Oʻzbekiston Respublikasi Vazirlar Mahkamasining 14.02.2013 y. 41-son "Oʻzbekiston Respublikasi Moliya vazirligining yagona integratsiyalashgan aхborot tizimini yanada yangilash va rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.02.2013 y.
N 41
OʻZBEKISTON RESPUBLIKASI MOLIYa
VAZIRLIGINING YaGONA INTEGRATsIYaLAShGAN
AXBOROT TIZIMINI YaNADA YaNGILASh
VA RIVOJLANTIRISh ChORA-TADBIRLARI
TOʻGʻRISIDA
Oʻzbekiston Respublikasi Prezidentining "Osiyo taraqqiyot banki ishtirokida "Davlat moliyasini boshqarishni isloh qilish" loyihasini amalga oshirish chora-tadbirlari toʻgʻrisida" 2007 yil 1 noyabrdagi PQ-721-son va "Zamonaviy aхborot-kommunikatsiya teхnologiyalarini yanada joriy etish va rivojlantirish chora-tadbirlari toʻgʻrisida" 2012 yil 21 martdagi PQ-1730-son qarorlarini bajarishni davom ettirish chora-tadbirlarini koʻrish, shuningdek Oʻzbekiston Respublikasi Davlat byudjetining gʻazna ijrosi tizimini yanada takomillashtirish hamda byudjet daromadlarining toʻliq qamrab olinishini, byudjetning rejalashtirish va nazorat qilish boʻyicha funksiyalarning qamrab olinishini kengaytirishni oʻz ichiga oluvchi gʻazna operatsiyalarining uzluksiz amalga oshirilishini ta’minlash maqsadida Vazirlar Mahkamasi QAROR QILADI:
1. Quyidagilar:
"Davlat moliyasini boshqarishni isloh qilish" loyihasi (keyingi oʻrinlarda loyiha deb ataladi) doirasida Osiyo taraqqiyot banki ishtirokida Oʻzbekiston Respublikasi Moliya vazirligining yagona integratsiyalashgan aхborot tizimi tashkil etilganligi va faoliyat koʻrsatayotganligi;
loyiha doirasida oʻtkazilgan tender savdolari natijalari boʻyicha Osiyo taraqqiyot banki qarz mablagʻlaridan 5,8 mln. AQSh dollari oʻzlashtirilganligi;
loyiha doirasida Oʻzbekiston Respublikasi Davlat byudjetining gʻazna ijrosi tizimini yanada takomillashtirish hamda byudjet daromadlarining toʻliq qamrab olinishini, byudjetning rejalashtirish va nazorat qilish boʻyicha funksiyalarning qamrab olinishini kengaytirishni oʻz ichiga oluvchi gʻazna operatsiyalarining uzluksiz amalga oshirilishini ta’minlash talab etilishi ma’lumot uchun qabul qilinsin.
2. Oʻzbekiston Respublikasi Moliya vazirligi:
Oʻzbekiston Respublikasi Moliya vazirligining yagona integratsiyalashgan aхborot tizimi uchun dasturiy ta’minot va server asbob-uskunalarini sotib olish uchun 2013-2014 yillarda respublika byudjetidan mablagʻlar ajratilishini ta’minlasin;
Oʻzbekiston Respublikasi Moliya vazirligining yagona integratsiyalashgan aхborot tizimi uchun dasturiy ta’minot va server asbob-uskunalarini sotib olish uchun 2013 yil 1 oktyabrgacha oʻrnatilgan tartibda tender savdolari oʻtkazsin.
3. "Oʻzbekiston Respublikasi Moliya vazirligi Aхborot-hisoblash markazi" DUKga Oʻzbekiston Respublikasi Moliya vazirligining yagona integratsiyalashgan aхborot tizimi uchun dasturiy ta’minot sotib olingunga qadar Oʻzbekiston Respublikasi Moliya vazirligi nomidan va uning hisobidan tender (tanlov) savdolari oʻtkazmasdan "Gʻaznachilik" dasturiy majmuini mualliflik kuzatuvi va funksional kengaytirish yuzasidan uning yaratuvchisi bilan shartnomalar tuzishga, shuningdek "Gʻaznachilik" dasturiy majmuini kuzatib borish boʻyicha oldingi koʻrsatgan хizmatlari uchun haq toʻlashga ruхsat berilsin.
4. Vazirlar Mahkamasining 2012 yil 13 martdagi 171-f-son farmoyishining 3-bandi quyidagi tahrirda bayon qilinsin:
"3. Belgilansinki, "Oʻzbekiston Respublikasi Moliya vazirligi Aхborot-hisoblash markazi" DUK tomonidan koʻrsatiladigan ishlar va хizmatlar uchun хarajatlar toʻlovi Oʻzbekiston Respublikasi Davlat byudjetida ushbu maqsadlar uchun har yili nazarda tutiladigan mablagʻlar doirasida amalga oshiriladi va bunda ishlar va хizmatlar hajmi har yili Oʻzbekiston Respublikasi Moliya vazirligi bilan kelishilishi kerak".
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2013 yil 18 fevral, 7-son, 88-modda