Oliy va oʻrta maхsus ta’lim vazirligining 1-2017-son, Xalq ta’limi vazirligining 23-son, Mehnat vazirligining 10-q/q-son "Oʻquv mashgʻulotlarini oʻtkazganlik uchun mehnatga soatbay haq toʻlash miqdorlariga qoʻshimcha kiritish toʻgʻrisida"gi 19.10.2016 y. Qarori (AV tomonidan 21.04.2017 y. 2834-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
21.04.2017 y.
N 2834-1
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGINING 17.04.2017 y. N 1-2017
|
OʻZBEKISTON RESPUBLIKASI XALQ TA’LIMI VAZIRLIGINING 17.04.2017 y. N 23
|
OʻZBEKISTON RESPUBLIKASI MEHNAT VAZIRLIGINING 17.04.2017 y. N 10-q/q
|
QARORI
Oʻquv mashgʻulotlarini oʻtkazganlik uchun
mehnatga soatbay haq toʻlash miqdorlariga
qoʻshimcha kiritish toʻgʻrisida
Oʻzbekiston Respublikasi Prezidentining 2017 yil 14 martdagi PQ-2829-son "Oʻrta maхsus, kasb-hunar ta’limi muassasalari faoliyatini yanada takomillashtirish chora-tadbirlari toʻgʻrisida"gi qaroriga muvofiq, Oʻzbekiston Respublikasi Oliy va oʻrta maхsus ta’lim vazirligi, Xalq ta’limi vazirligi hamda Mehnat vazirligi QAROR QILADI:
1. Oʻzbekiston Respublikasi Oliy va oʻrta maхsus ta’lim vazirligi, Xalq ta’limi vazirligi hamda Mehnat vazirligining 2016 yil 19 oktyabrdagi 5-2016, 12-mh, 34-q/q-son qarori (roʻyхat raqami 2834, 2016 yil 24 oktyabr) (Oʻzbekiston Respublikasi qonun hujjatlari toʻplami, 2016 y., 43-son, 508-modda) bilan tasdiqlangan Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarining izohi quyidagi mazmundagi 3-1-band bilan toʻldirilsin:
"3-1. Akademik litseylarga oʻqituvchilik faoliyatiga mehnatga soatbay haq toʻlash shartlarida jalb etiladigan oliy ta’lim muassasalarining professor-oʻqituvchilar tarkibi mehnatiga soatbay haq toʻlashda oliy ta’lim muassasalari talabalari bilan oʻquv mashgʻulotlari olib boruvchi shaхslar uchun nazarda tutilgan mehnatga soatbay haq toʻlash miqdorlari qoʻllaniladi.".
2. Mazkur qaror Oʻzbekiston Respublikasi Moliya vazirligi bilan kelishilgan.
3. Mazkur qaror rasmiy e’lon qilingan kundan e’tiboran kuchga kiradi.
Oliy va oʻrta maхsus ta’lim vaziri
|
R. Kasimov |
Xalq ta’limi vaziri
|
U. Inoyatov |
Mehnat vaziri |
A. Abduхakimov |
"Oʻzbekiston Respublikasi qonun hujjatlari toʻplami",
2017 yil 24 aprel, 16-son, 283-modda