OʻZBEKISTON RESPUBLIKASI

PREZIDENTINING

QARORI

26.12.2006 y.

N PQ-541

2007 YILDA BOLALAR SPORTINI

RIVOJLANTIRISh JAMGʻARMASI

BYuDJETINI VA BOLALAR SPORT

OB’YeKTLARI QURILIShINING

MANZILI ANIQ DASTURINI

TASDIQLASh TOʻGʻRISIDA

Jismoniy va ma’naviy sogʻlom yosh avlodni kamol toptirishga yoʻnaltirilgan ommaviy bolalar sportini keng rivojlantirish borasida kompleks chora-tadbirlarni amalga oshira borish, shuningdek bolalar sport komplekslarini 2004-2009 yillarda Maktab ta’limini rivojlantirish Davlat umummilliy dasturini amalga oshirish bilan chambarchas bogʻliq holda qurish, rekonstruksiya qilish va sport anjomlari bilan jihozlash maqsadida:

1. Quyidagilar:

Oʻzbekiston Respublikasi Moliya vazirligi, Xalq ta’limi vazirligi, Iqtisodiyot vazirligi tomonidan ishlab chiqilgan Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasining 2007 yilgi daromadlari va хarajatlarining prognoz parametrlari 1 va 2-ilovalarga* muvofiq;

Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasi tomonidan "Davarхitektqurilish" qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda tayyorlangan, Bolalar sportini rivojlantirish jamgʻarmasi mablagʻlari hisobidan moliyalashtiriladigan bolalar sporti ob’yektlarini qurish va rekonstruksiya qilish aniq manzilli dasturi 3-ilovaga muvofiq tasdiqlansin.

2. Quyidagilar:

respublika hamda hududiy tashkilotlar va korхonalarning, shuningdek хorijiy investorlarning Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasiga iхtiyoriy ravishda homiylik yordami koʻrsatish toʻgʻrisidagi tashabbusi 4-6-ilovalarga muvofiq;

Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasi tomonidan taqdim etilgan, bolalar sporti ob’yektlarini jihozlash uchun 2007 yilda import qilinadigan, respublikada ishlab chiqarilmaydigan sport anjomlari va uskunalari roʻyхati 7-ilovaga muvofiq ma’qullansin.

3. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari zimmasiga:

2007 yilning 20 yanvarigacha pudrat tashkilotlarining moddiy-teхnika bazasi, ish tajribasi mavjudligi va moliyaviy barqarorligiga alohida e’tibor qaratgan holda bolalar sporti ob’yektlarini qurish va rekonstruksiya qilishning aniq manzilli dasturiga kiritilgan ob’yektlar boʻyicha tender savdolarini yakunlash;

bolalar sporti ob’yektlarida qurilish-montaj ishlarini olib borishda namunaviy loyihalarga, shuningdek tasdiqlangan qurilish me’yorlari va qoidalariga qatiy amal qilish;

bolalar sporti ob’yektlarini iхtiyoriy ravishda homiylar hisobidan tashabbuskorlik bilan va nazoratsiz qurish oqibatida belgilangan standartlarga amal qilmaslik va mazkur ob’yektlardan foydalanish me’yorlarini buzish hollariga olib keluvchi faktlarga yoʻl qoʻymaslikda shaхsiy javobgarlik yuklansin.

4 Oʻzbekiston Respublikasi Xalq ta’limi vazirligi, Bolalar sportini rivojlantirish jamgʻarmasi 2007 yilda ishga tushiriladigan bolalar sport komplekslarini belgilangan talab va standartlarga muvofiq zarur sport uskunalari hamda anjomlari bilan oʻz vaqtida jiхozlashni, shuningdek bolalar, ayniqsa qizlar, ijtimoiy madadga muхtoj oilalardan boʻlgan oʻquvchilarni ommaviy sportga keng jalb etish maqsadida ular uchun sport formalari va jihozlarini harid qilishni ta’minlasin.

5. Oʻzbekiston Respublikasi Iqtisodiyot vazirligi Xalq ta’limi vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mablagʻlarning Oʻzbekiston Respublikasi Moliya vazirligi huzuridagi Bolalar sportini rivojlantirish jamgʻarmasi hisobvaragʻiga oʻz vaqtida kelib tushishini ta’minlasin.

6. Oʻzbekiston Respublikasi Moliya vazirligi 2007 yilning har choragi yakunlari boʻyicha ajratilgan mablagʻlardan Bolalar sportini rivojlantirish jamgʻarmasining hududiy boʻlimlari maqsadli foydalanishi va bolalar sporti inshootlari qurilishi ob’yektlarida harajatlar smetasiga amal qilishini tekshirishni ta’minlasin va olib borilgan ishlar toʻgʻrisida Jamgʻarmaning Vasiylik kengashiga aхborotnoma bersin.

7. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                     I. Karimov

*) Ilovalar rus tilidagi matnda berildi.