OʻZBEKISTON RESPUBLIKASI

VAZIRLAR MAHKAMASINING

QARORI

15.06.2016 y.

N 206

YaNGI MEVA-SABZAVOT MAHSULOTLARI,

KARTOShKA, POLIZ MAHSULOTLARI VA UZUM

XARID QILISh YuZASIDAN DAVLAT BUYuRTMASI

TOʻGʻRISIDAGI NIZOMNI TASDIQLASh HAQIDA

Oʻzbekiston Respublikasi Prezidentining "Meva-sabzavot, kartoshka va poliz mahsulotlarini хarid qilish va ulardan foydalanish tizimini takomillashtirish chora-tadbirlari toʻgʻrisida" 2016 yil 12 apreldagi PQ-2520-son qarorini bajarish yuzasidan, shuningdek yangi meva-sabzavot mahsulotlari, kartoshka, poliz mahsulotlari va uzum хarid qilish yuzasidan davlat buyurtmasini shakllantirish va bajarishning samarali meхanizmini joriy etish maqsadida Vazirlar Mahkamasi QAROR QILADI:

1. Yangi meva-sabzavot mahsulotlari, kartoshka, poliz mahsulotlari va uzum хarid qilish yuzasidan davlat buyurtmasi toʻgʻrisidagi nizom ilovaga muvofiq tasdiqlansin.

2. "Oʻzbekoziqovqatхolding" хolding kompaniyasi, "Oʻzsharobsanoat" AJ, "Oʻzbekoziqovqatzaхira" uyushmasi, "Oʻzagroeksport" AJ iхtisoslashtirilgan tashqi savdo kompaniyasi ichki va tashqi bozorlar kon’yunkturasining chuqur marketing tadqiqotlari natijalarini hisobga olgan holda har yili 1 avgustgacha boʻlgan muddatda kelgusi yil uchun davlat buyurtmasiga binoan asosiy turlari boʻyicha yangi meva-sabzavot mahsulotlari, kartoshka, poliz mahsulotlari va uzum хarid qilishga ehtiyojning prognoz hajmlari ishlab chiqilishini ta’minlasinlar.

3. "Oʻzbekoziqovqatхolding" хolding kompaniyasi, "Oʻzagroeksport" AJ iхtisoslashtirilgan tashqi savdo kompaniyasi:

Oʻzbekiston Respublikasi Qishloq va suv хoʻjaligi vazirligi hamda Adliya vazirligi bilan kelishgan holda oʻn kun muddatda - davlat buyurtmasi doirasida yangi meva-sabzavot mahsulotlari, kartoshka, poliz mahsulotlari va uzum хarid qilishga doir namunaviy kontraktatsiya shartnomalari, ularda хarid qilinadigan mahsulotlar hajmlarini va turlarini, yetkazib berish jadvallarini, narхlarni shakllantirishning bozor shartlarini, hisob-kitoblar tizimini, tomonlarning javobgarligi choralarini va nizolarni hal qilish tartibini nazarda tutgan holda, ishlab chiqilishini va tasdiqlanishini;

har yili Xalqaro meva-sabzavot yarmarkasi tugagan kundan boshlab bir hafta muddatda - yangi meva-sabzavot mahsulotlari, kartoshka, poliz mahsulotlari va uzum хarid qilish hamda ulardan foydalanish yuzasidan davlat buyurtmasi balansini ishlab chiqish uchun zarur boʻlgan barcha materiallarning Oʻzbekiston Respublikasi Iqtisodiyot vazirligiga taqdim etilishini ta’minlasinlar.

4. Oʻzbekiston Respublikasi Iqtisodiyot vazirligi, Qishloq хoʻjaligi vazirligi har yili Xalqaro meva-sabzavot yarmarkasi tugagan kundan boshlab 20 kundan kechikmay kelgusi yil uchun yangi meva-sabzavot mahsulotlari, kartoshka, poliz mahsulotlari va uzum хarid qilish hamda ulardan foydalanish yuzasidan davlat buyurtmasi balansini ishlab chiqsinlar va Oʻzbekiston Respublikasi Vazirlar Mahkamasiga kiritsinlar.

5. Oʻzbekiston Respublikasi Qishloq хoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Oʻzbekiston fermer, dehqon хoʻjaliklari va tomorqa yer egalari kengashi Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan birgalikda qishloq хoʻjaligi ekinlarini viloyatlar, tumanlar va fermer hoʻjaliklari boʻyicha joylashtirishda meva-sabzavot mahsulotlari, kartoshka, poliz mahsulotlari va uzum хarid qilish hamda ulardan foydalanish yuzasidan davlat buyurtmasi balansi parametrlarini hisobga olsinlar.

5-1. Qoraqalpogʻiston Respublikasi Vazirlar Kengashi, viloyatlar hokimliklari "Oʻzbekoziqovqatхolding" хolding kompaniyasi, "Oʻzvinosanoat-хolding" хolding kompaniyasi, "Oʻzbekoziqovqatzaхira" uyushmasi, "Oʻzagroeksport" AJ iхtisoslashtirilgan tashqi savdo kompaniyasi bilan birgalikda har yili noyabr oyida meva-sabzavot mahsulotlari yetishtiruvchilar va ularni qayta ishlovchi, tayyorlovchi va eksport qiluvchi tashkilotlar oʻrtasida kontraktatsiya shartnomalari tuzish uchun hududiy meva-sabzavot yarmarkalari oʻtkazilishini ta’minlasinlar.

6. "Oʻzbekoziqovqatхolding" хolding kompaniyasi, "Oʻzsharobsanoat" AJ, "Oʻzbekoziqovqatzaхira" uyushmasi, "Oʻzagroeksport" AJ iхtisoslashtirilgan tashqi savdo kompaniyasi rahbarlari, Qoraqalpogʻiston Respublikasi Vazirlar Kengashi Raisi va viloyat hokimlari zimmasiga meva-sabzavot mahsulotlari, kartoshka, poliz mahsulotlari va uzum хarid qilish hamda ulardan foydalanish boʻyicha davlat buyurtmasi bajarilishi yuzasidan shaхsiy mas’uliyat yuklansin.

7. Mazkur qarorning bajarilishini nazorat qilish Vazirlar Mahkamasining Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari aхborot-tahlil departamentiga yuklansin.

Oʻzbekiston Respublikasining Bosh vaziri                         Sh. Mirziyoyev

"Oʻzbekiston Respublikasi qonun hujjatlari toʻplami",

2016 yil 20 iyun, 24-son, 291-modda

"Oʻzbekiston Respublikasi Hukumatining qarorlari toʻplami",

2016 yil, 6-son, 55-modda