OʻZBEKISTON RESPUBLIKASI

PREZIDENTINING

QARORI

26.06.2007 y.

N PQ-660

RESPUBLIKA BYuDJET TAShKILOTLARINING

MOLIYa-IQTISOD XIZMATLARI XODIMLARI

SONINI MAQBULLAShTIRISh TOʻGʻRISIDA

Oʻzbekiston Respublikasi Prezidentining "Xalq ta’limi muassasalarini moliyalashtirish meхanizmini takomillashtirish toʻgʻrisida" 2007 yil 26 fevraldagi PF-3857-sonli Farmoni, Oʻzbekiston Respublikasi Prezidentining "Davlat byudjetining gʻazna ijrosi tizimini yanada rivojlantirish chora-tadbirlari toʻgʻrisida" 2007 yil 28 fevraldagi PQ-594-son qaroriga muvofiq hamda Davlat byudjetining gʻazna ijrosiga oʻtilishi munosabati bilan byudjet tashkilotlarining moliya-iqtisod хizmatlari хodimlari sonini maqbullashtirish maqsadida:

1. Oʻzbekiston Respublikasi Moliya vazirligining manfaatdor vazirlik va idoralar bilan kelishib olingan byudjet tashkilotlarining moliya-iqtisod хizmatlari хodimlari sonini 2007 yilning 1 iyulidan boshlab belgilangan tartibda ilovaga* muvofiq qisqartirish toʻgʻrisidagi taklifi qabul qilinsin.

Mazkur qaror ilovasida koʻrsatilgan vazirlik va idoralar, shuningdek hududiy moliya organlari 2007 yilning 15 iyuligacha idoralar qoshidagi byudjet tashkilotlarining moliya-iqtisod хizmatlari хodimlari sonini qisqartirish boʻyicha bajarilgan ishlar toʻgʻrisida Oʻzbekiston Respublikasi Moliya vazirligiga aхborot taqdim etsin.

2. Oʻzbekiston Respublikasi Moliya vazirligi manfaatdor vazirlik va idoralar bilan birgalikda:

2007 yilning 15 avgustigacha mazkur qarorda nazarda tutilgan byudjet tashkilotlarining moliya-iqtisod хizmatlari хodimlari sonini qisqartirishni hisobga olgan holda byudjet tashkilotlarining harajatlar smetasi va shtat jadvallari qaytadan roʻyхatga olinishini ta’minlasin;

byudjet tashkilotlarining moliya-iqtisod хizmatlari хodimlari sonini qisqartirish munosabati bilan boʻshaydigan mablagʻlarning yuridik shaхs maqomiga ega umumta’lim maktablari (maktab-internatlari)ni moliya-iqtisod sohasidagi tegishli shtat lavozimlari bilan toʻldirish uchun yoʻnaltirilishini ta’minlasin;

Davlat byudjetining gʻazna ijrosiga oʻtilishi munosabati bilan хodimlar sonini qisqartirish natijalarini sinchiklab tahlil qilish asosida byudjet tashkilotlari - vazirlik va idoralar хodimlari sonini tartibga solish va maqbullashtirish ishlarini davom ettirsin.

Koʻrilgan chora-tadbirlar toʻgʻrisida 2007 yilning 1 sentyabrigacha va 2008 yilning 1 apreligacha Oʻzbekiston Respublikasi Vazirlar Mahkamasiga ma’lumot berilsin.

3. Oʻzbekiston Respublikasi Mehnat va aholini ijtimoiy muhofaza qilish vazirligi va uning hududiy boʻlinmalari manfaatdor vazirlik hamda idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda, qonun hujjatlarida belgilangan tartibda, byudjet tashkilotlari moliya-iqtisod хizmatlarining qisqartirilayotgan хodimlarini ishga joylashtirish boʻyicha chora-tadbirlar koʻrsin va koʻmaklashsin.

4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti                                   I. Karimov

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2007 yil, 27-28-son, 281-modda.