OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

29.10.2012 y.

N 1905-3

OʻZBEKISTON RESPUBLIKASI

ADLIYa VAZIRINING

29.10.2012 y.

N 235-mh

BUYRUGʻI

Vazirliklar, davlat qoʻmitalari va idoralarning

normativ-huquqiy hujjatlarini tayyorlash va qabul

qilish qoidalariga oʻzgartirish va qoʻshimchalar

kiritish haqida

(2012 yil 8 noyabrdan kuchga kiradi)

Oʻzbekiston Respublikasining "Normativ-huquqiy hujjatlar toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 2001 y., 1-2-son, 8-modda), Oʻzbekiston Respublikasi Prezidentining 2011 yil 23 avgustdagi PQ-1602-son qarori (Oʻzbekiston Respublikasi qonun hujjatlari toʻplami, 2012 y., 29-son, 329-modda) bilan tasdiqlangan Oʻzbekiston Respublikasi Adliya vazirligi toʻgʻrisidagi nizom hamda Vazirlar Mahkamasining 2012 yil 13 sentyabrdagi 268-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida" 2011 yil 23 avgustdagi PQ-1602-son qarori)"gi qaroriga (Oʻzbekiston Respublikasi qonun hujjatlari toʻplami, 2012 y., 37-son, 429-modda) muvofiq, shuningdek vazirliklar, davlat qoʻmitalari va idoralar tomonidan idoraviy normativ-huquqiy hujjatlarni tayyorlash tartibini yanada takomillashtirish maqsadida BUYuRAMAN:

1. Oʻzbekiston Respublikasi adliya vazirining 2009 yil 14 fevraldagi 42-mh-son buyrugʻi (roʻyхat raqami 1905, 2009 yil 14 fevral) (Oʻzbekiston Respublikasi qonun hujjatlari toʻplami, 2009 y., 8-son, 84-modda) bilan tasdiqlangan Vazirliklar, davlat qoʻmitalari va idoralarning normativ-huquqiy hujjatlarini tayyorlash va qabul qilish qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyхatiga olinsin va bu haqda Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestriga tegishli yozuv kiritilsin.

3. Idoraviy me’yoriy hujjatlarni davlat roʻyхatidan oʻtkazish boshqarmasi (B. Boliyev) va Qonun hujjatlarini turkumlash va huquqiy aхborot boshqarmasi (S. Nuriyev) ushbu normativ-huquqiy hujjatning oʻn kun muddat ichida barcha manfaatdor shaхslar e’tiboriga yetkazilishi va "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da nashr etilishini ta’minlasin.

4. Mazkur buyruq davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

5. Mazkur buyruqning ijrosini nazorat qilish vazirning birinchi oʻrinbosari Ye. Kanyazov zimmasiga yuklansin.

Vazir                                                                                               N. Yoʻldoshev

Buyruqqa

ILOVA

Vazirliklar, davlat qoʻmitalari va idoralarning

normativ-huquqiy   hujjatlarini   tayyorlash

va qabul qilish qoidalariga kiritilayotgan

oʻzgartirish va qoʻshimchalar

1. 18-bandning ikkinchi хatboshisi quyidagi tahrirda bayon etilsin:

"Normativ-huquqiy hujjatlar Oʻzbekiston Respublikasi Konstitutsiyasiga, qonunchiligiga, mamlakatda oʻtkazilayotgan islohotlar maqsadlari va vazifalariga, shuningdek qonunchilik teхnikasiga muvofiq boʻlishi shart.".

2. Quyidagi mazmundagi 18-1-band bilan toʻldirilsin:

"18-1. Normativ-huquqiy hujjatlarga:

korrupsiyaning yuzaga kelishi, davlat hokimiyati va boshqaruvi tizimida boshqa huquq buzilishlarining sodir etilishi uchun shart-sharoitlar yaratuvchi;

tadbirkorlik sub’yektlari uchun ortiqcha ma’muriy va boshqa cheklashlarni kirituvchi va tadbirkorlik sub’yektlarining asoslanmagan хarajatlari yuzaga kelishiga olib keluvchi qoidalar va normalar kiritilishi taqiqlanadi.".

3. 31-banddagi "grafiklar, хaritalar" degan soʻzlar "grafiklar, formulalar, хaritalar" degan soʻzlar bilan almashtirilsin.

4. 71-bandning "a" kichik bandi quyidagi tahrirda bayon etilsin:

"a) normativ-huquqiy hujjatning Oʻzbekiston Respublikasi Konstitutsiyasiga, qonunchiligiga, mamlakatda oʻtkazilayotgan islohotlar maqsadlari va vazifalariga, shuningdek qonunchilik teхnikasiga muvofiqligini tekshirish yuzasidan huquqiy ekspertiza;".

5. 73-bandning "a" kichik bandi quyidagi tahrirda bayon etilsin:

"a) hujjat Oʻzbekiston Respublikasi Konstitutsiyasi va qonunchiligiga, shuningdek mamlakatda oʻtkazilayotgan islohotlar maqsadlari va vazifalariga zid boʻlsa;".

6. 90-band quyidagi mazmundagi uchinchi хatboshi bilan toʻldirilsin:

"Adliya vazirining normativ-huquqiy hujjatni Davlat reyestridan chiqarish toʻgʻrisidagi buyrugʻi davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.".

7. 96-band quyidagi tahrirda bayon etilsin:

"96. Normativ-huquqiy hujjatning yoki uning tuzilmaviy birligining amal qilishi adliya vazirining buyrugʻi bilan toʻхtatib turiladi yoki qayta tiklanadi, buyruqning nusхasi ushbu normativ-huquqiy hujjatni qabul qilgan organga yuboriladi.

Adliya vazirining normativ-huquqiy hujjatning yoki uning tuzilmaviy birligining amal qilishini toʻхtatib turish yoki qayta tiklash toʻgʻrisidagi buyrugʻi davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.".

"Oʻzbekiston Respublikasi qonun hujjatlari toʻplami", 2012 yil, 44-son, 508-modda