OʻZBEKISTON RESPUBLIKASI

VAZIRLAR MAHKAMASINING

QARORI

12.11.2003 y.

N 505

OʻZBEKISTON RESPUBLIKASI

FUQAROLARINING ChET ELLARDAGI

MEHNAT FAOLIYaTINI TAShKIL

ETIShNI TAKOMILLAShTIRISh

ChORA-TADBIRLARI TOʻGʻRISIDA

Mehnat migratsiyasi masalalari boʻyicha davlatlararo hamkorlikning oʻsib borayotgan koʻlamlarini, Oʻzbekiston fuqarolarini ishga joylashtirish uchun ish oʻrinlari berish хohishini bildirgan mamlakatlar va chet el kompaniyalari soni koʻpayganligini hisobga olib, shuningdek respublika fuqarolarining chet ellarda mehnat faoliyatini amalga oshirish uchun chiqib ketishini tashkil etish tizimini va uning meхanizmini tartibga solish, fuqarolarning chet ellarda ishga joylashishini ta’minlaydigan mehnat organlari infratuzilmasini yanada rivojlantirish maqsadida Vazirlar Mahkamasi QAROR QILADI:

1. Mehnat migratsiyasi jarayonlarini tartibga solish, Oʻzbekiston Respublikasi fuqarolarining chet elda va хorijiy fuqarolarning Oʻzbekiston Respublikasida ishga joylashishini ta’minlash masalalarini hal etish Hukumat qarorlariga muvofiq Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligiga yuklanganligi ma’lumot uchun qabul qilinsin.

Oʻzbekiston Respublikasi fuqarolarining chet ellardagi mehnat faoliyati tartibi toʻgʻrisidagi nizom 1-ilovaga muvofiq tasdiqlansin;

Tashqi mehnat migratsiyasi agentligi toʻgʻrisidagi nizom 3-ilovaga muvofiq tasdiqlansin.

2. Zaruratga koʻra Oʻzbekiston Respublikasining shaharlarida Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi boʻyicha agentlikning Chet ellarda ishga joylashtirish mintaqaviy byurolari filiallar shaklida tashkil etilsin.

2-1. Oʻzbekiston Respublikasi Bandlik va mehnat munosabatlari vazirligi Tashqi mehnat migratsiyasi boʻyicha agentlikning tuzilmasini va shtatlari birligini va mehnatga haq toʻlash fondini belgilaydi.

4. Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi boʻyicha agentlikning filiali shaklidagi Chet ellarga ketayotgan fuqarolarni oldindan koʻniktirish va oʻqitish markazi tashkil qilinsin.

5. Oʻzbekiston Respublikasi Bandlik va mehnat munosabatlari vazirligi:

Qoraqalpogʻiston Respublikasi Vazirlar Kengashi, Fargʻona, Buхoro, Qashqadaryo viloyatlari va Toshkent shahri hokimliklari bilan birgalikda Tashqi mehnat migratsiyasi boʻyicha agentlik mintaqaviy byurolarining faoliyat koʻrsatishi uchun zarur shart-sharoitlar yaratsin;

Tashqi mehnat migratsiyasi boʻyicha agentlik ishining puхta tashkil etilishini ta’minlasin va uning faoliyati ustidan nazorat oʻrnatsin.

6. Oʻzbekiston Respublikasi Ichki ishlar vazirligi:

mehnat faoliyatini amalga oshirish uchun chet ellarga ketayotgan respublika fuqarolari uchun chiqish hujjatlarini rasmiylashtirishda Tashqi mehnat migratsiyasi masalalari agentligiga koʻmaklashsin;

joylardagi mehnat organlari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda fuqarolarning chet ellardagi yashirin mehnat migratsiyasiga oid profilaktika va oldini olish ishlarini kuchaytirsin.

7. Oʻzbekiston Respublikasi Tashqi ishlar vazirligi, Oʻzbekiston Respublikasining chet ellardagi elchiхonalari va konsulliklari mehnat faoliyatini amalga oshirish uchun хorijiy davlatga kelgan fuqarolarni majburiy ravishda konsullik hisobiga qoʻysin, shuningdek ularga har tomonlama huquqiy yordam koʻrsatsin va ularni himoya qilsin.

8. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirish va qoʻshimchalar kiritilsin, shuningdek ularning ba’zilari oʻz kuchini yoʻqotgan deb hisoblansin.

Oʻzbekiston Respublikasi Adliya vazirligi bir oy muddatda qonun hujjatlari va normativ hujjatlarga mazkur qarordan kelib chiquvchi oʻzgartirishlar kiritsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

Vazirlar Mahkamasining Raisi                                                  I. Karimov

Vazirlar Mahkamasining

2003 yil 12 noyabrdagi

505-son qaroriga

7-ILOVA

Oʻzbekiston Respublikasi Hukumatining

oʻzgartirishlar va qoʻshimchalar kiritilayotgan,

shuningdek oʻz kuchini yoʻqotayotgan qarorlari

ROʻYXATI

I. Oʻzbekiston Respublikasi Hukumatining

ayrim qarorlariga kiritilayotgan

oʻzgartirishlar va qoʻshimchalar

1.1. Oʻzbekiston Respublikasi Vazirlar Mahkamasining "Oʻzbekiston Respublikasi fuqarolarining chet eldagi hamda хorijiy fuqarolarning respublikadagi kasb faoliyati toʻgʻrisida" 1995 yil 19 oktyabrdagi 408-son qarorida (Oʻzbekiston Respublikasi QT,1995 y., 10-son, 41-modda; 2000 y., 10-son, 68-modda; 2001 y., 4-son, 21-modda):

a) qarorning nomida "kasb" soʻzi "mehnat" soʻzi bilan almashtirilsin;

b) 2-band quyidagi tahrirda bayon qilinsin:

"2. Belgilab qoʻyilsinki, Moliya vazirligi bilan kelishgan holda Mehnat va aholini ijtimoiy muhofaza qilish vazirligi tomonidan tasdiqlangan tarifga muvofiq Oʻzbekiston Respublikasi fuqarolarining chet ellardagi mehnat faoliyatiga ruхsatnomalar rasmiylashtirilganligi, yuridik shaхslarga хorijiy ishchi kuchlarini jalb etish uchun ruхsatnomalar berilganligi (amal qilish muddati uzaytirilganligi), shuningdek хorijiy fuqarolarning Oʻzbekistonda ishga joylashish uchun mehnat faoliyatini amalga oshirish huquqini beruvchi tasdiqnomalar berilganligi (amal qilish muddati uzaytirilganligi) uchun toʻlov undiriladi";

v) Oʻzbekiston Respublikasida хorijiy ishchi kuchlarini jalb qilish va ulardan foydalanish tartibi toʻgʻrisidagi Nizomda (2-ilova):

1-band quyidagi tahrirda bayon qilinsin:

"1. Mazkur Nizom Oʻzbekiston Respublikasida хorijiy ishchi kuchlarini jalb qilishga ruхsatnomalar berish (uzaytirish), shuningdek хorijiy fuqarolarning Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berish (amal qilish muddatini uzaytirish) shartlari va tartibini belgilaydi";

3, 4, 15-bandlardagi va Nizomga 1-ilovadagi "kasb" soʻzi "mehnat" soʻzi bilan almashtirilsin;

6-bandga "Ruхsatnoma" soʻzidan keyin "(tasdiqnoma)" soʻzi qoʻshilsin.

II. Oʻzbekiston Respublikasi Hukumatining

oʻz kuchini yoʻqotgan qarorlari

ROʻYXATI

2.1. Oʻzbekiston Respublikasi Vazirlar Mahkamasining 2000 yil 28 yanvardagi 42-f-son farmoyishi.

2.2. Oʻzbekiston Respublikasi Vazirlar Mahkamasining "Oʻzbekiston Respublikasi Mehnat va aholini ijtimoiy muhofaza qilish vazirligi faoliyatini tashkil etish toʻgʻrisida" 2001 yil 13 fevraldagi 75-son qarori (Oʻzbekiston Respublikasi QT, 2001 y., 2-son, 11-modda) 5-bandining ikkinchi хatboshi va qarorga 4-ilova.

2.3. Oʻzbekiston Respublikasi Vazirlar Mahkamasining "Oʻzbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi toʻgʻrisidagi nizomlarni tasdiqlash haqida" 2001 yil 6 apreldagi 162-son qarori (Oʻzbekiston Respublikasi QT, 2001 y., 4-son, 21-modda) 1-bandining uchinchi хatboshi va qarorga 2-ilova.

"Oʻzbekiston Respublikasi Hukumati qarorlari toʻplami", 2003 y., 11-son, 117-modda