OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

23.08.2016 y.

N 2821

QARORI

Maktabgacha ta’lim tashkilotlari

va maktab-internatlardagi bolalar ta’minotiga

haq toʻlash tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2007 yil 12 dekabrdagi PQ-744-son "Oʻzbekiston Respublikasining 2008 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida"gi, 2015 yil 22 dekabrdagi PQ-2455-son "Oʻzbekiston Respublikasining 2016 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida"gi qarorlariga muvofiq Oʻzbekiston Respublikasi Xalq ta’limi vazirligi va Moliya vazirligi QAROR QILADI:

1. Maktabgacha ta’lim tashkilotlari va maktab-internatlardagi bolalar ta’minotiga haq toʻlash tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Xalq ta’limi vazirligi va Moliya vazirligining 2008 yil 21 yanvardagi 2 va 4-sonli "Maktabgacha tarbiya bolalar muassasalari va maktab-internatlardagi bolalar ta’minotiga haq toʻlash tartibi toʻgʻrisidagi nizomni tasdiqlash haqida"gi qarori (roʻyхat raqami 1768, 2008 yil 13 fevral) (Oʻzbekiston Respublikasi qonun hujjatlari toʻplami, 2008 y., 6-7-son, 34-modda) oʻz kuchini yoʻqotgan deb hisoblansin.

3. Mazkur qaror rasmiy e’lon qilingan kundan e’tiboran kuchga kiradi.

"Oʻzbekiston Respublikasi qonun hujjatlari toʻplami",

2016 yil 29 avgust, 34-son, 406-modda