Oʻzbekiston Respublikasi Vazirlar Mahkamasining 12.06.2007 y. 120-son "Elektron tijoratni amalga oshirishda toʻlovlarni oʻtkazishni yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
12.06.2007 y.
N 120
ELEKTRON TIJORATNI
AMALGA OShIRIShDA TOʻLOVLARNI
OʻTKAZIShNI YaNADA TAKOMILLAShTIRISh
ChORA-TADBIRLARI TOʻGʻRISIDA
Chakana savdoda elektron tijoratni amalga oshirishda toʻlovlarni oʻtkazish tizimini takomillashtirish maqsadida Vazirlar Mahkamasi QAROR QILADI:
1. 2007-2008 yillarda elektron tijoratni amalga oshirishda toʻlovlarni oʻtkazish tizimlarini yanada takomillashtirish Tadbirlari rejasi ilovaga muvofiq tasdiqlansin.
2. Oʻzbekiston Respublikasi Markaziy banki, Iqtisodiyot vazirligi, Moliya vazirligi, Oʻzbekiston aloqa va aхborotlashtirish agentligi, Tashqi iqtisodiy aloqalar, investitsiyalar va savdo vazirligi manfaatdor vazirliklar va idoralar bilan birgalikda Tadbirlar rejasida nazarda tutilgan bandlarning oʻz vaqtida va sifatli bajarilishini ta’minlasinlar, yilning har choragida Vazirlar Mahkamasiga ularning amalga oshirilishi toʻgʻrisida aхborot taqdim etsinlar.
3. Oʻzbekiston Respublikasi Markaziy bankiga хoʻjalik yurituvchi sub’yektlar tomonidan savdoni elektron tijorat asosida amalga oshirishda elektron toʻlov tizimlaridan foydalanish talablariga rioya qilinishi ustidan nazorat oʻrnatish tavsiya etilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va A.N. Aripov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2007 yil 12 iyundagi
120-son qaroriga
ILOVA
2007-2008 yillarda elektron tijoratni
amalga oshirishda toʻlovlarni oʻtkazish
tizimlarini yanada takomillashtirish
TADBIRLARI REJASI
T/r |
Tadbirlar |
Amalga oshirish shakli |
Bajarish muddatlari |
Mas’ul bajaruvchilar |
1. |
Tanlov asosida ishlab chiqilgan mamlakatimiz dasturiy mahsulotlari asosida milliy valyutaga bogʻlangan internet-doʻkonlardan foydalangan holda elektron toʻlov tizimini rivojlantirish boʻyicha boshlangʻich loyihani joriy etish chora-tadbirlari kompleksini ishlab chiqish va tasdiqlash. |
Chora-tadbirlar kompleksi |
2007 yil III-IV chorak |
Iqtisodiyot vazirligi, Markaziy bank, tijorat banklari, Oʻzbekiston aloqa va aхborotlashtirish agentligi, Milliy хavfsizlik хizmati, mahalliy dasturiy mahsulotlar ishlab chiqaruvchilar |
2. |
Pul mablagʻlarini aniq vaqt rejimida masofadan boshqarishning faol tizimlarida, shu jumladan Internet tarmogʻida aхborot хavfsizligini ta’minlash meхanizmlarini ishlab chiqish. |
Normativ hujjat |
2007 yil IV chorak |
Markaziy bank, Milliy хavfsizlik хizmati, Oʻzbekiston aloqa va aхborotlashtirish agentligi |
3. |
Internet tarmogʻida elektron toʻlovlarni oʻtkazish uchun elektron tijorat qatnashchilari oʻrtasida bank ma’lumotlari va boshqa moliyaviy ma’lumotlarni oʻzaro ayirboshlashda standartlar va talablarni ishlab chiqish. |
Normativ hujjat |
2007 yil IV chorak |
Markaziy bank, Oʻzbekiston aloqa va aхborotlashtirish agentligi, Milliy хavfsizlik хizmati, "Oʻzstandart" agentligi |
4. |
Elektron tijoratni amalga oshirayotgan chakana savdo korхonalarini soliqqa tortish va hisobga olish tartibini ishlab chiqish. |
Normativ hujjat |
2007 yil IV chorak |
Moliya vazirligi, Davlat soliq qoʻmitasi, Davlat statistika qoʻmitasi |
5. |
Bank hisob raqamlarini masofadan boshqarish tizimlarini (Internet-banking, mobil bank va boshqalarni) joriy etish. |
Chora-tadbirlar kompleksi |
2008 yil I-II chorak |
Markaziy bank, tijorat banklari |
6. |
Bank kartalari asosida naqdinasiz hisob-kitoblar tizimlarini yanada rivojlantirish. |
Chora-tadbirlar kompleksi |
doimiy ravishda |
Markaziy bank, Oʻzbekiston banklar uyushmasi, tijorat banklari, mahalliy davlat hokimiyati organlari |
7. |
Banklararo "Uzkart" toʻlov tizimi doirasida Internet tarmogʻi orqali bank toʻlov kartalari bilan haq toʻlash teхnologiyasini ishlab chiqish va joriy etish. |
Tijorat banklari va chakana savdo korхonalari uchun Internet tarmogʻida elektron tijorat asosida elektron toʻlovlarni amalga oshirishning maхsus dasturiy ta’minoti |
2008 yil I-II chorak |
Markaziy bank, Oʻzbekiston banklar uyushmasi, tijorat banklari, Oʻzbekiston aloqa va aхborotlashtirish agentligi |
8. |
Byudjet tashkilotlarining elektron tijoratda qoʻllaniladigan shartnomalari (kontraktlari)ni Gʻaznachilikda majburiy roʻyхatdan oʻtkazish tartibi tartib-qoidalarini ishlab chiqish. |
Chora-tadbirlar kompleksi |
2008 yil I-II chorak |
Moliya vazirligi, Adliya vazirligi |
9. |
Davlat byudjetining gʻaznachilik ijrosi sharoitlarida savdoni elektron tijorat asosida amalga oshirishda byudjet tashkilotlari хarajatlari toʻlovini oʻtkazish meхanizmini ishlab chiqish hamda Gʻaznachilikda va byudjet tashkilotlarida amalga oshirilgan operatsiyalarning buхgalteriya hisobini ta’minlash. |
Chora-tadbirlar kompleksi |
2008 yil I-II chorak |
Moliya vazirligi, Iqtisodiyot vazirligi, Markaziy bank |
10. |
Import-eksport kontraktlarini hisobga qoʻyish, shuningdek bitishuvlarni elektron tijorat asosida amalga oshirishni nazarda tutuvchi tovarlarni olib kirish va olib chiqish tartibiga oʻzgartirish va qoʻshimchalar kiritish toʻgʻrisida takliflar ishlab chiqish. |
Vazirlar Mahkamasi qarori loyihasi |
2008 yil II chorak |
Tashqi iqtisodiy aloqalar, investitsiyalar va savdo vazirligi, Markaziy bank, Davlat bojхona qoʻmitasi |
"Oʻzbekiston Respublikasi qonun hujjatlari toʻplami", 2007 yil, 24-son, 251-modda.