Mudofaa vazirining 29.07.2016 y. 670-son "Oʻzbekiston Respublikasi Mudofaa vazirligining oliy harbiy ta’lim muassasalariga oʻqishga qabul qilish tartibi toʻgʻrisidagi nizomning 50-bandiga oʻzgartirish kiritish haqida"gi Buyrugʻi (AV tomonidan 02.08.2016 y. 2658-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
02.08.2016 y.
N 2658-1
OʻZBEKISTON RESPUBLIKASI
MUDOFAA VAZIRINING
29.07.2016 y.
N 670
BUYRUGʻI
Oʻzbekiston Respublikasi Mudofaa vazirligining
oliy harbiy ta’lim muassasalariga oʻqishga qabul
qilish tartibi toʻgʻrisidagi nizomning 50-bandiga
oʻzgartirish kiritish haqida
Oʻzbekiston Respublikasi Vazirlar Mahkamasining 2016 yil 16 iyundagi 209-son "Oliy ta’lim muassasalariga kirish test sinovlariga tayyorgarlik jarayoni optimallashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida"gi qaroriga muvofiq BUYuRAMAN:
1. Oʻzbekiston Respublikasi mudofaa vazirining 2015 yil 2 fevraldagi 72-son buyrugʻi (roʻyхat raqami 2658, 2015 yil 5 mart) (Oʻzbekiston Respublikasi qonun hujjatlari toʻplami, 2015 y., 9-son, 106-modda) bilan tasdiqlangan Oʻzbekiston Respublikasi Mudofaa vazirligining oliy harbiy ta’lim muassasalariga oʻqishga qabul qilish tartibi toʻgʻrisidagi nizomning 50-bandidagi "15 iyulda" degan soʻzlar "10 iyulda" degan soʻzlar bilan almashtirilsin.
2. Mazkur buyruq 2017 yil 1 yanvardan kuchga kiradi.
Vazir Q. Berdiyev
"Oʻzbekiston Respublikasi qonun hujjatlari toʻplami",
2016 yil 8 avgust, 31-son, 382-modda