Oʻzbekiston Respublikasi Vazirlar Mahkamasining 05.12.1995 y. 449-son "Oʻzbekiston Respublikasi Oʻsimliklar karantini Davlat inspeksiyasini Qishloq va suv хoʻjaligi vazirligi huzuridagi Oʻzbekiston Respublikasi Oʻsimliklar karantini bosh davlat inspeksiyasiga aylantirish toʻgʻrisida"gi Qarori
VAZIRLAR MAHKAMASINING
OʻSIMLIKLAR KARANTINI DAVLAT
INSPEKSIYaSINI QIShLOQ VA SUV
XOʻJALIGI VAZIRLIGI HUZURIDAGI
OʻZBEKISTON RESPUBLIKASI OʻSIMLIKLAR
KARANTINI BOSh DAVLAT INSPEKSIYaSIGA
AYLANTIRISh TOʻGʻRISIDA
Vazirlar Mahkamasi QAROR QILADI:
1. Oʻzbekiston Respublikasi Oʻsimliklar karantini Davlat inspeksiyasi Qishloq va suv хoʻjaligi vazirligi huzuridagi Oʻzbekiston Respublikasi Oʻsimliklar karantini bosh davlat inspeksiyasiga aylantirilsin.
2. Qishloq va suv хoʻjaligi vazirligi huzuridagi Oʻzbekiston Respublikasi Oʻsimliklar karantini bosh davlat inspeksiyasi toʻgʻrisidagi ilova qilinayotgan Nizom tasdiqlansin.
3. Oʻzbekiston Respublikasi Qishloq va suv хoʻjaligi vazirligi Oʻsimliklar karantini bosh davlat inspeksiyasi taqdimnomasiga binoan viloyat, tumanlararo va tuman inspeksiyalari toʻgʻrisidagi nizomlarni tasdiqlasin.
4. SSSR Ministrlar Sovetining "SSSRda oʻsimliklar karantinini tashkil etishni yaхshilash chora-tadbirlari toʻgʻrisida" 1979 yil 6 iyuldagi 656-son qarori yuzasidan Oʻzbekiston KP MK va Oʻzbekiston SSR Ministrlar Sovetining 1979 yil 15 avgustdagi 585-son qarori oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Vazirlar Mahkamasining Dehqonchilik sanoati majmui boʻlimi (Mardonov) ga yuklansin.
Oʻzbekiston Respublikasining Bosh vaziri A. Mutalov
Oʻzbekiston Respublikasi Hukumatining qarorlari toʻplami, 1995 y., 12-son, 47-modda