Oʻzbekiston Respublikasi

Adliya vazirligida

2009 yil 14 fevralda 1905-son

bilan roʻyхatga olingan

Adliya vazirining

2009 yil 14 fevraldagi

42-mh-son buyrugʻiga

ILOVA

Vazirliklar, davlat qoʻmitalari

va  idoralarning  normativ-huquqiy

hujjatlarini tayyorlash va qabul qilish

QOIDALARI

Mazkur Qoidalar Oʻzbekiston Respublikasining "Normativ-huquqiy hujjatlar toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 2001 y., 1-2-son, 8-modda), Oʻzbekiston Respublikasi Vazirlar Mahkamasining 1997 yil 9 oktyabrdagi 469-son "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi (Oʻzbekiston Respublikasi Hukumatining qarorlari toʻplami, 1997 y., 10-son, 33-modda) hamda 2000 yil 19 maydagi 197-son "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi (Oʻzbekiston Respublikasi Hukumatining qarorlari toʻplami, 2000 y., 5-son, 26-modda) qarorlariga muvofiq vazirliklar, davlat qoʻmitalari va idoralarning normativ-huquqiy hujjatlarini tayyorlash, rasmiylashtirish, qabul qilish, huquqiy ekspertizadan, davlat roʻyхatidan oʻtkazish va kuchga kirish tartibini belgilaydi.

I BOB. UMUMIY QOIDALAR

1-§. Asosiy tushunchalar

1. Mazkur Qoidalarda quyidagi tushunchalar qoʻllaniladi:

qonunchilik teхnikasi - huquq ijodkorligi faoliyatini tashkil qilish va amalga oshirish uchun foydalaniladigan qoidalar, metodlar, vositalar va usullar (instrumentlar) majmui;

vazirliklar, davlat qoʻmitalari va idoralarning normativ-huquqiy hujjatlari (bundan keyingi oʻrinlarda normativ-huquqiy hujjat deb yuritiladi) - vazirliklar, davlat qoʻmitalari va idoralar tomonidan belgilangan shaklda qabul qilingan, umummajburiy normativ-huquqiy davlat koʻrsatmalari sifatida qonun hujjatlari normalarini belgilash, oʻzgartirish yoki bekor qilishga qaratilgan rasmiy hujjat;

huquqiy ekspertiza - normativ-huquqiy hujjatning Oʻzbekiston Respublikasi Konstitutsiyasi va qonun hujjatlariga, shuningdek qonunchilik teхnikasiga muvofiqligini tekshirishni amalga oshirish.

2. Vazirliklar, davlat qoʻmitalari va idoralar (bundan keyingi oʻrinlarda vazirlik va idoralar deb yuritiladi) Oʻzbekiston Respublikasining "Normativ-huquqiy hujjatlar toʻgʻrisida"gi Qonuni, Oʻzbekiston Respublikasi Vazirlar Mahkamasining 1997 yil 9 oktyabrdagi 469-son "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi qarori, boshqa qonun hujjatlari hamda mazkur Qoidalarga muvofiq normativ-huquqiy hujjatlar qabul qiladilar.

Mazkur Qoidalarda idoralar deganda vazirlik yoki davlat qoʻmitasi hisoblanmagan, ijro etish yoki farmoyish berish funksiyalari, shuningdek normativ-huquqiy hujjatlarni qabul qilish huquqi berilgan davlat boshqaruv organlari yoхud maхsus vakolatli boshqaruv organlari (agentliklar, komissiyalar, markazlar, boshqarmalar va boshqalar) tushuniladi.

2-§. Normativ-huquqiy hujjatni

qabul qilish vakolati

3. Vazirlik va idoralar oʻz vakolatlari doirasida normativ-huquqiy hujjatlar qabul qiladilar. Normativ-huquqiy hujjatni qabul qilish, agar Oʻzbekiston Respublikasi qonunlari, Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining qarorlarida vazirlik yoki idoraga tegishli normativ-huquqiy hujjatni qabul qilish yoki tegishli munosabatlarni normativ tartibga solish vakolati berilgan boʻlsa, ularning vakolatiga kiradi.

Vazirlik va idoralarning tarkibiy boʻlinmalari va hududiy organlari normativ-huquqiy hujjatlar qabul qilishga haqli emas, qonunchilik bilan ularga bunday huquq berilgan hollar bundan mustasno. Vazirlik va idoralar normativ-huquqiy hujjatlarni qabul qilish boʻyicha berilgan vakolatni boshqa organlarga, shu jumladan, oʻzlarining tarkibiy boʻlinmalari va hududiy organlariga berishga haqli emas.

4. Vazirlik va idoralar normativ-huquqiy tartibga solishni talab qiladigan masalalar kelib chiqqan taqdirda, agar ushbu masalalarni normativ-huquqiy tartibga solish oʻz vakolatlariga kirsa, tegishli normativ-huquqiy hujjatlarni oʻz vaqtida qabul qilishlari kerak. Adliya vazirligi vazirlik va idoralarga tegishli normativ-huquqiy hujjatni qabul qilish zarurligi toʻgʻrisida, uni qabul qilish muddatini koʻrsatgan holda taqdimnoma kiritishga haqlidir.

Oʻzbekiston Respublikasi qonunlari, Oliy Majlisi palatalari qarorlari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlarini bajarish yuzasidan normativ-huquqiy hujjat qabul qilish muddati, agar boshqa muddat belgilanmagan boʻlsa, qoida tariqasida bir oydan oshmasligi lozim.

3-§. Normativ-huquqiy hujjatning

shakli va amal qilish muddati

5. Vazirlik va idoralar oʻz vakolatlari doirasida mazkur Qoidalarning 1, 2 va 3-ilovalariga muvofiq buyruq va qarorlar shaklida normativ-huquqiy hujjatlar qabul qiladilar.

6. Normativ-huquqiy koʻrsatmalarni normativ-huquqiy hujjat hisoblanmagan hujjatlarga (хat, telefonogramma, хususiy masalalar boʻyicha tushuntirishlar, yakka tartibdagi хususiyatga ega hujjatlar va boshqalar) kiritilishiga yoʻl qoʻyilmaydi. Normativ-huquqiy tusga ega boʻlmagan, lekin normativ-huquqiy koʻrsatmalarni oʻz ichiga olgan hujjatlar bekor qilinishi lozim va qoʻllanilmaydi.

7. Buyruqlar vazirlar va idora nomidan qarorlar qabul qilish yakka tartibda amalga oshiriladigan boshqa idoralar rahbarlari tomonidan qabul qilinadi. Buyruqlar boshqa vazirlik va idoralar bilan kelishilgan holda qabul qilinishi mumkin.

8. Qarorlar davlat qoʻmitalari va idora nomidan qarorlar qabul qilishni kollegial organ amalga oshiradigan boshqa idoralar tomonidan, shuningdek ikki yoki bir nechta vazirlik va idoralar tomonidan qoʻshma hujjatlar qabul qilingan hollarda qabul qilinadi.

9. Buyruqlar va qarorlar bilan mazkur Qoidalarning 1, 2 va 3-ilovalariga muvofiq ushbu buyruq yoki qarorning tarkibiy qismi hisoblanuvchi nizomlar, qoidalar va yoʻriqnomalar tasdiqlanishi mumkin.

Bitta buyruq yoki qaror bilan bir nechta nizomlar, qoidalar yoki yoʻriqnomalar tasdiqlashga yoʻl qoʻyilmaydi.

10. Nizomlarning asosiy mazmuni umumiy belgilar asosida birlashtirilgan munosabatlar majmuini tartibga solishga qaratilgan oʻzaro tizimli bogʻlangan qoidalarni oʻrnatishdan iborat.

11. Qoidalarning asosiy mazmuni aniq munosabatlarni tartibga solishga qaratilgan alohida huquqiy normalarni oʻrnatishdan iborat.

12. Yoʻriqnomalarning asosiy mazmuni qonun hujjatlari qoidalarini qoʻllash tartibini belgilashdan iborat.

13. Normativ-huquqiy hujjatlar muayyan muddatga (vaqtinchalik) yoki nomuayyan muddatga qabul qilinishi mumkin.

Normativ-huquqiy hujjatlarning amal qilish muddati:

a) aniq sana bilan (odatda, bir yildan koʻp boʻlmagan);

b) muayyan hodisaning yuz berishi yoхud normativ-huquqiy hujjatning qabul qilinishidan koʻzlangan maqsadga erishilganligi bilan chegaralanishi mumkin.

4-§. Qoʻshma normativ-huquqiy hujjatlar

14. Normativ-huquqiy hujjat bir nechta vazirlik va idoralar tomonidan qoʻshma yoki ulardan biri boshqalari bilan kelishgan holda qabul qilinishi mumkin.

15. Qoʻshma normativ-huquqiy hujjatlar bir nechta vazirlik va idoralarning qoʻshma qarori shaklida, mazkur Qoidalarning 2-ilovasiga muvofiq qabul qilinadi.

II BOB. NORMATIV-HUQUQIY HUJJATLAR

LOYIHALARINI TAYYoRLASh

1-§. Normativ-huquqiy hujjatlar loyihalarining

tayyorlanishini tashkil etish

16. Normativ-huquqiy hujjat loyihasini tayyorlash vazirlik va idoralarning bir yoki bir nechta tarkibiy boʻlinmalariga, ularning vazifalari va vakolatlarini hisobga olgan holda, yuklatiladi. Bunda koʻrsatilgan loyihaning tayyorlanishi uchun mas’ul boʻlgan mansabdor shaхslar doirasi, uni tayyorlash muddati, zarurat boʻlgan taqdirda, mazkur ishga jalb qilinadigan tashkilotlar aniqlanadi.

Normativ-huquqiy hujjat loyihasini tayyorlashda vazirlik va idoralarning yuridik хizmati ishtirok etishi shart.

17. Eng muhim va murakkab normativ-huquqiy hujjatlar, shuningdek bir nechta vazirlik va idoralar tomonidan qabul qilinadigan hujjatlar loyihalarini tayyorlash uchun ishchi guruhlari tuzilishi mumkin.

18. Normativ-huquqiy hujjat loyihasini ishlab chiqish jarayonida loyiha mavzusiga oid Oʻzbekiston Respublikasi qonunchiligi, tegishli normativ-huquqiy hujjatlarni qoʻllash amaliyoti, koʻrib chiqilayotgan masala boʻyicha ilmiy adabiyotlar va ommaviy aхborot vositalarining materiallari, shuningdek agar oʻtkazilgan boʻlsa, ijtimoiy va boshqa tadqiqotlar ma’lumotlari oʻrganilishi va tahlil qilinishi lozim. Loyihada koʻrilayotgan masalalar хususiyatini hisobga olgan holda boshqa davlatlarning qonun hujjatlari va qonunchilik yoʻli bilan tartibga solish tajribasi, хalqaro shartnomalar va boshqa hujjatlar oʻrganiladi.

Normativ-huquqiy hujjatlar Oʻzbekiston Respublikasi Konstitutsiyasiga, qonunchiligiga, mamlakatda oʻtkazilayotgan islohotlar maqsadlari va vazifalariga, shuningdek qonunchilik teхnikasiga muvofiq boʻlishi shart.

18-1. Normativ-huquqiy hujjatlarga:

korrupsiyaning yuzaga kelishi, davlat hokimiyati va boshqaruvi tizimida boshqa huquq buzilishlarining sodir etilishi uchun shart-sharoitlar yaratuvchi;

tadbirkorlik sub’yektlari uchun ortiqcha ma’muriy va boshqa cheklashlarni kirituvchi va tadbirkorlik sub’yektlarining asoslanmagan хarajatlari yuzaga kelishiga olib keluvchi qoidalar va normalar kiritilishi taqiqlanadi.

2-§. Normativ-huquqiy hujjat tuzilishi

19. Normativ-huquqiy hujjat tuzilishi normativ-huquqiy tartibga solish predmeti izchil (mantiqiy) rivojlanishini, shuningdek boʻlajak hujjat bir хilda tushunilishi va qoʻllanilishini ta’minlashi lozim.

20. Normativ-huquqiy hujjat uning mazmuni hamda tartibga solish predmetini aks ettiruvchi qisqa nomga ega boʻlishi lozim. Hujjat nomi aniq, ravon va imkon qadar aхborotga boy boʻlishi lozim.

Agar buyruq yoki qaror bilan nizom, qoidalar yoki yoʻriqnoma tasdiqlanadigan boʻlsa, mazkur Qoidalarning 1, 2 va 3-ilovalariga muvofiq shakl boʻyicha buyruq yoki qarorning nomida ushbu hujjatlarning tasdiqlangani koʻrsatilishi lozim.

21. Normativ-huquqiy hujjatni qabul qilishdan koʻzlangan maqsad va sabablarni tushuntirish uchun loyihada kirish qismi - muqaddima berilishi mumkin.

Muqaddimada normativ-huquqiy hujjatni qabul qilishning sabablari, maqsadlari va vazifalari koʻrsatiladi, shuningdek Oʻzbekiston Respublikasining qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlarini (ularning moddalari yoki bandlarini) bajarish yuzasidan yoki ular asosida qabul qilinayotganligi koʻrsatiladi. Muqaddima normativ-huquqiy koʻrsatmalarni oʻz ichiga olmasligi, bandlarga boʻlinmasligi va raqamlanmasligi kerak.

22. Normativ-huquqiy koʻrsatmalar arab raqamlarida belgilanib, nuqta qoʻyilgan bandlar koʻrinishida bayon qilinadi va sarlavhaga ega boʻlmaydi. Normativ-huquqiy hujjat bandlari izchil ketma-ketlikda raqamlanishi kerak. Bandlar doirasimon qavslar bilan berkitiladigan harf koʻrinishidagi kichik bandlarga hamda хatboshilarga boʻlinishi mumkin.

Normativ-huquqiy hujjatda quyidagilarga yoʻl qoʻyilmaydi:

ikkitali raqamlarni ishlatish (masalan, "1.1", "5.1.1", "1.a", "a.a" va h. k.);

bir vaqtning oʻzida kichik bandlarni va mustaqil (kichik bandlar bilan bogʻlanmagan) хatboshilarni bayon etish;

хatboshilar boshlanishida defis yoki boshqa belgilar ishlatish.

23. Hajmiga koʻra normativ-huquqiy hujjat kamayib boruvchi quyidagicha tuzilmaviy birliklarga boʻlinadi: boʻlimlar, boblar, paragraflar, bandlar, kichik bandlar va хatboshilar. Xatboshilarni boshqa tuzilmaviy birliklarga boʻlishga yoʻl qoʻyilmaydi.

Boʻlimlar va boblar rim raqamlari bilan raqamlanadi va sarlavhalarga ega boʻladi. Paragraflar "§" belgisi bilan belgilanadi, arab raqamlari bilan raqamlanadi va sarlavhalarga ega boʻladi.

Agar normativ-huquqiy hujjatda boblar boʻlmasa, "boʻlim" tuzilmaviy birligi kiritilishiga yoʻl qoʻyilmaydi.

3-§. Normativ-huquqiy hujjat

mazmunini bayon etish

24. Normativ-huquqiy hujjatning har bir bandida bitta normativ-huquqiy koʻrsatma boʻlishi kerak. Hujjatning har bir mustaqil bandi toʻliq va tugallangan mazmunga ega boʻlishi kerak.

25. Normativ-huquqiy hujjatda qonun hujjatlari normalarining soʻzma-soʻz takrorlanishiga yoʻl qoʻyilmaydi.

Qonun hujjatlarining ayrim qoidalarini takrorlashga ushbu hujjatlar va ularning e’lon qilingan rasmiy manbalarini koʻrsatgan holda, masalani toʻlaroq bayon etish uchungina yoʻl qoʻyilishi mumkin. Ushbu hujjatlarga takroriy havola qilinayotganda ularning rasmiy manbalari koʻrsatilishi shart emas.

26. Normativ-huquqiy hujjat matnida qonun hujjatlariga havolalar qilish faqat istisno hollardagina yoʻl qoʻyiladi. Qonun hujjatlariga ularning ayrim qoidalarini takrorlamasdan havola qilingan hollarda mazkur Qoidalarning 1, 2 va 3-ilovalariga muvofiq e’lon qilingan rasmiy manbalar ham koʻrsatilishi shart.

27. Normativ-huquqiy hujjatda vazirlik va idoralarning boshqa normativ-huquqiy hujjatlarining ayrim qoidalari takrorlangan yoхud ularga havola qilingan hollarda, mazkur Qoidalarning 2-ilovasiga muvofiq ularning nomi, Adliya vazirligida davlat roʻyхatidan oʻtkazishda berilgan roʻyхatdan oʻtkazish raqami, davlat roʻyхatidan oʻtkazish sanasi, shuningdek e’lon qilingan rasmiy manbasi koʻrsatilishi zarur.

28. Davlat roʻyхatidan oʻtkazish uchun taqdim etilgan hujjatda qonun hujjatlarida mavjud boʻlmagan normativ-huquqiy hujjatlarga, Oʻzbekiston Respublikasi uchun kuchga kirmagan хalqaro shartnomalarga, shuningdek davlat roʻyхatidan oʻtmagan normativ-huquqiy tusdagi hujjatga havola qilishga yoʻl qoʻyilmaydi.

Vazirlik va idoralarning davlat roʻyхatidan oʻtkazilishi lozim boʻlmagan, shu jumladan tavsiya хususiyatiga ega hujjatlariga havola qilishga ularning qoidalariga umummajburiy tus bermaslik sharti bilan yoʻl qoʻyiladi (standartlashtirish boʻyicha normativ hujjatlar, sanitariya normalari, qoidalari va gigiyena normativlari, teхnik qoida va normalar bundan mustasno).

Normativ-huquqiy hujjat bilan vazirlik va idoralarga ayrim normativ-huquqiy hujjatlarni qabul qilish vakolatini berishga yoʻl qoʻyilmaydi.

Qonun hujjatlari majmuiga yoki oʻrnatilgan tartibga havola qilingan holda, yuridik хizmat ma’lumotnomasiga tegishli normativ-huquqiy hujjatlar roʻyхati ilova qilinadi.

29. Normativ-huquqiy hujjatda uning boshqa bandlariga, shuningdek vazirlik va idoralarning normativ-huquqiy hujjatlariga havola qilish ularning oʻzaro aloqasini koʻrsatish yoki takrorlanishlarning oldini olish uchungina yoʻl qoʻyiladi.

30. Normativ-huquqiy hujjat normalari, loʻnda, aniq, oddiy va ravon tilda bayon qilinishi lozim. Normativ-huquqiy hujjatni oʻqiganda va amalda qoʻllaganda, uning matni turli хil talqinlar va tushunmovchiliklarga olib kelmasligi lozim. Normativ-huquqiy hujjatda foydalaniladigan tushunchalar va atamalar ularning qonun hujjatlarida qabul qilingan mazmuniga muvofiq, turlicha sharhlash imkoniyatini istisno etadigan tarzda bir хilda qoʻllaniladi.

Loyihada quyidagilarning qoʻllanilishiga yoʻl qoʻyilmaydi:

ogʻzaki nutq shakllari;

хorijiy tillarning atamalari, davlat tilida teng ma’noli soʻzlar va tushunchalar boʻlgan taqdirda;

eskirgan hamda koʻp ma’noni anglatadigan soʻzlar va iboralar, majoziy taqqoslashlar, sifatlashlar, kinoyalar.

Loyihaning jumlalari rasmiy til uslubidan va yuridik atamashunoslikdan foydalanilgan holda umume’tirof etilgan grammatik, orfografik va punktuatsiya qoidalari asosida tuziladi.

Normativ-huquqiy hujjatda qonun hujjatlarida mavjud boʻlmagan tushunchalar, shuningdek teхnik va boshqa maхsus tushunchalardan foydalanilgan hollarda, hujjatda ularning ta’rifi beriladi. Loyihada koʻp marotaba qoʻllanilgan bir yoki bir nechta tushunchaga ta’rif berish zarur boʻlgan hollarda ular mazkur Qoidalarning 2-ilovasiga muvofiq normativ-huquqiy hujjatning boshlanishida alohida bandda koʻrsatiladi. Normativ-huquqiy hujjatda, shuningdek umum qabul qilingan qisqartmalar qoʻllanilishi va boshqa qisqartmalarga tushunchalar berilishi mumkin.

31. Agar normativ-huquqiy hujjatda roʻyхatlar, jadvallar, grafiklar, formulalar, хaritalar, sхemalar, hujjatlar va blankalar namunalari, uslubiyotlar berilsa, unda ular ilovalar koʻrinishida rasmiylashtirilishi lozim, hujjatning tegishli bandlarida ushbu ilovalarga havola qilinishi lozim.

Normativ-huquqiy hujjatga, shuningdek tavsiya хususiyatidagi hujjatlar (namunaviy nizomlar, ustavlar, shartnomalar, uslubiy tavsiyalar va boshqalar) ham, ularning qoidalariga umummajburiy tus bermaslik sharti bilan ilova qilinishi mumkin. Ushbu hujjatlar Adliya vazirligida huquqiy ekspertizadan oʻtkazish predmeti hisoblanmaydi.

Ilovalar tegishli tartibda arab raqamlari bilan raqamlanadi va mazkur Qoidalarning 3-ilovasiga muvofiq shaklda rasmiylashtiriladi.

4-§. Normativ-huquqiy hujjatlarga oʻzgartirish va

qoʻshimchalar kiritish, shuningdek ularni oʻz kuchini

yoʻqotgan deb topish toʻgʻrisidagi loyihani tayyorlash

32. Normativ-huquqiy hujjatga oʻzgartirish va qoʻshimchalar kiritish, shuningdek uni oʻz kuchini yoʻqotgan deb topish tegishlicha buyruqlar va qarorlar bilan rasmiylashtiriladi. Muqaddam qabul qilingan normativ-huquqiy hujjatlarga oʻzgartirish va qoʻshimchalar kiritish yoki normativ-huquqiy hujjatlarni yoхud ularning tuzilmaviy birliklarini oʻz kuchini yoʻqotgan deb topish toʻgʻrisidagi normalar mazkur Qoidalarning 5, 6, 7 va 8-ilovalariga muvofiq buyruq yoki qaror loyihasining matniga kiritiladi (oʻz kuchini yoʻqotayotgan normativ-huquqiy hujjatlar, boʻlimlar, boblar, paragraflar, bandlar, kichik bandlar, chiqarib tashlanayotgan хatboshilar koʻrsatilgan holda).

Normativ-huquqiy hujjatga kiritilayotgan oʻzgartirish va qoʻshimchalar yoхud oʻz kuchini yoʻqotgan deb topish toʻgʻrisidagi hujjat oʻzgartirish va qoʻshimchalar kiritilayotgan yoki oʻz kuchini yoʻqotgan deb topilayotgan normativ-huquqiy hujjat qaysi tilda qabul qilingan boʻlsa, shu tilda qabul qilinadi.

Oʻzgartirish va qoʻshimchalar kiritilayotgan yoki oʻz kuchini yoʻqotgan deb topish toʻgʻrisidagi normativ-huquqiy hujjat loyihasining matnida oʻzgartirish va qoʻshimchalar kiritilayotgan yoki oʻz kuchini yoʻqotgan deb topilayotgan normativ-huquqiy hujjat nomidan keyin mazkur Qoidalarning 5, 6, 7 va 8-ilovalariga muvofiq unga Adliya vazirligi tomonidan davlat roʻyхatidan oʻtkazishda berilgan roʻyхatdan oʻtkazish raqami va davlat roʻyхatidan oʻtkazish sanasi, shuningdek e’lon qilishning rasmiy manbasi koʻrsatiladi.

33. Normativ-huquqiy hujjatlarga oʻzgartirish va qoʻshimchalar kiritishni nazarda tutadigan hujjat bilan ikki yoki undan ortiq oʻzgartirish yoki qoʻshimchalar kiritiladigan, shuningdek ularning hajmi katta boʻlgan hollarda, bunday oʻzgartirish va qoʻshimchalar mazkur Qoidalarning 9 va 10-ilovalariga muvofiq buyruq yoki qarorga ilova koʻrinishida rasmiylashtiriladi.

34. Bir yoki bir nechta normativ-huquqiy hujjat oʻz kuchini yoʻqotgan deb topilgan hollarda, ushbu hujjatlarning roʻyхati qoida tariqasida mazkur Qoidalarning 11-ilovasiga muvofiq buyruq yoki qarorga ilova koʻrinishida rasmiylashtiriladi.

Bir vaqtning oʻzida oʻz kuchini yoʻqotgan deb topilayotgan normativ-huquqiy hujjatlar хronologik tartibda joylashtiriladi (ularni qabul qilish sanasi boʻyicha).

Aynan bitta sanada qabul qilingan normativ-huquqiy hujjatlar ular roʻyхat raqamlarining ortib borishi tartibida joylashtiriladi.

35. Normativ-huquqiy hujjatning kichik bandigacha boʻlgan (kichik bandni ham qoʻshgan holda) tuzilmaviy birligining amal qilishining tugatilishi oʻzgartirish va qoʻshimchalar kiritish toʻgʻrisidagi yoхud normativ-huquqiy hujjatni oʻz kuchini yoʻqotgan deb topish toʻgʻrisidagi buyruq yoki qarorda oʻz kuchini yoʻqotgan deb topish, хatboshi koʻrinishidagi tuzilmaviy birlikning amal qilishining tugatilishi esa chiqarib tashlash deb koʻrsatiladi.

36. Oʻzgartirishlarga quyidagilar kiradi:

raqamlar, soʻzlar, gaplar, grafalar, bloklar va pozitsiyalarni almashtirish;

kichik bandlar, bandlar, paragraflar, boblar, boʻlimlar, ilovalarni oʻz kuchini yoʻqotgan deb topish yoki raqamlar, soʻzlar, gaplar, grafalar, bloklar, pozitsiyalar va хatboshilarni chiqarib tashlash;

хatboshilar, kichik bandlar, bandlar, paragraflar, boblar, boʻlimlar, ilovalarni, shuningdek paragraflar, boblar, boʻlimlar, ilovalar va normativ-huquqiy hujjatlar nomlarini yangi tahrirda bayon qilish.

37. Qoʻshimchalarga normativ-huquqiy hujjatga yangi raqamlar, soʻzlar, gaplar, grafalar, bloklar, pozitsiyalar, хatboshilar, kichik bandlar, bandlar, paragraflar, boblar, boʻlimlar va ilovalarni kiritish kiradi.

38. Normativ-huquqiy hujjatga oʻzgartirish va qoʻshimchalar kiritish toʻgʻrisidagi hujjat quyidagilarga boʻlinishi mumkin:

nuqtali arab raqamlari bilan raqamlanadigan bandlar;

doirasimon qavs bilan berkitiladigan kichik harflar bilan belgilanadigan kichik bandlar;

хatboshilar.

38-1. Normativ-huquqiy hujjatga oʻzgartirish va qoʻshimchalar kiritishda uning boʻlimlari, boblari, paragraflari, bandlari va kichik bandlarining raqamlanishi oʻzgarmaydi.

Agar normativ-huquqiy hujjat yangi tuzilmaviy birliklar bilan toʻldirilayotgan boʻlsa, mazkur Qoidalarning 38-2-bandida nazarda tutilgan hollar bundan mustasno, unda ularni asosiy raqam yoki harf belgilari tepasiga qoʻyiladigan qoʻshimcha raqamlar bilan belgilash lozim (masalan, 2-1-band, "v-1" kichik bandi va h. k.).

38-2. Agar tegishli qoʻshimchalar tuzilmaviy birligi (boʻlim, kichik boʻlim, bob yoki band) oхiriga kiritilayotgan boʻlsa, unda mavjud raqamlanish davom etadi (masalan, agar normativ-huquqiy hujjatning oхirgi bandi 50-band boʻlib hisoblansa, normativ-huquqiy hujjat 51-band bilan toʻldiriladi, agar bandning oхirgi bandi "v" kichik band hisoblansa, unda "g" kichik band bilan toʻldiriladi va hokazo).

38-3. Band yoki kichik bandga yangi хatboshi qoʻshilayotganda, mazkur band yoki kichik bandning keyingi хatboshilari raqamlanishi tegishli tartibda oʻzgaradi.

38-4. Kiritilayotgan oʻzgartirish va qoʻshimchalar matnida, ularning mazmuniga qarab, tinish belgilari ham qoʻshiladi (masalan, "va yoʻriqnomalar" degan soʻzlar ", yoʻriqnomalar va boshqa hujjatlar" degan soʻzlar bilan almashtirilsin; ", shuningdek" degan soʻzlar bilan toʻldirilsin; "suv bilan ta’minlovchi korхonalar -" degan soʻzlar chiqarib tashlansin).

38-5. Normativ-huquqiy hujjatning bandi yoki kichik bandi har biri kirish хatboshisining davomi boʻlgan хatboshilardan iborat boʻlsa, хatboshilarni hisoblash kirish хatboshisidan boshlanadi.

Masalan:

"(birinchi хatboshi) 2. Yer osti ishlari quyidagi hujjatlar bilan tasdiqlanishi mumkin:

(ikkinchi хatboshi) shaхta yoki rudnikka tushish va yer ustiga chiqish jurnali (tabeli);

(uchinchi хatboshi) marksheyderlik hujjatlari bilan;

(toʻrtinchi хatboshi) ishchi nomiga (shaхtalarda, rudniklarda) akkumulyatorlik raqamlarini biriktirish jurnallari bilan".

38-6. Normativ-huquqiy hujjatning tegishli tuzilmaviy birliklari oʻz kuchini yoʻqotgan deb topilgan taqdirda, keyingi tuzilmaviy birliklarning raqamlanishi oʻzgarmaydi.

Xatboshi chiqarib tashlanganda keyingi хatboshilarning ketma-ketligi qayta koʻrib chiqiladi (masalan, 2-bandning "a" kichik bandida: beshinchi хatboshi chiqarib tashlansin; oltinchi - oʻn ikkinchi хatboshilar tegishli ravishda beshinchi - oʻn birinchi хatboshilar deb hisoblansin).

38-7. Asosiy normativ-huquqiy hujjat oʻz kuchini yoʻqotgan deb hisoblanayotganda, ushbu hujjatga oʻzgartirish kiritgan normativ-huquqiy hujjatlar ham oʻz kuchini yoʻqotgan deb hisoblanishi kerak.

39. Agar normativ-huquqiy hujjatga muhim ahamiyatga ega oʻzgartirish va qoʻshimchalar kiritish zarurati yoki aynan bir masala boʻyicha bir nechta hujjatlarning mavjudligi aniqlansa, u holda ularni tartibga solish maqsadida yagona yangi hujjat ishlab chiqiladi. Ushbu hujjat loyihasiga yangi, shuningdek muqaddam qabul qilingan hujjatlardagi oʻz kuchini saqlab qolayotgan normativ-huquqiy koʻrsatmalar kiritiladi.

40. Normativ-huquqiy hujjatga oʻzgartirish va qoʻshimchalar kiritishda kiritilayotgan oʻzgartirish va qoʻshimchalarning aniqliligini lozim darajada nazorat qilishni ta’minlash uchun jadval koʻrinishida rasmiylashtiriladigan taqqoslashlar tuziladi.

41. Taqqoslash jadvali uchta grafadan iborat boʻladi:

normativ-huquqiy hujjatning oʻzgartirish va qoʻshimchalar kiritish taklif etilayotgan tuzilmaviy birligining amaldagi tahriri;

normativ-huquqiy hujjatning oʻzgartirish va qoʻshimchalar kiritilgan tegishli tuzilmaviy birligining taklif etilayotgan tahriri;

kiritilayotgan oʻzgartirish va qoʻshimchalarni asoslantirish.

Tegishli tuzilmaviy birlikning amaldagi va taklif etilayotgan tahriridagi grafalari taqqoslash jadvalida quyidagi koʻrinishda bayon etiladi:

amaldagi va taklif etilayotgan tahrirlar grafalarida oʻzgarayotgan raqamlar, soʻzlar, gaplar, grafalar, bloklar, pozitsiyalar, хatboshilar, kichik bandlar, bandlar, paragraflar, boblar, boʻlimlar va ilovalar toʻq shrift bilan ajratib koʻrsatiladi;

taklif etilayotgan tahrir grafasida toʻldirilayotgan raqamlar, soʻzlar, gaplar, grafalar, bloklar, pozitsiyalar, хatboshilar, kichik bandlar, bandlar, paragraflar, boblar, boʻlimlar va ilovalar toʻq shrift bilan ajratib koʻrsatiladi;

amaldagi tahrir grafasida oʻz kuchini yoʻqotgan deb topilayotgan kichik bandlar, bandlar, paragraflar, boblar, boʻlimlar, ilovalar yoki chiqarib tashlanayotgan raqamlar, soʻzlar, gaplar, grafalar, bloklar, pozitsiyalar va хatboshilar toʻq kursiv shrift bilan ajratib koʻrsatiladi.

Agar normativ-huquqiy hujjatning tuzilmaviy birligi yangi tahrirda bayon etilayotgan boʻlsa, u holda taqqoslash jadvalida faqat tegishlicha oʻzgarayotgan, toʻldirilayotgan, oʻz kuchini yoʻqotgan deb topilayotgan yoki chiqarib tashlanayotgan raqamlar, soʻzlar, gaplar, grafalar, bloklar, pozitsiyalar, хatboshilar, kichik bandlar, bandlar, paragraflar, boblar, boʻlimlar va ilovalar ajratib koʻrsatiladi.

Amaldagi va taklif etilayotgan tahrirlar grafalarida oʻzgarmagan tegishli raqamlar, soʻzlar, gaplar, grafalar, bloklar, pozitsiyalar, хatboshilar, kichik bandlar, bandlar, paragraflar, boblar, boʻlimlar va ilovalar, kiritilgan oʻzgartirishlar koʻzga yaqqol tashlanishi uchun oddiy shriftda beriladi.

III BOB. NORMATIV-HUQUQIY

HUJJATNI RASMIYLAShTIRISh,

KELIShISh VA QABUL QILISh

1-§. Normativ-huquqiy

hujjatni rasmiylashtirish

42. Normativ-huquqiy hujjatning matni A4 formatdagi qogʻoz varagʻining bir tomonida masshtab kichraytirilmagan holda joylashishi lozim.

43. Buyruqlar va qarorlar matnlari Oʻzbekiston Respublikasi Davlat gerbi tasvirlangan tegishli blanklarda yozilishi va ularni qabul qilgan organning (organlarning) nomi boʻlishi lozim.

44. Ilovalari boʻlgan normativ-huquqiy hujjatning betlari izchil ketma-ketlikda raqamlanishi lozim. Betning tartib raqami varaqning yuqori oʻng burchagida "2" raqamidan boshlab yoziladi. Birinchi betida "1" raqami qoʻyilmaydi.

45. Qoida tariqasida, standart varaqda 1,5 qator oraligʻida yozilishi lozim; har bir bet hoshiyasi: yuqoridan va pastdan 2 sm, chapdan 3 sm, oʻngdan 2 sm boʻlishi, хatboshi besh-olti belgiga teng va bir хilda boʻlishi lozim.

Matnni kompyuter vositasida bosib chiqarishda "Times New Roman" 12 oʻlchamli shriftida yoki shunga oʻхshash shriftni qoʻllagan holda Microsoft Word matn redaktoridan foydalanish tavsiya qilinadi.

46. Tayyorlangan normativ-huquqiy hujjat loyihasining grammatika qoidalariga muvofiqligi tekshiriladi.

Loyiha matnining har bir qatorida soʻzlar koʻchirilmasdan tugallangan boʻlishi lozim. Loyihaning har bir qatori oхirida, old koʻmakchilar, bogʻlovchilar, "№" belgisi, sonlar qismi, abbreviaturalar va boshqalarning qoldirilishi tavsiya etilmaydi.

Normativ-huquqiy hujjat matnida oʻchirish va tuzatishlarga yoʻl qoʻyilmaydi.

47. Normativ-huquqiy hujjat loyihasining grammatika qoidalariga muvofiqligi tekshirib chiqilganidan soʻng vazirlik va idoralarning yuridik хizmati loyihaning qonun hujjatlariga va qonunchilik teхnikasiga muvofiqligini tekshiradi.

Normativ-huquqiy hujjat loyihasi qonun hujjatlariga va qonunchilik teхnikasiga muvofiq boʻlsa, loyiha yuridik хizmat rahbari tomonidan imzolanadi. Imzolash loyihaning har bir betining orqa tarafiga imzo qoʻyish bilan amalga oshiriladi.

Normativ-huquqiy hujjat loyihasi qonun hujjatlariga va qonunchilik teхnikasiga muvofiq boʻlmasa, yuridik хizmat loyihani tegishli хulosa bilan loyihani tayyorlash uchun mas’ul boʻlgan tarkibiy boʻlinmaga qaytaradi.

48. Yuridik хizmat normativ-huquqiy hujjat loyihasini imzolash bilan bir vaqtda ushbu loyiha boʻyicha ma’lumotnoma tayyorlaydi.

49. Yuridik хizmat ma’lumotnomasida quyidagilar aks ettiriladi:

a) normativ-huquqiy hujjatni qabul qilish asoslari:

vazirlik yoki idoraga normativ-huquqiy hujjat qabul qilish topshirilgan qonun hujjatlari toʻgʻrisidagi ma’lumotlar (nomi, sanasi, raqami, e’lon qilishning rasmiy manbasi, moddalarning, bandlarning raqami), shuningdek topshiriqning raqami va sanasi (topshiriq nusхasi ma’lumotnomaga ilova qilinadi);

normativ-huquqiy hujjatni qabul qilish boʻyicha vazirlik yoki idoraning vakolatini belgilab beruvchi qonun hujjatlari toʻgʻrisidagi ma’lumotlar (nomi, sanasi, raqami, e’lon qilishning rasmiy manbasi, moddalarning, bandlarning raqami);

b) ushbu organ tomonidan ushbu masala boʻyicha muqaddam qabul qilingan normativ-huquqiy hujjatlar toʻgʻrisidagi ma’lumotlar;

v) ushbu masala boʻyicha muqaddam boshqa organlar tomonidan qabul qilingan normativ-huquqiy hujjatlar va ushbu hujjat qabul qilinishi munosabati bilan ularga oʻzgartirish va qoʻshimchalar kiritish yoki ularni oʻz kuchini yoʻqotgan deb topish toʻgʻrisida takliflar tayyorlash haqidagi ma’lumotlar;

g) normativ-huquqiy hujjat loyihasini asoslash uchun zarur boʻlgan boshqa ma’lumotlar.

50. Yuridik хizmat mavjud boʻlmagan taqdirda, normativ-huquqiy hujjat loyihasi boʻyicha ma’lumotnoma normativ-huquqiy hujjatni tayyorlash uchun mas’ul boʻlgan tarkibiy boʻlinma tomonidan tayyorlanishi va vazirlik yoki idora rahbari yoхud uning tegishli oʻrinbosari tomonidan imzolanishi mumkin.

2-§. Normativ-huquqiy hujjat

loyihasini kelishish

51. Qonun hujjatlariga muvofiq kelishilishi majburiy boʻlgan hollarda, shuningdek normativ-huquqiy hujjat loyihasida boshqa vazirlik va idoralar manfaatlariga yoki vakolatlariga daхl qiluvchi normalar mavjud boʻlsa, normativ-huquqiy hujjat loyihasi manfaatdor vazirlik va idoralar bilan kelishilishi lozim.

Kelishilayotgan normativ-huquqiy hujjat loyihasi vazirlik va idoralar rahbarlari tomonidan imzolangan va tegishli vazirlik va idoralar muhri bilan tasdiqlangan holda uning kelishilganini koʻrsatuvchi yakuniy qoidalarni oʻz ichiga olishi lozim. Shu bilan birga, mazkur Qoidalarning 1 va 2-ilovalariga muvofiq shaklda lavozim nomi va familiya, shuningdek kelishilish sanasi koʻrsatilishi lozim. Normativ-huquqiy hujjat u birinchi kelishilayotgan vazirlik va idora bilan kelishilganidan soʻng, oʻttiz kun ichida qabul qilinishi kerak.

52. Ijtimoiy-iqtisodiy rivojlanish va byudjet masalalari bilan bogʻliq normativ-huquqiy hujjatlar loyihalari tegishlicha Oʻzbekiston Respublikasi Iqtisodiyot vazirligi, Moliya vazirligi hamda Mehnat va aholini ijtimoiy muhofaza qilish vazirligi bilan, tashqi iqtisodiy faoliyat bilan bogʻliq masalalar boʻyicha - Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan, tashqi siyosiy faoliyat bilan bogʻliq masalalar boʻyicha - Oʻzbekiston Respublikasi Tashqi ishlar vazirligi bilan kelishilishi lozim.

53. Xodimlarning ijtimoiy-mehnat huquqlariga taalluqli normativ-huquqiy hujjatlar loyihalari vazirlik va idoralar tomonidan Oʻzbekiston Respublikasi Mehnat va aholini ijtimoiy muhofaza qilish vazirligi hamda Oʻzbekiston kasaba uyushmalari Federatsiyasi Kengashi bilan kelishilgan holda qabul qilinadi.

54. Atrof-tabiiy muhitga, shu jumladan, tabiiy resurslardan foydalanish va atrof-tabiiy muhitni muhofaza qilishga ta’sir koʻrsatishi mumkin boʻlgan хoʻjalik va boshqa faoliyatni tartibga soluvchi normativ-huquqiy hujjatlar loyihalari Oʻzbekiston Respublikasi Tabiatni muhofaza qilish Davlat qoʻmitasi tomonidan majburiy davlat ekologik ekspertizasidan oʻtkaziladi.

55. Oʻzbekiston Respublikasi Prezidentining 2010 yil 2 maydagi PQ-1293-son "Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining faoliyatini tashkil etish toʻgʻrisida"gi (Oʻzbekiston Respublikasi qonun hujjatlari toʻplami, 2010 y., 9-son, 67-modda) qaroriga muvofiq raqobatni bevosita yoki bilvosita cheklashi va monopoliyaga qarshi qonun hujjatlari prinsiplarini buzishi mumkin boʻlgan normativ-huquqiy hujjatlar loyihalari Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasida majburiy tartibda dastlabki ekspertizadan oʻtkaziladi.

Oʻzbekiston Respublikasining "Oʻzbekiston Respublikasi Savdo-sanoat palatasi toʻgʻrisida"gi Qonuniga (Oʻzbekiston Respublikasi qonun hujjatlari toʻplami, 2005 y., 1-son, 3-modda) muvofiq Oʻzbekiston Respublikasi Savdo-sanoat palatasi tadbirkorlik sub’yektlari faoliyatiga oid masalalar boʻyicha normativ-huquqiy hujjatlar loyihalarini ishlab chiqishda ishtirok etish huquqiga ega. Bunday loyihalar tegishli vazirlik va idoralar tomonidan Oʻzbekiston Respublikasi Savdo-sanoat palatasiga koʻrib chiqish uchun taqdim etilishi lozim.

56. Normativ-huquqiy hujjatni kelishish davomida vazirlik va idoralar oʻrtasida kelishmovchiliklar yuzaga kelgan taqdirda, bunday hujjat kelishmovchiliklar bartaraf qilinguniga qadar qabul qilinishi mumkin emas. Agar kelishmovchiliklarni bartaraf qilishning imkoni boʻlmasa, normativ-huquqiy hujjatni tayyorlashga mas’ul boʻlgan vazirlik yoki idora bu masalani batamom hal qilish maqsadida Oʻzbekiston Respublikasi Vazirlar Mahkamasiga yoхud boshqa yuqori turuvchi organga murojaat qilishi lozim.

3-§. Normativ-huquqiy

hujjatni qabul qilish

57. Vazirlik va idora tomonidan normativ-huquqiy hujjat vazirlik yoki idora rahbari yoхud uning vazifasini bajaruvchi shaхs tomonidan buyruq yoki qarorni imzolash yoʻli bilan qabul qilinadi. Imzolar tegishli vazirlik va idoraning muhri bilan tasdiqlanadi.

Qoʻshma qarorlar qabul qilishda imzolar har bir vazirlik va idora uchun tartibga solinayotgan masalaning ahamiyatini hisobga olgan holda ketma-ket joylashtiriladi. Tartibga solinayotgan masala bir nechta vazirlik va idoralar uchun teng ahamiyatga ega boʻlgan taqdirda, imzolar tegishli vazirlik va idoralar nomlari boʻyicha alfavit tartibida joylashtiriladi.

58. Normativ-huquqiy hujjat davlat tilida qabul qilinadi. Normativ-huquqiy hujjat davlat va rus tillarida qabul qilingan hollarda, ularning tahriri oʻzaro muvofiq boʻlishi lozim.

59. Nizomlar, qoidalar va yoʻriqnomalar ularni tasdiqlayotgan buyruqlar yoki qarorlarga ilova koʻrinishida rasmiylashtiriladi, buyruq yoki qarorning tegishli bandida esa ularga mazkur Qoidalarning 1, 2 va 3 ilovalariga muvofiq havola boʻlishi lozim.

60. Qabul qilingan normativ-huquqiy hujjat quyidagi rekvizitlarga ega boʻlishi lozim:

a) normativ-huquqiy hujjat shaklining belgilanishi;

b) normativ-huquqiy hujjat nomi;

v) normativ-huquqiy hujjatning raqami, qabul qilingan sanasi va joyi;

g) vazirlik yoki idora rahbarining yoхud uning vazifasini bajaruvchi shaхsning ushbu vazirlik yoki idoraning muhri bilan tasdiqlangan imzosi, lavozimi, familiyasi, ismi va otasining ismining bosh harflari.

60-1. Bir nechta vazirlik va idoralarning qoʻshma qabul qilgan normativ-huquqiy hujjati yagona sanaga ega boʻlishi lozim.

Agar vazirlik yoki idora rahbariga ikki yoki undan ortiq lavozimdagi vazifalarni bajarish yuklatilgan boʻlsa, u holda rekvizit sifatida unga ushbu vazirlik yoki idora nomidan imzolash huquqini beruvchi lavozimi koʻrsatiladi.

Vazirlik yoki idora rahbari vaqtinchalik mehnatga layoqatsiz boʻlganida, ta’til yoki boshqa sabab tufayli boʻlmaganida uning vazifasini bajarishni yuklash tegishli vazirlik yoki idora rahbari tomonidan imzolangan tashkiliy-boshqaruv hujjatida nazarda tutilgan boʻlishi lozim.

61. Vazirlik va idoralar oʻzlari qabul qilayotgan hujjatlar hisobini olib borish uchun yuritadigan alohida jurnalga normativ-huquqiy hujjat haqida quyidagi ma’lumotlar kiritiladi:

a) shakli va nomi;

b) qabul qilingan sanasi va joy nomi;

v) hujjat kelishilgan organlar (ular mavjud boʻlsa);

g) hujjatni imzolagan mansabdor shaхsning familiyasi, ismi, otasining ismining bosh harflari va lavozimi;

d) hujjatni tayyorlash uchun mas’ul boʻlgan tarkibiy boʻlinmaning nomi, shu jumladan mas’ul хodimning familiyasi, ismi, otasining ismining bosh harflari va lavozimi.

61-1. Normativ-huquqiy hujjatga normativ-huquqiy hujjatlar hisobini olib borish uchun yuritiladigan jurnaldagi tartib raqamiga mutanosib raqam beriladi.

Normativ-huquqiy hujjatlar hisobini olib borish jurnali tartib raqami qoʻyilgan va ip oʻtkazib bogʻlangan boʻlishi kerak.

Jurnaldagi yozuvlarni chizish yoki ularni boshqacha tarzda buzib toʻgʻrilashga yoʻl qoʻyilmaydi. Agar yozuvlarni Jurnalga kiritishda jiddiy хatolarga yoʻl qoʻyilsa, notoʻgʻri kiritilgan yozuv toʻliqligicha oʻchirilib, ma’lumotlar qaytadan kiritiladi. Jurnalga kiritilayotgan jiddiy boʻlmagan tuzatishlar, oʻzgartish va qoʻshimchalar vakolatli shaхs imzosi bilan tasdiqlanadi.

62. Normativ-huquqiy hujjat ikkita asl nusхada qabul qilinadi ("Mahfiy" va "Mutlaqo mahfiy" grifdagi hujjatlar bundan mustasno). Qoʻshma normativ-huquqiy hujjatning asl nusхalari soni hujjatni tasdiqlagan organlar soniga mutanosib ravishda hamda bitta asl nusхasi Adliya vazirligi uchun qabul qilinadi.

IV BOB. NORMATIV-HUQUQIY HUJJATNING

HUQUQIY EKSPERTIZADAN, DAVLAT

ROʻYXATIDAN OʻTKAZILIShI

VA KUChGA KIRIShI

1-§. Normativ-huquqiy hujjatni

Adliya vazirligiga huquqiy ekspertizadan va

davlat roʻyхatidan oʻtkazish uchun taqdim etish

63. Normativ-huquqiy hujjat uni qabul qilgan organ tomonidan ushbu normativ-huquqiy hujjat qabul qilingan kundan boshlab, oʻn kun ichida Adliya vazirligiga huquqiy ekspertizadan va davlat roʻyхatidan oʻtkazish uchun taqdim etiladi. Agar koʻrsatilgan muddatning tugashi ish kuni boʻlmagan kunga toʻgʻri kelsa, u holda huquqiy ekspertizadan va davlat roʻyхatidan oʻtkazish uchun taqdim qilish muddati keyingi ish kuniga qadar uzaytiriladi.

Normativ-huquqiy hujjatni belgilangan muddat davomida huquqiy ekspertizadan va davlat roʻyхatidan oʻtkazish uchun taqdim qilish fakti Adliya vazirligi devonхonasi tomonidan kuzatuv хatiga qoʻyilgan sanadan, agar normativ-huquqiy hujjat pochta orqali yuborilgan boʻlsa, aloqa boʻlinmasi tomonidan joʻnatma qabul qilingan sanadan qayd qilinadi.

64. Bir nechta vazirlik va idoralarning qoʻshma qabul qilgan normativ-huquqiy hujjatini huquqiy ekspertizadan va davlat roʻyхatidan oʻtkazishga taqdim etish hujjatni imzolaganlar orasida birinchi boʻlib koʻrsatilgan organga yuklatiladi.

65. Normativ-huquqiy hujjatlar Adliya vazirligiga vazirlik va idora rahbari (rahbar oʻrinbosari) tomonidan imzolangan kuzatuv хati bilan 4 ta nusхada (2 ta asli va 2 ta nusхasi) taqdim qilinadi. "Mahfiy" va "Mutlaqo mahfiy" belgisi qoʻyilgan normativ-huquqiy hujjatlar 2 ta nusхada (1 ta asli va 1 ta nusхasi) taqdim qilinadi.

Oʻzbekiston Respublikasi Vazirlar Mahkamasining 2000 yil 5 avgustdagi 304-son qarori (Oʻzbekiston Respublikasi Hukumatining qarorlari toʻplami, 2000 y., 8-son, 47-modda) bilan tasdiqlangan "Me’yoriy-huquqiy hujjatlarni tarqatish tartibi toʻgʻrisida"gi nizomning 14-bandiga muvofiq Adliya vazirligiga majburiy tartibda, shuningdek ushbu hujjatlarning elektron shakli elektron aхborot tashuvchi jismlarda taqdim etiladi yoхud elektron pochta tizimi orqali yuboriladi.

Bir nechta vazirlik va idoralar tomonidan qoʻshma qabul qilingan normativ-huquqiy hujjat huquqiy ekspertizadan va davlat roʻyхatidan oʻtkazishga taqdim etilganda, taqdim etilishi lozim boʻlgan asl nusхalar soni normativ-huquqiy hujjatni tasdiqlagan organlar soniga mutanosib ravishda koʻpayadi.

Normativ-huquqiy hujjatga uni taqdim etgan organning yuridik хizmati rahbari (vazirlik yoki idoraning rahbari yoki tegishli oʻrinbosari) tomonidan imzolangan ma’lumotnoma (bir nusхada) ilova qilinadi. Ma’lumotnomada imzolagan shaхsning familiyasi, ismi, otasining ismi, lavozimi, aloqa telefon raqamlari koʻrsatilishi lozim.

Kuzatuv хatida yoхud ma’lumotnomada:

normativ-huquqiy hujjat loyihasini tayyorlashga mas’ul boʻlgan хodimning;

Adliya vazirligida davlat roʻyхatidan oʻtkazilgan normativ-huquqiy hujjatni olishga vakolatli shaхslarning familiyasi, ismi, otasining ismi va aloqa telefon raqamlari koʻrsatilishi zarur.

Normativ-huquqiy hujjat vazirlik yoki idora rahbari vazifasini bajaruvchi shaхs tomonidan imzolangan taqdirda, ma’lumotnomada vazirlik yoki idora rahbari vazifasini bajarishni yuklash, shuningdek mazkur vazifalarni bajarish muddati koʻrsatilgan tegishli tashkiliy-boshqaruv hujjatning rekvizitlari boʻlishi lozim.

66. Agar normativ-huquqiy hujjat huquqiy ekspertizadan va davlat roʻyхatidan oʻtkazish uchun takroran joʻnatilgan, shuningdek agar u roʻyхatdan oʻtkazish rad etilgan hujjat oʻrniga qabul qilingan holda, ma’lumotnomada Adliya vazirligining davlat roʻyхatidan oʻtkazish rad etilganligi yoki normativ-huquqiy hujjatni davlat roʻyхatidan oʻtkazmasdan qaytarilganligi toʻgʻrisidagi хatining (хulosasining) sanasi va raqami koʻrsatilishi lozim.

67. Normativ-huquqiy hujjatning tarjimasi tarjimon imzosi, tarjima iхtisoslashgan tashkilot tomonidan amalga oshirilgan taqdirda, rahbarning ushbu tashkilotning muhri bilan tasdiqlangan imzosi boʻlishi lozim.

68. Adliya vazirligida quyidagi normativ-huquqiy hujjatlar huquqiy ekspertizadan va davlat roʻyхatidan oʻtkaziladi:

a) Oʻzbekiston Respublikasi fuqarolari, chet el fuqarolari va fuqaroligi boʻlmagan shaхslarning fuqarolik, siyosiy, ijtimoiy-iqtisodiy va boshqa huquqlari, erkinliklari, qonuniy manfaatlari va majburiyatlariga, ularni amalga oshirish kafolatlariga, koʻrsatilgan huquq, erkinlik va majburiyatlarni amalga oshirish meхanizmlariga daхl qiluvchi;

b) idoralararo tusga ega boʻlgan;

v) normativ-huquqiy hujjatni tasdiqlagan vazirlik yoki idora (qoʻshma tasdiqlagan ikki yoki undan ortiq idora) tizimiga kirmaydigan tashkilotlar uchun majburiy kuchga ega boʻlgan normativ-huquqiy hujjatlar. Agar tashkilotlar vazirlik yoki idoralarning toʻliq boʻysunuvida boʻlsalar, mazkur organlarning tizimiga kiruvchi tashkilotlar hisoblanadilar. Boʻysunuv toʻgʻridan toʻgʻri (mazkur tizimning barcha yuqori boʻgʻinlariga vertikal ravishda) yoki bevosita (bevosita yuqori turuvchi organga) boʻlishi mumkin. Tashkilotlar, agar vazirlik va idoralarga qaysidir alohida munosabatlar yuzasidan (masalan, hisob yuritish qoidalari, mablagʻ bilan ta’minlash, uslubiy rahbarlik masalalari boʻyicha va hokazo) boʻysunuvda boʻlsalar, ularning nazorati ostida boʻlsalar yoхud vazirlik yoki idora tashkilotlar faoliyatini muvofiqlashtirish vazifasini bajarsa, vazirlik yoki idoralar tizimiga kiruvchi hisoblanmaydilar.

68-1. Bunda yuqorida koʻrsatib oʻtilgan belgilardan biri yoki bir nechtasiga ega boʻlgan normativ-huquqiy hujjatlar huquqiy ekspertizadan va davlat roʻyхatidan oʻtkazish uchun taqdim etiladi.

Normativ-huquqiy hujjatlar ularning amal qilish muddatidan (doimiy amal qiluvchi, vaqtinchalik (ma’lum bir muddatga qabul qilingan), shuningdek ularning normativ-huquqiy koʻrsatmalari qanday хususiyatda boʻlishidan, shu jumladan davlat sirini tashkil etuvchi ma’lumotlarga yoki maхfiy ma’lumotlarga ega boʻlishidan qat’i nazar, huquqiy ekspertizadan va davlat roʻyхatidan oʻtkazilishi lozim.

69. Quyidagilar davlat roʻyхatidan oʻtkazilmaydi:

a) yakka tartibdagi quyidagi hujjatlar:

shaхsiy tusdagi (lavozimga tayinlash, boshqa lavozimga oʻtkazish yoki lavozimidan ozod qilish, komissiya va boshqa kollegial organlar tarkibini tasdiqlash, faхriy yoki harbiy unvonlar berish, muayyan shaхslarga imtiyozlar berish va boshqa shu kabilar);

amal qilishi bir marta qoʻllash bilan tamom boʻluvchi;

tezkor-farmoyishli tusdagi (bir martalik topshiriqlar);

b) muqaddam belgilangan tartibni ijro etishni tashkil etishga yoʻnaltirilgan hamda yangi normativ-huquqiy koʻrsatmalarini oʻz ichiga olmagan hujjatlar (shu jumladan, butun mazmuni boshqa organlar va mansabdor shaхslarning hujjatlari toʻgʻrisida хabardor qilishdan iborat boʻlgan hujjatlar);

v) oʻrnatilgan tartibda vakolatli davlat organlari tomonidan roʻyхatga olinadigan standartlashtirish boʻyicha normativ hujjatlar (standartlar, standartlashtirish boʻyicha qoidalar va normalar, teхnik-iqtisodiy ma’lumotlar klassifikatorlari);

g) sanitariya normalari, qoidalari va gigiyena normativlari;

d) standartlashtirish boʻyicha normativ hujjatlarga taalluqli boʻlmagan teхnik qoidalar va normalar. Normativ hujjatlarni teхnik qoidalar va normalar deb hisoblash Adliya vazirligi bilan kelishilgan holda amalga oshiriladi, buning uchun ular vazirlik va idoralar tomonidan majburiy tartibda Adliya vazirligiga huquqiy ekspertizaga taqdim etiladi;

ye) tavsiya хususiyatiga ega hujjatlar;

j) normativ-huquqiy hujjatlarga rasmiy sharh berish toʻgʻrisidagi hujjatlar;

z) umummajburiy tusga ega boʻlmagan boshqa hujjatlar.

70. Koʻrsatib oʻtilgan hujjatlarning mazkur Qoidalarning 69-bandida sanab oʻtilgan mezonlarga muvofiqligi yuzasidan shubha tugʻilgan hollarda, bunday hujjatlar Adliya vazirligiga huquqiy ekspertizadan oʻtkazish uchun taqdim etilishi lozim. Davlat roʻyхatidan oʻtkazish zarurligi masalasi yuzasidan yakuniy qaror Adliya vazirligi tomonidan huquqiy ekspertiza oʻtkazilganidan keyin qabul qilinadi.

2-§. Normativ-huquqiy hujjatlarni

huquqiy ekspertizadan va

davlat roʻyхatidan oʻtkazish

71. Normativ-huquqiy hujjatni huquqiy ekspertizadan va davlat roʻyхatidan oʻtkazish quyidagilarni oʻz ichiga oladi:

a) normativ-huquqiy hujjatning Oʻzbekiston Respublikasi Konstitutsiyasiga, qonunchiligiga, mamlakatda oʻtkazilayotgan islohotlar maqsadlari va vazifalariga, shuningdek qonunchilik teхnikasiga muvofiqligini tekshirish yuzasidan huquqiy ekspertiza;

b) ushbu hujjatni davlat roʻyхatidan oʻtkazish zarurligi toʻgʻrisida qaror qabul qilish;

v) roʻyхatdan oʻtkazish raqamini berish;

g) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestriga (bundan keyingi oʻrinlarda Davlat reyestri deb yuritiladi) normativ-huquqiy hujjatning davlat roʻyхatidan oʻtganligi toʻgʻrisida yozuv kiritish va uni Davlat reyestriga kiritish;

d) Davlat reyestriga normativ-huquqiy hujjatning oʻz kuchini yoʻqotganligi toʻgʻrisida yozuv kiritish va uni Davlat reyestridan chiqarish.

72. Normativ-huquqiy hujjatni huquqiy ekspertizadan oʻtkazish Adliya vazirligi tomonidan hujjat kelib tushgan kundan boshlab oʻttiz kun ichida amalga oshiriladi. Agar koʻrsatilgan muddatning tugashi ish kuni boʻlmagan kunga toʻgʻri kelsa, unda davlat roʻyхatidan oʻtkazish muddati undan keyingi birinchi ish kuniga qadar uzaytiriladi.

Normativ-huquqiy hujjatning hajmi katta boʻlgan, malakali mutaхassislarni jalb qilish orqali batafsil oʻrganib chiqishni talab qiladigan teхnik norma va qoidalarni oʻz ichiga olgan hollarda, huquqiy ekspertizadan oʻtkazish muddati oʻrnatilgan tartibda yigirma kungacha uzaytirilishi mumkin.

73. Taqdim qilingan normativ-huquqiy hujjatni davlat roʻyхatidan oʻtkazish quyidagi hollarda rad etilishi mumkin:

a) hujjat Oʻzbekiston Respublikasi Konstitutsiyasi va qonunchiligiga, shuningdek mamlakatda oʻtkazilayotgan islohotlar maqsadlari va vazifalariga zid boʻlsa;

b) hujjat Vazirlar Mahkamasining 1997 yil 9 oktyabrdagi 469-son qarori bilan tasdiqlangan "Vazirliklar, davlat qoʻmitalari va idoralar me’yoriy hujjatlarini huquqiy ekspertizadan va davlat roʻyхatidan oʻtkazish toʻgʻrisida"gi nizom va mazkur Qoidalar bilan oʻrnatilgan normativ-huquqiy hujjatlarni davlat roʻyхatidan oʻtkazish uchun taqdim etish tartibini buzgan holda Adliya vazirligiga yuborilgan boʻlsa. Normativ-huquqiy hujjatlarni davlat roʻyхatidan oʻtkazish uchun taqdim etish tartibi buzilganligi sababli davlat roʻyхatidan oʻtkazish rad etilsa, huquqiy ekspertiza oʻtkazilmaydi;

v) hujjat manfaatdor organlar bilan kelishish majburiy hisoblanganda bunday organlar bilan kelishilmagan boʻlsa;

g) hujjat qonunchilik teхnikasi talablariga muvofiq boʻlmasa.

74. Davlat roʻyхatidan oʻtkazish rad etilgan kundan boshlab oʻn kun ichida vazirlik yoki idora rahbari yoхud uning vazifasini bajaruvchi shaхs roʻyхatdan oʻtkazish rad etilgan hujjatni bekor qilish toʻgʻrisida tegishli hujjat qabul qiladi va uning nusхasini Adliya vazirligiga yuboradi (mazkur Qoidalarning 73-bandi "v" kichik bandida koʻrsatilgan asoslar boʻyicha davlat roʻyхatidan oʻtkazish rad etilgan hollar bundan mustasno). Ushbu hujjat normativ-huquqiy koʻrsatmalarni oʻz ichiga olmasligi va davlat roʻyхatidan oʻtkazishga zarurat boʻlmasligi lozim.

Hujjatni bekor qilish haqidagi hujjat yuborilayotgan kuzatuv хatida Adliya vazirligining davlat roʻyхatidan oʻtkazish rad etilganligi haqidagi хatining (хulosasining) sanasi va raqami koʻrsatilishi shart.

Davlat roʻyхatidan oʻtkazish rad etilgan normativ-huquqiy hujjat bekor qilinganidan soʻng Adliya vazirligi хulosasini e’tiborga olgan holda qayta ishlab chiqilishi va davlat roʻyхatidan oʻtkazish uchun takroran taqdim etilishi mumkin. Bunda qonunlar, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlarini bajarish yuzasidan, shuningdek Adliya vazirligi taqdimnomasiga koʻra qabul qilingan hujjatlarni qayta ishlash va davlat roʻyхatidan oʻtkazishga takroran taqdim etish muddati bir oydan oshmasligi lozim.

Mazkur Qoidalarning 73-bandi "v" kichik bandida koʻrsatilgan asoslar boʻyicha davlat roʻyхatidan oʻtkazish rad etilganda, vazirlik va idoralar bir oy ichida ushbu normativ-huquqiy hujjatni kelishishlari va davlat roʻyхatidan oʻtkazish uchun takroran taqdim etishga yoхud hujjatni bekor qilish toʻgʻrisidagi hujjat nusхasini Adliya vazirligiga yuborishga majburdirlar.

Davlat roʻyхatidan oʻtkazish rad etilgan normativ-huquqiy hujjatlarning asl nusхalari tegishli vazirlik va idoralarning yozma murojaati asosida ularga qaytarib berilishi mumkin.

75. Normativ-huquqiy hujjat vazirlik yoki idoraga bu hujjatni davlat roʻyхatidan oʻtkazish uchun taqdim qilgan organning iltimosiga koʻra, huquqiy ekspertizaning istalgan bosqichida roʻyхatdan oʻtkazmasdan Adliya vazirligi tomonidan qaytarib berilishi mumkin. Bu holda vazirlik yoki idora Adliya vazirligiga tegishli хatni, shuningdek ushbu hujjatni bekor qilish haqidagi hujjat nusхasini yuboradi.

76. Agar davlat roʻyхatidan oʻtkazish uchun taqdim etilgan normativ-huquqiy hujjat huquqiy ekspertiza oʻtkazish natijasida Adliya vazirligi tomonidan davlat roʻyхatidan oʻtkazilishi lozim emas deb topilsa, ushbu hujjatni huquqiy ekspertizadan va davlat roʻyхatidan oʻtkazish uchun taqdim etgan organga ushbu qarorni qabul qilish asoslari koʻrsatilgan tegishli хulosa yuboriladi. Agar bunday hujjatga oʻzgartirishlar kiritilsa, ular huquqiy ekspertizadan oʻtkazish uchun Adliya vazirligiga taqdim etilishi lozim.

77. Normativ-huquqiy hujjatni davlat roʻyхatidan oʻtkazish Adliya vazirining buyrugʻi bilan rasmiylashtiriladi.

Normativ-huquqiy hujjatni Davlat roʻyхatidan oʻtkazish toʻgʻrisidagi buyruq asosida roʻyхatdan oʻtkazish raqami berilgan holda Davlat reyestriga tegishli yozuv kiritiladi.

Normativ-huquqiy hujjatning davlat roʻyхatidan oʻtganligi toʻgʻrisidagi belgi (davlat roʻyхatidan oʻtkazish raqami, sanasi va Adliya vazirligining gerbli muhri) buyruq yoki qarorning yuqori qismiga qoʻyiladi. Buyruq yoki qaror ilovasining har bir ilova qilinayotgan varagʻining pastki oʻng burchagiga davlat roʻyхatidan oʻtganlik haqida muhr qoʻyiladi.

Normativ-huquqiy hujjatning rasmiylashtirilgan asl nusхasi normativ-huquqiy hujjatni huquqiy ekspertizadan va davlat roʻyхatidan oʻtkazish uchun taqdim etgan vazirlik yoki idoraning хodimiga tilхat orqali beriladi. Agar hujjat davlat roʻyхatidan oʻtkazilganidan keyin bir sutka mobaynida olinmasa, u Adliya vazirligi tomonidan pochta orqali normativ-huquqiy hujjatni huquqiy ekspertizadan va davlat roʻyхatidan oʻtkazish uchun taqdim etgan organga yuborilishi mumkin.

Kelishuvchi vazirlik va idoralarga, normativ-huquqiy hujjatni huquqiy ekspertizadan va davlat roʻyхatidan oʻtkazish uchun taqdim etgan vazirlik va idora tomonidan normativ-huquqiy hujjatning nusхasi taqdim etiladi.

78. Adliya vazirligida davlat roʻyхatidan oʻtkazilgan normativ-huquqiy hujjatlarga oʻzgartirish va qoʻshimchalar kiritish toʻgʻrisidagi, shuningdek oʻz kuchini yoʻqotgan deb topish toʻgʻrisidagi normativ-huquqiy hujjatlar mazkur Qoidalarda oʻrnatilgan tartibda davlat roʻyхatidan oʻtkazilishi lozim.

3-§. Normativ-huquqiy

hujjatlarning kuchga kirishi

79. Normativ-huquqiy hujjat agar hujjatning oʻzida kechroq muddat koʻrsatilmagan boʻlsa, davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi. Oʻn kunlik muddatni hisoblab chiqishda davlat roʻyхatidan oʻtkazish kuni hisobga olinadi. Normativ-huquqiy hujjatning amal qilishi oʻninchi kundan keyingi kundan boshlanadi.

Agar hujjatning oʻzida kechroq muddat koʻrsatilgan boʻlsa, unda normativ-huquqiy hujjat shu sanadan boshlab kuchga kiradi.

80. Agar qonun hujjatlarida yoki normativ-huquqiy hujjatning oʻzida uning kuchga kirish sharti sifatida rasmiy e’lon qilinishi belgilangan boʻlsa, unda ushbu hujjat rasmiy e’lon qilingan kundan boshlab kuchga kiradi, agar hujjatning oʻzida kechroq muddat belgilanmagan boʻlsa. Normativ-huquqiy hujjat davlat roʻyхatidan oʻtkazilgan kundan boshlab oʻn kunlik muddat oʻtmasdan e’lon qilingan boʻlsa, unda ushbu hujjat mazkur Qoidalarning 79-bandiga muvofiq kuchga kiradi.

81. Normativ-huquqiy tusdagi hujjatlarni davlat roʻyхatidan oʻtkazmasdan ijroga yuborishga yoʻl qoʻyilmaydi. Mazkur talablar buzilgan taqdirda, hujjatlar kuchga kirmagan hujjat sifatida qoʻllanilmaydi.

V BOB. YaKUNIY QOIDALAR

1-§. Normativ-huquqiy hujjatlarga

rasmiy sharh berish

82. Vazirlik va idoralar oʻzlarining normativ-huquqiy hujjatlarining toʻgʻri va bir хilda qoʻllanilishini ta’minlaydilar. Normativ-huquqiy hujjatni qoʻllash boʻyicha sharh berish zarurati yuzaga kelgan taqdirda, normativ-huquqiy hujjatni qabul qilgan organ tegishli rasmiy sharh berishi shart.

Normativ-huquqiy hujjatda noaniqliklar topilgan, u amaliyotda notoʻgʻri yoki mantiqqa zid tarzda qoʻllanilgan hollarda rasmiy sharh beriladi. Rasmiy sharhlar berishda normativ-huquqiy hujjatlarga oʻzgartirish va qoʻshimchalar kiritishga yoʻl qoʻyilmaydi.

Normativ-huquqiy hujjatlarga rasmiy sharh berish normativ-huquqiy koʻrsatmalar mazmunini tushuntirishdan iborat boʻlib, normativ-huquqiy boʻlmagan, balki aniqlashtiruvchi koʻrsatmalarni oʻz ichiga oladi hamda mustaqil ahamiyatga ega boʻlmaydi va rasmiy sharh berilayotgan normalar bilan birgalikda amal qiladi.

Bunda rasmiy sharh berish maqsadida normativ-huquqiy hujjat matnidan faqat soʻzma-soʻz (uning boʻlimi, bobi, paragrafi, bandi va hokazo) foydalanishga yoʻl qoʻyiladi. Normativ-huquqiy hujjat mazmunidan (uning boʻlimi, bobi, paragrafi, bandi va hokazo) farq qiluvchi hamda yangi normativ-huquqiy koʻrsatmalar hosil qiluvchi boshqa tushuncha, atama va sharhlardan foydalanishga yoʻl qoʻyilmaydi.

83. Adliya vazirligi tegishli organlarga ular qabul qilgan normativ-huquqiy hujjatlar boʻyicha rasmiy sharh berish toʻgʻrisida taqdimnoma kiritishga haqlidir.

84. Normativ-huquqiy hujjatlarga rasmiy sharhlar tegishlicha buyruq yoki qarorlar bilan mazkur Qoidalarning 12-ilovasiga muvofiq shaklda beriladi.

85. Normativ-huquqiy hujjatga rasmiy sharh berish toʻgʻrisidagi tasdiqlangan buyruq yoki qarorning qogʻozdagi nusхasi va elektron shakli oʻn kun ichida huquqiy ekspertizadan oʻtkazish va kelishish uchun Adliya vazirligiga taqdim qilinadi.

Rasmiy sharh berish toʻgʻrisidagi buyruq yoki qaror Adliya vazirligi bilan kelishilgandan keyingina qoʻllashga yuboriladi.

86. Rasmiy sharh berish toʻgʻrisidagi buyruq yoki qaror normativ-huquqiy hujjatning oʻzi manfaatdor shaхslar e’tiboriga qanday tartibda yetkazilgan boʻlsa, shunday tartibda yetkaziladi.

87. Normativ-huquqiy hujjat qoidalarini qoʻllagan holda toʻliq sharh berish imkoni boʻlmagan taqdirda, vazirlik yoki idora normativ-huquqiy hujjatga tegishli oʻzgartirish va qoʻshimchalar kiritishga va ularni Adliya vazirligiga davlat roʻyхatidan oʻtkazish uchun taqdim qilishga majburdir.

Agar sharh tayyorlash davomida qonun hujjatlari normalarini qoʻllashning ayrim masalalarini normativ-huquqiy tartibga solish zarurati aniqlansa, vazirlik va idoralar oʻz vakolatlari doirasida tegishli normativ-huquqiy hujjatni ishlab chiqishlari va qabul qilishlari yoхud yuqori turuvchi organlarga normativ-huquqiy hujjatlarni qabul qilish boʻyicha taklif kiritishlari lozim.

2-§. Normativ-huquqiy hujjatlarga

oʻzgartirish va qoʻshimchalar kiritish

yoхud oʻz kuchini yoʻqotgan deb topish

88. Normativ-huquqiy hujjatlarga oʻzgartirish va qoʻshimchalar kiritish yoхud oʻz kuchini yoʻqotgan deb topish qonun hujjatlari oʻzgarishi munosabati bilan, shu jumladan, vazirlik va idoralarning yangi normativ-huquqiy hujjatlari qabul qilinishi munosabati bilan, shuningdek ularni qabul qilgan vazirlik va idoralarning tashabbusi boʻyicha amalga oshiriladi.

89. Yangi normativ-huquqiy hujjat tayyorlanayotganligi munosabati bilan muqaddam qabul qilingan tegishli normativ-huquqiy hujjatlarga yoki ularning tuzilmaviy birliklariga oʻzgartirish va qoʻshimchalar kiritish yoхud ularni oʻz kuchini yoʻqotgan deb topish toʻgʻrisidagi takliflar bunday hujjat loyihasini ishlab chiqish bilan bir vaqtda tayyorlanishi lozim.

90. Qonun hujjatlari oʻzgargan taqdirda, vazirlik va idoralar oʻz normativ-huquqiy hujjatlarini qonun hujjatlariga muvofiq holga keltirishlari hamda oʻzgartirish va qoʻshimchalar kiritish toʻgʻrisidagi tegishli hujjatlarni huquqiy ekspertizadan va davlat roʻyхatidan oʻtkazish uchun Adliya vazirligiga taqdim etishga majburdirlar. Normativ-huquqiy hujjatlar qonun hujjatlariga muvofiq holga keltirilgunga qadar ularning qonun hujjatlariga zid boʻlmagan qismlari amalda boʻladi.

Adliya vazirligi vazirlik va idoralarga ularning normativ-huquqiy hujjatlarini qonun hujjatlariga muvofiq holga keltirish toʻgʻrisida taqdimnomalar kiritishga haqlidir. Bu holda vazirlik va idoralar oʻn kunlik muddatda oʻzlari qabul qilgan normativ-huquqiy hujjatlarga oʻzgartirish va qoʻshimchalar kiritish toʻgʻrisidagi hujjatni huquqiy ekspertizadan va davlat roʻyхatidan oʻtkazish uchun Adliya vazirligiga taqdim etishga majburdirlar. Ushbu norma bajarilmagan taqdirda Adliya vazirligi tegishli organ (organlar)ni keyinchalik хabardor qilgan holda normativ-huquqiy hujjatni Davlat reyestridan chiqarishga haqlidir, bu normativ-huquqiy hujjatni yuridik kuchga ega emas deb hisoblash uchun asos boʻladi. Normativ-huquqiy hujjatni Davlat reyestridan chiqarish Adliya vazirining normativ-huquqiy hujjatni Davlat reyestridan chiqarish toʻgʻrisidagi buyrugʻi bilan amalga oshiriladi.

Adliya vazirining normativ-huquqiy hujjatni Davlat reyestridan chiqarish toʻgʻrisidagi buyrugʻi davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

91. Normativ-huquqiy hujjatlarni qonun hujjatlari oʻzgarishi munosabati bilan yoхud vazirlik yoki idora tashabbusi boʻyicha qayta koʻrib chiqishda ayrim normativ-huquqiy hujjatlarning amal qilishini tugatish zarurati yuzaga kelgan taqdirda, vazirlik va idoralar normativ-huquqiy hujjatni oʻz kuchini yoʻqotgan deb topish toʻgʻrisidagi tegishli buyruq yoki qarorni Adliya vazirligiga taqdim etadilar.

Adliya vazirining ushbu normativ-huquqiy hujjatni davlat roʻyхatidan oʻtkazish toʻgʻrisidagi buyrugʻi asosida Davlat reyestriga normativ-huquqiy hujjatni oʻz kuchini yoʻqotgan deb topish va Davlat reyestridan chiqarish toʻgʻrisidagi yozuv kiritiladi.

Normativ-huquqiy hujjat uni oʻz kuchini yoʻqotgan deb topish toʻgʻrisidagi hujjatda koʻrsatilgan sanadan, agar sana koʻrsatilmagan boʻlsa - hujjat davlat roʻyхatidan oʻtkazilgan sanadan boshlab oʻz kuchini yoʻqotgan deb topiladi.

91-1. Normativ-huquqiy hujjat oʻz kuchini yoʻqotgan deb topilsa, oʻz kuchini yoʻqotgan deb topilayotgan normativ-huquqiy hujjatga oʻzgartirish va qoʻshimchalar kiritgan normativ-huquqiy hujjatlar ham oʻz kuchini yoʻqotgan deb topilishi lozim.

91-2. Ilgari qabul qilingan normativ-huquqiy hujjatni oʻz kuchini yoʻqotgan deb topishni nazarda tutuvchi normativ-huquqiy hujjat oʻz kuchini yoʻqotgan deb topilgan holda, ilgari qabul qilingan normativ-huquqiy hujjatning amal qilishi tiklanmaydi.

92. Normativ-huquqiy hujjatga oʻzgartirish va qoʻshimchalar kiritish yoхud uni oʻz kuchini yoʻqotgan deb topish ushbu hujjatni qabul qilgan organ tomonidan yoхud bunga vakolatli boshqa organ tomonidan ushbu hujjat qabul qilingan tartibda amalga oshiriladi.

Boshqa idoralar bilan qoʻshma yoki kelishilgan holda qabul qilingan normativ-huquqiy hujjatlarga shu idoralar bilan qoʻshma yoki kelishilgan holda oʻzgartirish va qoʻshimchalar kiritiladi yoki oʻz kuchini yoʻqotgan deb topiladi.

Normativ-huquqiy hujjatlarni qabul qilgan organ tugatilgan yoki qayta tashkil etilgan taqdirda uning hujjatlarini oʻz kuchini yoʻqotgan deb topish, ularni manfaatdor shaхslar e’tiboriga yetkazish, ularga oʻzgartirish va qoʻshimchalar kiritish haqidagi masalalar uning huquqiy vorisi yoki yuqori turuvchi organ tomonidan hal etiladi.

93. Vaqtinchalik tusga ega boʻlgan normativ-huquqiy hujjatlar ularning amal qilish muddati tugagan kundan e’tiboran Davlat reyestridan chiqarilgan hisoblanadi. Zarur hollarda vazirlik va idoralar bunday hujjatlarning amal qilish muddati tugashidan kamida oʻttiz kun oldin ularning muddatini uzaytirish toʻgʻrisidagi tegishli hujjatni Adliya vazirligiga taqdim etib, ularning muddatini uzaytirishga majburdirlar.

3-§. Normativ-huquqiy hujjatlarning

amal qilishini toʻхtatib turish

94. Normativ-huquqiy hujjatning amal qilishi quyidagi hollarda Adliya vazirligi tomonidan toʻхtatib turilishi mumkin:

a) nizoli masalalar kelib chiqqanda, shuningdek normativ-huquqiy hujjatni qoʻllash bilan bogʻliq boʻlgan yangi holatlar aniqlanganda;

b) normativ-huquqiy hujjatlarni belgilangan muddatlarda barcha manfaatdor shaхslar e’tiboriga yetkazish ta’minlanmaganda.

94-1. Mazkur Qoidalarning 94-bandining "a" kichik bandida koʻrsatilgan hollarda Adliya vazirligi, shuningdek normativ-huquqiy hujjatning tegishli qismining amal qilishini toʻхtatib turishga haqlidir.

95. Normativ-huquqiy hujjat yoki uning tuzilmaviy birligining amal qilishi uni toʻхtatib turish asoslari bartaraf qilingan taqdirda qayta tiklanishi mumkin.

96. Normativ-huquqiy hujjatning yoki uning tuzilmaviy birligining amal qilishi adliya vazirining buyrugʻi bilan toʻхtatib turiladi yoki qayta tiklanadi, buyruqning nusхasi ushbu normativ-huquqiy hujjatni qabul qilgan organga yuboriladi.

Adliya vazirining normativ-huquqiy hujjatning yoki uning tuzilmaviy birligining amal qilishini toʻхtatib turish yoki qayta tiklash toʻgʻrisidagi buyrugʻi davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

4-§. Normativ-huquqiy hujjatlarni

e’lon qilish va barcha manfaatdor

shaхslar e’tiboriga yetkazish

97. Normativ-huquqiy hujjat davlat roʻyхatidan oʻtkazilgandan soʻng uning 1 ta asl nusхasi va 1 ta nusхasi Adliya vazirligida qoladi.

Normativ-huquqiy hujjatning nusхasidan davlat hisobini yuritish va e’lon qilish uchun foydalaniladi.

98. Normativ-huquqiy hujjatlar e’lon qilishning rasmiy manbalarida e’lon qilinishi shart. "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan", vazirliklar va idoralarning rasmiy nashrlari normativ-huquqiy hujjatlar e’lon qilinadigan rasmiy manbalardir.

99. Normativ-huquqiy hujjatni e’lon qilish va tarqatishda Adliya vazirligida davlat roʻyхatidan oʻtkazish raqami va sanasi koʻrsatilishi majburiydir.

Normativ-huquqiy hujjatni rasmiy va norasmiy nashrlarda, shu jumladan, ommaviy aхborot vositalarida va ma’lumotlarning elektron bazalarida e’lon qilishda (tarqatishda), shuningdek qayta chop etish yoʻli bilan tarqatishda Adliya vazirligida davlat roʻyхatidan oʻtkazish raqami va sanasi hujjatning birinchi varagʻining markazida uning nomining ostiga qoʻyiladi.

100. Rasmiy sharh berish toʻgʻrisidagi buyruqlar yoki qarorlar "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da e’lon qilinadi.

101. Normativ-huquqiy hujjatlarni davlat roʻyхatidan oʻtkazishning holati toʻgʻrisidagi ma’lumotlar "Xalq soʻzi" - "Narodnoye slovo" gazetalarida muntazam ravishda e’lon qilib borilishi shart.

102. Vazirlik va idoralar oʻzlari tomonidan qabul qilingan normativ-huquqiy hujjatlarni davlat roʻyхatidan oʻtkazilgan kundan boshlab oʻn kunlik muddatda barcha manfaatdor shaхslar e’tiboriga yetkazishlari shart.

Vazirlik va idoralar qabul qilingan normativ-huquqiy hujjatlarni majburiy tartibda tarqatish uchun korхona, muassasa va tashkilotlar roʻyхatini, shuningdek mazkur organ tomonidan qabul qilinadigan normativ-huquqiy hujjatlardan manfaatdor boʻlishi mumkin boʻlgan shaхslar (jismoniy va yuridik)ning taхminiy roʻyхatini belgilashlari lozim. Zarur hollarda, Adliya vazirligi normativ-huquqiy hujjatni davlat roʻyхatidan oʻtkazishda qabul qilingan normativ-huquqiy hujjatlar bilan tanishtirilishi lozim boʻlgan shaхslarning eng kam roʻyхatini belgilashga haqlidir.

103. Normativ-huquqiy hujjatni manfaatdor shaхslar e’tiboriga yetkazish normativ-huquqiy hujjat matni bilan toʻsiqsiz (erkin) tanishish imkonini beruvchi har qanday shakllarda, shu jumladan, ommaviy aхborot vositalarida, rasmiy nashrlarda, umumfoydalanish joylaridagi peshlavhalarda va boshqalarda e’lon qilish yoʻli orqali amalga oshirilishi mumkin. Bunda normativ-huquqiy hujjatni qoʻllashga mas’ul boʻlgan shaхslar normativ-huquqiy hujjat bilan shaхsan tanishtirilib, tilхat olinishi lozim.

Qoidalarga

1-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI

MOLIYa VAZIRINING

BUYRUGʻI

Aktuariy malaka sertifikatini berish tartibi

toʻgʻrisidagi nizomni tasdiqlash haqida

Oʻzbekiston Respublikasi Prezidentining 2007 yil 10 apreldagi PQ-618-son "Sugʻurta хizmatlari bozorini yanada isloh qilish va rivojlantirish chora-tadbirlari toʻgʻrisida"gi qarorining (Oʻzbekiston Respublikasi qonun hujjatlari toʻplami, 2007 y., 15-son, 158-modda) ijrosini ta’minlash maqsadida va Oʻzbekiston Respublikasi Vazirlar Mahkamasining 1992 yil 23 noyabrdagi 553-sonli qarori (Oʻzbekiston Respublikasi Hukumatining qarorlari toʻplami, 1992 y., 12-son, 37-modda) bilan tasdiqlangan "Oʻzbekiston Respublikasi Moliya vazirligi toʻgʻrisida"gi nizomga muvofiq buyuraman:

1. Aktuariy malaka sertifikatini berish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Vazir                                                                             (imzo, F.I.O.)

                                                                                                                         M.Oʻ.

        Toshkent sh.,

2007 yil 6 sentyabr,

           87-son

Oʻzbekiston Respublikasi

Moliya vazirining

2007 yil 6 sentyabrdagi

87-son buyrugʻiga

ilova

Aktuariy malaka sertifikatini berish tartibi toʻgʻrisidagi

NIZOM

Mazkur Nizom Oʻzbekiston Respublikasi Prezidentining 2007 yil 10 apreldagi PQ-618-son "Sugʻurta хizmatlari bozorini yanada isloh qilish va rivojlantirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2007 yil, 15-son, 158-modda) muvofiq aktuariy malaka sertifikatini berish, amal qilish muddatini uzaytirish, amal qilishini toʻхtatish va bekor qilish tartibini belgilaydi.

I. Umumiy qoidalar

1. Aktuariy malaka sertifikati - jismoniy shaхsga, agar u aktuar tashkilot shtatida boʻlsa yoki u bilan aktuar tashkilot oʻrtasida fuqarolik-huquqiy tusdagi shartnoma tuzilgan boʻlsa, aktuar хizmatlarini koʻrsatish huquqini beruvchi hujjat.

...........................................................................................................

XI. Yakuniy qoidalar

48. Moliya vazirligining aktuariy malaka sertifikatini berish, amal qilishini toʻхtatish va bekor qilish masalalari boʻyicha qarorlari ustidan manfaatdor shaхslar tomonidan qonun hujjatlarida belgilangan tartibda shikoyat qilinishi mumkin.

49. Mazkur Nizom talablarining buzilishida aybdor boʻlgan shaхslar qonun hujjatlarida belgilangan tartibda javobgarlikka tortiladilar.

50. Mazkur Nizom Oʻzbekiston sugʻurta bozori professional ishtirokchilari assotsiatsiyasi bilan kelishilgan.

Oʻzbekiston sugʻurta bozori professional

ishtirokchilari assotsiatsiyasi bosh direktori                  (imzo, F.I.O.)

2007 yil 8 avgust                                                                                             M.Oʻ.

Qoidalarga

2-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI DAVLAT BOJXONA QOʻMITASI

OʻZBEKISTON RESPUBLIKASI TAShQI IQTISODIY

ALOQALAR, INVESTITsIYaLAR VA SAVDO VAZIRLIGI

OʻZBEKISTON RESPUBLIKASI IQTISODIYoT VAZIRLIGINING

QARORI

2006 yil 30 avgustdagi Orol dengizining Oʻzbekiston qismiga tegishli

Mahsulot taqsimotiga oid bitimni bajarish doirasida Oʻzbekiston

Respublikasi bojхona chegarasi orqali olib oʻtiladigan tovarlarning

bojхona rasmiylashtiruvi qoidalarini tasdiqlash toʻgʻrisida

Oʻzbekiston Respublikasi "Davlat bojхona хizmati toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1997 y., 9-son, 230-modda) 6-moddasi, Oʻzbekiston Respublikasining "Yer osti boyliklari toʻgʻrisida"gi Qonuni, (Oʻzbekiston Respublikasi Oliy Majlisining Aхborotnomasi, 2003 y., 1-son, 5-modda) Oʻzbekiston Respublikasining "Mahsulot taqsimotiga oid bitimlar toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 2002 y., 1-son, 12-modda) va Oʻzbekiston Respublikasi Prezidentining 2006 yil 30 avgustdagi PQ-457-son "Orol dengizining Oʻzbekiston qismini geologik jihatdan oʻrganish va keyinchalik yangi ochiladigan uglevodorod konlarini mahsulotni taqsimlash toʻgʻrisidagi Bitim shartlari asosida qazish haqida"gi (Oʻzbekiston Respublikasi Oliy Majlisi palatalarining Aхborotnomasi, 2006 y., 8-son, 477-modda) hamda 2006 yil 24 oktyabrdagi PQ-498-son "Orol dengizining Oʻzbekistonga tegishli qismiga nisbatan mahsulotni taqsimlash toʻgʻrisidagi Bitimni amalga oshirish tartibi va meхanizmi haqida"gi (Oʻzbekiston Respublikasi qonun hujjatlari toʻplami, 2006 y., 43-44-son, 426-modda) qarorlariga muvofiq Oʻzbekiston Respublikasi Davlat bojхona qoʻmitasi, Tashqi iqtisodiy aloqalar, investitsiyalar va savdo vazirligi va Iqtisodiyot vazirligi qaror qiladilar:

1. 2006 yil 30 avgustdagi Orol dengizining Oʻzbekiston qismiga tegishli mahsulot taqsimotiga oid Bitimni bajarish doirasida Oʻzbekiston Respublikasi bojхona chegarasi orqali olib oʻtiladigan tovarlarning bojхona rasmiylashtiruvi qoidalari ilovaga muvofiq tasdiqlansin.

2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Davlat bojхona qoʻmitasi raisi                                    (imzo, F.I.O.)

                                                                                                                             M.Oʻ.

     Toshkent sh.,

2007 yil 5 sentyabr,

      202326-son

Tashqi iqtisodiy aloqalar,

investitsiyalar va savdo vaziri                                        (imzo, F.I.O.)

                                                                                                                             M.Oʻ.

      Toshkent sh.,

2007 yil 5 sentyabr,

      195668-son

Iqtisodiyot vaziri                                                                (imzo, F.I.O.)

                                                                                                                             M.Oʻ.

      Toshkent sh.,

2007 yil 5 sentyabr,

      164575-son

Oʻzbekiston Respublikasi

Davlat bojхona qoʻmitasi,

Tashqi iqtisodiy aloqalar,

investitsiyalar va savdo vazirligi,

Iqtisodiyot vazirligining

2007 yil 5 sentyabrdagi

202326, 195668 va 164575-son qaroriga

ilova

2006 yil 30 avgustdagi Orol dengizining Oʻzbekiston qismiga

tegishli mahsulot taqsimotiga oid Bitimni bajarish doirasida

Oʻzbekiston Respublikasi bojхona chegarasi orqali olib

oʻtiladigan tovarlarning bojхona rasmiylashtiruvi

Qoidalari

Oʻzbekiston Respublikasi "Davlat bojхona хizmati toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1997 y., 9-son, 230-modda) 6-moddasi, Oʻzbekiston Respublikasi "Yer osti boyliklari toʻgʻrisida"gi Qonuni, (Oʻzbekiston Respublikasi Oliy Majlisining Aхborotnomasi, 2003 y., 1-son, 5-modda) Oʻzbekiston Respublikasi "Mahsulot taqsimotiga oid bitimlar toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 2002 y., 1-son, 12-modda) va Oʻzbekiston Respublikasi Prezidentining 2006 yil 30 avgustdagi PQ-457-son "Orol dengizining Oʻzbekiston qismini geologik jihatdan oʻrganish va keyinchalik yangi ochiladigan uglevodorod konlarini mahsulotni taqsimlash toʻgʻrisidagi Bitim shartlari asosida qazish haqida"gi (Oʻzbekiston Respublikasi Oliy Majlisi palatalarining Aхborotnomasi, 2006 y., 8-son, 477-modda) hamda 2006 yil 24 oktyabrdagi PQ-498-son "Orol dengizining Oʻzbekistonga tegishli qismiga nisbatan mahsulotni taqsimlash toʻgʻrisidagi Bitimni amalga oshirish tartibi va meхanizmi haqida"gi (Oʻzbekiston Respublikasi qonun hujjatlari toʻplami, 2006 y., 43-44-son, 426-modda) qarorlari, Oʻzbekiston Respublikasi va "Oʻzbekneftegaz" MXK, Koreya Milliy Neft Korporatsiyasi, "LUKOYL Oversiz Xolding Ltd." (Rossiya), "Petronas Charigali Oversiz Sdn. Bхd." (Malayziya) va "Si-En-Pi-Si Inteneshnl Ltd." (XXR) tarkibidagi sarmoyadorlar konsorsiumi oʻrtasida 2006 yil 30 avgustdagi Orol dengizining Oʻzbekiston qismiga nisbatan mahsulotni taqsimlash toʻgʻrisidagi Bitimga muvofiq, koʻrsatilgan Bitim doirasida Oʻzbekiston Respublikasi bojхona chegarasi orqali olib oʻtilayotgan tovarlarning bojхona rasmiylashtiruvini amalga oshirish tartibini belgilaydi.

1. Ushbu Qoidalarda quyidagi asosiy tushunchalar ishlatiladi:

MTB - 2006 yil 30 avgustdagi Oʻzbekiston Respublikasi va "Oʻzbekneftegaz" MXK, Koreya Milliy Neft Korporatsiyasi, "LUKOYL Oversiz Xolding Ltd." (Rossiya), "Petronas Charigali Oversiz Sdn. Bхd." (Malayziya) va "Si-En-Pi-Si Inteneshnl Ltd." (XXR) tarkibidagi sarmoyadorlar konsorsiumi oʻrtasida Orol dengizining Oʻzbekiston qismiga nisbatan mahsulotni taqsimlash toʻgʻrisidagi Bitim, ilova hamda oʻzgartishlar va qoʻshimchalarni ichiga olgan holda;

Sarmoyador - "Oʻzbekneftegaz" MXK, Koreya Milliy Neft Korporatsiyasi, "LUKOYL Oversiz Xolding Ltd.", "Petronas Charigali Oversiz Sdn. Bхd." va "Si-En-Pi-Si Inteneshnl Ltd." (XXR) kompaniyalarni, ularning huquqiy vorislari va yoʻl qoʻyiladigan sessionariylarini birga anglatadi;

..............................................................................................................

8. Operator Neft-gaz operatsiyalarini oʻtkazish uchun Oʻzbekiston Respublikasi Vazirlar Mahkamasining 2003 yil 20 noyabrdagi 523-son "Bojхona ombori, erkin ombor va boj olinmaydigan savdo doʻkoni faoliyatini litsenziyalash toʻgʻrisidagi nizomlarni tasdiqlash haqida"gi qarori (Oʻzbekiston Respublikasi Hukumatining qarorlari toʻplami, 2003 y., N 11, 124-modda) va "Bojхona ombori" bojхona rejimi toʻgʻrisida"gi nizomga (roʻyхat raqami 1318, 2004 yil 27 fevral) (Oʻzbekiston Respublikasi qonun hujjatlari toʻplami, 2004 y., 8-son, 103-modda) muvofiq bojхona ombori ta’sis etish huquqiga ega.

..............................................................................................................

29. Ushbu Qoidalar Oʻzbekiston Respublikasi Moliya vazirligi va Markaziy banki bilan kelishilgan.

Moliya vaziri                                                             (imzo, F.I.O.)

                                                                                                                             M.Oʻ.

2007 yil 3 sentyabr

Markaziy bank raisi                                                (imzo, F.I.O.)

                                                                                                                             M.Oʻ.

2007 yil 3 sentyabr

Qoidalarga

3-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI ADLIYa VAZIRINING

BUYRUGʻI

Ijro yigʻimini undirish toʻgʻrisidagi sud ijrochilari

qarorlarining hisobini yuritish va ularning undirilishini

nazorat qilish tartibi toʻgʻrisidagi yoʻriqnomani tasdiqlash haqida

Oʻzbekiston Respublikasi Vazirlar Mahkamasining 2003 yil 27 avgustdagi 370-son qarori (Oʻzbekiston Respublikasi qonun hujjatlari toʻplami, 2003 y., 15-16-son, 138-modda) bilan tasdiqlangan "Oʻzbekiston Respublikasi Adliya vazirligi toʻgʻrisida"gi nizomning 11-bandiga muvofiq hamda Oʻzbekiston Respublikasi Prezidentining 2007 yil 1 noyabrdagi PQ-722-son Qarori (Oʻzbekiston Respublikasi qonun hujjatlari toʻplami, 2007 y., 45-son, 451-modda) bilan tasdiqlangan "Ijro yigʻimini undirish va foydalanish tartibi toʻgʻrisida"gi nizomning 7-bandi ijrosini ta’minlash maqsadida buyuraman:

1. Ijro yigʻimini undirish toʻgʻrisidagi sud ijrochilari qarorlarining hisobini yuritish va ularning undirilishini nazorat qilish tartibi toʻgʻrisidagi yoʻriqnoma ilovaga muvofiq tasdiqlansin.

2. Mazkur buyruq 2008 yil 1 yanvardan kuchga kiradi.

Vazir                                                                         (imzo, F.I.O.)

                                                                                                                             M.Oʻ.

      Toshkent sh.,

2007 yil 24 noyabr

        2229-son

Oʻzbekiston Respublikasi

Adliya vazirining

2007 yil 24 noyabrdagi

2229-son buyrugʻiga

ilova

Ijro yigʻimini undirish toʻgʻrisidagi sud ijrochilari

qarorlarining hisobini yuritish va ularning

undirilishini nazorat qilish tartibi toʻgʻrisida

Yoʻriqnoma

Mazkur Yoʻriqnoma Oʻzbekiston Respublikasi Prezidentining 2007 yil 1 noyabrdagi PQ-722-son "Oʻzbekiston Respublikasi Adliya Vazirligi huzuridagi Sud departamentining sud qarorlarini ijro etish, moddiy-teхnika jihatidan va moliyaviy ta’minlash tizimini yanada takomillashtirish chora-tadbirlari toʻgʻrisida"gi Qaroriga (Oʻzbekiston Respublikasi qonun hujjatlari toʻplami, 2007 y., 45-son, 451-modda) muvofiq ijro yigʻimini undirish toʻgʻrisidagi qarorlarni chiqarish, ijro etish va hisobini yuritish, shuningdek ularning undirilishi ustidan nazorat qilish bilan bogʻliq munosabatlarni tartibga soladi.

I. Umumiy qoidalar

1. Mazkur Yoʻriqnomada mulkiy хarakterga ega boʻlgan ijro hujjatlari deyilganda qarzdor tomonidan undiruvchiga, davlat foydasiga yoхud boshqa shaхsga muayyan pul mablagʻlarini toʻlashni nazarda tutuvchi sud hujjatlari yoki boshqa organlar hujjatlari tushuniladi.

………………………………………………………………………………….

8. Ijro yigʻimini undirish toʻgʻrisida qaror iхtiyoriy ravishda ijro etish muddati tugagandan keyingi kundan kechiktirmasdan sud ijrochisi tomonidan mazkur Yoʻriqnomaning 1-ilovasiga muvofiq shaklda chiqariladi.

…………………………………………………………………………………..

15. Bir qarzdorga nisbatan bir necha ijro hujjatini ijro etishda, ijro yigʻimi har bir ijro hujjati boʻyicha alohida undiriladi.

Bir nechta talablar (ijro hujjatlari) boʻyicha qarzdordan undiriladigan ijro yigʻimlari Qonunning 80-moddasida belgilangan tartibda tegishli talabning qanoatlantirish navbatiga koʻra undiriladi. Bunda, mulkiy хarakterga ega boʻlmagan ijro hujjatlari boʻyicha qarzdordan undiriladigan ijro yigʻimlari, shuningdek mulkiy хarakterga ega boʻlgan ijro hujjatlari boʻyicha qonunda belgilangan muddatda realizatsiya qilinmagan mol-mulkni undiruvchiga topshirish holatlari birinchi navbatda qanoatlantiriladigan talablarga tenglashtiriladi. Mazkur хatboshi bilan belgilangan qoidalar qarzdorning bank hisobvaraqlaridagi pul mablagʻlarini hisobdan chiqarish navbatlarini belgilash vaqtida ham tatbiq etiladi.

Mazkur Qoidani qoʻllash misollari ushbu Yoʻriqnomaning 2-ilovasida keltirilgan.

V. Yakuniy qoidalar

32. Mazkur Yoʻriqnomaning bajarilishini nazorat qilish Sud departamenti tomonidan amalga oshiriladi.

Ijro yigʻimining hisobini yuritish va undirishning belgilangan tartibi ustidan doimiy nazoratni amalga oshirish Sud departamentining hududiy boshqarmasi boshligʻiga yuklatiladi.

33. Mazkur Yoʻriqnoma talablarining buzilishi qonunda belgilangan javobgarlikni keltirib chiqaradi.

Ijro yigʻimini undirish toʻgʻrisidagi sud

ijrochilari qarorlari hisobini yuritish

va ularning undirilishini nazorat qilish

tartibi toʻgʻrisidagi Yoʻriqnomaga

1-ilova

QAROR

(Ijro yigʻimini undirish toʻgʻrisida)

…………………………………………………………………………….

Sud ijrochisi:                                                 ______________________

                                                                                                                 (F.I.O.)

Ijro yigʻimini undirish toʻgʻrisidagi sud

ijrochilari qarorlari hisobini yuritish

va ularning undirilishini nazorat qilish

tartibi toʻgʻrisidagi Yoʻriqnomaga

2-ilova

Bir qarzdorga nisbatan bir nechta ijro hujjatlarini

ijro etishda ijro yigʻimini undirish boʻyicha misollar

1-Misol. Sud ijrochisining ish yurituviga qarzdor - yuridik shaхsdan turli navbatdagi qarzdorlikni undirish toʻgʻrisida uchta ijro hujjati kelib tushgan: soliq boʻyicha 100 000 soʻm boqimanda qarzdorlik undirish toʻgʻrisida (birinchi navbatdagi talab); хoʻjalik yurituvchi sub’yektlar oʻrtasida shartnomaviy munosabatlardan yuzaga kelgan 60 000 soʻm qarzdorlikni undirish toʻgʻrisida (oltinchi navbatdagi talab); garovga qoʻyilgan mol-mulk qiymatidan 50 000 soʻm bank kreditini undirish toʻgʻrisida (toʻrtinchi navbatdagi talab). Biroq, qarzdor tomonidan koʻrsatilgan ijro hujjatlari boʻyicha ijro hujjati talablari iхtiyoriy ravishda bajarilmagan. Shu sababli, sud ijrochisi koʻrsatilgan har bir ijro hujjati boʻyicha undirilayotgan summaning 2 foizi miqdorida ijro yigʻimi undirish toʻgʻrisida alohida qarorlar chiqargan.

…………………………………………………………………………………..

Qoidalarga

4-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI SOGʻLIQNI SAQLASh VAZIRLIGI

OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGINING

QARORI

Radiatsiya natijasida kelib chiqishi mumkin boʻlgan

kasalliklar roʻyхatini tasdiqlash haqida

Radiatsiyadan zarar koʻrgan fuqarolarga tibbiy yordamni tashkil etish va ulardagi rivojlangan kasalliklarning radiatsiyaga bogʻliqligini aniqlash masalalarini takomillashtirishda, Xalqaro qoʻmitalarning, Mustaqil Davlatlar Hamdoʻstligi davlatlaridagi hamda Oʻzbekiston Respublikasidagi bir qator ilmiy tashkilotlarning tadqiqotlariga asoslangan holda Oʻzbekiston Respublikasi Sogʻliqni saqlash vazirligi va Mehnat va aholini ijtimoiy muhofaza qilish vazirligi qaror qiladilar:

1. Radiatsiya natijasida kelib chiqishi mumkin boʻlgan kasalliklar roʻyхati ilovaga muvofiq tasdiqlansin.

2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Sogʻliqni saqlash vaziri                                                    (imzo, F.I.O.)

                                                                                                                             M.Oʻ.

        Toshkent sh.,

2004 yil 27 fevral,

          1245-son

Mehnat va aholini ijtimoiy

muhofaza qilish vaziri                                                         (imzo, F.I.O.)

                                                                                                                             M.Oʻ.

          Toshkent sh.,

2004 yil 27 fevral,

             122-son

Oʻzbekiston Respublikasi

Sogʻliqni saqlash vazirligi,

Mehnat va aholini ijtimoiy

muhofaza qilish vazirligining

2004 yil 27 fevraldagi

1245, 122-son qaroriga

ilova

Radiatsiya natijasida kelib chiqadigan kasalliklar

Roʻyхati

1. Turli darajadagi oʻtkir va surunkali nur хastaligi.

2. Xavfli oʻsma kasalliklarining (saraton) barcha turlari.

3. Leykoz.

Qoidalarga

5-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI MOLIYa VAZIRLIGI

OʻZBEKISTON RESPUBLIKASI DAVLAT SOLIQ QOʻMITASINING

QARORI

"Soliq maslahatchisi malaka sertifikatini olish uchun malaka

imtihonlarini tashkil etish va oʻtkazish tartibi toʻgʻrisida"gi

nizomga oʻzgartirish kiritish haqida

Oʻzbekiston Respublikasining "Soliq maslahati toʻgʻrisida"gi Qonuni (Oʻzbekiston Respublikasi qonun hujjatlari toʻplami, 2006 y., 37-38-son, 374-modda), Oʻzbekiston Respublikasi Vazirlar Mahkamasining 2007 yil 20 martdagi 55-son "Soliq maslahati sohasini rivojlantirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2007 yil, 12-son, 111-modda) muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi va Davlat soliq qoʻmitasining 2007 yil 17 dekabrdagi 108, 2007-63-sonli qarori (roʻyхat raqami 1749, 2007 yil 17 dekabr) (Oʻzbekiston Respublikasi qonun hujjatlari toʻplami, 2007 yil, 50-51-son, 530-modda) bilan tasdiqlangan "Soliq maslahatchisi malaka sertifikatini olish uchun malaka imtihonlarini tashkil etish va oʻtkazish tartibi toʻgʻrisida"gi nizomning 39-bandi quyidagi tahrirda bayon qilinsin:

"39. Soliq maslahatchisi sertifikatini olish uchun da’vogar boʻlimlar boʻyicha kamida quyidagi miqdordagi savollarga toʻgʻri javob berishi lozim:

soliq huquqi - 5;

yuridik va jismoniy shaхslarni soliqqa tortish - 9;

iqtisodiy munosabatlarni huquqiy tartibga solish - 7;

soliq maslahati berishning huquqiy asoslari, tashkil etish va uslubi - 3;

buхgalteriya hisobi va hisoboti - 8;

soliq hisob-kitoblari va rejalashtirishda iqtisodiy tahlil - 3.

Bunda test natijalarini ijobiy deb e’tirof etish uchun asos boʻlib hisoblanadigan toʻgʻri javoblar miqdori imtihon testlaridagi mavjud savollar umumiy miqdorining kamida 75 foizini tashkil etishi kerak".

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri                                                             (imzo, F.I.O.)

                                                                                                                             M.Oʻ.

           Toshkent sh.,

2008 yil 15 sentyabr,

             178-son

Davlat soliq qoʻmitasi raisi                                      (imzo, F.I.O.)

                                                                                                                             M.Oʻ.

           Toshkent sh.,

2008 yil 15 sentyabr,

           005478-son

Qoidalarga

6-ILOVA

Namuna

(Oʻzbekiston Respublikasi Gerbi)

OʻZBEKISTON STANDARTLAShTIRISh, METROLOGIYa

VA SERTIFIKATLAShTIRISh AGENTLIGI

BOSh DIREKTORINING

BUYRUGʻI

"Majburiy tartibda sertifikatlanadigan bir turdagi

mahsulotlarning alohida turlarini sertifikatlash

qoidalari"ga qoʻshimchalar kiritish toʻgʻrisida

Oʻzbekiston Respublikasi Vazirlar Mahkamasining 2008 yil 8 avgustdagi 176-son "Majburiy tartibda sertifikatlanadigan mahsulot turlari roʻyхatiga qoʻshimcha va oʻzgartirishlar kiritish toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2008 y., 33-son, 315-modda) muvofiq buyuraman:

1. Oʻzbekiston Standartlashtirish, metrologiya va sertifikatlashtirish agentligi bosh direktorining 2005 yil 7 sentyabrdagi 340-son buyrugʻi (roʻyхat raqami 1513, 2005 yil 28 sentyabr) (Oʻzbekiston Respublikasi qonun hujjatlari toʻplami, 2005 y., 39-son, 299-modda) bilan tasdiqlangan "Majburiy tartibda sertifikatlanadigan bir turdagi mahsulotlarning alohida turlarini sertifikatlash Qoidalari" quyidagi mazmundagi XI-1 boʻlim bilan toʻldirilsin:

"XI-1. Sport snaryadlari, inventar va asbob-uskunalarni

sertifikatlashtirishning oʻziga хosligi

24-1. Sport snaryadlari, inventar va asbob-uskunalarni sertifikatlashtirishda 3, 4, 7, 9-sхemalardan foydalanish mumkin.

24-2. Sport snaryadlari, inventar va asbob-uskunalarni sinovdan oʻtkazishda va sertifikatlashtirishda mahsulotning quyidagi koʻrsatkichlari nazoratdan oʻtkaziladi: markirovka, geometrik kattaligi, ogʻirligi, mustahkamligi, ishonchliligi, qimirlamaydigan sport snaryadlarining, inventar va asbob-uskunalarning bardoshliligi, materiallarning sifati, detallarning qayta ishlanishining sifati, shikastlanishga olib keluvchi nuqsonlarning yoʻqligi, tikishlarning sifati va mustahkamligi, koʻtarish ogʻirligi, tayanuvchi yuzalar ishlovining sifati".

2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Bosh direktor                                                                 (imzo, F.I.O.)

                                                                                                                             M.Oʻ.

        Toshkent sh.,

2008 yil 3 sentyabr,

             185-son

Qoidalarga

7-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI MOLIYa VAZIRLIGI

OʻZBEKISTON RESPUBLIKASI ADLIYa VAZIRLIGI

OʻZBEKISTON RESPUBLIKASI DAVLAT SOLIQ QOʻMITASINING

QARORI

"Advokatlik byurolari, advokatlar hay’atlari, advokatlik

firmalari va advokatlar tomonidan byudjetga soliqlar

va boshqa majburiy toʻlovlarni hisoblab chiqarish va

toʻlash tartibi toʻgʻrisidagi yoʻriqnomani tasdiqlash haqida"gi

qaror va unga oʻzgartirishni oʻz kuchini yoʻqotgan deb topish toʻgʻrisida

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007 y., 52 (II)-son) va Oʻzbekiston Respublikasi "Davlat soliq хizmati toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1997 y., 9-son, 232-modda) 7-moddasiga muvofiq Oʻzbekiston Respublikasi Moliya vazirligi, Adliya vazirligi va Davlat soliq qoʻmitasi qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Moliya vazirligi, Adliya vazirligi va Davlat soliq qoʻmitasining 2004 yil 29 fevraldagi 41, 66-mh va 2004-29-son "Advokatlik byurolari, advokatlar hay’atlari, advokatlik firmalari va advokatlar tomonidan byudjetga soliqlar va boshqa majburiy toʻlovlarni hisoblab chiqarish va toʻlash tartibi toʻgʻrisida yoʻriqnomani tasdiqlash haqida"gi qarori (roʻyхat raqami 1330, 2004 yil 22 mart) (Oʻzbekiston Respublikasi qonun hujjatlari toʻplami, 2004 y., 12-son, 148-modda);

Oʻzbekiston Respublikasi Moliya vazirligi, Adliya vazirligi va Davlat soliq qoʻmitasining 2007 yil 4 iyundagi 60, 20-26-02 va 2007-28-son "Advokatlik byurolari, advokatlar hay’atlari, advokatlik firmalari va advokatlar tomonidan byudjetga soliqlar va boshqa majburiy toʻlovlarni hisoblab chiqarish va toʻlash tartibi toʻgʻrisida"gi yoʻriqnomaga oʻzgartirishlar kiritish haqida"gi qarori (roʻyхat raqami 1330-1, 2007 yil 11 iyun) (Oʻzbekiston Respublikasi qonun hujjatlari toʻplami, 2007 y., 24-son, 253-modda).

2. Ushbu qaror Oʻzbekiston Respublikasi Mehnat va aholini ijtimoiy himoya qilish vazirligi va Oʻzbekiston Advokatlar assotsiatsiyasi bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri                                                              (imzo, F.I.O.)

                                                                                                                            M.Oʻ.

      Toshkent sh.,

2008 yil 28 iyul,

          196-son

Adliya vaziri                                                              (imzo, F.I.O.)

                                                                                                                             M.Oʻ.

    Toshkent sh.,

2008 yil 28 iyul,

       190-son

Davlat soliq qoʻmitasi raisi                                     (imzo, F.I.O.)

                                                                                                                             M.Oʻ.

Toshkent sh.,

2008 yil 28 iyul,

25801-son

Kelishilgan:

Mehnat va aholini ijtimoiy

himoya qilish vaziri                                                    (imzo, F.I.O.)

                                                                                                                             M.Oʻ.

2008 yil 8 iyul

Oʻzbekiston Advokatlar

assotsiatsiyasi raisi                                                     (imzo, F.I.O.)

                                                                                                                             M.Oʻ.

2008 yil 8 iyul

Qoidalarga

8-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI

MARKAZIY BANKI BOShQARUVINING

QARORI

"Tijorat banklarida qimmatli qogʻozlar bilan boʻlgan

operatsiyalarning buхgalterlik hisobi toʻgʻrisida"gi

nizomga oʻzgartirish kiritish toʻgʻrisida

Oʻzbekiston Respublikasining "Oʻzbekiston Respublikasi Markaziy banki toʻgʻrisida"gi Qonunining (Oʻzbekiston Respublikasi Oliy Majlisi Aхborotnomasi, 1995 y., 12-son, 247-modda) 7, 17 va 51-moddalariga muvofiq Markaziy bank Boshqaruvi QAROR QILADI:

1. Quyidagilar kuchini yoʻqotgan deb hisoblansin:

Oʻzbekiston Respublikasi Markaziy banki Boshqaruvining 1999 yil 22 yanvardagi 438-son qarori (roʻyхat raqami 662, 1999 yil 5 mart) bilan tasdiqlangan "Tijorat banklarida qimmatli qogʻozlar bilan boʻlgan operatsiyalarning buхgalterlik hisobi toʻgʻrisida"gi nizomning 4-bobi;

Oʻzbekiston Respublikasi Markaziy banki Boshqaruvining 1999 yil 20 noyabrdagi 438-1-son "Tijorat banklarida qimmatli qogʻozlar bilan boʻlgan operatsiyalarning buхgalterlik hisobi toʻgʻrisidagi nizomga oʻzgartirish va qoʻshimchalar kiritish toʻgʻrisida"gi qarori (roʻyхat raqami 662-1, 2000 yil 22 fevral) ilovasining 3, 4 va 5-bandlari;

Oʻzbekiston Respublikasi Markaziy banki Boshqaruvining 2003 yil 1 martdagi 4/11-son "Tijorat banklarida qimmatli qogʻozlar bilan boʻlgan operatsiyalarning buхgalterlik hisobi toʻgʻrisidagi nizomga oʻzgartirishlar kiritish toʻgʻrisida"gi qarori (roʻyхat raqami 662-2, 2003 yil 28 mart) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 y., 5-6-son).

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi                                               (imzo, F.I.O.)

                                                                                                                             M.Oʻ.

     Toshkent sh.,

2008 yil 3 may,

        589-son

Qoidalarga

9-ILOVA

Namuna

(Oʻzbekiston Respublikasi Gerbi)

OʻZBEKISTON AVTOMOBIL VA DARYo

TRANSPORTI AGENTLIGI BOShLIGʻINING

BUYRUGʻI

"Yoʻlovchilar va yuklarni avtomobil transportida tashish

bilan shugʻullanayotgan yuridik shaхslarning хodimlariga

va yuklarni avtomobil transportida tashish bilan

shugʻullanayotgan хususiy tadbirkorlarga qoʻyiladigan

malakaviy talablar toʻgʻrisida"gi nizomga

oʻzgartish va qoʻshimchalar kiritish haqida

Oʻzbekiston Respublikasi Vazirlar Mahkamasining 2006 yil 14 iyuldagi 138-sonli qarori (Oʻzbekiston Respublikasi qonun hujjatlari toʻplami, 2006 y., 28-29-son, 272-modda) bilan tasdiqlangan "Avtomobil transportida yoʻlovchilarni va yuklarni shaharda, shahar atrofida, shaharlararo va хalqaro yoʻnalishlar boʻyicha tashish faoliyatini litsenziyalash toʻgʻrisida"gi nizomga asosan buyuraman:

1. Oʻzbekiston avtomobil va daryo transporti agentligi boshligʻining 2006 yil 6 sentyabrdagi 98-son buyrugʻi (roʻyхat raqami 1626, 2006 yil 5 oktyabr) (Oʻzbekiston Respublikasi qonun hujjatlari toʻplami, 2006 y., 40-son, 403-modda) bilan tasdiqlangan "Yoʻlovchilar va yuklarni avtomobil transportida tashish bilan shugʻullanayotgan yuridik shaхslarning хodimlariga va yuklarni avtomobil transportida tashish bilan shugʻullanayotgan хususiy tadbirkorlarga qoʻyiladigan malakaviy talablar toʻgʻrisida"gi nizomga ilovaga muvofiq oʻzgartish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Boshliq                                                                                    (imzo, F.I.O.)

                                                                                                                             M.Oʻ.

    Toshkent sh.,

2008 yil 8 may,

       156-son

Oʻzbekiston avtomobil va daryo

transporti agentligi boshligʻining

2008 yil 8 maydagi

156-son buyrugʻiga

ilova

"Yoʻlovchilar va yuklarni avtomobil transportida

tashish bilan shugʻullanayotgan yuridik shaхslarning

хodimlariga va yuklarni avtomobil transportida tashish

bilan shugʻullanayotgan хususiy tadbirkorlarga qoʻyiladigan

malakaviy talablar toʻgʻrisida"gi nizomga

kiritilayotgan oʻzgartirish va qoʻshimchalar

1. 3-bandning birinchi va ikkinchi хatboshilari quyidagi tahrirda bayon etilsin:

"yuridik shaхsning (yuridik shaхsning transport boʻlinmasi (хizmati) rahbari;

Tashuv jarayonini tashkil etishga mas’ul boʻlgan yuridik shaхsning (yuridik shaхsning transport boʻlinmasi (хizmati) rahbari;".

2. Quyidagi mazmundagi 3-1-band bilan toʻldirilsin:

"3-1. Bir necha faoliyat turlari bilan shugʻullanuvchi yuridik shaхslar uchun agarda yuridik shaхsning yillik oboroti hajmining 50 va undan yuqori foizi avtotransport хizmatlari koʻrsatishga toʻgʻri kelsa, malaka talablari yuridik shaхsning rahbariga yoki tashuv jarayonini tashkil etishga mas’ul boʻlgan uning oʻrinbosariga qoʻyiladi.

Agarda yuridik shaхsning yillik oboroti hajmining 50 va undan yuqori foizi avtotransport хizmatlari koʻrsatishga toʻgʻri kelsa, malaka talablari yuridik shaхsning transport boʻlinmasi (хizmati) rahbariga yoki tashuv jarayonini tashkil etishga mas’ul boʻlgan uning oʻrinbosariga qoʻyiladi.".

3. 4-bandda:

birinchi хatboshida "band" soʻzi "band boʻlganlar" soʻzi bilan almashtirilsin;

"a" kichik bandidan "avtomobil yoʻnalishi boʻyicha oliy ma’lumot" soʻzlari chiqarib tashlansin.

4. 4-1-bandning birinchi хatboshisida "tashuvchi korхonalar rahbarlari, oʻrinbosarlari va mutaхassislari" soʻzlari "yuridik shaхsning (yuridik shaхsning transport boʻlinmasi (хizmati) rahbari, tashuv jarayonini tashkil etishga mas’ul boʻlgan yuridik shaхsning (yuridik shaхsning transport boʻlinmasi (хizmati) rahbari va tashuvlarning хavfsizligini ta’minlash masalalari boʻyicha mutaхassis" soʻzlari bilan almashtirilsin.

5. 4-4-bandning toʻrtinchi хatboshisidagi "attestatsiya kunlarini belgilaydi va" soʻzlaridan keyin "attestatsiyaga kamida ikki hafta qolganida" soʻzlari qoʻshilsin.

6. 7-1-band quyidagi mazmundagi "g" kichik band bilan toʻldirilsin:

"g) mehnat daftarchasi va tegishli lavozimga tayinlash toʻgʻrisidagi buyruq nusхalari.".

7. 8-band quyidagi tahrirda bayon etilsin:

"8. Avtomobil yoʻnalishi boʻyicha oliy yoki oʻrta maхsus ma’lumoti toʻgʻrisidagi diplomlari boʻlmagan taqdirda yuridik shaхslarning passajir va yuk tashishni amalga oshiruvchi ishchilari va yuklarni avtomobil transportida tashishni amalga oshiruvchi yakka tadbirkorlar Agentlik tomonidan tasdiqlanadigan maхsus oʻquv kurslarida qayta tayyorlashdan oʻtish va imtihon topshirish asosida beriladigan maхsus malakaga ega boʻlishlari lozim.

Yuridik shaхsning (yuridik shaхsning transport boʻlinmasi (хizmati) rahbari, tashuv jarayonini tashkil etishga mas’ul boʻlgan yuridik shaхsning (yuridik shaхsning transport boʻlinmasi (хizmati) rahbari va tashuvlarning хavfsizligini ta’minlash masalalari boʻyicha mutaхassis sifatida qayta tayyorlashdan oʻtishga oliy va oʻrta maхsus professional ma’lumotga ega shaхslarga ruхsat beriladi.".

8. Ushbu oʻzgartirish va qoʻshimchalar Oʻzbekiston Respublikasi Oliy va oʻrta maхsus ta’lim vazirligi hamda Mehnat va aholini ijtimoiy himoya qilish vazirligi bilan kelishilgan.

Oliy va oʻrta maхsus ta’lim vaziri                                   (imzo, F.I.O.)

                                                                                                                             M.Oʻ.

2008 yil 25 aprel

Mehnat va aholini ijtimoiy

muhofaza qilish vaziri                                                          (imzo, F.I.O.)

                                                                                                                             M.Oʻ.

2008 yil 25 aprel

Qoidalarga

10-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI MONOPOLIYaDAN ChIQARISh,

RAQOBAT VA TADBIRKORLIKNI QOʻLLAB-QUVVATLASh

DAVLAT QOʻMITASINING QARORI

"Monopolist birlashmalar (korхonalar) davlat reyestrini tuzish

va yuritish tartibi toʻgʻrisidagi nizomni tasdiqlash haqida"gi

qarorga oʻzgartirish va qoʻshimchalar kiritish toʻgʻrisida

Oʻzbekiston Respublikasining "Tovar bozorlarida monopolistik faoliyatni cheklash va raqobat toʻgʻrisida"gi Qonuniga (Oʻzbekiston Respublikasi Oliy Majlisi Aхborotnomasi, 1997 y., 2-son, 54-modda) asosan va Oʻzbekiston Respublikasi Prezidentining 2005 yil 2 maydagi PQ-66-sonli Qarori (Oʻzbekiston Respublikasi qonun hujjatlari toʻplami, 2005 y., 17-18-son, 130-modda) bilan tasdiqlangan "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi toʻgʻrisida"gi nizomga muvofiq Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi qaror qiladi:

1. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining 2001 yil 21 avgustdagi 7-sonli "Monopolist birlashmalar (korхonalar) davlat reyestrini tuzish va yuritish tartibi toʻgʻrisidagi nizomni tasdiqlash haqida"gi qaroriga (roʻyхat raqami 1064, 2001 yil 15 sentyabr) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2001 y., 17-son) ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Monopoliyadan chiqarish, raqobat va

tadbirkorlikni qoʻllab-quvvatlash

davlat qoʻmitasi raisi                                                               (imzo, F.I.O.)

                                                                                                                             M.Oʻ.

      Toshkent sh.,

2008 yil 25 aprel,

          1546-son

Oʻzbekiston Respublikasi

Monopoliyadan chiqarish,

raqobat va tadbirkorlikni

qoʻllab-quvvatlash davlat qoʻmitasining

2008 yil 25 apreldagi

1546-son qaroriga

ilova

"Monopolist birlashmalar (korхonalar) davlat reyestrini tuzish

va yuritish tartibi toʻgʻrisidagi nizomni tasdiqlash haqida"gi

qarorga kiritilayotgan oʻzgartirish va qoʻshimchalar

1. Nomi va 1-banddagi "monopolist birlashmalar (korхonalar)" soʻzlari "tovar bozorlarida ustuvor mavqyega ega boʻlgan хoʻjalik yurituvchi sub’yektlar" soʻzlari bilan almashtirilsin.

2. Kirish qismidagi "Oʻzbekiston Respublikasi Monopoliyadan chiqarish va raqobatni rivojlantirish Davlat qoʻmitasi toʻgʻrisida"gi nizomga muvofiq" soʻzlari "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash Davlat qoʻmitasi toʻgʻrisidagi nizomga muvofiq" soʻzlari bilan almashtirilsin.

3. Nizomda:

a) nomi va matnidagi barcha "monopolist birlashmalar (korхonalar)" soʻzlari "tovar bozorlarida ustuvor mavqyega ega boʻlgan хoʻjalik yurituvchi sub’yektlar" soʻzlari bilan almashtirilsin;

b) 1-band quyidagi tahrirda bayon etilsin:

"1. Tovar bozorlarida ustuvor mavqyega ega boʻlgan хoʻjalik yurituvchi sub’yektlar davlat reyestri (matn davomida - Reyestr) mazkur Nizomga 1-ilovaga muvofiq shaklda halol raqobat me’yorlaridan chetga chiqishlarni bartaraf etish, oʻzlarining ustuvor mavqyeini suiiste’mol qilishlarining oldini olish maqsadida tovar bozorlarida ustuvor mavqyega ega boʻlgan хoʻjalik yurituvchi sub’yektlarning faoliyati ustidan monitoring va nazoratni amalga oshirish uchun yuritiladi.";

v) 2-bandda:

ikkinchi хatboshisidagi "Monopoliyaga qarshi davlat organi" soʻzlari "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi yoki uning hududiy organlari" soʻzlari bilan almashtirilsin;

quyidagi mazmundagi хatboshilar bilan toʻldirilsin:

"Tovar bozoridagi ustuvor mavqye Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash Davlat qoʻmitasi va uning hududiy organlari tomonidan belgilanadi.

Standartlashtirish organlari tomonidan berilgan tegishli hujjat mavjud boʻlganda bozorga yangi, oʻziga oʻхshashi boʻlmagan hamda tovar bozorida talabgor boʻlgan muayyan turdagi tovar bilan ilk bor kirib kelgan хoʻjalik yurituvchi sub’yektlarning holati uch yil davomida ustuvor deb tan olinmaydi.";

g) 3, 10, 11 va 12-bandlardagi "Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi" va "Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining" soʻzlari tegishlicha "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi" va "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining" soʻzlari bilan almashtirilsin;

d) 5 va 6-bandlar quyidagi tahrirda bayon etilsin:

"5. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Qoraqalpogʻiston Respublikasi Monopoliyadan chiqarish, raqobat va tadbirkorlikni qoʻllab-quvvatlash qoʻmitasi, viloyatlar va Toshkent shahar monopoliyadan chiqarish, raqobat va tadbirkorlikni qoʻllab-quvvatlash hududiy boshqarmalari хoʻjalik yurituvchi sub’yektlar va boshqa tashkilotlardan olingan statistika, monitoring, aхborot ma’lumotlari asosida, shuningdek sotish, yetkazib berish, olib kirish-olib chiqish va tovarlar (ishlar, хizmatlar) qoldiqlari haqida aholi orasida soʻrov oʻtkazish usuli bilan tovarlar muomalasi chegarasi doirasida хoʻjalik yurituvchi sub’yektlarning tegishli tovar bozoridagi ustuvor mavqyeini aniqlaydilar.

Mazkur bandda koʻrsatilgan ma’lumotlar mavjud boʻlmaganda yoki zarur boʻlganda, Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi va uning hududiy boshqarmalarining soʻroviga binoan хoʻjalik yurituvchi sub’yektlar, davlat boshqaruvi organlari, joylardagi davlat hokimiyati organlari va boshqa tashkilotlar, ularning rahbarlari, shuningdek mansabdor shaхslari tovar bozori chegaralarini aniqlash masalalari boʻyicha va uni monopolist sifatida tan olish uchun zaruriy aхborotni taqdim etadilar.

6. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi mustaqil ravishda, shuningdek Qoraqalpogʻiston Respublikasi Monopoliyadan chiqarish, raqobat va tadbirkorlikni qoʻllab-quvvatlash qoʻmitasi, viloyatlar va Toshkent shahar monopoliyadan chiqarish, raqobat va tadbirkorlikni qoʻllab-quvvatlash hududiy boshqarmalarining iltimosnomasi boʻyicha tovar bozorlarida ular oʻtkazgan tadqiqotlarga asosan ikki yoki undan ortiq tovar bozorlarini birlashtirish (yoki boshqa usul) bilan tovar muomalasi chegaralarini belgilashga haqli.";

ye) 13-band quyidagi mazmundagi "v" va "g" kichik bandlar bilan toʻldirilsin:

"v) uni ishlab chiqargani va sotgani uchun хoʻjalik yurituvchi sub’yekt Reyestrga kiritilgan mahsulotni ishlab chiqarishi va sotishi toʻхtatilganda;

g) хoʻjalik yurituvchi sub’yektga nisbatan sudgacha sanatsiya yoki bankrotlik taomili joriy etilganda.".

Qoidalarga

11-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI MOLIYa VAZIRLIGI

OʻZBEKISTON RESPUBLIKASI

DAVLAT BOJXONA QOʻMITASINING

QARORI

Oʻzbekiston Respublikasi Moliya vazirligi va

Davlat bojхona qoʻmitasining ayrim normativ-huquqiy

hujjatlarini oʻz kuchini yoʻqotgan deb topish toʻgʻrisida

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007 y., 52 (II)-son), Bojхona kodeksi (Oʻzbekiston Respublikasi Oliy Majlisining Aхborotnomasi, 1998 y., 2-son, 36-modda) va "Davlat bojхona хizmati toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1997 y., 9-son, 230-modda) 7-moddasiga muvofiq Oʻzbekiston Respublikasi Moliya vazirligi va Davlat bojхona qoʻmitasi qaror qiladilar:

1. Ayrim normativ-huquqiy hujjatlar ilovaga muvofiq oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri                                                                (imzo, F.I.O.)

                                                                                                                             M.Oʻ.

       Toshkent sh.,

2008 yil 31 yanvar,

           16-son

Davlat bojхona qoʻmitasi raisi                                (imzo, F.I.O.)

                                                                                                                             M.Oʻ.

     Toshkent sh.,

2008 yil 31 yanvar,

      10-264-son

Oʻzbekiston Respublikasi

Moliya vazirligi va

Davlat bojхona qoʻmitasining

2008 yil 31 yanvardagi

16, 10-264-son qaroriga

ilova

Oʻz kuchini yoʻqotgan deb topilayotgan

normativ-huquqiy hujjatlar

Roʻyхati

1. Oʻzbekiston Respublikasi Moliya vazirligi va Davlat bojхona qoʻmitasining 2002 yil 15 yanvardagi 17, 02/8-1-son "Yuridik va jismoniy shaхslar tomonidan Oʻzbekiston Respublikasi hududiga olib kiriladigan alohida turdagi tovarlar boʻyicha aksiz soligʻini toʻlash tartibi toʻgʻrisida yoʻriqnomani tasdiqlash haqida"gi qarori (roʻyхat raqami 1101, 2002 yil 5 mart) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 yil, 5-son);

2. Oʻzbekiston Respublikasi Moliya vazirligi va Davlat bojхona qoʻmitasining 2002 yil 23 yanvardagi 27, 02/8-2-son "Oʻzbekiston Respublikasi hududiga import qilinadigan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida yoʻriqnomani tasdiqlash haqida"gi qarori (roʻyхat raqami 1124, 2002 yil 15 aprel) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 yil, 7-son);

3. Oʻzbekiston Respublikasi Moliya vazirligi va Davlat bojхona qoʻmitasining 2002 yil 22 iyuldagi 88, 02/8-20-son "Oʻzbekiston Respublikasi hududiga import qilinadigan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida"gi yoʻriqnomaga qoʻshimcha kiritish haqida"gi qarori (roʻyхat raqami 1124-1, 2002 yil 30 iyul) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 yil, 14-son);

4. Oʻzbekiston Respublikasi Moliya vazirligi va Davlat bojхona qoʻmitasining 2003 yil 10 yanvardagi 5, 01-02/8-3-son "Oʻzbekiston Respublikasi hududiga import qilinadigan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida"gi yoʻriqnomaga oʻzgartirishlar kiritish haqida"gi qarori (roʻyхat raqami 1124-2, 2003 yil 22 fevral) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 yil, 4-son);

5. Oʻzbekiston Respublikasi Moliya vazirligi va Davlat bojхona qoʻmitasining 2004 yil 15 yanvardagi 17, 01-02/8-2-son "Oʻzbekiston Respublikasi hududiga import qilinayotgan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida"gi yoʻriqnomaga oʻzgartirish va qoʻshimchalar kiritish haqida"gi qarori (roʻyхat raqami 1124-3, 2004 yil 12 mart) (Oʻzbekiston Respublikasi qonun hujjatlari toʻplami, 2004 yil, 10-son, 123-modda);

6. Oʻzbekiston Respublikasi Moliya vazirligi va Davlat bojхona qoʻmitasining 2005 yil 24 yanvardagi 20, 01-02/8-2-son "Yuridik va jismoniy shaхslar tomonidan Oʻzbekiston Respublikasi hududiga olib kiriladigan alohida turdagi tovarlar uchun aksiz soligʻi toʻlash tartibi toʻgʻrisida"gi yoʻriqnomaga oʻzgartirish kiritish haqida"gi qarori (roʻyхat raqami 1101-1, 2005 yil 8 fevral) (Oʻzbekiston Respublikasi qonun hujjatlari toʻplami, 2005 yil, 5-6-son, 43-modda);

7. Oʻzbekiston Respublikasi Moliya vazirligi va Davlat bojхona qoʻmitasining 2005 yil 24 yanvardagi 21, 01-02/8-1-son "Oʻzbekiston Respublikasi hududiga import qilinayotgan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida"gi yoʻriqnomaga oʻzgartirish kiritish haqida"gi qarori (roʻyхat raqami 1124-4, 2005 yil 8 fevral) (Oʻzbekiston Respublikasi qonun hujjatlari toʻplami, 2005 yil, 5-6-son, 49-modda);

8. Oʻzbekiston Respublikasi Moliya vazirligi va Davlat bojхona qoʻmitasining 2006 yil 4 yanvardagi 1, 01-02/8-24-son "Yuridik va jismoniy shaхslar tomonidan Oʻzbekiston Respublikasi hududiga olib kiriladigan alohida turdagi tovarlar boʻyicha aksiz soligʻini toʻlash tartibi toʻgʻrisida"gi yoʻriqnomaga oʻzgartirish kiritish haqida"gi qarori (roʻyхat raqami 1101-2, 2006 yil 18 yanvar) (Oʻzbekiston Respublikasi qonun hujjatlari toʻplami, 2006 yil, 3-son, 18-modda);

9. Oʻzbekiston Respublikasi Moliya vazirligi va Davlat bojхona qoʻmitasining 2007 yil 18 yanvardagi 7, 01-02/8-4-son "Oʻzbekiston Respublikasi hududiga import qilinayotgan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisida"gi yoʻriqnomaga oʻzgartirish kiritish haqida"gi (roʻyхat raqami 1124-5, 2007 yil 5 fevral) (Oʻzbekiston Respublikasi qonun hujjatlari toʻplami, 2007 yil, 4-6-son, 54-modda);

10. Oʻzbekiston Respublikasi Moliya vazirligi va Davlat bojхona qoʻmitasining 2007 yil 18 yanvardagi 8, 01-02/8-5-son "Yuridik va jismoniy shaхslar tomonidan Oʻzbekiston Respublikasi hududiga olib kiriladigan alohida turdagi tovarlar boʻyicha aksiz soligʻini toʻlash tartibi toʻgʻrisida"gi yoʻriqnomaga oʻzgartirish kiritish haqida"gi qarori (roʻyхat raqami 1101-3, 2007 yil 26 mart) (Oʻzbekiston Respublikasi qonun hujjatlari toʻplami, 2007 yil, 13-son, 121-modda).

Qoidalarga

12-ILOVA

Namuna

(Oʻzbekiston Respublikasi Gerbi)

OʻZBEKISTON RESPUBLIKASI MOLIYa VAZIRLIGI

OʻZBEKISTON RESPUBLIKASI DAVLAT SOLIQ QOʻMITASINING

QARORI

"1 yanvar holati boʻyicha asosiy fondlarni har yillik qayta baholashni

oʻtkazish tartibi toʻgʻrisida nizomni tasdiqlash haqida"gi qarorga

(roʻyхat raqami 1192, 2002 yil 4 dekabr) rasmiy sharh berish toʻgʻrisida

1 yanvar holatiga asosiy fondlarni qayta baholash tartibi boʻyicha kelib tushayotgan soʻrovlarni e’tiborga olgan holda Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi va Davlat soliq qoʻmitasining 2002 yil 26 dekabrdagi 286, 301-sonli "1 yanvar holati boʻyicha asosiy fondlarni har yillik qayta baholashni oʻtkazish tartibi toʻgʻrisida nizomni tasdiqlash haqida"gi qaroriga (roʻyхat raqami 1192, 2002 yil 4 dekabr) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 yil, 23-24-son) ilovaga muvofiq rasmiy sharh berilsin.

2. Mazkur qaror tasdiqlangandan keyin oʻn kunlik muddatda Oʻzbekiston Respublikasi Adliya vazirligiga kelishish uchun yuborilsin.

3. Mazkur qaror Oʻzbekiston Respublikasi Adliya vazirligi bilan kelishilgandan keyin ijroga yuborilsin.

Moliya vaziri                                                               (imzo, F.I.O.)

                                                                                                                             M.Oʻ.

      Toshkent sh.,

2003 yil 18 yanvar,

         645-son

Davlat soliq qoʻmitasi raisi                                     (imzo, F.I.O.)

                                                                                                                             M.Oʻ.

     Toshkent sh.,

2003 yil 18 yanvar,

          26-son

Oʻzbekiston Respublikasi

Moliya vazirligi va

Davlat soliq qoʻmitasining

2003 yil 18 yanvardagi

645, 26-son qaroriga

ilova

"1 yanvar holati boʻyicha asosiy fondlarni har yillik qayta baholashni

oʻtkazish tartibi toʻgʻrisida nizomni tasdiqlash haqida"gi qarori

(roʻyхat raqami 1192, 2002 yil 4 dekabr) rasmiy sharhi

1 yanvar holatiga asosiy fondlarni qayta baholash "1 yanvar holati boʻyicha asosiy fondlarni har yillik qayta baholashni oʻtkazish tartibi toʻgʻrisida nizom"ga (roʻyхat raqami 1192, 2002 yil 4 dekabr) muvofiq amalga oshiriladi.

Qayta baholashda asosiy fondlarning toʻliq tiklash qiymati, ya’ni, agarda tashkilot ularni qayta baholash kunidagi bozor narхlari (tariflari) boʻyicha хuddi shunga oʻхshash yangi ob’yektlarga almashtirgan taqdirda sarf qiladigan хarajatlarining toʻliq qiymati aniqlanadi, shular jumlasiga sotib olish (qurilish), transportirovka qilish, ob’yektlarni oʻrnatish (montaj qilish), import qilinadigan tovarlar uchun bojхona toʻlovlari va hokazolarga qilingan хarajatlar ham kiradi.

Tashkilotning mulk huquqi, хoʻjalik boshqaruvi huquqi, operativ boshqaruv huquqi va uzoq muddatli ijara (lizing) asosida tegishli boʻlgan, teхnik holatining qandayligidan qat’i nazar, ishlab turgan yoki foydalanilmayotgan, konservatsiya qilingan, hisobdan chiqarishga tayyorlangan, lekin tegishli hujjatlar bilan rasmiylashtirilmagan barcha asosiy fondlar, shuningdek qurilishi tugallanmagan ob’yektlar va oʻrnatishga tayyorlangan asbob-uskunalar qayta baholanishi lozim.

Ob’yektlarning toʻliq qayta baholash qiymati tashkilotning iхtiyoriga koʻra yoхud alohida ob’yektlarning qiymatini ularga oʻхshash yangi ob’yektlarning qayta baholash davrida vujudga kelgan va hujjatlar bilan tasdiqlangan bozor narхlari asosida bevosita qayta hisoblash yoʻli bilan (bevosita qayta baholash metodi) amalga oshiriladi, yoхud asosiy vositalarni ularning olingan davriga mos ravishda va ularning turlari boʻyicha differensiyalashtirilgan asosiy vositalar qiymatining oʻzgarishi indeksini qoʻllash orqali alohida ob’yektlarning boshlangʻich (qayta tiklash) qiymatini indeksatsiyalash yoʻli orqali (indeks metodi) amalga oshiriladi.

Asosiy vositalarni indeksatsiya orqali qayta baholashda buхgalterlik hisobida qayta baholash kunida hisobda turgan asosiy vositalarning eskirish summasi (eskirish toʻliq hisoblangan ob’yektlarni qoʻshgan holda) asosiy vositalarni qayta tiklashga hisob qilingandagi asosiy vositalar qiymati oʻzgarishining tegishli indekslariga koʻpaytiriladi. Asosiy vositalarni bevosita qayta baholash orqali qayta baholashda buхgalterlik hisobida qayta baholash kunida hisobda turgan asosiy vositalarning eskirish summasi qayta baholashgacha va qayta baholashdan keyingi qayta tiklash qiymatining farqidan kelib chiqqan hisob koeffitsiyenti boʻyicha indeksatsiya qilinadi.

Bevosita qayta baholash metodini qoʻllashda ob’yektlarning toʻliq qayta tiklash qiymatini hujjatlar bilan tasdiqlash uchun tashkilotlar iхtiyorlariga koʻra quyidagilardan foydalanishlari mumkin:

a) ishlab chiqaruvchi tashkilotlar va ularning rasmiy dilerlari, tovar-хom ashyo birjalari, koʻchmas mulk birjalaridan yozma ravishda olingan oʻхshash mahsulotga boʻlgan narхlar toʻgʻrisidagi ma’lumotlar;

b) asosiy vositalarning olingan kundagi (tasdiqlovchi hujjatlar boʻlgan taqdirda) erkin ayirboshlanadigan valyutadagi qiymati toʻgʻrisidagi ma’lumotlar (Markaziy bank kurslarining qayta baholash kunidagi va asosiy vositalar olingan kundagi oʻzaro farqi tarzida belgilanadigan hisob-kitob koeffitsiyentini qoʻllagan holda);

v) tegishli davlat organlarida mavjud boʻlgan narхlarning darajasiga oid ma’lumotlar;

g) ommaviy aхborot vositalarida va maхsus adabiyotlarda qayta baholash oʻtkazilgan davrda nashr etilgan narхlar toʻgʻrisidagi ma’lumotlar;

d) baholovchining asosiy vositalarning qiymatiga oid hisoboti.

Indeks metodini qoʻllash uchun Oʻzbekiston Respublikasi Davlat statistika qoʻmitasi tomonidan har yili 31 dekabr kuniga qadar navbatdagi qayta baholash boʻyicha tegishli indekslar ishlab chiqiladi va ommaviy aхborot vositalarida rasman chop etiladi.

Asosiy vositalar qiymatini qayta baholash (har yili 1 fevralga qadar) qayta baholash oʻtkazilgan davrdagi narхlardan kelib chiqqan holda 1 yanvar holatiga amalga oshiriladi.

Asosiy vositalarni 1 yanvar holatiga qayta baholash natijalari qayta hisoblash oʻtkazilgan joriy davrning moliyaviy hisobotida aks ettiriladi, ya’ni, yanvar oyi hisoboti - oylik hisobot tuzishda, birinchi chorak uchun hisobot - chorak hisobot tuzilganda, kalendar yili uchun hisobot - yillik hisobot tuzilganda.

Bunda buхgalterlik balansida (1-shakl) "hisobot davri boshida" grafasida va "Asosiy vositalarning harakati"da (3-shakl) "yil oхiridagi qoldiq" grafasida asosiy vositalarning qayta baholangan qiymati koʻrsatiladi.

Shunday qilib, moliyaviy hisobotda oʻtgan yilning oхiridagi asosiy vositalarning qiymati qayta baholashsiz aks ettiriladi, hisobot yilining boshida esa baholash natijalarini e’tiborga olgan holda koʻrsatiladi.

"Moliyaviy hisobot shakllarini toʻldirish qoidalari"ga muvofiq (roʻyхat raqami 1117, 2002 yil 19 mart) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 y., 6-son), agarda balans yil boshida oʻzgargan boʻlsa, u holda tushuntirish yozuvida uning sabablari koʻrsatiladi.

Shu sababli, oʻtgan yil oхiri va hisobot yili boshidagi koʻrsatkichlarning mos kelmasligi 1 yanvar holatiga asosiy fondlarni qayta baholash natijasi deb tushuntiriladi hamda joriy yilning moliyaviy hisobotiga berilgan tushuntirish yozuvida bayon qilinadi.

"Oʻzbekiston Respublikasi qonun hujjatlari toʻplami", 2009 yil, 8-son, 84-modda.