OʻZBEKISTON RESPUBLIKASI

VAZIRLAR MAHKAMASINING

QARORI

21.08.1995 y.

N 332

NAMANGAN VILOYaTINING UYChI

VA UChQOʻRGʻON TUMANLARI TAShKIL

ETILGANLIGINING 60 YILLIGINI

BAYRAM QILIShGA TAYYoRGARLIK

KOʻRISh VA UNI OʻTKAZISh

TOʻGʻRISIDA

Namangan viloyatining Uychi va Uchqoʻrgʻon tumanlari tashkil etilganligining 60 yilligi munosabati bilan Vazirlar Mahkamasi QAROR QILADI:

1. 1995 yil sentyabr oyining birinchi oʻn kunligida Uychi va Uchqoʻrgʻon tumanlari tashkil etilganligining 60 yilligini bayram qilishga bagʻishlangan tantanali tadbirlar oʻtkazilsin.

2. Namangan viloyati hokimligi:

Uychi va Uchqoʻrgʻon tumanlarini 1995-96 yillarda ijtimoiy-iqtisodiy rivojlantirish va obodonlashtirish boʻyicha kompleks chora-tadbirlarni oʻn kun muddatda ishlab chiqsin va amalga oshirsin.

Ob’yektlar qurilishi va obodonlashtirish ishlari Namangan viloyati Uychi va Uchqoʻrgʻon tumanlari mahalliy byudjetlari mablagʻlari hamda korхonalar, tashkilotlar va homiylarning ulush qoʻshib qatnashishlari hisobidan amalga oshirilsin;

qishloq хoʻjaligi, ijtimoiy soha, qurilish, sanoat hamda Uychi va Uchqoʻrgʻon tumanlari хalq хoʻjaligi boshqa tarmoqlarining alohida oʻrnak koʻrsatgan ilgʻorlarini mukofotlash toʻgʻrisida belgilangan tartibda taklif kiritsin.

3. Mazkur qarorning bajarilishin nazorat qilish Oʻzbekiston Respublikasi Vazirlar Mahkamasining hududiy-tashkiliy boʻlimiga yuklansin.

Vazirlar Mahkamasining Raisi                                            I. Karimov