Oʻzbekiston Respublikasi Oliy Sovetining 21.10.1989 y. 3563-XI-son "Oʻzbekiston Respublikasining davlat tili toʻgʻrisida"gi Qonunni kuchga kiritish tartibi toʻgʻrisida"gi Qarori
OʻZBEKISTON RESPUBLIKASI
OLIY SOVETINING
QARORI
21.10.1989 y.
N 3563-XI
"OʻZBEKISTON RESPUBLIKASINING
DAVLAT TILI TOʻGʻRISIDA"GI
TARTIBI TOʻGʻRISIDA*
"Oʻzbekiston Respublikasining davlat tili toʻgʻrisida"gi Oʻzbekiston Respublikasi Qonuni qabul qilinishi munosabati bilan Oʻzbekiston Respublikasi Oliy Soveti QAROR QILADI:
1. Qonunning qoidalarini jamiyat turmushining hamma tomonlariga bosqichma-bosqich joriy etish maqsadida belgilab qoʻyilsinki, Qonunning 4, 7 va 8-moddalari 8 yil davomida, 5 va 24-moddalari - 3 yil davomida, 16-moddasi - 1991/1992 oʻquv yilidan kuchga kiradi, 22-moddasi 1991 yildan amal qila boshlaydi.
Qolgan barcha moddalar Qonun qabul qilingan kundan boshlab kuchga kiradi.
2. Oʻzbekiston Respublikasi Ministrlar Soveti olti oylik muddat ichida "Oʻzbekiston Respublikasining davlat tili toʻgʻrisida"gi Oʻzbekiston Respublikasi Qonunini amalga kiritish yuzasidan davlat programmasini qabul qilsin.
3. Oʻzbekiston Respublikasi Ministrlar Sovetiga Oʻzbekiston Respublikasi Hukumatining qarorlarini mazkur Qonun bilan muvofiqlashtirib chiqish topshirilsin.
Oʻzbekiston Respublikasi
Oliy Soveti Prezidiumining Raisi M. Ibrohimov
Oʻzbekiston Respublikasi
Oliy Soveti Prezidiumining Sekretari L. Bekqulbekova
*) Oʻzbekiston Respublikasining 1991 yil 30 sentyabrdagi 364-XII-son Qonuniga asosan "Oʻzbekiston SSR" degan soʻzlar "Oʻzbekiston Respublikasi" degan soʻzlar bilan almashtirilgan.
“Oʻzbekiston Sovet Sotsialistik Jumhuriyati Oliy Kengashining Aхborotnomasi”, 1989 yil, 26-28-son, 455-modda