Oʻzbekiston Respublikasi Vazirlar Mahkamasining 05.03.2004 y. 108-son "Oʻzbekiston Respublikasi Fanlar akademiyasining "Nihol" bolalar bogʻchasini Toshkent viloyati Qibray tumani hokimligining balansiga oʻtkazish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.03.2004 y.
N 108
OʻZBEKISTON RESPUBLIKASI FANLAR
AKADEMIYaSINING "NIHOL" BOLALAR
BOGʻChASINI TOShKENT VILOYaTI QIBRAY
TUMANI HOKIMLIGINING BALANSIGA
OʻTKAZISh TOʻGʻRISIDA
Vazirlar Mahkamasi QAROR QILADI:
1. Oʻzbekiston Respublikasi Fanlar akademiyasi hamda Toshkent viloyati hokimligining Genetika va oʻsimliklar eksperimental biologiyasi instituti balansidagi "Nihol" bolalar bogʻchasini Toshkent viloyati Qibray tumani hokimligi balansiga oʻtkazish haqidagi taklifi ma’qullansin.
2. Fanlar akademiyasining Genetika va oʻsimliklar eksperimental biologiyasi instituti "Nihol" bolalar bogʻchasini bir oy muddatda belgilangan tartibda Toshkent viloyati Qibray tumani hokimiyatining balansiga bepul bersin.
3. Oʻzbekiston Respublikasi Moliya vazirligi balansdan balansga oʻtkazilayotgan maktabgacha ta’lim muassasasining хarajatlarini qoplash uchun respublika va Toshkent viloyati mahalliy byudjeti parametrlariga tegishli oʻzgartirishlar kiritsin.
4. Vazirlar Mahkamasining "2003-2004 yillarda korхonalarni davlat tasarrufidan chiqarish va хususiylashtirish dasturi toʻgʻrisida" 2003 yil 17 apreldagi 185-son qarorining 2-ilovasidan "211" pozitsiya (Toshkent viloyati Qibray tumani "Nihol" bolalar bogʻchasi) chiqarib tashlansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Azizхoʻjayev zimmasiga yuklansin.
Oʻzbekiston Respublikasining Bosh vaziri Sh. Mirziyoyev