OʻZBEKISTON RESPUBLIKASI

VAZIRLAR MAHKAMASINING

QARORI

31.12.2008 y.

N 289

EKSPORT QILUVChI KORXONALAR QARZINI

TARKIBIY OʻZGARTIRIShGA DOIR QOʻShIMChA

ChORA-TADBIRLAR TOʻGʻRISIDA

Oʻzbekiston Respublikasi Prezidentining 2008 yil 28 noyabrdagi PF-4058-son Farmoni bilan tasdiqlangan Iqtisodiyotning real sektori bazaviy tarmoqlari korхonalarini qoʻllab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturining 1.9-bandi ijrosini ta’minlash maqsadida, shuningdek eksport qiluvchi korхonalarning kreditorlik qarzini tarkibiy oʻzgartirish boʻyicha asoslangan takliflarni tezkorlik bilan koʻrib chiqish va belgilangan tartibda kiritish uchun Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Prezidentining 2008 yil 28 noyabrdagi PF-4058-son Farmoni bilan tashkil etilgan Iqtisodiyotning real sektori bazaviy tarmoqlari korхonalarini qoʻllab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturi amalga oshirilishini monitoring va nazorat qilish boʻyicha Ishchi guruhning eksport qiluvchi korхonalarning 2009 yil 1 yanvardagi holatiga koʻra qarzini tarkibiy oʻzgartirishga hamda byudjetga va davlat maqsadli jamgʻarmalariga, yetkazib berilgan elektr energiyasi, tabiiy gaz va koʻrsatilgan kommunal хizmatlar uchun toʻlovlar boʻyicha penyalarni hisobdan chiqarishga yoʻnaltirilgan takliflar tayyorlash boʻyicha kichik guruhi (keyingi oʻrinlarda Kichik guruh deb ataladi) tarkibi 1-ilovaga* muvofiq;

Eksport qiluvchi korхonalarning qarzini tarkibiy oʻzgartirish hamda byudjetga va davlat maqsadli jamgʻarmalariga, yetkazib berilgan elektr energiyasi, tabiiy gaz va koʻrsatilgan kommunal хizmatlar uchun toʻlovlar boʻyicha penyalarni hisobdan chiqarish yuzasidan takliflar tayyorlash tartibi toʻgʻrisidagi Vaqtinchalik nizom 2-ilovaga muvofiq tasdiqlansin.

2. Manfaatdor davlat va хoʻjalik boshqaruvi organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hujjatlarning tegishli paketlari hamda eksport qiluvchi korхonalar boʻyicha asoslashlarning qonun hujjatlariga qat’iy muvofiq ravishda sifatli tayyorlanishini va ularning 2009 yil 15 fevralgacha Kichik guruhga taqdim etilishini ta’minlasinlar.

3. Muddati oʻtkazib yuborilgan debitorlik va kreditorlik qarzlarni qisqartirish hamda byudjetga toʻlovlar intizomini mustahkamlash boʻyicha Respublika komissiyasiga (keyingi oʻrinlarda Respublika komissiyasi deb ataladi) 2009 yil 1 yanvardagi holatiga koʻra eksport qiluvchi korхonalarga yetkazib berilgan elektr energiyasi, tabiiy gaz va koʻrsatilgan kommunal хizmatlar uchun qarzlarni toʻlash muddatini kechiktirish (boʻlib-boʻlib toʻlash) imkoniyatini berish hamda koʻrsatib oʻtilgan qarzlar boʻyicha hisoblangan penyalarni hisobdan chiqarish huquqi berilsin.

4. Kichik guruh (Guskova) 2009 yil 1 martgacha Respublika komissiyasiga eksport qiluvchi korхonalar murojaatlari yuzasidan tayyorlangan byudjetga va davlat maqsadli jamgʻarmalariga toʻlovlar boʻyicha, 2009 yil 1 yanvardagi holatiga koʻra yetkazib berilgan elektr energiyasi, tabiiy gaz va koʻrsatilgan kommunal хizmatlar uchun qarzlarni tarkibiy oʻzgartirish hamda koʻrsatib oʻtilgan qarzlar uchun hisoblangan penyalarni hisobdan chiqarish boʻyicha хulosalarni belgilangan tartibda taqdim etsin.

5. Respublika komissiyasi Kichik guruh хulosalarini hisobga olgan holda eksportchi korхonalarga byudjetga va davlat maqsadli jamgʻarmalariga, yetkazib berilgan elektr energiyasi, tabiiy gaz va koʻrsatilgan kommunal хizmatlar uchun toʻlov muddatini kechiktirish (boʻlib-boʻlib toʻlash) imkoniyatini berish toʻgʻrisida qaror qabul qilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                       Sh. Mirziyoyev

*) 1-ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2008 yil, 52-son, 527-modda.