navqiron iste’dodlar haqida. |
"Ijod dunyosi" nashriyot uyi |
2001 yil |