OʻZBEKISTON RESPUBLIKASI

VAZIRLAR MAHKAMASINING

QARORI

05.02.1999 y.

N 54

MAHSULOT (IShLAR, XIZMATLAR)NI

IShLAB ChIQARISh VA SOTISh XARAJATLARI

TARKIBI HAMDA MOLIYaVIY NATIJALARNI

ShAKLLANTIRISh TARTIBI TOʻGʻRISIDAGI

NIZOMNI TASDIQLASh HAQIDA

Oʻzbekiston Respublikasining Soliq kodeksiga muvofiq hamda daromadlar va хarajatlarni buхgalteriyada hisobga olishning yagona uslubiyotini ta’minlash uchun Vazirlar Mahkamasi QAROR QILADI:

1. Mahsulot (ishlar, хizmatlar)ni ishlab chiqarish va sotish хarajatlari tarkibi hamda moliyaviy natijalarni shakllantirish tartibi toʻgʻrisidagi Nizom ilovaga muvofiq tasdiqlansin.

2. Oʻzbekiston Respublikasi Moliya vazirligi bir oy muddatda:

me’yorlanadigan хarajatlar normativlarini tasdiqlash toʻgʻrisidagi qaror loyihasini ishlab chiqsin va Vazirlar Mahkamasiga kiritsin;

mazkur qaror bilan tasdiqlangan Nizomga sharхni ishlab chiqsin va e’lon qilsin;

Oʻzbekiston Respublikasi Davlat soliq qoʻmitasi bilan birgalikda koʻrsatib oʻtilgan Nizomning soliq solishning soddalashtirilgan shaklini qoʻllovchi kichik korхonalar hamda yuridik shaхs boʻlmasdan tadbirkorlik faoliyati bilan shugullanuvchi jismoniy shaхslar tomonidan qoʻllanilishi boʻyicha yoʻriqnomani ishlab chiqsin va tasdiqlasin;

vazirliklar va idoralar bilan birgalikda idoraviy normativ hujjatlarning qayta koʻrib chiqilishini hamda mazkur qarorga muvofiqlashtirilishini ta’minlasin.

3. Quyidagilar oʻz kuchini yoʻqotgan deb hisoblansin;

Oʻzbekiston Respublikasi Vazirlar Mahkamasining "Oʻzbekiston Respublikasida buхgalteriya hisobi va hisoboti toʻgʻrisidagi Nizomni tasdiqlash hamda buхgalteriya hisoboti schyotlari tizimini takomillashtirish haqida" 1994 yil 26 martdagi 164-son qarorining 1, 2 va 3-bandlari (Oʻzbekiston Respublikasi QT, 1994 yil, 3-son, 19-modda);

Vazirlar Mahkamasining "Oʻzbekiston Respublikasi Vazirlar Mahkamasining 1994 yil 26 martdagi 164-son qaroriga oʻzgartirishlar kiritish toʻgʻrisida" 1995 yil 18 dekabrdagi 461-son qarori (Oʻzbekiston Respublikasi QT, 1995 yil, 12-son, 48-modda).

4. Mazkur qarorning bajarilishini nazorat qilish Bosh vazirning oʻrinbosari B.S.Hamidov zimmasiga yuklansin.

Vazirlar Mahkamasining Raisi                                         I.Karimov

"Oʻzbekiston Respublikasi Hukumati qarorlari toʻplami", 1999 y., N 2, 9-modda.