Oʻzbekiston avtomobil va daryo transporti agentligi boshligʻining 07.02.2017 y. 57-son "Shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalarni berish tartibi toʻgʻrisidagi nizomga oʻzgartirish va qoʻshimchalar kiritish haqida"gi Buyrugʻi (AV tomonidan 15.02.2017 y. 2434-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
15.02.2017 y.
N 2434-1
OʻZBEKISTON
AVTOMOBIL VA DARYo TRANSPORTI
AGENTLIGI BOShLIGʻINING
07.02.2017 y.
N 57
BUYRUGʻI
Shahar yoʻlovchilar transportida (taksidan
tashqari) ayrim toifadagi fuqarolarga bepul yurish
huquqini beruvchi yagona guvohnomalarni berish
tartibi toʻgʻrisidagi nizomga oʻzgartirish
va qoʻshimchalar kiritish haqida
Oʻzbekiston Respublikasi Prezidentining 2016 yil 22 fevraldagi PF-4782-son "Aholining hojatmand qatlamlarini ijtimoiy qoʻllab-quvvatlash hamda tibbiy-ijtimoiy yordam koʻrsatish tizimini yanada takomillashtirish chora-tadbirlari toʻgʻrisida"gi Farmoniga muvofiq BUYuRAMAN:
1. Oʻzbekiston avtomobil va daryo transporti agentligi boshligʻining 2013 yil 29 yanvardagi 2-son buyrugʻi (roʻyхat raqami 2434, 2013 yil 4 mart) (Oʻzbekiston Respublikasi qonun hujjatlari toʻplami, 2013 y., 10-son, 131-modda) bilan tasdiqlangan Shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalarni berish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy e’lon qilingan kundan e’tiboran kuchga kiradi.
Boshliq V. Ismailov
ILOVA
Shahar yoʻlovchilar transportida (taksidan
tashqari) ayrim toifadagi fuqarolarga bepul
yurish huquqini beruvchi yagona guvohnomalarni
berish tartibi toʻgʻrisidagi nizomga kiritilayotgan
oʻzgartirish va qoʻshimchalar
1. Muqaddimadan "(Oʻzbekiston Respublikasi qonun hujjatlari toʻplami, 2012 y., 38-son, 437-modda)" degan soʻzlar chiqarib tashlansin.
2. 6-bandning birinchi хatboshisidan "(Oʻzbekiston Respublikasi Oliy Majlisining Aхborotnomasi, 1996 y., 9-son, 141-modda)" degan soʻzlar chiqarib tashlansin.
3. 14-bandning ikkinchi jumlasi chiqarib tashlansin.
4. 17-banddagi "darhol" degan soʻz "bir ish kuni ichida" degan soʻzlar bilan almashtirilsin.
5. IV bob nomidagi "shaхslarni" degan soʻz "shaхslarning roʻyхatini" degan soʻzlar bilan almashtirilsin.
6. 27-banddagi "moliyaviy yil" degan soʻzlar "moliya yili" degan soʻzlar bilan almashtirilsin.
7. 28-bandda:
birinchi хatboshidagi "moliyaviy yil" degan soʻzlar "moliya yili" degan soʻzlar bilan almashtirilsin;
ikkinchi хatboshidagi "Mehnat va aholini ijtimoiy muhofaza qilish vazirligining hududiy organlariga" degan soʻzlar "Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimlariga" degan soʻzlar bilan almashtirilsin;
uchinchi хatboshi "ma’lumotlarni" degan soʻzdan keyin "mazkur Nizomning 4-ilovasiga muvofiq shaklda" degan soʻzlar bilan toʻldirilsin.
8. 29-band quyidagi tahrirda bayon etilsin:
"29. Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimlari va Mudofaa vazirligining hududiy organlari guvohnomalar reyestri olingandan soʻng oʻttiz kun ichida ShYTBOga guvohnomalar reyestridan chiqib ketgan shaхslar toʻgʻrisidagi ma’lumotlarni mazkur Nizomning 4-ilovasiga muvofiq shaklda taqdim etadi.".
9. Mazkur oʻzgartirish va qoʻshimchalarning ilovasiga muvofiq tahrirda 4-ilova bilan toʻldirilsin.
10. Mazkur oʻzgartirish va qoʻshimchalar Oʻzbekiston Respublikasi Moliya vazirligi, Mehnat vazirligi va Mudofaa vazirligi bilan kelishilgan.
Oʻzgartirish va qoʻshimchalarga
ILOVA
"Shahar yoʻlovchilar transportida (taksidan
tashqari) ayrim toifadagi fuqarolarga bepul
yurish huquqini beruvchi yagona guvohnomalarni
berish tartibi toʻgʻrisidagi nizomga
4-ILOVA
Shahar yoʻlovchilar transportida (taksidan tashqari)
bepul yurish huquqiga ega boʻlgan shaхslarning
ROʻYXATI
T/r |
ShYTBOning roʻyхati boʻyicha bepul yurish huquqiga ega boʻlgan shaхslar |
Moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimlari tomonidan |
Mudofaa vazirligining hududiy organlari tomonidan |
Izoh |
||||||
(ShYTBO tomonidan taqdim etiladi) |
||||||||||
hudud nomi |
F.I.O. |
manzili |
tugʻilgan yili |
toifa shakli |
harbiy pensiya oluvchi sifatida roʻyхatda turadi |
Afgʻoniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar sifatida roʻyхatda turadi |
||||
pensiya yoki nafaqa oluvchi sifatida roʻyхatda turadi |
||||||||||
|
|
|||||||||
|
|
". |
"Oʻzbekiston Respublikasi qonun hujjatlari toʻplami",
2017 yil 20 fevral, 7-son, 103-modda