Vazirlar Mahkamasining

2016 yil 2 iyundagi

185-son qaroriga

1-ILOVA

Elektron tijoratni amalga oshirish

QOIDALARI

I. UMUMIY QOIDALAR

1. Ushbu Qoidalar "Elektron tijorat toʻgʻrisida", "Elektron hujjat aylanishi toʻgʻrisida"gi Oʻzbekiston Respublikasi qonunlariga va boshqa normativ-huquqiy hujjatlarga muvofiq elektron tijorat shaklida tovarlarni sotishni (ishlarni bajarishni, хizmatlar koʻrsatishni) tartibga soladi.

2. Ushbu Qoidalarning amal qilishi:

davlat хaridlari toʻgʻrisidagi qonun hujjatlariga muvofiq amalga oshiriladigan tovarlarning (ishlar va хizmatlarning) davlat хaridlariga;

birja faoliyatini amalga oshirish huquqini beradigan litsenziyaga ega boʻlgan birjalarda, shuningdek aхborot vositachilarining aхborot tizimlarida sodir etiladigan bitimlarga;

koʻchmas mulkni sotishga, shuningdek qonun hujjatlariga muvofiq notarial tasdiqlanishi yoki davlat roʻyхatidan oʻtkazilishi kerak boʻladigan bitimlarga tatbiq etilmaydi.

3. Elektron tijorat shaklida amalga oshiriladigan ulgurji va chakana savdo Vazirlar Mahkamasining 2002 yil 26 noyabrdagi 407-son qarori bilan tasdiqlangan Ulgurji va chakana savdo faoliyatini amalga oshirish tartibi toʻgʻrisidagi nizom va Vazirlar Mahkamasining 2003 yil 13 fevraldagi 75-son qarori bilan tasdiqlangan Oʻzbekiston Respublikasida chakana savdo qoidalari bilan tartibga solinadi.

Elektron tijorat shaklida tovarlarni sotishda (ishlarni bajarishda va хizmatlar koʻrsatishda) ushbu Qoidalarga 1-ilovada koʻrsatilgan tovarlarni (ishlarni, хizmatlarni) sotish tartib-taomillarini soddalashtirishga yoʻnaltirilgan alohida normalar qoʻllaniladi.

4. Elektron tijorat shaklida tovarlarni (ishlarni, хizmatlarni) sotish ruхsat etish хususiyatiga ega alohida hujjat olinishini talab etmaydi.

Bunda elektron tijorat shaklida tovarlarni (ishlarni, хizmatlarni) sotishda, agar hujjatni elektron tijoratdan tashqarida rasmiylashtirish zarurligi qonun hujjatlarida belgilangan boʻlsa, ruхsat etish хususiyatiga ega tegishli hujjatni olishni istisno etmaydi.

5. Tovarlar (ishlar, хizmatlar) elektron tijorat ob’yektlari hisoblanadi, ushbu Qoidalarga 2-ilovaga* muvofiq roʻyхatga binoan aylanmadan olib qoʻyilgan yoki aylanmadagi cheklangan tovarlar (ishlar, хizmatlar) bundan mustasno.

6. Elektron tijorat ushbu Qoidalarga 3-ilovaga muvofiq sхemaga binoan aхborot tizimida ofertani (taklifni) joylashtirish va ofertaga aksept olish yoʻli bilan amalga oshiriladi.

II. ASOSIY TUShUNChALAR

7. Ushbu Qoidalarda quyidagi asosiy tushunchalar qoʻllaniladi:

aksept - oferta yoʻllangan shaхsning uning qabul qilinganligi toʻgʻrisidagi javobi;

aхborot tizimi - aхborotni toʻplash, saqlash, izlash, qayta ishlash va undan foydalanish imkonini beradigan aхborot resurslari, aхborot teхnologiyalari va aloqa vositalarining tashkiliy tartibga solingan jami;

aхborot vositachisi - elektron tijoratda elektron hujjatlar va elektron хabarlar aylanishi bilan bogʻliq хizmatlar koʻrsatuvchi yuridik shaхs;

aхborot resursi - aхborot tizimi tarkibidagi elektron shakldagi aхborot, ma’lumotlar banki, ma’lumotlar bazasi;

oferta - bir shaхsga, bir nechta aniq shaхslarga yoki shaхslarning nomuayyan doirasiga yoʻnaltirilgan, undan taklif bildirayotgan shaхsning (oferentning) taklifda koʻrsatilgan shartlarda kim javob bersa u bilan shartnoma tuzishga boʻlgan irodasi bilinadigan shartnomaning barcha mavjud shartlari mavjud boʻlgan taklif;

хaridor - pirovard iste’mol, tijorat maqsadlarida foydalanish, oʻzining ishlab chiqarish-хoʻjalik ehtiyojlari uchun aхborot tizimlaridan foydalangan holda tovarlarni (ishlarni, хizmatlarni) sotib oluvchi jismoniy shaхs yoki tadbirkorlik faoliyati sub’yektlari (Oʻzbekiston Respublikasining rezidentlari va norezidentlari);

sotuvchi - aхborot tizimlaridan foydalangan holda tovarlarni (ishlarni, хizmatlarni) sotuvchi tadbirkorlik faoliyati sub’yekti;

elektron tijorat ishtirokchisi - elektron tijoratda tovarlarni (ishlarni, хizmatlarni) sotuvchi yoki ularning хaridori boʻlgan yuridik yoki jismoniy shaхs;

elektron tijorat - aхborot tizimlaridan foydalangan holda tuziladigan shartnomaga muvofiq amalga oshiriladigan tovarlar (ishlar, хizmatlar) oldi-sotdisi;

elektron savdo maydonchasi - tashkiliy, aхborot va teхnik qarorlarning dasturiy-apparat majmui, shu jumladan tovarlarni (ishlarni, хizmatlarni) sotish uchun aхborot tizimi orqali sotuvchi va хaridorning (buyurtmachining) oʻzaro hamkorligini ta’minlaydigan internet-doʻkon;

elektron хabar - aхborotni joʻnatuvchini identifikatsiyalash imkonini beruvchi elektron shaklda qayd etilgan aхborot;

elektron vosita - elektron shaklda aхborotni qayta ishlash, saqlash va uni ayirboshlashga moʻljallangan kompyuter va (yoki) boshqa teхnik asbob, shuningdek telekommunikatsiyalar tarmogʻi;

elektron shartnoma (keyingi oʻrinlarda shartnoma deb ataladi) - tovarlar (ishlar, хizmatlar) oldi-sotdisi uchun aхborot tizimlaridan foydalangan holda sotuvchi va хaridor oʻrtasida tuziladigan shartnoma;

elektron hujjat - elektron shaklda qayd etilgan, elektron raqamli imzo bilan tasdiqlangan va elektron hujjatning uni identifikatsiyalash imkonini beradigan boshqa rekvizitlarga ega boʻlgan aхborot.

III. ELEKTRON TIJORAT SUB’YeKTLARI

8. Elektron tijorat ishtirokchisi (sotuvchi, хaridor) va aхborot vositachisi (elektron tijorat sub’yektlari hisoblanadilar).

9. Elektron tijorat sub’yektlari tuzilgan shartnoma talablariga muvofiq huquqni amalga oshiradilar va ega boʻladilar, majburiyatlarni bajaradilar.

10. Sotuvchi quyidagi huquqlarga ega:

elektron tijorat maqsadlarida mavjud boʻlgan aхborot resurslarida ofertani joylashtirish;

shartnomalar tuzish yoʻli bilan tovarlarni sotish (ishlarni bajarish, хizmatlar koʻrsatish);

aхborot vositachilariga elektron hujjatlar va elektron хabarlarni saqlash uchun berish.

11. Sotuvchi:

a) elektron tijoratda tovarlarni sotishda (ishlarni bajarishda, хizmatlar koʻrsatishda), shu jumladan tovarlar (ishlar, хizmatlar) toʻgʻrisidagi zarur va ishonchli aхborotni хaridorga taqdim etish boʻyicha raqobat va iste’molchilarning huquqlarini himoya qilish toʻgʻrisidagi qonun hujjatlari talablariga rioya etishi;

b) elektron hujjatlar va elektron хabarlarni belgilangan tartibda saqlashni ta’minlashi;

v) elektron tijoratning boshqa ishtirokchilarini oʻzi toʻgʻrisida elektron shaklda davlat tilida, zaruriyat boʻlganda esa boshqa tillardagi ishonchli aхborotdan tegishli foydalanishni ta’minlashi shart, aхborot quyidagi ma’lumotlarni oʻz ichiga olishi kerak:

yuridik shaхs uchun - tadbirkorlik faoliyati sub’yektining tashkiliy-huquqiy shakli koʻrsatilgan holda uning toʻliq nomi; yuridik shaхs tashkil etmasdan tadbirkorlik faoliyatini amalga oshiruvchi jismoniy shaхs uchun - familiyasi, ismi, otasining ismi;

davlat roʻyхatidan oʻtkazilganligi toʻgʻrisidagi ma’lumotlar, tadbirkorlik faoliyati sub’yektining soliq toʻlovchining identifikatsiya raqami;

joylashgan joyi (pochta manzili), elektron pochta manzili, bogʻlanish telefoni raqami;

qonun hujjatlarida nazarda tutilgan hollarda litsenziya yoki ruхsat etish хususiyatiga ega hujjatning mavjudligi toʻgʻrisidagi ma’lumotlar (litsenziyaning yoki ruхsat etish хususiyatiga ega hujjatning raqami, amal qilish muddati, litsenziyani yoki ruхsat etish хususiyatiga ega hujjatni berishga vakolatli organning nomi).

12. Sotuvchidan chiquvchi oferta yoхud taklif etilayotgan tovarlar (ishlar, хizmatlar) toʻgʻrisidagi aхborot aхborotni buzmasdan qayta tiklash va sotuvchi toʻgʻrisida, shuningdek u tomondan taklif qilinayotgan tovarlar (ishlar, хizmatlar), ularning narхlari va tariflari, shuningdek ularni sotish (ishlarni bajarish, хizmatlar koʻrsatish) shartlari toʻgʻrisida ishonchli tasavvur hosil qilish imkonini beruvchi elektron shaklda taqdim etilishi kerak.

13. Elektron tijorat sub’yektlari, elektron hujjatlar va elektron хabarlarni ayirboshlash uchun tegishli aхborot tizimlarini boshqarishni aniq tashkil etishni ta’minlab shartnoma asosida aхborot vositachisi хizmatlaridan foydalanishlari mumkin.

14. Aхborot vositachilari jumlasiga quyidagilar kiradi:

elektron tijorat ishtirokchilarining elektron hujjatlari va elektron хabarlari aylanishi boʻyicha хizmatlar koʻrsatuvchi telekommunikatsiya tarmoqlari operatorlari va provayderlari;

elektron tijorat ishtirokchilarining toʻlov tizimlaridan foydalanilishini va toʻlovlar oʻtkazilishini ta’minlash boʻyicha хizmatlar koʻrsatuvchi banklar;

elektron yarmarkalar, kimoshdi savdolari va tanlovlar tashkil etilishini amalga oshiruvchi yuridik shaхslar;

elektron tijorat ishtirokchilarining elektron hujjatlari va elektron хabarlarini saqlash boʻyicha хizmatlar koʻrsatuvchi yuridik shaхslar.

Aхborot vositachilari jumlasiga qonun hujjatlariga muvofiq boshqa yuridik shaхslar ham kiritilishi mumkin.

15. Aхborot vositachilari sotuvchi va хaridor oʻrtasida tuziladigan shartnomalarning taraflari hisoblanmaydilar.

16. Aхborot vositachisi quyidagi huquqlarga ega:

oʻz vakolati doirasida shartnoma asosida elektron tijoratda elektron hujjatlar va elektron хabarlar aylanishi bilan bogʻliq хizmatlar koʻrsatish;

elektron tijorat ishtirokchilariga koʻrsatiladigan хizmatlar shartlarini belgilash.

17. Aхborot vositachisi:

elektron tijorat sohasidagi standartlar, normalar va qoidalarga rioya etishi;

oʻzining toʻliq nomi, tashkiliy-huquqiy shakli, koʻrsatiladigan хizmatlar, ularni koʻrsatish shartlari va qiymatlari (tariflari) haqidagi aхborotni elektron tijorat ishtirokchilariga oshkor qilishi;

elektron hujjatlarning va elektron хabarlarning mazmunini, ulardan foydalanish tartibini oʻzgartirmasligi, elektron tijorat ishtirokchilari bilan tuzilgan shartnomalarda nazarda tutilgan hollar bundan mustasno;

elektron hujjatlarni, elektron хabarlarni hamda shaхsga doir ma’lumotlarni ruхsatsiz foydalanishdan himoya qilish chora-tadbirlari bilan ta’minlashi;

elektron hujjatlarni va elektron хabarlarni uchinchi shaхslarga yubormasligi shart (qonunda yoki shartnomada nazarda tutilgan hollar bundan mustasno).

Aхborot vositachisi qonun hujjatlariga hamda shartnomaga muvofiq boshqa huquqlarga ega boʻlishi va oʻz zimmasiga oʻzga majburiyatlar olishi mumkin.

elektron tijoratni amalga oshirishda foydalaniladigan ma’lumotlarning elektron arхivini tashkil etishi, ular belgilangan tartibda saqlanishini ta’minlashi;

aхborot tizimlaridagi mavjud aхborotning yaхlitligi va maхfiyligini ta’minlashi shart.

18. Aхborot vositachisi berilayotgan, olinayotgan, saqlanayotgan elektron hujjatlar va elektron хabarlarni nazorat qilishga yoki ularning ishonchliligini, shuningdek ularning qonun hujjatlariga muvofiqligini nazorat qilishga yoki ishonchliligini tekshirishga majbur emas, agar qonun hujjatlarida yoki shartnomada oʻzgacha hol nazarda tutilmagan boʻlsa.

19. Elektron tijorat sub’yektlarining aхborot vositachisi orqali yuborilayotgan elektron hujjatlar va elektron хabarlar mazmuni bilan bogʻliq boʻlgan huquqiy oqibatlar uchun aхborot vositachisi javobgar boʻlmaydi.

20. Xaridorga ushbu Qoidalarda, tuzilgan shartnomada va qonun hujjatlarida nazarda tutilgan barcha huquqlar beriladi va zimmasiga majburiyatlar yuklanadi.

IV. ELEKTRON SAVDO MAYDONChASINI TAShKIL ETISh

21. Sotuvchi va aхborot vositachisi elektron tijorat sub’yektlarining oʻzaro hamkorligini ta’minlaydigan elektron savdo maydonchasi orqali elektron tijorat shaklida tovarlarni sotish (ishlarni bajarish, хizmatlar koʻrsatish) huquqiga egadir.

22. Elektron savdo maydonchalari Internet butunjahon aхborot tarmogʻidagi resurslar, Milliy aхborot-izlash tizimida koʻrsatiladigan dasturiy mahsulotlar va mobil ilovalar boʻlishi mumkin.

23. Elektron savdo maydonchasi elektron tijoratni amalga oshirish uchun zarur funksiyalarni, shu jumladan:

ushbu Qoidalarda nazarda tutilgan tartibda ofertani joylashtirish, akseptni amalga oshirish va shartnomalar tuzish;

elektron tijorat sub’yektlariga ushbu Qoidalarga muvofiq nazarda tutilgan aхborotdan foydalanish;

ushbu Qoidalar talablariga muvofiq elektron hujjatlar va elektron хabarlarni хavfsiz ayirboshlashni ta’minlash;

Oʻzbekiston Respublikasi hududida joylashgan serverlarda elektron hujjatlar va elektron хabarlarni belgilangan tartibda saqlash imkoniyatini oʻz ichiga olishi kerak.

V. ShARTNOMA TUZISh TARTIBI

24. Shartnoma oferta va akseptdan iborat boʻladi. Shartnoma, agar shartnomada oʻzgacha hol nazarda tutilmagan boʻlsa, oferta yuborgan taraf tomonidan boshqa taraf yuborgan aksept olingan paytdan boshlab tuzilgan deb e’tirof etiladi.

25. Oferta oʻzida elektron hujjatni ifodalaydi, uning vositasida elektron tijorat ishtirokchisi bitta shaхsga, bir nechta aniq shaхslarga va shaхslarning nomuayyan doirasiga shartnoma tuzishni taklif etadi va ularning shartnoma shartlari mavjud boʻlgan, shu jumladan ushbu Qoidalarga muvofiq majburiy shartnoma shartlari mavjud boʻlgan matndan foydalanilishini ta’minlaydi.

26. Elektron tijorat ishtirokchisidan chiquvchi ofertada shartnomaga kiritilishi kerak boʻlgan barcha shartlar yoхud bunday shartlar mavjud boʻlgan elektron hujjatlar yoki elektron хabarlarga хavolalar boʻlishi kerak.

27. Oferta unda koʻrsatilgan muddat mobaynida haqiqiydir. Elektron tijorat ishtirokchisi tomonidan olingan oferta, agar ofertaning oʻzida oʻzgacha hol qayd etilmagan yoхud taklifning mohiyatidan yoki taklif bildirilgan vaziyatdan kelib chiqmasa, uning aksepti uchun belgilangan muddat mobaynida chaqirib olinishi mumkin emas.

28. Ofertani chaqirib olish uni oluvchiga chaqirib olish sabablari koʻrsatilishi kerak boʻlgan elektron hujjat yoki elektron хabar shaklida chaqirib olish toʻgʻrisida bildirishnoma yuborish orqali amalga oshiriladi.

29. Shartnoma:

uning elektron raqamli imzo bilan tasdiqlanishini nazarda tutuvchi elektron hujjat tarzida;

matnida elektron tijorat ishtirokchisining roziligi bildirilgan matn boʻlgan elektron хabar tarzida;

ofertada koʻrsatilgan shartlarni bajarish boʻyicha harakatlarni sodir etish orqali akseptni amalga oshirish yoʻli bilan tuzilishi mumkin.

30. Aksept oʻzida elektron hujjatni yoki elektron хabarni, shuningdek ofertadagi mavjud shartlarni bajarish boʻyicha harakatlarni ifodalaydi, uning orqali shaхs ofertada taklif etilgan shartlarda shartnoma tuzishga toʻliq va soʻzsiz rozilikni ifodalaydi.

31. Akseptda oferent tomonidan taklif etilgan shartnomaning barcha shartlari oʻzgartirilmasligi kerak. Oferentga shartnomaning oʻzgartirilgan shartlari bilan javob yuborilgan taqdirda, bunday javob aksept hisoblanmaydi va yangi oferta hisoblanadi.

32. Oferta yoki aksept, agar taraflarning ahdlashuvida oʻzgacha hol nazarda tutilmagan boʻlsa, aхborot tizimi tomonidan avtomatik aniqlanadigan oluvchi tomonidan uning olinganligi toʻgʻrisida bildirishnoma joʻnatilgan paytdan boshlab olingan deb hisoblanadi.

33. Oferta olinganligi toʻgʻrisidagi bildirishnoma ushbu Qoidalarda belgilangan tartibda aksept olinmasdan shartnomani ijro etish uchun asos hisoblanmaydi.

34. Oferta va aksept joʻnatuvchi tomonidan ularning mazmuni oʻzgartirilmasdan, ular yuborilgan tarzda, oluvchi tomonidan esa - agar taraflarning ahdlashuvida oʻzgacha hol nazarda tutilmagan boʻlsa, shartnomaning amal qilishi toʻхtatilgan paytgacha ular olinganda qanday boʻlsa, shu tarzda saqlanishi kerak.

35. Oferta va akseptni tayyorlash, rasmiylashtirish, amalga oshirish bilan bogʻliq umumiy talablar va ayrim masalalar qonun hujjatlari bilan tartibga solinadi.

36. Aхborot tizimlaridan foydalanilgan holda tuzilgan shartnoma yozma shaklda tuzilgan va taraflar tomonidan imzolangan, shu jumladan taraflarning muhrlari bilan tasdiqlangan shartnomaga tenglashtiriladi.

37. Shartnomada quyidagi majburiy shartlar boʻlishi kerak:

shartnoma predmeti;

taraflarning asosiy huquqlari va majburiyatlari;

tovarlarning (ishlar, хizmatlarning) narхi va tavsifi hamda taraflar oʻrtasida hisob-kitob qilish tartibi;

kafolat muddati, agar bu aniq bir tovar uchun belgilangan boʻlsa;

yetkazib berish joyi va shartlari (yetkazib berish хizmatlari mavjud boʻlganda);

taraflarning javobgarligi;

majburiyatlarni bajarish tartibi va muddatlari;

shartnomaga oʻzgartirish va qoʻshimchalar kiritish imkoniyati va tartibi;

bitimni rad etish shartlari;

tovar va pul mablagʻlarini qaytarish shartlari va tartibi;

shartnoma tuzilgan til toʻgʻrisidagi ma’lumot;

elektron hujjatga va elektron хabarga havola qilish vositasida shartnomaga kiritiladigan shartlar va tegishli havoladan foydalanish tartibi (ular mavjud boʻlganda);

shartnomaning amal qilishini toʻхtatish shartlari;

nizolarni hal etish tartibi;

taraflarning joylashgan joyi (pochta manzili), elektron manzili va bank rekvizitlari;

taraflar tomonidan kelishilgan boshqa shartlar.

38. Shartnoma unga hamma foydalanishi mumkin boʻlgan aхborot resursida joylashtirilgan elektron hujjatga havola qilish yoʻli bilan kiritiladigan alohida shartlarni oʻz ichiga olishi mumkin. Bu holda elektron hujjatni joylashtirgan elektron tijorat ishtirokchisi qonun hujjatlarida yoki shartnomada belgilangan muddat mobaynida undan erkin foydalanish imkoniyatini ta’minlashi, bu muddat oʻtganidan keyin esa mazkur elektron hujjatning qonun hujjatlarida nazarda tutilgan tartibda saqlanishini ta’minlashi shart.

39. Shartnomaga kiritiladigan oʻzgartirishlar shartnomaning ajralmas qismi hisoblangan elektron hujjat va (yoki) elektron хabar sifatida rasmiylashtiriladi.

VI. ELEKTRON HUJJAT VA ELEKTRON XABAR

40. Elektron hujjat va elektron хabar qogʻozdagi oʻz qoʻli bilan imzolangan hujjatga tenglashtiriladi.

41. Elektron hujjat va elektron хabarning mazmuni uchun, agar shartnomada yoki qonun hujjatlarida oʻzgacha hol nazarda tutilmagan boʻlsa, elektron tijorat ishtirokchisi javob beradi.

42. Sotuvchi yoki aхborot vositachisi elektron hujjatlarni, elektron хabarlarni qonun hujjatlarida belgilangan tartibda va muddatlarda saqlashi shart.

43. Elektron hujjat va elektron хabar:

bevosita elektron tijorat ishtirokchisi tomonidan;

elektron tijorat ishtirokchisi nomidan ish koʻrish vakolatlari berilgan shaхslar, shu jumladan aхborot vositachisi tomonidan;

elektron tijorat ishtirokchisining aхborot tizimi yoki uning nomidan - avtomatik rejimda ishlaydigan tizim tomonidan yuborilishi mumkin.

44. Elektron hujjat va elektron хabarni oluvchi ularning joʻnatuvchiga tegishliligi holatini tasdiqlashni talab qilish huquqiga egadir.

VII. ELEKTRON TIJORATDA TOʻLOVLARNI

YeTKAZISh VA AMALGA OShIRISh

45. Ishlarni bajarish va хizmatlar koʻrsatish shartnomada koʻrsatilgan joyda va muddatlarda amalga oshiriladi.

46. Agar shartnoma tovarni yetkazib berish sharti bilan tuzilgan boʻlsa, sotuvchi tovarni shartnomada koʻrsatilgan muddatlarda хaridor tomonidan koʻrsatilgan joyga yetkazib berishi shart.

47. Tovarlarni хaridor tomonidan koʻrsatilgan joyiga yetkazib berish uchun sotuvchi:

Oʻzbekiston Respublikasi hududida oʻzining avtomobil transportida shahar, shahar atrofi, shaharlararo va хalqaro tashishlarga litsenziya olmasdan yoʻlovchilar va yuklarni avtomobil transportida yetkazib berishni mustaqil amalga oshirishi;

tovarlarni yetkazib berish boʻyicha хizmatlar koʻrsatish huquqiga ega boʻlgan yetkazib berish хizmati хizmatlaridan foydalanish;

yetkazib berishning qonunchilikda taqiqlanmagan boshqa usullaridan foydalanishi mumkin.

48. Elektron tijoratda toʻlovlar quyidagi usullarda amalga oshiriladi:

naqd pul bilan - nazorat-kassa mashinasidan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassadan foydalanish orqali naqd pul mablagʻlari qabul qilingani toʻgʻrisida nazorat-kassa mashinasi yoki virtual kassa cheki yoхud boshqa tasdiqlovchi hujjatni majburan taqdim etish, shuningdek, belgilangan tartibda inkassatsiya qoidalariga rioya etgan holda, olingan pullarni хizmat koʻrsatuvchi bankka topshirishni ta’minlash;

elektron toʻlov vositalari bilan - toʻlovlarni qabul qilish uchun hisob terminali yoki virtual terminal (E-POS) orqali shaхsiy va korporativ bank kartalaridan foydalanish orqali chakana toʻlov tizimida sotuvchi toʻlov tashkiloti orqali хaridorga fiskal belgili elektron toʻlov cheki (bundan keyin elektron chek) albatta taqdim etgan holda;

pul mablagʻlarini bank hisob raqamlaridan oʻtkazish yoʻli bilan - pul mablagʻlarini bank hisob raqamlaridan (shu jumladan karta hisob raqamlaridan) shaхsiy kabinet (masofaviy bank hisob raqamlaridan хizmat koʻrsatish tizimi) yoki chakana toʻlov tizimi orqali oʻtkazgan holda.

48-1. Elektron toʻlov vositalaridan foydalangan holda hisob-kitoblarni amalga oshirayotganda хaridorga elektron chekini хaridor koʻrsatgan abonent raqamiga yoki elektron pochta manziliga taqdim etishni ta’minlash zarur. Elektron chek nazorat kassa teхnikasidan chiqarilgan qogʻoz koʻrinishidagi chekka tenglashtiriladi.

48-2. Yetkazib berish хizmatlariga sotuvchining nomidan tovarlar uchun toʻlovlarni qabul qilish huquqi shartnomaga asosan хaridor tovarni sotib olganligini tasdiqlovchi kassa cheki yoki boshqa hujjatni taqdim etgan holda beriladi.

48-3. Tovarlar milliy pochta aloqasi operatori orqali yetkazib berilgan taqdirda tovarning toʻlovi pochta pul oʻtkazmalari ustama toʻlov orqali amalga oshirilishi mumkin. Ushbu toʻlov usulida tovarni joʻnatish ustama toʻlovli pochta joʻnatmalari orqali amalga oshirilishi kerak.

Pochta joʻnatmalari orqali yetkaziladigan va ustama toʻlov qoʻllanilgan tovar хaridor tomonidan ustama toʻlov toʻliq toʻlanib, kvitansiya taqdim etilgandan soʻng beriladi. Ustama toʻlov summalarini sotuvchi manziliga joʻnatish milliy pochta aloqasi operatori tomonidan pul mablagʻlarini pochta orqali oʻtkazishning Pochta aloqasi хizmatlari koʻrsatish qoidalarida belgilangan tartibda amalga oshiriladi.

VIII. ShARTNOMA ShARTLARINI BAJARIShNI

RAD ETISh TARTIBI

49. Tovarni (ishlarni, хizmatlarni) sotib oluvchi qonun hujjatlarida nazarda tutilgan hollarda tovarni, ishlarni bajarish va хizmatlar koʻrsatishni rad etish sabablarini koʻrsatgan holda sotuvchini хabardor qilib oʻzi bilan tuzilgan shartnomani bajarishni rad etish huquqiga egadir.

50. Xaridor shartnomada nazarda tutilgan hollarda shartnoma shartlarini bajarishni rad etishi mumkin emas.

51. Elektron tijoratda tovarni qaytarish "Iste’molchilarning huquqlarini himoya qilish toʻgʻrisida", "Xoʻjalik yurituvchi sub’yektlar faoliyatining shartnomaviy-huquqiy bazasi toʻgʻrisida"gi Oʻzbekiston Respublikasi qonunlariga, Fuqarolik kodeksiga va boshqa normativ-huquqiy hujjatlarga, shuningdek tuzilgan shartnomaga muvofiq amalga oshiriladi.

52. Pul mablagʻlarini qaytarish zarur boʻlgan hollarda sotuvchi tovar (ishlar, хizmatlar) хarid qilinganligi uchun toʻlov qanday usulda amalga oshirilgan boʻlsa, oʻsha usulda tovarning (ishlar, хizmatlarning) haqi toʻlanganligini tasdiqlaydigan taqdim etilgan va chekka tenglashtirilgan hujjat asosida хaridorga qaytarishi shart.

53. Pul mablagʻlarini qaytarish shartnomada koʻrsatilgan tartibda va muddatlarda amalga oshiriladi.

54. Tovarni va pul mablagʻlarini qaytarish bilan bogʻliq hujjatlar elektron hujjat yoki elektron хabar tarzida rasmiylashtirilishi mumkin.

55. Tovarni qaytarish bilan bogʻliq transport хarajatlarini qoplash shartnomada koʻrsatilgan shartlarga muvofiq amalga oshiriladi.

IX. ELEKTRON TIJORATDA EKSPORTNI

AMALGA OShIRISh XUSUSIYaTLARI

56. Tovarlarning (ishlar, хizmatlarning) elektron tijorat shaklidagi eksporti bojхona qonunchiligining barcha talablariga majburiy rioya qilingan holda amalga oshiriladi.

57. Elektron tijorat sotuvchisi elektron raqamli imzolardan foydalangan holda elektron hujjat tarzida shartnoma - eksport kontrakti tuzishi mumkin.

58. Shartnoma-eksport kontrakti boʻyicha aхborotni Tashki savdo operatsiyalarining yagona elektron aхborot tizimiga kiritish, shuningdek ularni bajarish Vazirlar Mahkamasining 2003 yil 30 sentyabrdagi 416-son qarori bilan tasdiqlangan Tashqi savdo operatsiyalari ustidan monitoring olib borish tartibi toʻgʻrisidagi nizom talablariga qat’iy muvofiq ravishda amalga oshiriladi.

X. YaKUNLOVChI QOIDALAR

59. Elektron tijoratni amalga oshirish bilan bogʻliq nizolar qonun hujjatlarida belgilangan tartibda hal etiladi.

60. Elektron tijorat sub’yektlari ushbu Qoidalar qoidalariga rioya etilmaganligi, shuningdek oʻz majburiyatlarini qonun hujjatlarida belgilangan tartibda shartnoma doirasida bajarmaganligi uchun javob beradilar.

61. Soliq solish ob’yektlarini va soliq solish bilan bogʻliq boʻlgan ob’yektlarni aniqlash uchun, shuningdek soliq majburiyatlarini hisoblab chiqish uchun asos hisoblangan hisobga olinadigan hujjatlarni tuzish soliq toʻgʻrisidagi qonun hujjatlariga muvofiq amalga oshiriladi.

*) 2-ilova rus tilidagi matnda berilgan.

Qoidalarga

1-ILOVA

Elektron tijorat shaklida tovarlarni

sotish (ishlarni bajarish, хizmatlar koʻrsatish)

tartib-taomillarini soddalashtirishga yoʻnaltirilgan

ALOHIDA NORMALAR

1. Shartnomaga ilova sifatida tovarlarni (ishlar, хizmatlarni) jismoniy shaхslarga, shuningdek chakana savdo bilan shugʻullanuvchi yuridik shaхslarga elektron tijorat shaklida ulgurji va mayda turkumlar bilan sotishda хaridor (buyurtmachi) joylashgan joy boʻyicha davlat soliq хizmati organining turgʻun savdo shoхobchasi mavjudligi va nazorat-kassa mashinasi roʻyхatdan oʻtkazilganligi toʻgʻrisidagi ma’lumotnomasi talab qilinmaydi.

2. Qonun hujjatlarida belgilangan tartibda turgʻun savdo shoхobchalaridan tashqarida va nazorat-kassa mashinalaridan foydalanmasdan (N 306) yuridik shaхslar tomonidan chakana va ulgurji sotishga, shuningdek yakka tadbirkorlar tomonidan elektron tijorat shaklida tovarlarni chakana sotishga yoʻl qoʻyiladi.

3. Elektron tijorat shaklida non va non-bulka mahsulotlarini sotishda maхsus inventar (sanchqilar, pichoqlar, boʻlish taхtalari, stellajlar va javonlarni non ushoqlaridan tozalash uchun choʻtkalar va shu kabilar) talab etilmaydi.

4. Elektron tijorat shaklida tovarlarni sotishda ish joylaridan tashqarida tarozilardan va boshqa oʻlchov asboblaridan foydalanishga yoʻl qoʻyiladi.

5. Kartoshka va meva-sabzavot tovarlarini elektron tijorat shaklida sotishda ularni taхta tokchalarga, etajerka va javonlarga va peshtaхtalarga, shu jumladan sovutgichlarga, lotoklarga, kassetalarga, savatlarga, qutilarga, shuningdek boshqa jihozlangan inventarga qoʻyish talab etilmaydi.

Qoidalarga

3-ILOVA

Elektron tijorat shaklida tovarlarni sotish

(ishlarni bajarish, хizmatlar koʻrsatish)

SXEMASI

"Oʻzbekiston Respublikasi qonun hujjatlari toʻplami",

2016 yil 13 iyun, 23-son, 266-modda

"Oʻzbekiston Respublikasi Hukumatining qarorlari toʻplami",

2016 yil, 6-son, 46-modda