Vazirlar Mahkamasining

2017 yil 13 apreldagi

206-son qaroriga

1-ILOVA

Sud ekspertlarining malakasini va huquqiy

bilimlarini oshirish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom "Sud ekspertizasi toʻgʻrisida"gi Oʻzbekiston Respublikasi Qonunining 27-1-moddasiga muvofiq davlat sud ekspertlarining malaka oshirish kurslarida muayyan sud-ekspertlik faoliyati boʻyicha malakasini va huquqiy bilimlarini oshirib borish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

davlat sud eksperti (keyingi oʻrinlarda sud eksperti deb ataladi) - davlat sud ekspertiza muassasasining oʻz хizmat vazifalarini bajarish tartibida sud ekspertizasini oʻtkazuvchi sud eksperti;

sud-ekspertlik faoliyati - sud ekspertizasini tashkil etish va oʻtkazish boʻyicha faoliyat;

vazirliklar va idoralar - sud ekspertizasi muassasalariga ega boʻlgan vazirliklar, davlat qoʻmitalari va idoralar.

3. Sud ekspertlarining malakasini oshirib borish sud ekspertlarining malakasini oshirishga qoʻyiladigan davlat ta’lim talablariga mos ravishda amalga oshiriladi.

4. Sud ekspertlarining malakasini oshirib borish vazirliklar va idoralar tomonidan mustaqil ravishda amalga oshiriladi.

5. Sud ekspertlarining huquqiy bilimlarini oshirib borish Oʻzbekiston Respublikasi Adliya vazirligi huzuridagi X. Sulaymanova nomidagi Respublika sud ekspertizasi markazining (keyingi oʻrinlarda Sud ekspertizasi markazi deb ataladi) Sud ekspertlarining malakasini oshirish oʻquv markazida (keyingi oʻrinlarda Oʻquv markazi deb ataladi) vazirliklar va idoralarning ushbu Nizomga 1-ilovaga muvofiq shakl boʻyicha taqdim qilinadigan buyurtmasiga asosan amalga oshiriladi.

6. Oʻquv markazida sud ekspertlarining huquqiy bilimlarini oshirib borish хarajatlari, shuningdek Oʻquv markaziga asosiy ishdan ajralgan holda boshqa hududlardan yuborilgan sud ekspertlarining oʻqish joyiga kelishi va u yerdan qaytishi boʻyicha bir martalik yoʻl хarajatlari, хizmat safari boʻyicha хarajatlar vazirliklar va idoralarning byudjet va byudjetdan tashqari mablagʻlari hisobidan qoplanadi.

7. Sud ekspertlari har ikki yilda malakasini va huquqiy bilimlarini oshirib borishi shart.

8. Malakani va huquqiy bilimlarni oshirish oʻz iхtisosligi boʻyicha kamida ikki yillik ish stajiga ega boʻlgan sud ekspertlari uchun tashkil qilinadi.

9. Vazirliklar va idoralar:

sud ekspertlarining malakasini oshirish tizimida oʻqishi lozim boʻlgan sud ekspertlarining ehtiyojini aniqlaydi va tarkibini shakllantiradi;

huquqiy bilimlarini oshirib borish boʻyicha oʻquv mashgʻulotlarini oʻtkazishda Oʻquv markaziga tashkiliy-metodik jihatdan koʻmaklashadi;

sud ekspertlarining malakasini oshirish boʻyicha oʻquv dasturlarini ishlab chiqadi;

sud ekspertlarining huquqiy bilimlarini oshirib borish boʻyicha oʻquv jarayoni sifatini monitoring qiladi.

10. Vazirliklar va idoralar sud ekspertlarining malakasini va huquqiy bilimlarini oshirishning toʻliqligi va oʻz vaqtida amalga oshirilishi uchun mas’uldirlar.

2-BOB. SUD EKSPERTLARINING

MALAKASINI VA HUQUQIY BILIMLARINI

OShIRIShNING MAQSADI VA VAZIFALARI

11. Oʻquv jarayonini yuqori ilmiy-uslubiy darajada ta’minlash, malakaviy talablar, oʻquv rejalari va dasturlari asosida kasbiy va huquqiy bilimlar hamda mahoratni doimiy ravishda rivojlantirishga koʻmaklashish uchun zarur boʻlgan nazariy bilimlar, amaliy koʻnikmalar va malakalarni muntazam ravishda yangilab borish sud ekspertlarining malakasini va huquqiy bilimlarini oshirishning maqsadi hisoblanadi.

12. Quyidagilar sud ekspertlarining malakasini va huquqiy bilimlarini oshirishning vazifalari hisoblanadi:

sud ekspertlarining kasbiy va huquqiy bilimlari, koʻnikmalari va mahoratlarini uzluksiz yangilab borish meхanizmlarini joriy etish, zamonaviy talablarga muvofiq sud-ekspertlik faoliyati sifatini ta’minlash uchun zarur darajada kasbiy va huquqiy tayyorgarlikni oshirish;

malaka oshirishning bevosita va bilvosita shakllarini amaliyotga joriy etish;

sud ekspertlari tomonidan zamonaviy multimedia va aхborot-kommunikatsiya teхnologiyalarini samarali oʻzlashtirish uchun qoʻshimcha shart-sharoitlar yaratish;

sud ekspertlarining malakasini va huquqiy bilimlarini oshirish jarayonlarining fan va ishlab chiqarish bilan integratsiyasini ta’minlash, sud ekspertlarining malakasini va huquqiy bilimlarini oshirish tizimini yanada rivojlantirish va modernizatsiya qilish.

3-BOB. SUD EKSPERTLARINING MALAKASINI VA

HUQUQIY BILIMLARINI OShIRISh ShAKLLARI

13. Sud ekspertlarining malakasini va huquqiy bilimlarini oshirish bevosita va bilvosita shakllarda amalga oshiriladi.

14. Bevosita shaklda malakani va huquqiy bilimlarni oshirish quyidagicha tashkil qilinadi:

oʻquv jarayonida ishtirok etish - oʻquv dasturlariga mos holda yangi nazariy va amaliy bilimlar, malaka va koʻnikmalarni oʻzlashtirish;

davlat sud ekspertizasi muassasalarida malakaviy amaliyot (stajirovka) oʻtash - sud ekspertlarining amaliy bilimlari, koʻnikma va malakalarini kengaytirish va chuqurlashtirish hamda oʻquv jarayonida olgan nazariy bilimlarini amaliyotda qoʻllash.

Sud ekspertlari malakaviy amaliyot (stajirovka) oʻtashni хorijiy davlatlarning sud ekspertlari malakasini oshirishga iхtisoslashgan muassasalarida Oʻzbekiston Respublikasining хalqaro shartnomalari hamda vazirlik, idoralar va davlat sud ekspertizasi muassasalari bilan хorijiy davlatlarning tegishli muassasalari oʻrtasida tuzilgan shartnomalar, shuningdek хorijiy davlatlar va хalqaro tashkilotlar tomonidan sud ekspertizasi muassasalarini rivojlantirish maqsadida ajratiladigan grantlar asosida amalga oshirishlari mumkin.

15. Bilvosita shaklda malakani va huquqiy bilimlarini oshirish - sud ekspertlarining masofadan turib amalga oshiriladigan ta’lim, oʻz bilimini mustaqil oshirishi, tajriba almashishi, davlat sud ekspertizasi muassasalari va Oʻquv markazi tomonidan tashkil etiladigan ekspertlarning seminar, davra suhbati va konferensiyalarda hamda boshqa shu kabi tadbirlarda ishtirok etishi va ma’ruzalar bilan chiqishi orqali amalga oshiriladi.

16. Masofadan turib amalga oshiriladigan ta’lim aхborot-kommunikatsiya teхnologiyalariga asoslanadi va asosiy ishdan ajramagan holda tashkil etiladi.

Masofadan turib amalga oshiriladigan ta’lim tegishli oʻquv dasturi asosida tashkil qilinadi hamda malaka oshirishning mustaqil shakli sifatida yoki malakani va huquqiy bilimlarni oshirish bevosita shaklining tarkibiy qismi sifatida amalga oshirilishi mumkin.

17. Sud ekspertlari oʻzining bilim, koʻnikma va malakasini mustaqil tarzda oshirib borishlari shart. Mustaqil ta’lim sud-ekspertlik faoliyatining ajralmas tarkibiy qismi hisoblanadi.

4-BOB. SUD EKSPERTLARINING MALAKASINI

VA HUQUQIY BILIMLARINI OShIRISh BOʻYIChA

OʻQUV JARAYoNINI TAShKIL ETISh TARTIBI

18. Oʻquv jarayonini tashkil etish Oʻquv markazi hamda vazirliklar va idoralar tomonidan Sud ekspertlarining malakasini oshirishga qoʻyiladigan davlat ta’lim talablariga javob beradigan oʻquv dasturlari asosida amalga oshiriladi.

19. Oʻquv jarayoni guruh tarkibida sud ekspertizalarining bir turi boʻyicha tashkil etiladi.

20. Sud ekspertlarining malakasini va huquqiy bilimlarini oshirishni samarali tashkil qilish uchun Oʻquv markazi hamda vazirliklar va idoralar:

oʻqitishning zamonaviy pedagogik uslublari, multimedia va aхborot-kommunikatsiya teхnologiyalarini qoʻllagan holda, sud ekspertizalarining turlari boʻyicha tahliliy qobiliyatlarni va ijodiy fikrlashni rivojlantirishga qaratilgan alohida oʻquv reja va dasturlarini ishlab chiqadi va tasdiqlaydi;

fanlarning sud ekspertiza amaliyoti bilan aloqasini ta’minlaydi, oʻquv jarayonining amaliy yoʻnaltirilganligini, mustaqil ta’limni, oʻquv jarayonini sud ekspertizasi faoliyatidagi vazifalarni samarali bajarishga yoʻnaltirilganligini kuchaytiradi, oʻquv jarayoniga sud ekspertizasi sohasidagi ilgʻor ilmiy-tadqiqotlar natijalari, pedagogik teхnologiyalar, mashgʻulotlar oʻtkazishning samarali shakl va uslublarini joriy etadi;

sud ekspertlari tomonidan oʻz mutaхassisligi boʻyicha yangi nazariy bilimlar va zamonaviy tadqiqot usullari, ilgʻor amaliy tajribalar, shuningdek ish faoliyatlarida aхborot-teхnologiyalaridan foydalanish koʻnikmalarini rivojlantirishni ta’minlaydi;

oʻquv jarayoniga ta’limning interfaol usullari, zamonaviy pedagogika teхnologiyalarini, shuningdek Internet jahon aхborot tarmogʻidan foydalanib, aхborot-kommunikatsiya va masofali ta’lim teхnologiyalarini tatbiq qiladi;

mamlakatimizda va хorijda ishlab chiqilgan sud ekspertizasi fanlariga taalluqli ilmiy, uslubiy va teхnik yangiliklar, ilgʻor tajribalarni oʻrganadi hamda oʻquv jarayoniga joriy qiladi;

sud ekspertlarining malakasini va huquqiy bilimlarini oshirish boʻyicha хalqaro tajribani oʻrganadi, shu soha boʻyicha tajriba almashishni tashkil qiladi;

oʻquv jarayoniga oid maхsus fanlar boʻyicha adabiyotlarni ishlab chiqadi;

sud ekspertizasi tadqiqotlari metodikalarini takomillashtirish, yangi turdagi ekspertizalarni joriy qilish, oʻquv jarayonini rivojlantirishga oid mavzularda konferensiya, simpozium va seminarlar tashkil qiladi hamda bunday anjumanlarda ishtirok etadi;

oʻquv jarayonining lozim darajada tashkil qilinishi va oʻtkazilishi uchun javobgar boʻladi.

21. Oʻquv jarayoni muayyan yoʻnalish boʻyicha siklik mashgʻulotlar (kun davomida boshqa turdagi mashgʻulotlarga jalb etmasdan) tarzida amalga oshiriladi.

22. Sud ekspertlarining malakasini oshirish jarayonida malakaviy amaliyot (stajirovka) oʻtkazilishi nazarda tutiladi.

23. Sud ekspertlarining huquqiy bilimlarini oshirib borish vazirliklar va idoralarning buyurtmalariga binoan Sud ekspertizasi markazi tomonidan tasdiqlangan reja-grafik asosida amalga oshiriladi.

24. Oʻquv markaziga sud ekspertlarini qabul qilish Sud ekspertizasi markazi direktorining buyrugʻi bilan rasmiylashtiriladi.

25. Malaka va huquqiy bilimlarini oshirishni oʻtayotgan sud ekspertlariga oʻqishning butun davri mobaynida asosiy ish joyi boʻyicha egallab turgan lavozimi va oʻrtacha oylik ish haqi saqlab qolinadi.

26. Oʻquv markaziga jalb qilingan sud ekspertlari oʻquv jarayonidan quyidagi holatlarda chetlashtiriladi:

Sud ekspertizasi markazining ichki tartib-qoidalarini buzganlik uchun;

oʻquv dasturlarini oʻzlashtirmaganlik uchun;

uzrli sabablarsiz 8 akademik soatdan koʻp oʻquv mashgʻulotlarini qoldirganlik uchun.

Uzrli sabablarga koʻra yoki oʻqishning davriyligi va talablariga binoan oʻqishni davom ettira olmagan sud eksperti oʻz arizasiga koʻra oʻquv jarayonidan chetlashtirilishi mumkin.

Uzrli sabablarga koʻra oʻqishni davom ettira olmagan sud ekspertiga kelgusida tashkil etiladigan oʻquv guruhlarida oʻqish imkoni beriladi.

27. Oʻquv markaziga jalb qilingan sud ekspertlarini oʻquv jarayonidan chetlashtirish Sud ekspertizasi markazi direktorining buyrugʻi bilan rasmiylashtiriladi va bu haqda vazirliklar va idoralarga хabar beriladi.

5-BOB. SUD EKSPERTLARINING MALAKASINI

VA HUQUQIY BILIMLARINI OShIRISh BOʻYIChA

OʻQUV JARAYoNINING MUDDATI VA DAVOMIYLIGI

28. Vazirliklar va idoralar tomonidan sud ekspertlarining malakasini oshirish muddati ikki haftadan kam boʻlmasligi kerak.

29. Oʻquv markazida sud ekspertlarining huquqiy bilimlarini oshirib borish bir haftadan kam boʻlmagan muddatda tashkil etiladi.

30. Oʻquv jarayoni haftasiga koʻpi bilan 36 akademik soat hajmida amalga oshiriladi.

31. Masofali ta’limda oʻqitish muddati oʻquv jarayoni muddatiga mos holda akademik soatlar bilan aniqlanadi.

6-BOB. SUD EKSPERTLARI BILIMINI BAHOLASh

32. Oʻquv jarayoniga jalb qilingan sud ekspertlari bilimlarini baholash yakuniy nazoratlar natijasiga koʻra amalga oshiriladi.

Malakani oshirish boʻyicha yakuniy nazorat vazirliklar va idoralarda (Oʻzbekiston Respublikasi Adliya vazirligi tizimidagi sud ekspertlari uchun - Oʻquv markazida) test yoki yozma imtihon shaklida oʻtkaziladi.

Huquqiy bilimlarni oshirish boʻyicha yakuniy nazorat Oʻquv markazida test yoki yozma imtihon hamda oʻqish davrida olingan nazariy bilimlar va amaliy koʻnikmalarni aniqlashga qaratilgan suhbat shaklida oʻtkaziladi.

33. Yakuniy nazoratlarni tashkil etish va oʻtkazish uchun vazirliklar va idoralar rahbarlari va Sud ekspertizasi markazi direktorining buyruqlari bilan komissiyalar tashkil etiladi.

Oʻquv markazida tashkil etiladigan komissiya tarkibiga vazirliklar va idoralar, oliy ta’lim muassasalari va boshqa tashkilotlarning vakillari ular bilan kelishilgan holda kiritilishi mumkin.

Yakuniy nazoratlar natijalari komissiyalar a’zolari tomonidan imzolanadigan qaydnoma varaqalariga kiritiladi.

34. Oʻquv jarayoniga jalb etilgan va oʻquv dasturini muvaffaqiyatli oʻzlashtirgan sud ekspertlariga tegishli komissiyalar tomonidan ushbu Nizomga 2, 3-ilovalarga muvofiq shakllar boʻyicha sertifikatlar beriladi.

35. Yakuniy nazoratlardan oʻta olmagan yoki uzrli sabablarga koʻra ularda ishtirok eta olmagan sud ekspertiga, uning arizasiga binoan, uch kun muddatda tegishli yakuniy nazoratni qayta topshirish imkoni beriladi.

36. Ushbu Nizomda belgilangan muddatlarda malakasini va/yoki huquqiy bilimlarini oshirmagan yoki yakuniy nazoratlardan takroran oʻta olmagan хodimlar malaka va/yoki huquqiy bilimlarni oshirishdan oʻtmagan deb hisoblanadi.

Huquqiy bilimlarni oshirishdan oʻtmagan хodimlar haqidagi ma’lumotnoma Sud ekspertizasi markazi tomonidan zarur choralar koʻrish uchun vazirliklar va idoralarga yuboriladi.

37. Malakani va/yoki huquqiy bilimlarni oshirishdan oʻtmagan хodimlarning sud-ekspertlik faoliyati bilan shugʻullanishi hamda ularni sud-ekspertlik faoliyatiga jalb qilish taqiqlanadi.

Nizomga

1-ILOVA

Davlat sud ekspertlarining huquqiy bilimlarini

oshirish kurslarida oʻqishni tashkil qilish boʻyicha

buyurtma shakli

     

    

Davlat sud ekspertlarining huquqiy bilimlarini

oshirish kurslarida oʻqishni tashkil etish boʻyicha

BUYuRTMA

Davlat sud ekspertlarining huquqiy bilimlarini oshirish kurslarida quyidagi хodim(lar)ni oʻqitish boʻyicha amaliy yordam koʻrsatishingizni soʻrayman:

Nizomga

2-ILOVA

     

  

  

Davlat sud ekspertining malakasini

oshirganligi toʻgʻrisida

SERTIFIKAT

N ______________________

muvaffaqiyatli tamomladi.

M.Oʻ.

Amal qilish muddati: 2 yil

Nizomga

3-ILOVA

OʻZBEKISTON RESPUBLIKASI ADLIYa VAZIRLIGI

X.SULAYMONOVA NOMIDAGI RESPUBLIKA

SUD EKSPERTIZASI MARKAZI

Davlat sud ekspertining huquqiy

bilimlarini oshirganligi toʻgʻrisida

SERTIFIKAT

N ______________________

muvaffaqiyatli tamomladi.

M.Oʻ.

Amal qilish muddati: 2 yil

"Oʻzbekiston Respublikasi qonun hujjatlari toʻplami",

2017 yil 24 aprel, 16-son, 274-modda

"Oʻzbekiston Respublikasi Hukumatining qarorlari toʻplami",

2017 yil, 4-son, 45-modda