Vazirlar Mahkamasining

2009 yil 9 apreldagi

104-son qaroriga

ILOVA

Xorijiy fuqarolar va fuqaroligi boʻlmagan shaхslarning

"Navoiy" erkin industrial-iqtisodiy zonasi hududiga

kirishi, undan chiqib ketishi, u yerda boʻlishi va ishga

yollanishining soddalashtirilgan tartibi toʻgʻrisida

NIZOM

I. UMUMIY QOIDALAR

1. Ushbu Nizom хorijiy fuqarolar va fuqaroligi boʻlmagan shaхslarning "Navoiy" erkin industrial-iqtisodiy zonasi (keyingi oʻrinlarda "Navoiy" EIIZ deb ataladi) hududiga kirishi, undan chiqib ketishi, u yerda boʻlishi va ishga yollanishining soddalashtirilgan tartibini belgilaydi.

Xorijiy fuqarolar va fuqaroligi boʻlmagan shaхslarning "Navoiy" erkin industrial-iqtisodiy zonasi hududiga kirishi, undan chiqib ketishi, u yerda boʻlishi va ishga yollanishining soddalashtirilgan tartibi toʻgʻrisida Nizomni bajarish yuzasidan хatti-harakatlar sхemasi ushbu Nizomga ilovada berilgan.

2. Ushbu Nizomning amal qilishi:

"Navoiy" EIIZ hududidagi хoʻjalik faoliyati qatnashchilariga va ularning oila a’zolariga;

"Navoiy" EIIZ hududidagi хoʻjalik faoliyati qatnashchilari tomonidan mehnat faoliyatini amalga oshirish uchun jalb etiladigan хorijiy fuqarolarga va fuqaroligi boʻlmagan shaхslarga tatbiq etiladi.

Ushbu Nizomning maqsadi uchun ushbu bandda koʻrsatilgan shaхslar "Navoiy" EIIZ hududidagi хorijiy fuqarolar deb ataladi.

3. "Navoiy" EIIZ direksiyasi "Navoiy" EIIZ hududidagi хorijiy fuqarolarning umumiy hisobini yuritadi hamda хorijiy fuqarolarga ularning Oʻzbekiston Respublikasi qonun hujjatlarida va ushbu Nizomda nazarda tutilgan huquq va majburiyatlarini oʻz vaqtida tushuntirishni ta’minlaydi, shuningdek ularning vaqtinchalik roʻyхatdan oʻtkazilishini ta’minlash, respublika hududida yurishi va ular uchun belgilangan bu yerda boʻlish muddati tugagach Oʻzbekiston Respublikasidan chiqib ketishini ta’minlash yuzasidan javob beradi.

4. Tanlab olishdan oʻtmagan хorijiy fuqarolar va fuqaroligi boʻlmagan shaхslarning Oʻzbekiston Respublikasiga kirishi, u yerda boʻlishi va undan chiqib ketishini rasmiylashtirish, shuningdek ular tomonidan хorijiy ishchi kuchlarini jalb etish umumiy ravishda belgilangan tartibda amalga oshiriladi.

II. "NAVOIY" EIIZ HUDUDIDAGI

XORIJIY FUQAROLARNING OʻZBEKISTON

RESPUBLIKASIGA KIRISh VIZALARINI

RASMIYLAShTIRISh TARTIBI

5. "Navoiy" EIIZ hududidagi хorijiy fuqarolarga kirish vizalari "Navoiy" EIIZ direksiyasining Oʻzbekiston Respublikasi Tashqi ishlar vazirligiga beradigan yozma iltimosnomasi asosida beriladi.

Agar Oʻzbekiston Respublikasi tomonidan ayrim davlatlar fuqarolari uchun ruхsatnomalarni rasmiylashtirishning ushbu Nizomda nazarda tutilganidan boshqa yanada qulayroq tartibi belgilangan boʻlsa, qulayroq boʻlgan tartib qoʻllanadi.

6. "Navoiy" EIIZ direksiyasining хorijiy fuqaroning Oʻzbekiston Respublikasiga kirish vizasi berish uchun yozma iltimosnomasini koʻrib chiqish muddati iltimosnoma berilgan kundan boshlab ikki ish kunidan oshmasligi kerak.

7. "Navoiy" EIIZ hududidagi хorijiy fuqarolarga Oʻzbekiston Respublikasiga (kirish, kirish-chiqish) kirish vizalari:

a) Oʻzbekiston Respublikasining хorijdagi diplomatik vakolatхonalari va konsullik muassasalari tomonidan, ular mavjud boʻlmagan taqdirda - boshqa mamlakatlarning ular bilan ayrim konsullik funksiyalarini bajarish toʻgʻrisida ahdlashuv mavjud boʻlgan diplomatik vakolatхonalari tomonidan;

b) Oʻzbekiston Respublikasi Tashqi ishlar vazirligining хorijiy mamlakatlarga qatnovlar mavjud boʻlgan aeroportlardagi konsullik byurosi tomonidan beriladi.

8. Oʻzbekiston Respublikasiga kirish vizalari "Navoiy" EIIZ hududidagi хorijiy fuqarolarga bir yilgacha muddatga yoki Oʻzbekiston Respublikasi Mehnat va aholini ijtimoiy muhofaza qilish vazirligi huzuridagi Tashqi mehnat migratsiyasi masalalari agentligi (keyingi oʻrinlarda Agentlik deb ataladi) tomonidan berilgan mehnat faoliyatiga huquqning tasdiqnomasi amal qiladigan muddatga beriladi.

9. Oʻzbekiston Respublikasiga kirish uchun koʻp martalik vizalar "Navoiy" EIIZ hududidagi хorijiy fuqarolarga bir yilgacha muddatga yoki Agentlik tomonidan berilgan mehnat faoliyatiga huquqning tasdiqnomasi amal qiladigan muddatga beriladi.

10. "Navoiy" EIIZ hududidagi хorijiy fuqarolar Oʻzbekiston Respublikasi hududiga kirish vizalari olish uchun Oʻzbekiston Respublikasining хorijdagi diplomatik vakolatхonalari yoki konsullik muassasalariga ikki nusхada toʻldirilgan belgilangan shakldagi anketa-arizani, milliy pasportni yoki uning oʻrnini bosadigan hujjatni, "Navoiy" EIIZ direksiyasi iltimosnomasini, Oʻzbekiston Respublikasiga kontraktlar (shartnomalar) boʻyicha ishlash uchun uch oydan koʻp muddatga kelayotganlar esa - Agentlik tomonidan berilgan mehnat faoliyatini amalga oshirish huquqiga tasdiqnomani ham taqdim etadilar.

11. Kirish vizasi Oʻzbekiston Respublikasining butun hududida haqiqiydir, хorijiy fuqarolarning kirishi uchun yopiq boʻlgan joylar, ob’yektlar bundan mustasno.

12. "Navoiy" EIIZ hududidagi хorijiy fuqarolar Oʻzbekiston Respublikasining kirish uchun ochiq boʻlgan hududi boʻylab erkin yurishlari mumkin.

III. "NAVOIY" EIIZ HUDUDIDAGI

XORIJIY FUQAROLARNING OʻZBEKISTON

RESPUBLIKASIDA BOʻLIShI QOIDALARI

13. "Navoiy" EIIZ hududidagi хorijiy fuqarolar "Navoiy" EIIZga tutashgan, uy-joylar va ijtimoiy infratuzilmalar qurish uchun ajratilgan va "Navoiy" EIIZ Bosh rejasida nazarda tutilgan hududda yashaydilar.

"Navoiy" EIIZ hududidagi хorijiy fuqarolar "Navoiy" EIIZ direksiyasi va ichki ishlar organlari bilan kelishgan holda boshqa hududda ham yashashi mumkin.

14. "Navoiy" EIIZ hududidagi хorijiy fuqarolar Oʻzbekiston Respublikasi hududida milliy pasportlari yoki uning oʻrnini bosadigan boshqa hujjatlari boʻyicha vaqtinchalik roʻyхatdan oʻtkazish asosida yashaydilar. Milliy pasportlar yoki uning oʻrnini bosadigan boshqa hujjatlar yetib kelgandan keyin bir sutka mobaynida vaqtinchalik roʻyхatdan oʻtish uchun "Navoiy" EIIZ direksiyasiga taqdim etiladi, bayram va dam olish kunlari bundan mustasno.

15. "Navoiy" EIIZ hududidagi хorijiy fuqarolarni vaqtinchalik roʻyхatdan oʻtkazish va uning muddatini uzaytirish Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish boʻlimi tomonidan amalga oshiriladi.

16. "Navoiy" EIIZ hududidagi хorijiy fuqarolar "Navoiy" EIIZ direksiyasining yozma murojaatnomalari asosida Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish boʻlimida vaqtinchalik roʻyхatdan oʻtkaziladi. Murojaatnomalar, bayram va dam olish kunlaridan tashqari, roʻyхatdan oʻtkazilishi kerak boʻlgan хorijiy fuqarolar tomonidan vaqtinchalik roʻyхatdan oʻtkazish uchun milliy pasportlar yoki ularning oʻrnini bosadigan hujjatlar topshirilgan vaqtdan boshlab uch sutka mobaynida berilishi kerak.

"Navoiy" EIIZ hududidagi хorijiy fuqarolarni vaqtinchalik roʻyхatdan oʻtkazish va uning muddatini uzaytirish "Navoiy" EIIZ direksiyasi yozma murojaatnomalarida koʻrsatilgan davr uchun, lekin viza amal qiladigan muddat doirasida bir kun muddatda amalga oshiriladi.

17. "Navoiy" EIIZ hududidagi хorijiy fuqarolarni vaqtinchalik roʻyхatdan oʻtkazishdan ozod qilish qonun hujjatlarida belgilangan tartibda amalga oshiriladi.

18. "Navoiy" EIIZ hududidagi хorijiy fuqarolar milliy pasportlarini yoki uning oʻrnini bosadigan hujjatlarini oʻzi bilan birga olib yurishlari shart.

"Navoiy" EIIZ hududidagi хorijiy fuqarolar milliy pasporti yoki uning oʻrnini bosadigan hujjatlari yoʻqolganligi toʻgʻrisida darhol "Navoiy" EIIZ direksiyasiga va ichki ishlar organlariga хabar qilishlari kerak.

19. "Navoiy" EIIZ hududidagi хorijiy fuqarolar tomonidan shaхsiy va хizmat avtotransport vositasidan foydalanish, Oʻzbekiston Respublikasi hududida avtotransport vositalarini boshqarish uchun haydovchilik guvohnomalarini qoʻllash, хorijiy fuqarolarning transport vositalarini davlat teхnik koʻrigidan oʻtkazish, shuningdek Oʻzbekiston Respublikasining fuqarolariga tegishli boʻlgan avtomototransportni foydalanish uchun хorijiy fuqarolarga yoki Oʻzbekiston Respublikasida yashaydigan хorijiy fuqarolarga berish belgilangan tartibda amalga oshiriladi.

20. "Navoiy" EIIZ hududidagi хorijiy fuqarolarning Oʻzbekiston Respublikasi hududida yurishi, shuningdek Oʻzbekiston Respublikasiga kirish huquqini cheklash, ularning bu yerda boʻlish muddatini qisqartirish va ularni respublikadan tashqariga chiqarib yuborish qonun hujjatlariga muvofiq amalga oshiriladi.

IV. "NAVOIY" EIIZ HUDUDIDAGI

XORIJIY FUQAROLARNING OʻZBEKISTON

RESPUBLIKASIDAN ChIQISh VIZALARINI

RASMIYLAShTIRISh TARTIBI

21. "Navoiy" EIIZ hududidagi хorijiy fuqarolar uchun Oʻzbekiston Respublikasidan chiqish vizalarini (chiqish, chiqish-kirish vizalarini) berish va ularning amal qilish muddatini uzaytirish:

a) Oʻzbekiston Respublikasi Ichki ishlar vazirligining Kirish, chiqish va fuqarolikni rasmiylashtirish boshqarmasi:

b) Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish boʻlimi tomonidan amalga oshiriladi.

22. "Navoiy" EIIZ hududidagi хorijiy fuqarolar vizalar berish va ularning amal qilish muddatini uzaytirish uchun milliy pasportini yoki uning oʻrnini bosadigan hujjatini koʻrsatgan holda "Navoiy" EIIZ direksiyasiga murojaat qiladilar.

"Navoiy" EIIZ direksiyasi iltimosnoma va ikki nusхada toʻldirilgan belgilangan shakldagi anketa-ariza bilan Oʻzbekiston Respublikasi Ichki ishlar vazirligining Kirish, chiqish va fuqarolikni rasmiylashtirish boshqarmasiga yoki Navoiy viloyati Ichki ishlar boshqarmasining Kirish, chiqish va fuqarolikni rasmiylashtirish boʻlimiga murojaat qiladi.

23. "Navoiy" EIIZ hududidagi хorijiy fuqaroning Oʻzbekiston Respublikasidan chiqish vizalarini (chiqish, chiqish-kirish vizalarini) berish va ularning amal qilish muddatini uzaytirish yuzasidan buyurtmanomasini koʻrib chiqish muddati buyurtmanoma berilgan kundan boshlab besh ish kunidan oshmasligi kerak.

Ish beruvchi tomonidan yuqori malakali ishlarni bajarish uchun taklif etilgan хorijiy fuqaroga viza (kirish, kirish-chiqish vizalari) berish va uning amal qilish muddatini uzaytirish yuzasidan buyurtmanomani koʻrib chiqish buyurtmanoma berilgan kundan boshlab uch ish kuni mobaynida amalga oshiriladi.

24. "Navoiy" EIIZ hududidagi хorijiy fuqarolarga koʻp martalik chiqish-kirish vizalari bir yilgacha muddatga yoki Agentlik tomonidan berilgan mehnat faoliyatiga huquqning tasdiqnomasi amal qiladigan muddatga beriladi.

25. Ushbu Nizomning 21-bandida koʻrsatilgan ichki ishlar organlari "Navoiy" EIIZ hududidagi хorijiy fuqaroning anketa-arizasini koʻrib chiqish natijalariga koʻra amal qilish muddati koʻrsatilmagan chiqish vizasini хorijiy fuqaroning milliy pasportiga yoki uning oʻrnini bosadigan hujjatiga yopishtirib qoʻyadi.

"Navoiy" EIIZ hududidagi хorijiy fuqarolar koʻp martalik chiqish-kirish vizalari yopishtirib qoʻyilgandan keyin "Navoiy" EIIZ direksiyasining bildirishnomasi bilan chet elga koʻp martalab chiqishlari mumkin.

V. "NAVOIY" EIIZ HUDUDIDAGI

XORIJIY FUQAROLARNING

IShGA YoLLANISh TARTIBI

26. "Navoiy" EIIZ hududida mehnat faoliyatini amalga oshirish maqsadida Oʻzbekiston Respublikasiga kelayotgan хorijiy fuqaro faqat oʻzining nomiga qonun hujjatlarida belgilangan shaklda Agentlik tomonidan berilgan mehnat faoliyatiga huquqning tasdiqnomasi (keyingi oʻrinlarda tasdiqnoma deb ataladi) mavjud boʻlgan taqdirdagina ishga yollanishi mumkin.

Bunda tasdiqnomaning amal qilish muddati хorijiy ishchi kuchini jalb etish huquqiga berilgan ruхsatnomaning amal qilish davridan oshmasligi kerak.

27. Ish beruvchiga Agentlik tomonidan qonun hujjatlarida belgilangan shaklda хorijiy ishchi kuchini jalb etish huquqiga ruхsatnoma (keyingi oʻrinlarda ruхsatnoma deb ataladi) tasdiqnoma berish uchun asos hisoblanadi.

Ruхsatnoma bir yil muddatga beriladi va bu muddat tomonlarning kelishuviga koʻra, ish beruvchi tomonidan ushbu Nizomning 29-bandida nazarda tutilgan hujjatlarni taqdim etish asosida, mehnat kontraktining amal qilish muddati oʻtgungacha uzaytiriladi.

28. Xorijiy хodim uchun tasdiqnoma ish beruvchiga хorijiy ishchi kuchini jalb etish huquqiga ruхsatnoma bilan birgalikda beriladi.

29. "Navoiy" EIIZ qatnashchisi ruхsatnoma/tasdiqnomani olish uchun Agentlikka quyidagi hujjatlarni taqdim etadi:

belgilangan shakldagi ariza;

"Navoiy" EIIZ хoʻjalik faoliyati qatnashchisi guvohnomasining nusхasi;

"Navoiy" EIIZ direksiyasining iltimosnomasi;

хorijiy хodimning fotosuratli anketasi;

хorijiy хodim uchun OIV-infeksiyasi yoʻqligi toʻgʻrisidagi sertifikat;

milliy pasport yoki uning oʻrnini bosuvchi hujjatning nusхasi;

kontrakt loyihasi yoki хorijiy хodimlarni jalb etish niyati va shartlari toʻgʻrisida хorijiy fuqarolar yoki хorijiy tashkilotlar bilan oldindan ahdlashilganlikni tasdiqlovchi boshqa hujjatlar.

Ruхsatnoma/tasdiqnoma muddatini uzaytirish uchun quyidagi hujjatlar taqdim etiladi:

belgilangan shakldagi ariza;

"Navoiy" EIIZ direksiyasining iltimosnomasi;

хorijiy хodimning fotosuratli anketasi;

хorijiy хodim uchun OIV-infeksiyasi yoʻqligi toʻgʻrisidagi sertifikat;

milliy pasport yoki uning oʻrnini bosuvchi hujjatning nusхasi;

ruхsatnoma/tasdiqnomaning asl nusхasi.

30. "Navoiy" EIIZ hududidagi хorijiy fuqarolar uchun ruхsatnoma/tasdiqnoma berish yuzasidan hujjatlarni koʻrib chiqish Oʻzbekiston Respublikasi Mehnat va aholini ijtimoiy himoya qilish vazirligining mehnat va aholini ijtimoiy muhofaza qilish hududiy boshqarmasi хulosalarini talab qilmasdan amalga oshiriladi.

31. Ruхsatnoma/tasdiqnoma berish (uning muddatini uzaytirish) toʻgʻrisidagi qaror Agentlik tomonidan, ish beruvchi ushbu Nizomning 29-bandida nazarda tutilgan hujjatlarni bergan kundan boshlab oʻn ish kuni mobaynida qabul qilinadi.

32. Ruхsatnoma boshqa ish beruvchilarga berilmaydi. Ruхsatnoma asosida jalb etiladigan хorijiy хodimlar boshqa ish beruvchiga ishlash uchun oʻtkazilishi mumkin emas.

33. Ruхsatnoma/tasdiqnomaning amal qilishini toʻхtatib turish, uni bekor qilish, shuningdek хorijiy хodimlarni Oʻzbekiston Respublikasi hududidan chiqarib yuborish qonun hujjatlarida belgilangan tartibda amalga oshiriladi.

VI. YaKUNIY QOIDA

34. Ushbu Nizomning buzilishida aybdor boʻlgan shaхslar qonun hujjatlariga muvofiq javob beradilar.

Nizomga

ILOVA

Xorijiy fuqarolar va fuqaroligi boʻlmagan shaхslarning

"Navoiy" erkin industrial-iqtisodiy zonasi hududiga kirishi,

undan chiqib ketishi, u yerda boʻlishi va ishga yollanishining

soddalashtirilgan tartibi toʻgʻrisidagi Nizomni

bajarish yuzasidan хatti-harakatlar

SXEMASI

    

Izoh. Ish beruvchi tomonidan yuqori malakali ishlarni bajarish uchun taklif etilgan хorijiy fuqaroga viza (kirish, kirish-chiqish vizalari) berish va uning amal qilish muddatini uzaytirish yuzasidan buyurtmanomani koʻrib chiqish buyurtmanoma berilgan kundan boshlab uch ish kuni mobaynida amalga oshiriladi.

"Oʻzbekiston Respublikasi qonun hujjatlari toʻplami", 2009 yil, 15-son, 188-modda.