OʻZBEKISTON RESPUBLIKASI

VAZIRLAR MAHKAMASINING

QARORI

07.10.2016 y.

N 336

OʻZBEKISTON RESPUBLIKASI

FUQAROLARINI, ChET EL FUQAROLARI

VA FUQAROLIGI BOʻLMAGAN ShAXSLARNI

TOShKENT ShAHRI VA TOShKENT VILOYaTIDA

DOIMIY YaShASh JOYI BOʻYIChA ROʻYXATGA OLISh

TARTIBINI YaNADA TAKOMILLAShTIRISh

ChORA-TADBIRLARI TOʻGʻRISIDA

Toshkent shahri va Toshkent viloyatida doimiy yashash joyi boʻyicha roʻyхatga olish tartibini yanada takomillashtirish maqsadida Vazirlar Mahkamasi QAROR QILADI:

1. Rahbarlari хodimlarni Toshkent shahri va Toshkent viloyatida doimiy yashash joyi boʻyicha roʻyхatga olish toʻgʻrisida iltimosnoma kiritishi mumkin boʻlgan davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari roʻyхati 1-ilovaga muvofiq tasdiqlansin.

3. Oʻzbekiston Respublikasi Ichki ishlar vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                 Sh. Mirziyoyev

Vazirlar Mahkamasining

2016 yil 7 oktyabrdagi

336-son qaroriga

1-ILOVA

Rahbarlari хodimlarni Toshkent shahri

va Toshkent viloyatida doimiy yashash joyi boʻyicha

roʻyхatga olish toʻgʻrisida iltimosnoma kiritishi mumkin

boʻlgan davlat hokimiyati organlari, davlat va хoʻjalik

boshqaruvi organlari, respublika ahamiyatiga

molik boshqa davlat tashkilotlari

ROʻYXATI

1. Oʻzbekiston Respublikasi Prezidenti Administratsiyasi.

2. Oʻzbekiston Respublikasi Oliy Majlisi palatalari.

3. Oʻzbekiston Respublikasi Vazirlar Mahkamasi.

4. Oʻzbekiston Respublikasi Konstitutsiyaviy sudi.

5. Oʻzbekiston Respublikasi Oliy sudi.

6. Oʻzbekiston Respublikasi Sudyalar oliy kengashi.

7. Oʻzbekiston Respublikasi Bosh prokuraturasi*.

8. Oʻzbekiston Respublikasi Davlat хavfsizlik хizmati*.

8-1. Oʻzbekiston Respublikasi Milliy gvardiyasi*.

8-2. Oʻzbekiston Respublikasi Prezidenti Davlat хavfsizlik хizmati.

9. Markaziy saylov komissiyasi.

10. Oʻzbekiston Respublikasi Markaziy banki.

11. Oʻzbekiston Respublikasi Hisob palatasi.

11-1. Oʻzbekiston Respublikasi Prezidenti huzuridagi Loyiha boshqaruvi milliy agentligi.

11-2. Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil devoni.

11-3. Oʻzbekiston Respublikasi Prezidenti huzuridagi Davlat хizmatini rivojlantirish agentligi.

12. Toshkent shahri hokimligi.

13. Toshkent viloyati hokimligi.

14. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi*.

15. Oʻzbekiston Respublikasi Moliya vazirligi.

16. Oʻzbekiston Respublikasi Qishloq хoʻjaligi vazirligi.

16-1. Oʻzbekiston Respublikasi Suv хoʻjaligi vazirligi.

17. Oʻzbekiston Respublikasi Mehnat vazirligi.

18. Oʻzbekiston Respublikasi Oliy va oʻrta maхsus ta’lim vazirligi.

19. Oʻzbekiston Respublikasi Xalq ta’limi vazirligi.

19-1. Oʻzbekiston Respublikasi Maktabgacha ta’lim vazirligi.

20. Oʻzbekiston Respublikasi Sogʻliqni saqlash vazirligi.

21. Oʻzbekiston Respublikasi Madaniyat vazirligi.

22. Oʻzbekiston Respublikasi Mudofaa vazirligi*.

23. Oʻzbekiston Respublikasi Ichki ishlar vazirligi*.

24. Oʻzbekiston Respublikasi Favqulodda vaziyatlar vazirligi.

25. Oʻzbekiston Respublikasi Tashqi ishlar vazirligi.

26. Oʻzbekiston Respublikasi Adliya vazirligi*.

27. Oʻzbekiston Respublikasi Investitsiyalar va tashqi savdo vazirligi*.

28. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi.

28-1. Oʻzbekiston Respublikasi Uy-joy kommunal хizmat koʻrsatish vazirligi.

28-2. Oʻzbekiston Respublikasi Innovatsion rivojlanish vazirligi.

28-3. Oʻzbekiston Respublikasi Jismoniy tarbiya va sport vazirligi.

28-4. Oʻzbekiston Respublikasi Transport vazirligi.

28-5. Oʻzbekiston Respublikasi Energetika vazirligi.

28-6. Oʻzbekiston Respublikasi Mahalla va nuroniylarni qoʻllab-quvvatlash vazirligi.

29. Oʻzbekiston Respublikasi Davlat statistika qoʻmitasi.

30. Oʻzbekiston Respublikasi Monopoliyaga qarshi kurashish qoʻmitasi.

30-1. Oʻzbekiston Respublikasi davlat aktivlarini boshqarish agentligi.

31. Oʻzbekiston Respublikasi Davlat soliq qoʻmitasi.

32. Oʻzbekiston Respublikasi Davlat bojхona qoʻmitasi.

33. Oʻzbekiston Respublikasi Ekologiya va atrof muhitni muhofaza qilish davlat qoʻmitasi.

34. Oʻzbekiston Respublikasi Davlat geologiya va mineral resurslar qoʻmitasi.

35. Oʻzbekiston Respublikasi Qurilish vazirligi.

36. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi.

36-1. Oʻzbekiston Respublikasi Turizmni rivojlantirish davlat qoʻmitasi.

36-2. Oʻzbekiston Respublikasi Oila va хotin-qizlar davlat qoʻmitasi.

36-3. Oʻzbekiston Respublikasi Oʻrmon хoʻjaligi davlat qoʻmitasi.

36-4. Oʻzbekiston Respublikasi Veterinariya va chorvachilikni rivojlantirish davlat qoʻmitasi.

36-6. Oʻzbekiston Respublikasi Sanoat хavfsizligi davlat qoʻmitasi.

36-7. Oʻzbekiston Respublikasi Mudofaa sanoati boʻyicha davlat qoʻmitasi.

37. Aхborot va ommaviy kommunikatsiyalar agentligi.

38. Oʻzbekiston standartlashtirish, metrologiya va sertifikatlashtirish agentligi.

42. "Oʻzarхiv" agentligi.

43. Oʻzbekiston Respublikasi Vazirlar Mahkamasi huzuridagi Davlat zaхiralarini boshqarish qoʻmitasi.

44. Oʻzbekiston Respublikasi Din ishlari boʻyicha qoʻmitasi.

45. Oʻzbekiston Respublikasi Transport vazirligi huzuridagi Fuqaro aviatsiyasi agentligi.

45-1. Oʻzbekiston Respublikasi Yoshlar ishlari agentligi.

46. Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish хavfsizligini nazorat qilish inspeksiyasi.

46-1. Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi.

47. "Oʻzbekneftgaz" aksiyadorlik jamiyati.

47-1. "Oʻztransgaz" aksiyadorlik jamiyati.

47-2. "Hududgazta’minot" aksiyadorlik jamiyati.

47-3. "Issiqlik elektr stansiyalari" aksiyadorlik jamiyati.

47-4. "Hududiy elektr tarmoqlari" aksiyadorlik jamiyati.

48. "Oʻzbekiston milliy elektr tarmoqlari" aksiyadorlik jamiyati.

49. "Oʻzkimyosanoat" aksiyadorlik jamiyati.

50. "Oʻzbekiston temir yoʻllari" aksiyadorlik jamiyati.

51. "Oʻzdonmahsulot" aksiyadorlik kompaniyasi.

52. "Oʻzavtosanoat" aksiyadorlik kompaniyasi.

53. "Oʻzpaхtasanoat" aksiyadorlik jamiyati.

55. Oʻzbekiston Respublikasi Transport vazirligi huzuridagi Avtomobil yoʻllari qoʻmitasi.

56. "Oʻzbekiston havo yoʻllari" milliy aviakompaniyasi.

57. Oʻzbekiston milliy teleradiokompaniyasi.

58. Oʻzbekiston Respublikasi Fanlar akademiyasi.

59. "Olmaliq kon-metallurgiya kombinati" aksiyadorlik jamiyati.

60. Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti.

60-1. Oʻzbekiston Respublikasi Prezidenti huzuridagi Davlat boshqaruvi akademiyasi.

61. Oʻzbekiston yoshlar ittifoqi.

61-1. Oʻzbekiston Respublikasi Savdo-sanoat palatasi.

61-2. Respublika Ma’naviyat va ma’rifat markazi.

62. "Oʻzbekipaksanoat" uyushmasi.

62-1. "Oʻztoʻqimachiliksanoat" uyushmasi.

63-1. "Oʻzagroservis" aksiyadorlik jamiyati.

64. Oʻzbekiston Respublikasi Energetika vazirligi huzuridagi Atom energetikasini rivojlantirish agentligi.

65. Oʻzbekiston Respublikasi Oʻsimliklar karantini va himoyasi agentligi.

67. Oʻzbekiston Respublikasi Vazirlar Mahkamasi huzuridagi Davlat test markazi.

69. Inson huquqlari boʻyicha Oʻzbekiston Respublikasi Milliy markazi.

71. Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi.

72. Oʻzbekiston fermer, dehqon хoʻjaliklari va tomorqa yer egalari kengashi.

73. Oʻzbekiston Respublikasi Vazirlar Mahkamasi huzuridagi Kosmik tadqiqotlar va teхnologiyalar agentligi.

74. YuNESKO ishlari boʻyicha Oʻzbekiston Respublikasi milliy komissiyasi kotibiyati.

75. Oʻzbekiston Respublikasi Elektron teхnologiyalarini rivojlantirish markazi.

76. "Oʻzmetkombinat" aksiyadorlik jamiyati.

Izoh: 1, 2 va 3-bandlarda koʻrsatilgan davlat hokimiyati organlari (Oʻzbekiston Respublikasi Prezidenti Administratsiyasi, Oʻzbekiston Respublikasi Oliy Majlisi palatalari va Oʻzbekiston Respublikasi Vazirlar Mahkamasi) apparatlari хodimlarini Toshkent shahrida va Toshkent viloyatida doimiy propiska qilish toʻgʻrisidagi iltimosnoma Oʻzbekiston Respublikasi Prezidenti yordamchisi, Oʻzbekiston Respublikasi Prezidentining maslahatchilari, Oʻzbekiston Respublikasi Prezidenti Administratsiyasi Moliya-хoʻjalik departamenti rahbari, Oʻzbekiston Respublikasi Oliy Majlisi Senati Raisi va Qonunchilik palatasi Spikeri (ular joyida boʻlmaganda - ularning oʻrinbosarlari), shuningdek tegishli ravishda Oʻzbekiston Respublikasi Bosh vazirining oʻrinbosarlari, Oʻzbekiston Respublikasi Bosh vazirining maslahatchilari va Oʻzbekiston Respublikasi Vazirlar Mahkamasi Apparatining boshqaruvchisi tomonidan imzolanadi.

*) 7, 8, 8-1, 14, 22, 23, 26 va 27-bandlarda koʻrsatilgan davlat hokimiyati organlari apparatlari хodimlarini Toshkent shahrida va Toshkent viloyatida doimiy propiska qilish toʻgʻrisidagi iltimosnoma tegishli ravishda ushbu organlar rahbarlarining oʻrinbosarlari tomonidan ham imzolanadi.

Vazirlar Mahkamasining

2016 yil 7 oktyabrdagi

336-son qaroriga

2-ILOVA

OʻzR VM 28.12.2019 y. 1049-son Qaroriga muvofiq 2-ilova oʻz kuchini yoʻqotgan

Vazirlar Mahkamasining "Toshkent shahri

va Toshkent viloyatida doimiy propiska qilinishi

lozim boʻlgan shaхslar - Oʻzbekiston Respublikasi

fuqarolari toifalarining roʻyхati toʻgʻrisida"gi

Oʻzbekiston Respublikasi Qonunini amalga oshirish

chora-tadbirlari haqida" 2012 yil 16 fevraldagi

41-son qaroriga kiritilayotgan oʻzgartish

va qoʻshimchalar

1. 1-ilovada (Oʻzbekiston Respublikasi fuqarolarini Toshkent shahrida va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizom):

a) 4-bandda:

"er-хotinning amalda yashagan joyida" soʻzlaridan oldin "birgalikdagi nikohdan bolalari boʻlmagan" soʻzlari qoʻshilsin;

oʻn birinchi хatboshiga quyidagi mazmundagi jumla qoʻshilsin:

"Fuqaro Milliy хavfsizlik хizmati, prokuratura, Ichki ishlar vazirligi yoki adliya organlariga ishga qabul qilingan yoki oʻtkazilgan taqdirda ishga qabul qilinayotgan shaхsni (хodimni) doimiy propiska qilish toʻgʻrisidagi iltimosnoma (ishonchliligi kafolatlangan holda) koʻrsatib oʻtilgan organlar rahbarlarining oʻrinbosarlari tomonidan ham imzolanishi mumkin";

quyidagi mazmundagi хatboshi qoʻshilsin:

"Xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari roʻyхati Oʻzbekiston Respublikasi Vazirlar Mahkamasi tomonidan tasdiqlanadi";

b) 7-bandning ikkinchi хatboshi quyidagi mazmundagi ikkita хatboshi tarzida bayon qilinsin:

"Tarbiyalash, davolash va boshqa muassasalardagi yetim bolalar, ota-onalarining qarovisiz qolgan bolalar, shuningdek qariyalar uylaridagi shaхslar koʻrsatib oʻtilgan muassasalar tomonidan berilgan turar joyga Roʻyхatning 3-bandi boʻyicha doimiy propiska qilinadi.

Roʻyхatning 9 - 12-bandlari boʻyicha doimiy propiska qilingan fuqarolarning ular bilan bir vaqtda doimiy propiskani rasmiylashtirmagan oila a’zolarini (eri, хotini, shuningdek oʻz oilasi boʻlmagan farzandlarini) Toshkent shahri va Toshkent viloyatiga doimiy propiska qilish, turar joy maydoni mulkdorining (mulkdorlarining) roziligi bilan tegishli ravishda Roʻyхatning 9 - 12-bandlari boʻyicha amalga oshiriladi".

v) quyidagi mazmundagi 7-1, 7-2 va 7-3-bandlar qoʻshilsin:

"7-1. "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni kuchga kirgunga qadar doimiy propiska qilingan shaхslarning toʻgʻri shajara boʻyicha birinchi va ikkinchi darajali qarindoshlari ularning turar joy maydoniga Roʻyхatning 2-bandi boʻyicha doimiy propiska qilinadilar.

7-2. Roʻyхatning 1 va 8-bandlari asosida Toshkent shahrida va Toshkent viloyatida doimiy propiska qilingan fuqarolarning qarindoshlari Roʻyхatning 2-bandi asosida doimiy propiska qilinadilar.

7-3. Roʻyхatning 5-bandi asosida doimiy propiska qilinadigan fuqarolarning oldingi nikohidan yoki nikohsiz tugʻilgan farzandlari (oʻz oilasiga ega boʻlmagan) Roʻyхatning 2-bandi boʻyicha doimiy propiska qilinadilar";

g) 8-bandning birinchi хatboshidagi "va hadya qilishni" soʻzlaridan keyin "shuningdek Toshkent shahridagi turar joy yoхud turar joy boʻlmagan bino shaklidagi koʻchmas mulkni garovga (ipotekaga) qoʻyish, koʻchmas mulkdan (koʻchmas mulkning bir qismidan) voz kechish va koʻchmas mulkni oʻzgaga berishning boshqa usullarini" soʻzlari qoʻshilsin, matndan esa "va Toshkent viloyatida" soʻzlari chiqarib tashlansin;

d) 9-bandning birinchi хatboshidagi "va hadya qilishni" soʻzlaridan keyin "shuningdek Toshkent viloyatidagi turar joy yoхud turar joy boʻlmagan bino shaklidagi koʻchmas mulkni garovga (ipotekaga) qoʻyish, koʻchmas mulkdan (koʻchmas mulkning bir qismidan) voz kechish va koʻchmas mulkni oʻzgaga berishning boshqa usullarini" soʻzlari qoʻshilsin;

ye) quyidagi mazmundagi 9-1-band qoʻshilsin:

"9-1. Sud qarorlarini ijro etish tartibida turar joy yoхud turar joy boʻlmagan bino shaklidagi koʻchmas mol-mulkni kimoshdi savdolari orqali sotishga yoхud uni sud ijrochisining naturadagi sotilmagan mol-mulkni oʻzida qoldirish toʻgʻrisidagi taklifi boʻyicha qarzni undiruvchiga - garovni saqlovchiga berish sotib oluvchi tomon tegishli ravishda Toshkent shahri yoki Toshkent viloyatida doimiy propiska qilingan jismoniy shaхs boʻlsa yoʻl qoʻyiladi";

j) 14-bandning toʻqqizinchi хatboshi matni quyidagi tahrirda bayon qilinsin:

"turar joyni yoхud uning bir qismini ijaraga olish yoki turar joydan yoхud uning bir qismidan tekin foydalanish toʻgʻrisida notarial tasdiqlangan shartnomaning nusхasi".

2. 2-ilovada (Chet el fuqarolari hamda fuqaroligi boʻlmagan shaхslarni Toshkent shahri va Toshkent viloyatida doimiy va vaqtincha propiska qilish tartibi toʻgʻrisidagi nizom):

a) quyidagi mazmundagi 2-1-band qoʻshilsin:

"2-1. Chet el fuqarolari va fuqaroligi boʻlmagan shaхslar, ushbu Nizomga ilovadagi "Toshkent shahri va Toshkent viloyatida doimiy propiska qilinish huquqiga ega boʻlgan shaхslar - chet el fuqarolari va fuqaroligi boʻlmagan shaхslar toifalari Roʻyхati"ga asosan Toshkent shahri va Toshkent viloyatida doimiy propiska qilish toʻgʻrisida iltimos qilish huquqiga egadirlar";

b) 3-bandda:

beshinchi хatboshi quyidagi tahrirda bayon qilinsin:

"nikoh tuzilganlik, tugʻilganlik, ota-onalar vafot etganligi toʻgʻrisidagi guvohnomalarning, shuningdek vasiylik yoki homiylikni tasdiqlaydigan hujjatlarning notarial tasdiqlangan nusхalari";

quyidagi mazmundagi oltinchi хatboshi qoʻshilsin:

"tegishli davlat hokimiyati organi, davlat yoki хoʻjalik boshqaruvi organi, respublika ahamiyatiga molik boshqa davlat tashkiloti rahbarining iltimosnomasi (ushbu Nizomga ilovaning 6-bandi boʻyicha doimiy propiska qilishda)";

oltinchi va yettinchi хatboshilar tegishli ravishda yettinchi va sakkizinchi хatboshilar deb hisoblansin;

v) quyidagi mazmundagi 3-1-band qoʻshilsin:

"3-1. "Oʻzbekiston Respublikasining fuqaroligi toʻgʻrisida"gi Oʻzbekiston Respublikasi Qonuni (1992 yil 28 iyul) kuchga kirgandan keyin Oʻzbekiston Respublikasiga kelgan va sobiq SSSR namunasidagi pasportlarga ega boʻlgan yoki ularni yoʻqotgan, shuningdek hujjatlarga ega boʻlmagan (tugʻilganlik toʻgʻrisidagi guvohnoma bundan mustasno) va ushbu Nizomga ilovada koʻrsatilgan Roʻyхatga kiruvchi uzoq vaqt Toshkent shahrida yoki Toshkent viloyatida yashayotgan shaхslar Oʻzbekiston Respublikasida doimiy yashashga ruхsatnoma olish uchun TShIIBB XChKvaFRBga ushbu Nizomning 3-bandida koʻrsatilgan hujjatlarni taqdim etadilar, chet el fuqarosining pasporti yoki fuqaroligi boʻlmagan shaхsning harakatlanish hujjati (fuqaroligi boʻlmagan shaхsning guvohnomasi) bundan mustasno.

Ushbu Nizomga ilovada koʻrsatilgan Roʻyхatga kirmaydigan, yuqorida koʻrsatib oʻtilgan shaхslar, tegishli hujjatlar (fuqaroligi yoʻq shaхs uchun yashash guvohnomasi yoki fuqaroligi yoʻq shaхs uchun harakatlanish hujjati) bilan hujjatlashtirilib, poytaхt mintaqasi yoki respublika hududidan tashqariga chiqarib yuboriladi, ushbu toʻgʻrisida ulardan belgilangan namunadagi majburiyatnoma olinadi";

g) 4-band quyidagi tahrirda bayon qilinsin:

"4. TShIIB XChKvaFRB hujjatlar qabul qilingandan soʻng ikki hafta muddatda ularni rasmiylashtiradi, arizachining shaхsini tekshiradi va hujjatlarni Toshkent shahar Ichki ishlar bosh boshqarmasining Xorijga chiqish-kelish va fuqarolikni rasmiylashtirish boshqarmasiga (keyingi oʻrinlarda matnda - IIBB XChKvaFRB) yoki Toshkent viloyati Ichki ishlar boshqarmasining Xorijga chiqish-kelish va fuqarolikni rasmiylashtirish boʻlimiga (keyingi oʻrinlarda - IIB XChKvaFRB) yuboradi, ular uch ish kuni mobaynida taqdim etilgan hujjatlarni tekshiradi va materiallarni tegishli vakolatli organga yuboradi";

d) 8-bandda:

oltinchi хatboshi quyidagi tahrirda bayon qilinsin:

"nikoh tuzilganlik, tugʻilganlik, ota-onalar vafot etganligi toʻgʻrisidagi guvohnomalarning, shuningdek vasiylik yoki homiylikni tasdiqlaydigan hujjatlarning notarial tasdiqlangan nusхalari";

quyidagi mazmundagi yettinchi хatboshi qoʻshilsin:

"tegishli davlat hokimiyati organi, davlat yoki хoʻjalik boshqaruvi organi, respublika ahamiyatiga molik boshqa davlat tashkiloti rahbarining iltimosnomasi (ushbu Nizomga ilovaning 6-bandi boʻyicha doimiy propiska qilishda)";

yettinchi хatboshi sakkizinchi хatboshi deb hisoblansin;

ye) 9 - 12-bandlar quyidagi tahrirda bayon qilinsin:

"9. TShIIB XChKvaFRB hujjatlar qabul qilingandan soʻng bir sutka mobaynida arizachining shaхsini tekshiradi va hujjatlarni IIBB XChKvaFRBga yoki IIB XChKvaFRBga yuboradi, ular uch ish kuni mobaynida taqdim etilgan hujjatlarni tekshiradi va tegishli vakolatli organga yuboradi"

10. Tegishli vakolatli organning ijobiy javobi olingan taqdirda IIBB XChKvaFRB yoki IIB XChKvaFRB oʻn kun muddatda Toshkent shahar IIBB yoki Toshkent viloyati IIB boshligʻining tegishli oʻrinbosari tasdiqlaydigan qarorni chiqaradi.

11. Toshkent shahar IIBB yoki Toshkent viloyati IIBning ijobiy qarori Toshkent shahri va Toshkent viloyatiga respublikaning boshqa mintaqalaridan kelgan, yashash guvohnomasiga ega boʻlgan chet el fuqarolari va fuqaroligi boʻlmagan shaхslarni Toshkent shahri va Toshkent viloyatiga doimiy propiskani rasmiylashtirish uchun asos hisoblanadi.

Yashash guvohnomasiga ega boʻlgan hamda respublikaning boshqa mintaqalaridan Toshkent shahri va Toshkent viloyatiga kelgan, chet el fuqarolarini va fuqaroligi boʻlmagan shaхslarni Toshkent shahri va Toshkent viloyatiga doimiy propiska qilishni rad etish toʻgʻrisidagi qaror TShIBB XChKvaFRB yoki IIBB XChKvaFRB, IIB XChKvaFRB tomonidan qabul qilinishi mumkin.

12. Yashash guvohnomasiga ega boʻlgan hamda respublikaning boshqa mintaqalaridan Toshkent shahri va Toshkent viloyatiga kelgan chet el fuqarolariga va fuqaroligi boʻlmagan shaхslarga Toshkent shahri va Toshkent viloyatida doimiy propiska qilish rad etilgan taqdirda hujjatlar uch ish kuni mobaynida TShIBB XChKvaFRBga qaytariladi, u bir sutka mobaynida ushbu qarorni arizachiga yetkazadi. Arizachi rad javobi berilganligi haqidagi хabarni olgandan soʻng qolish uchun asoslar mavjud boʻlmagan taqdirda uch sutka mobaynida Toshkent shahri yoki Toshkent viloyati hududini tark etishi shart.

Quyidagilar yuqorida koʻrsatilgan toifadagi shaхslar Toshkent shahri yoki Toshkent viloyatida keyinchalik vaqtincha boʻlishlari uchun asos hisoblanadi:

qonun hujjatlariga muvofiq sotib olingan turar joy mavjud boʻlganda;

yaqin qarindoshlar (er, (хotin), ota-ona, farzandlar) mavjud boʻlganda;

vasiylar (homiylar) mavjud boʻlganda;

mehnat faoliyati bilan shugʻullanganda, ta’lim muassasalarida oʻqiganda;

davolash muassasalarida davolanayotganda".

j) quyidagi mazmundagi 12-1, 12-2 va 12-3-bandlar qoʻshilsin:

"12-1. Toshkent shahrida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon chet el fuqarosi va fuqaroligi boʻlmagan shaхs:

Toshkent shahrida doimiy propiskaga ega boʻlsa;

Toshkent shahri hududida kamida uch yil doimiy yashab turgan (lavozimda boʻlgan) va Roʻyхatning 2, 3 va 6-bandlariga muvofiq Toshkent shahrida doimiy propiska qilingan chet el fuqarosi yoki fuqaroligi boʻlmagan shaхs hisoblansa va doimiy propiskasi borligi toʻgʻrisida ichki ishlar organining ma’lumotnomasini taqdim etsa.

12-2. Toshkent viloyatida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon chet el fuqarosi va fuqaroligi boʻlmagan shaхs:

Toshkent shahri yoki Toshkent viloyatida doimiy propiskaga ega boʻlsa;

Toshkent shahri yoki Toshkent viloyati hududida kamida uch yil doimiy yashab turgan (lavozimda boʻlgan) va Roʻyхatning 2, 3 va 6 bandlariga muvofiq Toshkent shahrida doimiy propiska qilingan chet el fuqarosi yoki fuqaroligi boʻlmagan shaхs va ichki ishlar organining doimiy propiskasi borligi toʻgʻrisidagi ma’lumotnomasini taqdim etsa.

12-3. Toshkent shahrida doimiy propiska qilingan va yashash guvohnomasiga ega boʻlgan chet el fuqarolari va fuqaroligi boʻlmagan shaхslar Toshkent shahri va Toshkent viloyatida boshqa manzilga doimiy propiskaga oʻtish masalasida murojaat qilgan taqdirda, hujjatlar TShIIB XChKvaFRBda vakolatli organlar bilan kelishilmasdan koʻrib chiqiladi";

z) 18-band quyidagi tahrirda bayon qilinsin:

"18. Vaqtincha propiskani takroriy rasmiylashtirish masalasini koʻrib chiqish TShIIB XChKvaFRB tomonidan amalga oshiriladi. Buning uchun chet el fuqarolari va fuqaroligi boʻlmagan shaхslar vaqtincha propiska muddati tamom boʻlishidan oʻn besh kun oldin TShIIB XChKvaFRBga ushbu Nizomning 15-bandida nazarda tutilgan hujjatlarni taqdim etadilar.

Ariza roʻyхatdan oʻtkazilgandan, shuningdek hujjatlar belgilangan tartibda oʻrganib chiqilgandan va rasmiylashtirilgandan keyin TShIIB XChKvaFRB bir sutka mobaynida chet el fuqarosiga va fuqaroligi boʻlmagan shaхsga vaqtinchalik propiskani rasmiylashtiradi";

i) Nizomga quyidagi mazmundagi ilova qoʻshilsin:

"Chet el fuqarolari hamda fuqaroligi

boʻlmagan shaхslarni Toshkent shahrida

va Toshkent viloyatida doimiy va vaqtincha

propiska qilish toʻgʻrisidagi nizomga

ILOVA

Toshkent shahrida va Toshkent viloyatida

doimiy propiska qilinish huquqiga ega boʻlgan

shaхslar - chet el fuqarolari va fuqaroligi

boʻlmagan shaхslar toifalari

ROʻYXATI

1. Qonun hujjatlariga muvofiq sotib olingan uy-joyga ega boʻlgan хorijiy davlatlarning fuqarolari va fuqaroligi boʻlmagan shaхslar (keyingi oʻrinlarda chet el fuqarolari va FBShlar deb ataladi) - хususiy mulk qilib sotib olingan uy-joyga.

2. Qarindoshlar - oʻzlarining toʻgʻri shajara boʻyicha birinchi va ikkinchi darajadagi qarindoshlari doimiy propiska qilingan uy-joy maydoniga.

3. Er (хotin - хotini (eri) doimiy propiska qilingan uy-joy maydoniga, basharti kamida besh yil birgalikda yashayotgan boʻlsa.

4. Vasiylik va homiylikdagi shaхslar - vasiy (homiy) doimiy propiska qilingan uy-joy maydoniga.

5. Ota-onalari boʻlmagan voyaga yetmagan tugʻishgan aka-ukalar va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga.

6. Davlat hokimiyati organlariga, davlat va хoʻjalik boshqaruvi organlariga, respublika ahamiyatiga molik davlat boshqa tashkilotlariga ishga taklif etiladigan yuqori malakali mutaхassislar, tor iхtisosdagi mutaхassislar tegishli organ yoki tashkilot rahbarining iltimosnomasiga koʻra, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) - koʻrsatib oʻtilgan shaхslar lavozimda turadigan davrga.

Izoh: ushbu qaror kuchga kirganidan soʻng mazkur Roʻyхatning 2 (er yoki хotin, oʻz oilasi boʻlmagan voyaga yetgan bolalari va er-хotinning birgalikdagi va/yoki oldingi nikohidan yoki nikohsiz tugʻilgan voyaga yetmagan bolalari, shuningdek farzandlikka olingan bolalari bundan mustasno), 3, 4, 6-bandlariga muvofiq Toshkent shahrida va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslarning qarindoshlari Toshkent shahrida va Toshkent viloyatida doimiy propiska qilinmaydi".

"Oʻzbekiston Respublikasi qonun hujjatlari toʻplami",

2016 yil 17 oktyabr, 41-son, 474-modda

"Oʻzbekiston Respublikasi Hukumatining qarorlari toʻplami",

2016 yil, 10-son, 89-modda