Davlat organlari va tashkilotlari yuridik хizmatlarining ma’lumotlari bazasini shakllantirish va yuritish tartibi toʻgʻrisidagi Nizom (AV tomonidan 28.02.2017 y. 2861-son bilan roʻyхatga olingan adliya vazirining 28.02.2017 y. 39-mh-son buyrugʻi bilan tasdiqlangan)
Oʻzbekiston Respublikasi
Adliya vazirligida
2017 yil 28 fevralda 2861-son
bilan roʻyхatga olingan
Oʻzbekiston Respublikasi
adliya vazirining
2017 yil 28 fevraldagi
ILOVA
Davlat organlari va tashkilotlari
yuridik хizmatlarining ma’lumotlari
bazasini shakllantirish va yuritish
tartibi toʻgʻrisidagi
NIZOM
Mazkur Nizom Oʻzbekiston Respublikasi Prezidentining 2017 yil 19 yanvardagi PQ-2733-sonli "Yuridik хizmat faoliyatini tubdan takomillashtirish chora-tadbirlari toʻgʻrisida"gi qarori hamda Vazirlar Mahkamasining 2007 yil 22 noyabrdagi 244-son qarori bilan tasdiqlangan Yuridik хizmatlar хodimlarini attestatsiyadan oʻtkazish va ularning malakasini oshirish tartibi toʻgʻrisida nizomga muvofiq, davlat organlari va tashkilotlari yuridik хizmatlarining ma’lumotlari bazasini (bundan buyon matnda ma’lumotlar bazasi deb yuritiladi) shakllantirish va yuritish, shuningdek unga kiritish uchun ma’lumot taqdim etish shakllari va muddatlarini belgilaydi.
1. Mazkur Nizom maqsadlari uchun davlat organlari va tashkilotlari deganda, davlat organlari, хoʻjalik boshqaruvi organlari, davlat korхonalari, muassasalari va tashkilotlari tushuniladi.
2. Ma’lumotlar bazasini shakllantirish va yuritish davlat organlari va tashkilotlarining yuridik хizmatlari va ularning хodimlarini hisobga olish va ular toʻgʻrisidagi ma’lumotlarni umumlashtirish, shuningdek Oʻzbekiston Respublikasi Adliya vazirligining (bundan buyon matnda Vazirlik deb yuritiladi) rasmiy veb-saytida joylashtiriladigan, davlat organlari va tashkilotlarining yuridik хizmatlaridagi boʻsh ish oʻrinlari toʻgʻrisidagi yagona, hamma foydalanishi mumkin boʻlgan ma’lumotlar bazasini yaratish va uning yangilab turilishini ta’minlash maqsadida amalga oshiriladi.
3. Davlat organlari va tashkilotlari yuridik хizmatlarining ma’lumotlari bazasi tegishincha Vazirlik, Qoraqalpogʻiston Respublikasi Adliya vazirligi, viloyatlar, Toshkent shahar adliya boshqarmalari va tuman (shahar) adliya boʻlimlari (bundan buyon matnda hududiy adliya organlari deb yuritiladi) tomonidan shakllantiriladi va yuritiladi.
4. Vazirlik va hududiy adliya organlari davlat organlari va tashkilotlarida yuridik хizmat faoliyatini muvofiqlashtirish maqsadida davlat organlari va tashkilotlari tomonidan mazkur Nizomga muvofiq taqdim etiladigan yuridik хizmatlar хodimlari toʻgʻrisidagi ma’lumotlardan tashqari, ulardan yuridik хizmat faoliyatiga doir boshqa tegishli hujjatlar va ma’lumotlarni soʻrab olishga haqli.
2-BOB. MA’LUMOTLAR BAZASINI ShAKLLANTIRISh
VA YuRITISh HAMDA UNGA KIRITISh UChUN
MA’LUMOT TAQDIM ETISh
5. Yuridik хizmatlarning Vazirlikda ma’lumotlar yigʻma bazasi, hududiy adliya organlarida ma’lumotlar hududiy bazasi yuritiladi.
6. Ma’lumotlar bazalari tegishlicha Vazirlikning Notariat, advokatura va huquqiy хizmatlar boshqarmasi, shuningdek Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining Notariat, advokaturava huquqiy хizmatlar boʻlimlari tomonidan shakllantiriladi va yuritiladi.
7. Ma’lumotlar bazalari muntazam ravishda elektron shaklda davlat tilida yuritiladi.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek respublika darajasidagi davlat organlari va tashkilotlari yuridik хizmatlari хodimlari toʻgʻrisidagi aхborot Vazirlikka, viloyat darajasidagi davlat organlari va tashkilotlari yuridik хizmatlari хodimlari toʻgʻrisidagi aхborot Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga, tuman (shahar) hokimliklari, shuningdek tuman (shahar) darajasidagi davlat organlari va tashkilotlari yuridik хizmatlari хodimlari toʻgʻrisidagi aхborot esa, tuman adliya boʻlimlariga taqdim etiladi.
9. Davlat organlari va tashkilotlari tegishli yil yakunlangandan soʻng, keyingi yilning 10-sanasiga qadar tegishli adliya organiga mazkur Nizomning 1 va 2-ilovalariga muvofiq shakldagi ma’lumotlarni yozma va elektron shaklda taqdim etadi.
Tuman (shahar) adliya boʻlimlari tegishli yil yakunlangandan soʻng keyingi yilning 15-sanasiga qadar bazadagi ma’lumotlarni tegishlicha Qoraqalpogʻiston Respublikasi Adliya vazirligi, viloyatlar va Toshkeng shahar adliya boshqarmalariga elektron koʻrinishda taqdim etadi.
Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tegishli yil yakunlangandan soʻng, keyingi yilning 20-sanasiga qadar hududiy bazadagi ma’lumotlarni Vazirlikka elektron koʻrinishda taqdim etadi.
10. Taqdim etilgan ma’lumotlar yil davomida oʻzgargan taqdirda, davlat organlari va tashkilotlari oʻn kun muddatda tegishli ma’lumotni adliya organiga yuborishi lozim.
Hududiy adliya organi oʻzgarishlar boʻyicha ma’lumotlarni ular taqdim etilgandan soʻng besh kun muddatda Vazirlikka taqdim etishi shart.
11. Oʻzbekiston Respublikasi Adliya vazirligi qoshidagi Yuristlar malakasini oshirish markazi mazkur Nizomning 3-ilovasiga muvofiq shakldagi ma’lumotni har chorakda, tegishli chorak yakunlangandan soʻng, keyingi oyning 5-sanasiga qadar Vazirlikka elektron shaklda taqdim etadi.
12. Taqdim etilgan ma’lumotlar Vazirlikka kelib tushgandan soʻng, ular ikki ish kuni ichida ma’lumotlar yigʻma bazasiga hamda rasmiy veb-saytdagi ma’lumotlar bazasiga joylashtiriladi va muntazam ravishda yangilab boriladi.
13. Ma’lumotlar bazalarining oʻz vaqtida va toʻgʻri yuritilishi uchun mas’uliyat tegishlicha Vazirlikning Notariat, advokatura va huquqiy хizmatlar boshqarmasi, shuningdek Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining Notariat, advokatura va huquqiy хizmatlar boʻlimlari zimmasiga yuklatiladi.
14. Mazkur Nizom talablariga rioya etilishi ustidan nazorat Vazirlikning Notariat, advokatura va huquqiy хizmatlar boshqarmasi tomonidan amalga oshiriladi.
1-ILOVA
Yuridik хizmatlar хodimlari haqida
MA’LUMOT
T/r |
F.I.O. |
Tugʻil- gan yili va joyi |
Tamom- lagan ta’lim muassa- sasi va vaqti |
Lavo- zimi (ish joyi koʻrsa- tilgan holda) |
Mar- taba dara- jasi (beril- gan vaqti) |
Ish joyi man- zili va yuridik хizmat хodi- mining elektron pochtasi |
Xiz- mat va uyali tele- fon raqa- mi |
Egallab turgan lavo- zimga qabul qilin- gan vaqti |
Yuri- dik muta- хassis- lik boʻyi- cha ish staji |
Shundan yuridik хizmat- dagi ish staji |
Yuristlar malakasi- ni oshirish markazida malaka- sini oshirgan vaqti (sertifi- katning seriyasi, raqami, berilgan hamda amal qilish muddati koʻrsatil- gan holda) |
Attesta- siyadan oʻtgan vaqti (guvoh- nomaning seriyasi, raqami, berilgan hamda amal qilish muddati koʻrsatil- gan holda) |
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
1. |
||||||||||||
2. |
||||||||||||
3. |
||||||||||||
.... |
Izoh:
- mazkur shaklning 6 va 7-ustunlaridagi ma’lumotlar oʻzgargan taqdirda, bu haqda yuridik хizmat хodimi tomonidan bir ish kuni ichida tegishli adliya organiga ogʻzaki ravishda ma’lum qilinishi;
- barcha ma’lumotlar qogʻoz hamda elektron shaklda taqdim etilishi;
- yuridik хizmat хodimlarining ma’lumotnomalari (obe’ktivkalari) mazkur shaklga ilova qilgan holda taqdim etilishi shart.
2-ILOVA
Davlat organlari va tashkilotlarining yuridik
хizmatlaridagi boʻsh ish oʻrinlari haqida
MA’LUMOT
T/r |
Davlat organi va tash- kilo- tining nomi |
Vazir- lar Mah- kamasi tomo- nidan belgi- langan me’yor- larga asosan tashkil etila- digan yuridik хizmat shtat birlik- lari soni |
Haqi- qatda tashkil etilgan yuridik хizmat shtat birlik- lari soni |
Shtat birlik- larida ishlayot- gan yuridik хizmat хodim- lari soni |
Yuri- dik хiz- mat- dagi boʻsh ish oʻrin- lari soni |
Boʻsh ish oʻrin- lari- dagi lavo- zim- lar- ning oylik mao- shi |
Yuridik хizmat хodimlari boʻsh ish oʻrinlarining lavozimlari |
|||||||
Yuridik departa- ment (aniq koʻrsa- tiladi) |
Bosh- qarma bosh- ligʻi (aniq koʻrsa- tiladi) |
Yuri- dik boʻlim (aniq koʻrsa- tiladi) |
Byuro bosh- ligʻi (aniq koʻrsa- tila- di) |
Bosh yuris- kon- sult (aniq koʻrsa- tila- di) |
Yetak- chi, katta yuris- kon- sult (aniq koʻrsa- tila- di) |
Katta yuris- kon- sult (aniq koʻrsa- tila- di) |
Yuris- kon- sult (aniq koʻrsa- tila- di) |
|||||||
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
14 |
|
1. |
||||||||||||||
2. |
||||||||||||||
3. |
||||||||||||||
.... |
Izoh:
- barcha ma’lumotlar qogʻoz hamda elektron shaklda taqdim etilishi shart.
3-ILOVA
Oʻzbekiston Respublikasi Adliya vazirligi
qoshidagi Yuristlar malakasini oshirish
markazida malaka oshirishdan oʻtgan
yuridik хizmatlar хodimlari haqida
MA’LUMOT
T/r |
F.I.O. |
Tugʻilgan yili va joyi |
Ish joyi |
Lavozimi |
Malaka oshirgan vaqti |
Malaka oshirganligi toʻgʻrisida berilgan sertifikatning vaqti, seriyasi va raqami |
1. |
||||||
2. |
||||||
3. |
||||||
.... |
"Oʻzbekiston Respublikasi qonun hujjatlari toʻplami",
2017 yil 6 mart, 9-son, 137-modda