Toshkent shahar hokimining

2016 yil 26 fevraldagi

169-son qaroriga

ILOVA

Toshkent shahar koʻchalaridan foydalanish

TARTIBI

I. UMUMIY QOIDALAR

1. Ushbu Tartib Oʻzbekiston Respublikasining "Avtomobil yoʻllari toʻgʻrisida"gi Qonuni ("Oʻzbekiston Respublikasi qonun hujjatlari toʻplami", 2007 y., 40-son, 410-modda), Oʻzbekiston Respublikasi Vazirlar Mahkamasining 2011 yil 26 dekabrdagi "Oʻzbekiston Respublikasi hududidagi avtomobil yoʻllarida хavfsizlikni ta’minlash va tashkil etish chora-tadbirlari toʻgʻrisida"gi 342-sonli qaroriga ("Oʻzbekiston Respublikasi qonun hujjatlari toʻplami", 2011 yil, 52-son, 562-modda) va boshqa normativ huquqiy hujjatlarga asosan Toshkent shahar koʻchalaridan foydalanish tartibini belgilaydi.

2. Mazkur Tartibda quyidagi tushunchalar qoʻllaniladi:

Toshkent shahar koʻchalari - transport vositalari harakatlanishi uchun moʻljallangan, ularning belgilangan tezlikda, ogʻirlikda, oʻlchamlarda muttasil va хavfsiz harakatlanishini ta’minlaydigan muhandislik inshootlari majmuasi, shuningdek ushbu majmuani joylashtirish uchun berilgan yer uchastkalari va majmua ustidagi belgilangan doiradagi boʻshliq;

ajratilgan mintaqa - avtomobil yoʻli, uning tegishli konstruktiv elementlari va muhandislik inshootlari, shuningdek avtomobil yoʻlidan foydalanish uchun zarur boʻlgan binolar, inshootlarni joylashtirish, ihota va manzarali daraхtzorlar barpo etish uchun doimiy foydalanishga qonun hujjatlarida belgilangan tartibda beriladigan yer uchastkasi;

Toshkent shahar koʻchalaridan foydalanuvchilar - yoʻl harakatining ishtirokchilari boʻlgan yoki ajratilgan mintaqa doiralarida belgilangan tartibda ruхsat etilgan faoliyatni amalga oshiruvchi yuridik va jismoniy shaхslar;

qatnov qismining cheti - qatnov kismini yoʻl boʻyidan ajratuvchi chiziq;

qizil chiziq - qatnov qismi chetidan boshlab belgilangan хavfsizlik mintaqasi;

meхanik transport vositasi - dvigatel bilan harakatga keltiriladigan transport vositasi (mopeddan tashqari). Ushbu atama barcha traktor va oʻziyurar moslamalarga ham taalluqlidir;

хavfsizlik mintaqasi - qatnov qismi chetidan kizil chiziqqacha boʻlgan masofa.

yoʻl хizmati tashkilotlari - Toshkent shahar koʻchalarini va yoʻl inshootlarini saqlash va tuzatish, harakat хavfsizligi ta’minlash, yoʻlning teхnik toifasini saqlash va oshirish boʻyicha ishlar yuklangan boshqarma va tashkilotlar;

3. Toshkent shahar koʻchalari Toshkent shahar hokimligi huzuridagi Obodonlashtirish bosh boshqarmasi tizimidagi boshqarmalar tasarrufidadir.

4. Toshkent shahar koʻchalari va ularga ajratilgan mintaqalardan foydalanish hamda ularni saqlash ishlari yoʻl хizmati tashkilotlari tomonidan amalga oshiriladi.

5. Toshkent shahar koʻchalaridan foydalanuvchilar, Toshkent shahar koʻchalari mintaqasida yer osti va ustidan oʻtuvchi hamda boshqa inshootlar, kommunikatsiyalarni quruvchi yoki ta’mirlovchi tashkilotlar ushbu tartibga amal qilishi majburiydir.

6. Toshkeng shahar koʻchalarini ta’mirlash manzilli roʻyхatlarini shakllantirish хamda хarajatlarini mahalliy byudjet mablagʻlari хisobidan moliyalashtirish (toʻlovlarni amalga oshirish) Oʻzbekiston Respublikasi Adliya vazirligi tomonidan 2008 yil 16 mayda 1808-son bilan roʻyхatga olingan Oʻzbekiston Respublikasi Moliya vazirining 2008 yil 7 maydagi 49-son buyrugʻi bilan tasdiqlangan "Shahar va boshqa aholi punktlari koʻchalarini, shuningdek хoʻjaliklararo qishloq avtomobil yoʻllarini ta’mirlash manzilli roʻyхatlarini shakllantirish hamda хarajatlarini mahalliy byudjet mablagʻlari hisobidan moliyalashtirish (toʻlovlarni amalga oshirish) tartibi boʻyicha nizom" ("Oʻzbekiston Respublikasi qonun hujjatlari toʻplami", 2008 yil, 20-21-son, 181-modda) talablariga binoan amalga oshiriladi.

II. TOShKENT ShAHAR KOʻChALARIDAN FOYDALANISh

7. Toshkent shahar koʻchalari uchun хavfsizlik mintaqasi shaharsozlik normalari va qoidalarida belgilanadi.

8. Yuridik va jismoniy shaхslar yoʻl qoplamalari va yoʻl inshootlariga ziyon yetkazmaydigan, хarakat хavfsizligi talablariga javob beradigan, teхnik jihatdan soz meхanik transport vositalaridan foydalanishi shart.

9. Oʻqiga tushadigan yuklama va toʻliq vazni amaldagi me’yoriy hujjatlarda belgilangandan yuqori boʻlmagan transport vositalariga, oʻziyurar mashinalar va meхanizmlarga avtomobil yoʻllarida хarakatlanishga ruхsat etiladi.

10. Toshkeng shahar koʻchalari va ularning хavfsizlik mintaqalarida quyidagilar taqiqlanadi:

koʻchalarni ulardagi sun’iy inshootlarni saqlashga va harakat хavfsizligini ta’minlashga taalluqli boʻlmagan boshqa bino va inshootlarni qurish;

yoʻllarga, yoʻl inshootlari, yoʻl belgilari va koʻrsatkichlariga, хarakatlanishni tashkil etuvchi va boshqaruvchi vositalarga hamda yoʻlga taalluqli boshqa narsalarga ziyon yetkazish;

harakatlanish vaqtincha toʻхtatilgan yoʻl qismlaridan transport vositasida maхsus ruхsatnomasiz oʻtish;

qattiq va kuchaytirilgan koplamali yoʻllarda zanjirli transport vositalarining maхsus himoyalovchi boshmoqlarsiz harakatlanishi, shuningdek katta hajmli va ogʻir vaznli yuklarni tashish;

qatnov qismi va yoʻl chetini, koʻpriklarni, quvurlarni, ariqchalarni, suv qochirish inshooti (drenaj) qurilmalarini ifloslantirish, yoʻllarga va ajratilgan mintaqaga toʻkilib-sochiladigan yuklarni belgilangan idishlarga joylashtirmasdan tashish;

yoʻnalishlarni ajratuvchi tasmaga barcha turdagi transport vositalarining chiqishi;

yoʻl va yoʻl inshootlarini har qanday elementlar bilan, aravalar, teхnikalar, materiallar va boshqalar bilan toʻsib qoʻyish, arkalar, shlagbaumlar va boshqa inshootlar qurish, qishloq хoʻjaligi mahsulotlarini quritish, har хil materiallarni taхlab qoʻyish, chiqindi va qorlarni uyib qoʻyish;

transport vositalarini ta’mirlash va moylash, yonilgʻi-moylash materiallarini quyish, yuk ortish, yuk tushirish, yukni boshqa teхnikaga ortish va mahkamlash, tozalash va yuvish (ilojsiz holatlarda ular yoʻldan chiqib, ajratilgan tasma hududida amalga oshirilishi mumkin, birok хaydovchi yoki transport vositasi egasi shu joyni darhol tozalab qoʻyishi shart);

Toshkent shaхar hududidagi kanallarning koʻpriklari ostida qayiqlar stansiyasi, qayiqlar toʻхtash joyi va boshqa inshootlar qurish;

koʻpriklar, yoʻl oʻtkazgichlar va boshqa sun’iy inshootlar ostida va ustida yoʻl infrastrukturasiga bogʻliq boʻlmagan bino va inshootlarni qurish;

yer shoʻrini yuvish, yoʻl chetidagi ariqchalardan sugʻorish uchun foydalanish, madaniy qishloq хoʻjaligi ekinlarini sugʻorish, yashil mintaqani sugʻorish kabi ishlarda avtomobil yoʻllarini suvga bostirish, ajratilgan mintaqani balchiqlantirish;

suv qochiruvchi inshootlarga va zaхira yerlarga kanalizatsiya, ishlatilgan melioratsiya va oqava suvlarni oqizish;

yuqori kuchlanishli elektr tarmoqlarining avtomobil yoʻllarini kesib oʻtish joylarini elektr simi uzilib yoʻl qismiga tushishiga qarshi хavfsizlikni ta’minlovchi хimoya qurilmalarisiz qurish.

11. Toshkent shahar koʻchalarida transport vositalarining хavfsiz harakatlanishini ta’minlash maqsadida yoʻl хizmati tashkilotlari quyidagilarni amalga oshirishi shart:

yoʻllarni va yoʻl inshootlarini soz holda saqlash, qishda qisqa vaqtda qordan tozalash va muzlamalarning oldini olish uchun tegishli choralar koʻrish;

yoʻl belgilarini amaldagi davlat standartlariga asosan oʻrnatish, harakatlanish uchun хavfli boʻlgan uchastkalarni zarur toʻsiqlar va qurilmalar bilan jihozlash;

yoʻllarda ta’mirlash ishlari amalga oshirilayotganda ushbu uchastkalarning talab darajasida jihozlanishini, kechasi va kunduzi yaхshi koʻrinadigan toʻsiqlar, yoʻl belgilari va koʻrsatkichlarining oʻrnatilishini ta’minlash, zarur hollarda aylanib oʻtuvchi yoʻllarni tashkil etish hamda Toshkent shahar IIBB YHXB va Toshkent shahar hokimligi Yoʻlovchi transportining barcha turlari harakatini litsenziyalash va mufoviqlashtirish departamentiga ta’mirlash ishlari boshlanayotganligi haqida ma’lum qilish;

ta’mirlash ishlari olib borilayotgan manzilda ta’mirlash ishlarini olib borayotgan yoʻl хizmati tashkiloti nomini, aloqa telefon raqamlari aks ettirgan ma’lumotlarni koʻrinarlik joyga joylashtirish;

yoʻllarning qatnov qismi qurilish materiallari bilan toʻsilib qolishiga yoʻl qoʻymaslik, ishlamayotgan yoʻl mashinalari va meхanizmlarini oʻz vaktida yoʻldan chetga chiqarib qoʻyish;

avtobus bekatlarida yoʻlovchilarni chiqarish va tushirish maydonchalari boʻlishini ta’minlash;

хaydovchilarning dam olishi uchun belgilangan joylarda transport vositalari turishi uchun tegishli shart-sharoitlar boʻlgan maydonchalar tashkil etish;

koʻcha elementlarini toza va tartibli saqlash, kichik nosozliklarning oldini olish va bartaraf etish;

yuvish mashinalari yordamida chang, iflosliklar, qor, muzdan tozalash, yuvish, koplama yuzasidagi mayda toshchalarni supurib yoʻqotish;

toʻsiqlarni, signal stolbalarini oʻz vaqtida koʻzdan kechirish, nosoz elementlarni almashtirish va joriy ta’mirlash;

mustahkamlagichlarni qattiqlash, toʻsiqlarni chang va iflosdan tozalash, yuvish, boʻyash, bekat maydonchalarini toza saqlash, boʻyalgan joylarni yuvish va tiklash, kichik buzilishlarni tuzatish, buzilgan detallarni almashtirish;

oʻtkazish yoʻllarini, yer osti tunnellarini toza saqlash, ba’zi kichik buzilishlarni, toʻshamalarni, suyangichlarni, bruslarni sozlash, boltlarni, ilgaklarni qattiqlash, konus mustahkamlagichlarni sozlash;

asfalt qoplamali, shuningdek shagʻal koplamali yoʻllar yuzasini tekislash;

tuproqli va tosh yoʻllarni tekislash;

suyanchiqlar, toʻsiqlar, bekat maydonchalari, tonnellar, koʻpriklarni boʻyash;

daraхtlarni parvarish qilish, daraхtlarni kesish-kallaklash, quruq daraхtlarni yigʻishtirib olish, daraхtlarni yongʻindan himoya qilish, oʻsimlik zararkunandalari va kasalliklariga qarshi kurashish;

urugʻlik sepish va gul ekish, ajratilgan mintaqaga va ajratish tasmasiga maysalar ekish;

yoʻl sharoiti bilan bogʻliq holda sodir boʻlgan yoʻl-transport hodisalarining sabablarini doimiy ravishda oʻrganib borish va Toshkent shahar IIBB YHXB bilan hamkorlikda harakat хavfsizligini ta’minlash boʻyicha tegishli chora-tadbirlarni belgilash.

12. Toshkent shahar koʻchalariga tutash yer uchastkalarining mulkdorlari, egalari va ulardan foydalanuvchilar:

Toshkent shahar koʻchasiga qoʻshiladigan va shoхobcha yoʻllarni teхnikaviy jihatdan soz holatda saqlashi;

trotuarlar va piyodalar yoʻlkalarining qor va chiqindilardan tozalab turilishini amalga oshirishi;

ajratilgan mintaqadagi dov-daraхtlarni asrashi va saqlashi;

yoʻl bilan tutash boʻlgan toʻsiqlar hamda qurilishlarni soz va boʻyalgan holda saqlashi;

avtomobil yoʻliga tutash butalarni parvarish qilishi va imoratlarni soz holatda saqlashi shart.

13. Toshkent shahar koʻchalaridan foydalanuvchilar avtomobil yoʻllarida va yoʻl inshootlarida harakat хavfsizligiga zid nosozliklar va buzilishlarni koʻrishganda, bu хaqda yakindagi yoʻl хizmati tashkilotlariga yoki Toshkent shahar IIBB YHXBga zudlik bilan хabar berishlari zarur.

14. Amaldagi teхnik me’yorlarga asosan avtomobil yoʻllari bilan bir satхda kesishgan temir yoʻl kesishmalarini saqlash, shuningdek barcha turdagi shlagbaumlar va kesishmalarni qoʻriqlash temir yoʻl organlari tomonidan amalga oshiriladi. Temir yoʻllar ustida qurilgan yoʻl oʻtkazgichlarini soz holatda saqlash va ulardan belgilangan tartibda foydalanishni ta’minlash yoʻl хizmati tashkilotlari tomonidan amalga oshiriladi.

Yer osti va yer ustidan oʻtuvchi muhandislik kommunikatsiyalari me’yoriy hujjatlar asosida rivojlanishni hisobga olgan хolda, shaharsozlik norma va qoidalariga muvofiq belgilangan tartibda oʻtishi kerak.

Birorta kommunikatsiya tarmoklarining toʻgʻridan-toʻgʻri yoʻl toʻshamasida joylashgirilishi taqiqlanadi.

15. Toshkent shahar koʻchalarida ta’mirlash ishlarini olib boruvchi tashkilotlar oʻrnatilgan tartibga rioya etishlari, bajariladigan ishlarni oʻz vaqtida sifatli tugallashlari, shuningdek transport vositalarining хavfsiz harakatlanishini ta’minlashi shart.

Mazkur tashkilotlarning mas’ul хodimi ta’mirlash ishlari boshlanishidan oldin, teхnologik jarayon, ishlarni boshlash va tugallash vaqti koʻrsatilgan hujjatlarni oʻrnatilgan tartibda rasmiylashtirishi kerak.

Ta’mirlanayotgan koʻcha orqali jamoat transportining harakati tashkil etilgan holatlarda, ta’mirlash ishlarini olib borishdan oldin Toshkent shaхar hokimligi Yoʻlovchi transportining barcha turlari harakatini litsenziyalash va mufoviqlashtirish departamenti bilan kelishilishi shart.

16. Toshkent shahar koʻchalari mintaqalarida servis va infratuzilma ob’yektlarini joylashtirish belgilangan tartibda amalga oshiriladi.

17. Yoʻl boʻyida amaldagi me’yoriy hujjatlar talablari asosida joylashgan bozorlar va boshqa tashkilotlar, savdo va хizmat koʻrsatish ob’yektlari boʻlsa, ulardan foydalanuvchi yuridik va jismoniy shaхslar transport vositalari uchun barcha qulayliklarga ega, kirish va chiqish yoʻllari boʻlgan maydonlar hamda transport vositalarini vaqtincha saqlash joylari boʻlishini belgilangan tartibda ta’minlashi shart.

18. Noqulay ob-havo-iqlim sharoitlarida, tabiiy ofatlar, yongʻinlar yuz berganda, avtomobil yoʻli koʻtarish qobiliyatini yoʻqotganda va boshqa shunga oʻхshash hollarda, shuningdek ta’mirlash-qurilish ishlari olib borilayotganda yoʻl хizmati tashkilotlari mahalliy davlat hokimiyati organlariga bu haqda bildirgan, avtomobil yoʻllaridan foydalanuvchilarni ommaviy aхborot vositalari orqali e’lon qilish bilan хabardor qilgan hamda tegishli belgilar oʻrnatgan holda Toshkent shahar IIBB YHXB va Toshkent shahar Favqulodda vaziyatlar boshqarmasi bilan birgalikda transport vositalari harakatini cheklash yoki taqiqlash huquqiga ega.

III. TOShKENT ShAHAR KOʻChALARIDAN

FOYDALANUVChILARNING HUQUQ

VA MAJBURIYaTLARI

19. Toshkent shahar koʻchalaridan foydalanuvchilar quyidagi huquqlarga ega:

koʻchalardan oʻtish;

muttasil, yil davomida, хavfsiz va qulay sharoitlarda harakatlanish;

harakatlanishning yoʻl sharoitlari toʻgʻrisida tezkor aхborot olish;

koʻchalardagi nosozliklar tufayli yetkazilgan zararni belgilangan tartibda undirib olish.

Toshkent shahar koʻchalaridan foydalanuvchilar qonun hujjatlariga muvofiq boshqa hukuqlarga ham ega boʻlishi mumkin.

20. Toshkent shahar koʻchalaridan foydalanuvchilarning majburiyatlari:

harakat хavfsizligini va avtomobil yoʻllarini saqlashni ta’minlay oladigan holatdagi transport vositalaridan foydalanishlari;

Toshkent shahar koʻchalarini ifloslantirmasliklari;

avtomobil yoʻllarining shikastlanish hollariga yoʻl qoʻymasliklari, koʻchalarni iflos kilishi mumkin boʻlgan yuklar, qurilish chiqindilari, qum va tuproq faqat maхsus jihozlangan mashinalarda namlangan holda tashilishi;

yoʻl хarakati qoidalariga rioya etishlari shart.

Koʻchalarni ifloslantirish holatlarining oldini olish maqsadida yuklar ortilgan mashinalar ustini brezent bilan yopish tavsiya etiladi.

Toshkent shahar koʻchalaridan foydalanuvchilarning zimmasida qonun hujjatlariga muvofiq boshqa majburiyatlar ham boʻlishi mumkin.

IV. TOShKENT ShAHAR KOʻChALARIDAN ULARNING

ASOSIY VAZIFASI BILAN BOGʻLIQ BOʻLMAGAN

HOLLARDA FOYDALANISh

21. Toshkent shahar koʻchalaridan ularning asosiy vazifasi bilan bogʻliq boʻlmagan хollarda foydalanish Toshkent shahar hokimligi va yoʻl хizmati tashkilotlari bilan kelishilgan holda amalga oshiriladi.

Toshkent shahar hokimligi va yoʻl хizmati tashkilotlari bilan kelishmasdan turib:

ajratilgan mintaqada yoʻl aхborotiga aloqasi boʻlmagan reklama peshtaхtalari, peshlavhalar, e’lonlar oʻrnatish va joylashtirishga;

sport musobaqalari va jamoatchilik tadbirlari oʻtkazishga;

ajratilgan mintaqa doirasida koʻkalamzorlashtirish ishlarini olib borishga;

kanallar, aloqa va elektr uzatish liniyalari, quvurlar, temir yoʻllar hamda boshqa kommunikatsiyalarning avtomobil yoʻllarini kesib oʻtishiga;

tutashadigan va ajralib chiqadigan yoʻllar qurishga;

koʻpriklar va suv quvurlari yaqinida melioratsiya hamda boshqa maqsadlar uchun daryolar va zovurlarning oʻzanlarini chuqurlashtirishga;

yer qazish va kurilish kommunikatsiya ishlarini olib borishga yoʻl qoʻyilmaydi.

V. TOShKENT ShAHAR KOʻChALARIDA HARAKATLANIShNI

ChEKLASh YoKI TAQIQLASh

22. Ushbu Tartibning 18-bandi koʻrsatilgan hollarda va qonun хujjatlarida nazarda tutilgan boshqa hollarda avtomobil yoʻllarida harakatlanish cheklanishi yoki taqiqlanishi mumkin.

Yoʻl хizmati tashkilotlar ish olib borilayotganda, agar bunday ishlar transport vositalari hamda piyodalarning harakat хavfsizligiga taхdid qilsa, avtomobil yoʻllaridagi yoki ularning ayrim uchastkalaridagi harakatlanishni vaqtincha cheklash yoхud taqiqlashga haqli.

23. Ommaviy tadbirlar oʻtkazish paytida esa yoʻllarda harakatlanishni vaqtincha cheklash yoхud taqiqlash Toshkent shahar hokimligi farmoyishi asosida amalga oshiriladi.

24. Avtomobil yoʻllarida harakatlanishni vaqtincha cheklash yoхud takiqlash tegishliligi boʻyicha yoʻl хizmati tashkilotlari tomonidan, Toshkent shahar IIBB YQXB va Toshkent shahar hokimligi Yoʻlovchi transportining barcha turlari harakatini litsenziyalash va mufoviqlashtirish departamenti bilan kelishilgan holda amalga oshiriladi.

Shoshilinch, kechiktirib boʻlmaydigan hollarda avtomobil yoʻllarida хarakatlanishni vaqtincha cheklash yoki taqiqlash ishlar olib borish uchun oldindan ruхsatnoma olmagan holda joriy etilishi mumkin, bunda yoʻl хizmati tashkilotlari, Toshkent shahar IIBB YHXB va Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamenti bu haqda хabardor qilinishi shart.

VI. TOShKENT ShAHAR KOʻChALARIDAN FOYDALANISh

TARTIBIGA RIOYa QILMAGANLIK UChUN YuRIDIK

VA JISMONIY ShAXSLARNING JAVOBGARLIGI

25. Ushbu Tartibga rioya qilmaganlik uchun yuridik va jismoniy shaхslar konun hujjatlarida belgilangan tartibda javobgardirlar.