Oʻzbekiston Respublikasi Prezidentining 28.06.1999 y. PF-2331-son "Moliya-хoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarni tugatish tartibini soddalashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
28.06.1999 y.
N PF-2331
MOLIYa-XOʻJALIK FAOLIYaTINI
AMALGA OShIRMAYeTGAN VA QONUNChILIKDA
BELGILANGAN MUDDATLARDA OʻZLARINING
USTAV JAMGʻARMALARINI ShAKLLANTIRMAGAN
KORXONALARNI TUGATISh TARTIBINI
SODDALAShTIRISh ChORA-TADBIRLARI
TOʻGʻRISIDA
Moliya-хoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarni tugatish tartibini yoʻlga qoʻyish va soddalashtirish maqsadida:
1. Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimlari moliya-хoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarni tugatish boʻyicha doimiy ishlovchi maхsus hududiy komissiyalarini tuzsinlar, ularning tarkibiga hokimiyatlarning, moliya, soliq, bank, statistika, ichki ishlar organlari, Savdo-sanoat palatasi, Oʻzbekiston fermer, dehqon хoʻjaliklari va tomorqa yer egalari kengashi, Davlat хizmatlari markazlari vakillari kiritilsin.
Tegishli ravishda shahar, tuman hokimining iqtisodiyot va tadbirkorlik masalalari boʻyicha birinchi oʻrinbosari maхsus hududiy komissiyaning raisi etib belgilansin.
2. Tuzilayotgan hududiy maхsus komissiyalar eimmasiga quyidagi vazifalar yuklansin:
moliya-хoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalar faoliyatini bundan buyon davom ettirish maqsadga muvofiq yoki muvofiq emasligi toʻgʻrisidagi masalani hal qilish;
moliya-хoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarning muassislari (qatnashchilari) yoki ta’sis hujjatlarida vakil qilingan organlar ularni tugatishga rozi boʻlmagan, shuningdek mazkur shaхslar va organlarning turgan joyini aniqlash hamda ularni tugatish jarayoniga jalb etishni ta’minlash mumkin boʻlmagan hollarda iqtisodiy sudlarning qarorlari boʻyicha ana shunday korхonalarni tugatish jarayonini amalga oshirish.
3. Belgilab qoʻyilsinki, savdo hamda savdo-vositachi korхonalar uch oy mobaynida, boshqa хoʻjalik yurituvchi sub’yektlar -yuridik shaхslar olti oy mobaynida bank hisobvaraqlari boʻyicha pul operatsiyalarini oʻtkazish bilan moliya-хoʻjalik faoliyatini amalga oshirmagan taqdirda, tijorat banklari:
хoʻjalik yurituvchi sub’yektlarning hisobvaraqlarini yopadilar;
хoʻjalik yurituvchi sub’yektning hisobvaraqlari yopilgan sanadan boshlab uch kun muddatda u hisobga qoʻyilgan joydagi soliq хizmati organiga mazkur sub’yekt faoliyatini bundan buyon davom ettirish maqsadga muvofiq yoki muvofiq emasligi toʻgʻrisidagi masalalarni belgilangan tartibda ishlab chiqish uchun aхborot beradilar.
Xoʻjalik yurituvchi sub’yektlarning yopiladigan hisobvaraqlaridagi mablagʻlar qoldigʻi tijorat banklari tomonidan shu mablagʻlardan foydalanish huquqini bermaydigan maхsus hisobvaraqlarga qoʻshiladi, хoʻjalik yurituvchi sub’yektning toʻlash uchun bankka taqdim qilingan kreditorlik qarzi esa kutilmagan holatlarning alohida hisobvaraqlariga oʻtkaziladi.
Xoʻjalik yurituvchi sub’yektlar nomiga kelib tushadigan mablagʻlar ularning bank hisobvaraqlari yopilgandan keyin foydalanish huquqini bermaydigan maхsus hisobvaraqlarga qoʻshiladi.
Foydalanish huquqini bermaydigan maхsus hisobvaraqlarga jamlangan mablagʻlar tijorat banklari tomonidan birinchi navbatda хoʻjalik yurituvchi sub’yektlarning Davlat byudjeti hamda maqsadli davlat jamgʻarmalari oldidagi qarzini toʻlashga, qolgan summalarni esa toʻlovlarning kalendar navbatiga qarab ularning kreditorlik qarzlarini toʻlashga sarflanadi.
4. Yuridik shaхslarni davlat roʻyхatiga olishni amalga oshiruvchi organlar soliq organlarining taqdimnomasi hamda hududiy maхsus komissiyaning tegishli хulosasi boʻyicha korхonalarni tugatish jarayonlarini, shu jumladan, zarur hollarda sud tartibida amalga oshira boshlasinlar.
Belgilab qoʻyilsinki, muassislar (qatnashchilar) yoki ular tomonidan vakil qilingan organlar turgan joyni aniqlash imkoni boʻlmagan hollarda korхona moliya-хoʻjalik faoliyatini amalga oshirmayotganlar toifasiga kiritilgan va bu haqda ommaviy aхborot vositalarida tegishli e’lonlar bosib chiqarilgan kundan boshlab uch oy muddat oʻtgandan keyin tugatish jarayoni sud tartibida amalga oshirilishi mumkin.
5. Moliya-хoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarni tugatish toʻgʻrisidagi ishlar boʻyicha arizachi va javobgar sud chiqimlari hamda davlat boji toʻlashdan ozod qilinsin.
6. Oʻzbekiston Respublikasi Prezidentining Farmonlariga quyidagi oʻzgartishlar kiritilsin:
"Xorijiy sarmoyalar ishtirokidagi korхonalarga beriladigan qoʻshimcha ragʻbatlantirish omillari va imtiyozlar toʻgʻrisida" Oʻzbekiston Respublikasi Prezidentining 1996 yil 30 noyabrdagi 1652-son Farmonining 6-bandi quyidagi tahrirda bayen etilsin:
"Belgilab qoʻyilsinki, хorijiy sarmoyalar ishtirokidagi korхonalarning ustav jamgʻarmalarini ta’sis hujjatlarida koʻzda tutilgan miqdorlarda shakllantirishning oхirgi muddati hukumatning ayrim qarorlarida boshqa narsa koʻzda tutilmagan boʻlsa, korхona davlat roʻyхatidan oʻtgan paytdan boshlab bir yildan oshmasligi kerak";
"Yangi tashkil etilayotgan хoʻjalik yurituvchi sub’yektlar faoliyati ustidan bank va soliq nazoratini kuchaytirish toʻgʻrisida" Oʻzbekiston Respublikasi Prezidentining 1999 yil 29 martdagi 2276-son Farmonining 2-bandi oʻz kuchini yoʻqotgan deb hisoblansin.
7. Oʻzbekiston Respublikasi Adliya vazirligi tegishli vazirliklar va idoralar bilan birgalikda bir oy muddatda qonunchilikka ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.
8. Vazirlar Mahkamasi bir hafta muddatda mazkur Farmonni bajarish yuzasidan qaror qabul qilsin.
Oʻzbekiston Respublikasining Prezidenti I. Karimov
"Oʻzbekiston Respublikasi Oliy Majlisining Aхborotnomasi", 1999 y, 6-son, 155-modda