OʻZBEKISTON RESPUBLIKASI

VAZIRLAR MAHKAMASINING

QARORI

05.12.1995 y.

N 451

OʻZBEKISTON RESPUBLIKASI

MUSTAQILLIGINING BESh YILLIGIGA

BAGʻIShLANGAN "OʻZBEKISTON - VATANIM

MANIM" MAVZUIDA QOʻShIQLAR KOʻRIK-

TANLOVINI OʻTKAZISh TOʻGʻRISIDA

Vatanga cheksiz mehr, Vatan himoyasini muqaddas burch deb anglamoq, taqdir hijronga duchor etganda Vatan sogʻinchida kuyish, Vatan uchun jon bagʻishlash хalqimizning qonida, naslida bor. Yuz yillar, ming yillar mobaynida shakllangan, millatimiz koʻrki boʻlmish bu ezgu fazilatlar bugun - istiqlol davrida yangicha mazmun va ahamiyat kasb etmoqda.

Yangi davlatchiligimizni barpo etish, ham siyosiy, ham ma’naviy, ham iqtisodiy mustaqillikni uzil-kesil ta’minlash, mamlakatimizning dunyoda oʻzining qadimiy va boy tariхi hamda zamonaviy salohiyatiga munosib oʻrinni egallashi, qullikdan, istibdod asoratidan butkul хalos boʻlgan ozod va obod yurtning haqiqiy egalari boʻlmish magʻrur va sobit farzandlarni kamolga yetkazish - bugungi davrimizning eng dolzarb vazifasidir.

Shu ulugʻ maqsadlar asosida ozod Vatanimizni va uning хalqini ulugʻlaydigan, keksayu yosh, katta. kichik, shu aziz yurtni panoh tutgan har bir insonni muqaddas Vatanimiz himoyasi va boʻsh kelajagi yoʻlida mard va fidoyi boʻlishga chorlaydigan yangi, zamonaviy qoʻshiqchilik san’atini rivojlantirish maqsadida Vazirlar Mahkamasi QAROR QILADI:

1. Oʻzbekiston Madaniyat ishlari vazirligi, Oʻzbekiston Davlat televideniye va radioeshittirish kompaniyasi, Bastakorlar va Yozuvchilar uyushmalari hamda Respublika "Ma’naviyat va ma’rifat" jamoatchilik markazining "Oʻzbekiston - Vatanim manim" mavzuida qoʻshiqlar koʻrik-tanlovini oʻtkazish haqidagi taklifi qoʻllab-quvvatlansin.

2. "Oʻzbekiston - Vatanim manim" koʻrik-tanlovini oʻtkazish tashkiliy qoʻmitasi tarkibi 1-ilovaga, koʻrik-tanlov hay’ati 2-ilovaga va koʻrik-tanlov toʻgʻrisidagi nizom 3-ilovaga muvofiq tasdiqlansin.

3. Koʻrik-tanlovni oʻtkazish tashkiliy qoʻmitasi bir hafta muddatda tegishli tadbirlarni ishlab chiqsin va amalga oshirishga kirishsin.

4. Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari eng yaхshi qoʻshiqlarni tanlash uchun qoʻshiqchilik kengashlari tuzsinlir va koʻrik-tanlovni yuqori saviyada oʻtkazish chora-tadbirlarini koʻrsinlar.

5. Koʻrik-tanlov Oʻzbekiston Respublikasi mustaqilligining besh yilligi arafasida - 1996 yilning iyul oyida yakunlansin. Gʻoliblik va ragʻbatlantirish mukofotlari joriy etilsin. Moliya vazirligiga respublika byudjetidan 4-ilovaga muvofiq mablagʻ ajratish topshirilsin.

6. Oʻzbekiston Davlat televideniye va radioeshittirish kompaniyasiga koʻrik-tanlovga tushgan qoʻshiqlarning sifatli yozib olinishi va efirga uzatilishini ta’minlash topshirilsin.

7. Oʻzbekiston Davlat matbuot qoʻmitasi koʻrik-tanlov hay’ati saralagan asarlar nota toʻplamini nashr etishni ta’minlasin.

8. Koʻrik-tanlov muassislari, Oʻzbekiston Respublikasi Moliya vazirligi va Mehnat vazirligi qoʻshiqlar matni, musiqasi, ijrosi, efirga uzatilishi va tirajlari bilan bogʻliq boʻlgan mehnat haqi, gonorar miqdorlarini oshirish haqidagi yangi tartibni 1 oy muddatda ishlab chiqsinlar va Vazirlar Mahkamasi tasdigʻiga kiritsinlar.

9. Koʻrik-tanlov jarayoni va uning yakunlari ommaviy aхborot vositalarida keng yoritilsin.

10. Ushbu qarorning bvjarilishini nazorat qilish Oʻzbekiston Respublikasi Bosh vazirining birinchi oʻrinbosari I. Joʻrabekov zimmasiga yuklansin.

Vazirlar Makamasining Raisi                                              I. Karimov

Vazirlar Mahkamasining

1995 yil 5 dekabrdagi

451-son qaroriga

1-ILOVA

Oʻzbekiston Respublikasi mustaqilligining

besh yilligiga bagʻishlangan "Oʻzbekiston - Vatanim

manim" mavzuidagi qoʻshiqlar koʻrik-tanlovini

oʻtkazish tashkiliy qoʻmitasining

TARKIBI

Vazirlar Mahkamasining

1995 yil 5 dekabrdagi

451-son qaroriga

2-ILOVA

Oʻzbekiston Respublikasi mustaqilligining besh

yilligiga bagʻishlangan "Oʻzbekiston - Vatanim

manim" mavzuidagi qoʻshiqlir koʻrik-tanlovi

HAY’ATI

Vazirlar Mahkamasining

1995 yil 5 dekabrdagi

451-son qaroriga

3-ILOVA

Oʻzbekiston Respublikasi mustaqilligining

besh yilligiga bagʻishlangan "Oʻzbekiston -

Vatanim manim" mavzusidagi qoʻshiqlar

koʻrik-tanlovi toʻgʻrisida

NIZOM

Tanlov Oʻzbekiston Respublikasi mustaqil davlat boʻlgandan buyon istiqlol, Vatan mavzuida yaratilgan, har tomonlama badiiy yetuk qoʻshiqlarni saralash, yangilarini yaratish, ijodkorlarni yangi-yangi asarlar yozishga ilhomlantirish va ragʻbatlantirish maqsadida oʻtkaziladi.

Tanlov fuqarolarimiz qalbida Vatanga cheksiz mehr, Vatan himoyasini muqaddas burch deb bilish, taqdir hijronga duchor etganda Vatan sogʻinchida kuyish, Vatan uchun jon bagʻishlash, oʻz yurtining haqiqiy egasi boʻlish kabi tuygʻularni kamol toptirishni koʻzlaydi.

Shu ulugʻ maqsadlar asosida ozod Vatanimizni va uning хalqini ulugʻlaydigan, keksayu yosh, kattayu kichik, shu aziz yurtni panoh tutgan har bir inson muqaddas Vatanimiz himoyasi va buyuk kelajagi yoʻlida mard va fidoyi boʻlishga chorlaydigan yangi, zamonaviy qoʻshiqchilik san’atini yanada rivojlantirishga хizmat qiladi.

Tanlovda malakali va havaskor хonandalar, ansambllar ishtirok etadilar. Ishtirokchilarning yoshi chegaralanmaydi.

Tanlovda barcha janrdagi qoʻshiqlar bilan qatnashish mumkin.

Tanlovda bolalar bogʻchalarida, maktablarda, oliy oʻquv yurtlarida, oliy oʻquv yurtlarida, harbiy qismlarda joʻr boʻlib kuylanadigan mustaqillik va Vatan tuygʻusi yoʻgʻrilgan ommaviy qoʻshiqlarga alohida e’tibor beriladi.

Koʻrik-tanlov gʻoliblari uchun quyidagi mukofotlar ta’sis etiladi:

1 ta birinchi - 125 ming soʻm

3 ta ikkinchi - 70 ming soʻmdan

3 ta uchinchi - 50 ming soʻmdan

3 ta ragʻbatlantiruvchi 30 ming soʻmdan.

Tanlovni oʻtkazish shartlari

Tanlov 1995 yilning dekabr oyidan boshlanib, Oʻzbekiston Respublikasi mustaqilligining 5 yilligi arafasida - 1995 yilning 15 iyulida yakunlanadi.

Oʻtkazish joyi - "Bahor" konsert zali.

Tanlov ikki bosqichda boʻladi:

I bosqich. Qoraqalpogʻiston Respublikasi, viloyatlar va Toshkent shahrida oʻtkaziladi;

II bosqich. 1996 yilning mart-iyul oylarida mustaqillikning 4 yilligi davomida va undan soʻng yaratilgan yangi asarlarning saralash respublika yakuniy koʻrigi oʻtkaziladi.

Qoʻshiq janrlari boʻyicha gʻolib deb topilgan ijrochilar Mustaqillikning 5 yilligi bayram tantanalarida va televideniye orqali namoyish etiladigan bayram konsertlari dasturidan imtiyozli oʻrin olish huquqiga ega boʻladilar.

Dastlabki saralash bosqichida ijrochilar fonogrammasiz - jonli hamda bir yoki bir nechta qoʻshiqlari bilan qatnashishlari mumkin.

Ijrochilarning koʻrik oʻtkaziladigan joyga kelishi bilan bogʻliq barcha sarf-хarajatlar tegishli mahalliy hokimliklar hisobidan toʻlanadi. Shuningdek koʻrik-tanlovning yuksak saviyada tashkil etilishi bilan bogʻliq moddiy va ma’naviy qoʻllab-quvvatlashda muassislar, hammuassislar va homiylar faol ishtirok etadilar.

Gʻoliblarni aniqlashda koʻrik-tanlov hay’ati koʻrikda ishtirok etgan asarlar haqida jamoatchilik tomonidan bildirilgan fikr-mulohazalarga tayanadi.

Hay’atning koʻrik-tanlov yakunlari haqidagi qarori Mustaqillik bayrami arafasida ommaviy aхborot vositalari orqali e’lon qilinadi.

Vazirlar Mahkamasining

1995 yil 5 dekabrdagi

451-son qaroriga

4-ILOVA

Oʻzbekiston Respublikasi mustaqilligining besh yilligiga bagʻishlangan "Oʻzbekiston - Vatanim manim" mavzuidagi qoʻshiqlar koʻrik-tanlovi gʻoliblari uchun beriladigan mukofotlar: