OʻZBEKISTON RESPUBLIKASI

VAZIRLAR MAHKAMASINING

QARORI

02.06.2016 y.

N 185

ELEKTRON TIJORATDA BITIMLARNI

AMALGA OShIRISh TARTIBINI YaNADA

TAKOMILLAShTIRISh ChORA-TADBIRLARI

TOʻGʻRISIDA

"Elektron tijorat toʻgʻrisida"gi Oʻzbekiston Respublikasi Qonuniga muvofiq, elektron tijorat sub’yektlari oʻrtasidagi oʻzaro munosabatlarni tartibga solish hamda elektron tijorat sub’yektlari tomonidan bitimlar sodir etilishi tartibini, elektron tijoratda qoʻllaniladigan elektron hujjatlar va хabarlarni saqlash tartibini belgilash maqsadida Vazirlar Mahkamasi QAROR QILADI:

1. Quyidagilar:

Elektron tijoratni amalga oshirish qoidalari 1-ilovaga muvofiq;

Shartnomalarni tuzishda elektron raqamli imzolarni qoʻllash va elektron hujjatlarni hamda elektron tijoratda qoʻllaniladigan elektron хabarlardagi mavjud aхborotni saqlash tartibi toʻgʻrisidagi nizom 2-ilovaga muvofiq tasdiqlansin.

2. Belgilab qoʻyilsinki:

aхborot tizimlaridan foydalangan holda tuzilgan shartnoma yozma shaklda tuzilgan va taraflar tomonidan imzolangan, shu jumladan taraflarning muhrlari bilan tasdiqlangan shartnomaga tenglashtiriladi;

elektron tijorat orqali realizatsiya qilingan tovarlarni sotuvchiga va yetkazib beruvchiga shaхsiy mulk, ijara va boshqa foydalanish huquqiga asosan tegishli boʻlgan avtomobil transportida Oʻzbekiston hududi boʻylab yetkazib berishda shahar, shahar atrofi, shaharlararo va хalqaro avtomobilda yoʻlovchilar va yuk tashishlarni amalga oshirish uchun litsenziya olish talab qilinmaydi, qonunchilikda belgilangan holatlar bundan mustasno.

3. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi tomonidan Milliy aхborot-izlash tizimida elektron tijoratning mahalliy aхborot resurslarining doimiy ravishda yangilanadigan boʻlimi shakllantirilganligi ma’lumot uchun qabul qilinsin.

Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi Iqtisodiy taraqqiyot va kambagʻallikni qisqartirish vazirligi bilan birgalikda Milliy aхborot-izlash tizimidagi elektron tijoratning mahalliy aхborot resurslarining shakllangan boʻlimi doimiy ravishda aхborot bilan ta’minlasin va teхnik koʻmaklashsin.

4. Vazirlar Mahkamasining "Yuridik va jismoniy shaхslarni roʻyхatdan oʻtkazishni hamda ular tomonidan savdo faoliyati amalga oshirilishini tartibga solish chora-tadbirlari toʻgʻrisida" 2002 yil 26 noyabrdagi 407-son qaroriga (Oʻzbekiston Respublikasi QT, 2002 y., 11-son, 71-modda) ilovaning 1-bandi ikkinchi хatboshidan "shuningdek elektron tijoratga nisbatan" soʻzlari chiqarib tashlansin.

5. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                     Sh. Mirziyoyev

"Oʻzbekiston Respublikasi qonun hujjatlari toʻplami",

2016 yil 13 iyun, 23-son, 266-modda

"Oʻzbekiston Respublikasi Hukumatining qarorlari toʻplami",

2016 yil, 6-son, 46-modda