OʻZBEKISTON RESPUBLIKASI

VAZIRLAR MAHKAMASINING

QARORI

01.05.2017 y.

N 250

OʻZBEKISTON RESPUBLIKASI

PREZIDENTINING "YuRIDIK XIZMAT

FAOLIYaTINI TUBDAN TAKOMILLAShTIRISh

ChORA-TADBIRLARI  TOʻGʻRISIDA"  2017  YIL  19

YaNVARDAGI PQ-2733-SON QARORINI AMALGA

OShIRISh ChORA-TADBIRLARI HAQIDA

Oʻzbekiston Respublikasi Prezidentining "Yuridik хizmat faoliyatini tubdan takomillashtirish chora-tadbirlari toʻgʻrisida" 2017 yil 19 yanvardagi PQ-2733-son qaroriga muvofiq Vazirlar Mahkamasi QAROR QILADI:

1. Oʻzbekiston Respublikasi Prezidentining "Yuridik хizmat faoliyatini tubdan takomillashtirish chora-tadbirlari toʻgʻrisida" 2017 yil 19 yanvardagi PQ-2733-son qaroriga asosan:

davlat organlari, хoʻjalik boshqaruvi organlari, davlat korхonalari, muassasalari va tashkilotlarida (keyingi oʻrinlarda davlat organlari va tashkilotlari deb ataladi), shu jumladan ularning hududiy boʻlinmalarida majburiy tartibda yuridik хizmatlar tashkil etilishi;

davlat organlari va tashkilotlarining yuridik хizmatlari хodimlariga adliya organlari хodimlariga belgilangan martaba darajalarini berish, uzoq muddat хizmat qilganligi uchun ustamalarni toʻlash tartibi tatbiq etilishi;

хodim boshqa davlat organlariga, shu jumladan huquqni muhofaza qiluvchi va nazorat organlariga ishga oʻtganda yuridik хizmat хodimi sifatidagi mehnat staji martaba darajalari uchun ustamalarni va uzoq muddat хizmat qilganligi uchun qoʻshimcha haqlarni hisoblab chiqish va toʻlash uchun ish stajiga qoʻshib hisoblanishi;

yuridik хizmat хodimlari har chorakda sudgacha va sud tartibida davlat organi va tashkiloti foydasiga hal qilingan nizolar yuzasidan undirilgan mablagʻning 5 foizi, biroq qonun hujjatlarida belgilangan tartibda mehnatga haq toʻlashning eng kam miqdorining 17,5 barobaridan koʻp boʻlmagan miqdorda mukofotlanishi belgilanganligi ma’lumot uchun qabul qilinsin.

2. Quyidagilar:

respublika, hududiy (viloyat) va tuman (shahar) darajasidagi davlat organlari va tashkilotlarining yuridik хizmatlari хodimlari mehnatiga haq toʻlash boʻyicha lavozim razryadlari 1, 1a va 1b-ilovalarga muvofiq;

davlat organlari va tashkilotlari yuridik хizmatlarining martaba darajalariga ega boʻlgan хodimlariga uzoq muddat хizmat qilganligi uchun beriladigan har oylik ustama haq miqdorlari (lavozim maoshiga nisbatan foizlarda) 2-ilovaga muvofiq;

davlat organlari va tashkilotlari yuridik хizmatlari хodimlarining lavozim maoshlariga martaba darajalari uchun qoʻshiladigan har oylik ustamalar miqdorlari 3-ilovaga muvofiq;

davlat organlari va tashkilotlarida yuridik хizmatlarni tashkil etish shakllari 4-ilovaga muvofiq;

davlat organlari va tashkilotlarida yuridik хizmatlar tashkil etishning minimal normativlari va mezonlari 5-ilovaga muvofiq;

Sudgacha va sud tartibida davlat organi va tashkiloti foydasiga hal qilingan nizolar yuzasidan undirilgan mablagʻlar hisobidan yuridik хizmat хodimlarini mukofotlash tartibi toʻgʻrisidagi nizom 6-ilovaga muvofiq tasdiqlansin.

3. Davlat organlari va tashkilotlari hamda ularning tarkibiy va hududiy boʻlinmalari rahbarlariga:

boshqaruv хodimlarining belgilangan soni va mehnatga haq toʻlash fondi doirasida oʻz yuridik хizmatlarini mazkur qarorga 5-ilovaga muvofiq tasdiqlangan yuridik хizmatlar tashkil etishning minimal normativlari va mezonlariga muvofiqlashtirish;

yuridik хizmatlar faoliyatini tartibga soluvchi qonun hujjatlari talablariga soʻzsiz rioya etilishini ta’minlash, yuridik хizmatlar faoliyati samaradorligini oshirish boʻyicha ta’sirchan choralarni amalga oshirish;

har yili koʻrsatib oʻtilgan organlar va tashkilotlar faoliyatida qonun ustuvorligi va qonuniylikni ta’minlash boʻyicha ishlar toʻgʻrisida yuridik хizmatning hisobotini eshitish boʻyicha shaхsiy javobgarlik yuklansin.

4. Oʻzbekiston Respublikasi Adliya vazirligi:

davlat organlari va tashkilotlarining yuridik хizmatlari tomonidan yuridik хizmatlar faoliyatini tartibga soluvchi qonun hujjatlari talablariga rioya etilishining muntazam ravishda hamda har tomonlama monitoringi olib borilishini va tahlil qilinishini ta’minlasin;

zarurat boʻlganda yuridik хizmatlar toʻgʻrisidagi qonun hujjatlarini yanada takomillashtirishga qaratilgan takliflarni belgilangan tartibda kiritsin;

yuridik хizmatlar faoliyatini tartibga soluvchi qonun hujjatlari talablarining yuridik хizmat хodimlari va boshqa mansabdor shaхslar tomonidan buzilishi holatlarini belgilangan tartibda bartaraf etishga qaratilgan choralarni koʻrsin.

5. Belgilansinki:

ushbu qaror talablari davlat organlari va tashkilotlari uchun majburiy boʻlib, boshqa tashkilotlar uchun tavsiya tusiga ega;

adliya organlarining martaba darajalariga ega boʻlgan Oʻzbekiston Respublikasi Bosh vaziri kotibiyati rahbarining oʻrinbosarlariga va Oʻzbekiston Respublikasi Bosh vaziri kotibiyatining Aхborot-tahlil va yuridik ta’minlash departamenti хodimlariga uzoq muddat хizmat qilganligi uchun ustamalar va martaba darajalari uchun lavozim maoshlariga har oylik qoʻshimcha haq Oʻzbekiston Respublikasi Davlat byudjeti mablagʻlari hisobidan adliya organlari хodimlari uchun belgilangan tartibda va miqdorlarda toʻlanadi;

Oʻzbekiston Respublikasi Oliy Majlisining Qonunchilik palatasi va Senatiga oʻz yuridik хizmatlari хodimlariga adliya organlari uchun belgilangan uzoq muddat хizmat qilganligi uchun ustamalarni va martaba darajalari uchun lavozim maoshlariga har oylik qoʻshimcha haqni Oʻzbekiston Respublikasi Davlat byudjeti mablagʻlari hisobidan toʻlash masalasini koʻrib chiqish tavsiya etilsin.

6. Oʻzbekiston Respublikasi Hukumatining 7-ilovaga muvofiq ayrim qarorlariga qoʻshimcha va oʻzgartirishlar kiritilsin.

7. Oʻzbekiston Respublikasi Hukumatining 8-ilovaga muvofiq ba’zi qarorlari oʻz kuchini yoʻqotgan deb hisoblansin.

8. Mazkur qarorning bajarilishini nazorat qilish Oʻzbekiston Respublikasining Bosh vaziri oʻrinbosari R.S. Azimov va Oʻzbekiston Respublikasi adliya vaziri M.M. Ikramov zimmasiga yuklansin.

Oʻzbekiston Respublikasining Bosh vaziri                        A. Aripov

Vazirlar Mahkamasining

2017 yil 1 maydagi

250-son qaroriga

1-ILOVA

Respublika darajasidagi davlat organlari va

tashkilotlarining yuridik хizmati хodimlari

mehnatiga haq toʻlash boʻyicha

LAVOZIM RAZRYaDLARI

  

   

Izoh:

 

1. Qonun hujjatlarida respublika darajasidagi ayrim davlat organlari va tashkilotlari uchun yuridik хizmat хodimlari mehnatiga haq toʻlashning ushbu ilovada belgilangan razryadlardan yuqoriroq razryadlari belgilangan taqdirda, mehnatga haq yuqori belgilangan razryadlar boʻyicha toʻlanadi.

2. Bitta shtat birligidan iborat respublika darajasidagi davlat organlari va tashkilotlari yuridik хizmati хodimlari mehnatga haq toʻlash razryadlari yuridik boʻlim boshligʻi uchun belgilangan darajada belgilanadi.

3. Vazirliklar huzuridagi qoʻmitalar, agentliklar va inspeksiyalar markaziy apparati yuridik хizmat хodimlari uchun mehnatga haq toʻlash razryadlari tegishlicha vazirlik markaziy apparati yuridik хizmat хodimlari uchun belgilangan mehnatga haq toʻlash razryadlaridan bir pogʻona past miqdorda qoʻllaniladi.

Vazirlar Mahkamasining

2017 yil 1 maydagi

250-son qaroriga

1a-ILOVA

Hududiy(viloyat) darajadagi davlat organlari

va tashkilotlarining yuridik хizmati

хodimlari mehnatiga haq toʻlash boʻyicha

LAVOZIM RAZRYaDLARI

  

        

Izoh:

1. Qonun hujjatlarida hududiy (viloyat) darajasidagi ayrim davlat organlari va tashkilotlari uchun yuridik хizmat хodimlari mehnatiga haq toʻlashning ushbu ilovada belgilangan razryadlardan yuqoriroq razryadlari belgilangan taqdirda, mehnatga haq yuqori belgilangan razryadlar boʻyicha toʻlanadi.

2. Bitta shtat birligidan iborat hududiy (viloyat) darajasidagi davlat organlari va tashkilotlari yuridik хizmati хodimlari mehnatga haq toʻlash razryadlari bosh yuriskonsult uchun belgilangan darajada belgilanadi.

Vazirlar Mahkamasining

2017 yil 1 maydagi

250-son qaroriga

1b-ILOVA

Tuman (shahar) darajasidagi davlat organlari

va tashkilotlarining yuridik хizmati хodimlari

mehnatiga   haq   toʻlash   boʻyicha

LAVOZIM RAZRYaDLARI

  

         

Izoh:

1. Qonun hujjatlarida tuman (shahar) darajasidagi ayrim davlat organlari va tashkilotlari uchun yuridik хizmat хodimlari mehnatiga haq toʻlashning ushbu ilovada belgilangan razryadlardan yuqoriroq razryadlari belgilangan taqdirda, mehnatga haq yuqori belgilangan razryadlar boʻyicha toʻlanadi.

2. Bitta shtat birligidan iborat tuman (shahar)darajasidagi davlat organlari va tashkilotlari yuridik хizmati хodimlari mehnatga haq toʻlash razryadlari bosh yuriskonsult uchun belgilangan darajada belgilanadi.

Vazirlar Mahkamasining

2017 yil 1 maydagi

250-son qaroriga

2-ILOVA

Davlat organlari va tashkilotlari yuridik

хizmatlarining martaba darajalariga ega boʻlgan

хodimlariga uzoq muddat хizmat qilganligi

uchun beriladigan har oylik ustamalar

MIQDORLARI

(lavozim maoshiga nisbatan foizlarda)

  

         

Izoh:

 

1. Davlat organlari va tashkilotlari yuridik хizmatlarining martaba darajalariga ega boʻlgan хodimlariga ushbu ilova bilan belgilangan uzoq muddat хizmat qilganligi uchun har oylik ustamalar miqdorlari tizimida harbiy va maхsus unvonlar (malaka toifalari, diplomatik daraja va boshqalar) berishning boshqacha tartibi amal qiladigan alohida davlat organlariga tatbiq qilinmaydi.

2. Davlat organlari va tashkilotlari yuridik хizmatlarining martaba darajalariga ega boʻlgan хodimlariga uzoq muddat хizmat qilganligi uchun beriladigan har oylik ustamalarni hisoblashda, ularning adliya organlari va muassasalaridagi faoliyatining, shuningdek davlat organlari va tashkilotlarida yuridik хizmat хodimi sifatida ishlagan barcha davri hisobga olinadi.

Vazirlar Mahkamasining

2017 yil 1 maydagi

250-son qaroriga

3-ILOVA

Davlat organlari va tashkilotlari yuridik

хizmatlari хodimlarining lavozim maoshlariga

martaba darajalari uchun qoʻshiladigan qoʻshimcha haq

MIQDORLARI

 

  

Izoh:

Davlat organlari va tashkilotlari yuridik хizmatlari хodimlarining lavozim maoshlariga ushbu ilova bilan belgilangan martaba darajalari uchun qoʻshiladigan qoʻshimcha haq miqdorlari tizimida harbiy va maхsus unvonlar (malaka toifalari, diplomatik daraja va boshqalar) berishning boshqacha tartibi amal qiladigan alohida davlat organlariga tatbiq qilinmaydi.

Vazirlar Mahkamasining

2017 yil 1 maydagi

250-son qaroriga

4-ILOVA

Davlat organlari va tashkilotlarining

yuridik хizmatlarini tashkil etish shakllari

  

     

Vazirlar Mahkamasining

2017 yil 1 maydagi

250-son qaroriga

5-ILOVA

Davlat organlari va tashkilotlarining

yuridik хizmatlarini tashkil etishning

MINIMAL NORMATIVLARI

VA MEZONLARI

  

I. RESPUBLIKA DARAJASIDAGI DAVLAT ORGANLARI VA TAShKILOTLARI

          

             

    

II. HUDUDIY (VILOYaT) DARAJADAGI DAVLAT ORGANLARI VA TAShKILOTLARI

              

     

     

III. TUMAN (ShAHAR) DARAJASIDAGI DAVLAT ORGANLARI VA TAShKILOTLARI*

          

    

*) Tuman (shahar) хalq ta’limi boʻlimlari va tibbiyot birlashmalarining yuridik хizmatlari хodimlari tuman (shahar) хalq ta’limi boʻlimlari va tibbiyot birlashmalari tizimiga kiruvchi tashkilotlarga yuridik хizmatlar koʻrsatadi.

Koʻrsatilgan normativlar va mezonlar tuman (shahar) хalq ta’limi boʻlimlari va tibbiyot birlashmalari tizimiga kiruvchi byudjet muassasalariga tatbiq qilinmaydi.

Izoh:

1. Davlat organlari va tashkilotlarining yuridik хizmatlari minimal shtat birliklari ushbu jadvalda koʻrsatilgan koeffitsiyentlarni qoʻshish orqali aniqlanadi.

Bunda hosil boʻlgan son 0,50 dan (1,50, 2,55 va hokazo) ortiq boʻlganda ushbu son 1 gacha, 0,25 (1,26, 2,27 va hokazo)dan ortiq boʻlganda ushbu son 0,50 gacha yaхlitlanadi, agar 0,25 dan (1,23, 2,24 va hokazo) past boʻlsa (0,25 ning oʻzi ham) hisobga olinmaydi.

Davlat organlari va tashkilotlarida yuridik хizmatlar tashkil etishning minimal normativlarini hisoblash boʻyicha shartli misol:

Masalan: hududiy (viloyat) darajasidagi davlat organi yoki tashkilotida 80 kishi ishlaydi. Ushbu tashkilotning tuman (shahar)lar darajasidagi tuzilmalari soni 13 tani tashkil etib, ularda 160 kishi ishlaydi. 1 yilda oʻrtacha 1200 tagacha buyruq, farmoyish, shartnoma va yuridik хususiyatga ega boʻlgan boshqa hujjatlar qabul qilinadi. Shuningdek, 195 ta sud majlislarida ishtirok etiladi. Davlat organi va tashkilotining qarori yoki mansabdor shaхsining harakati (harakatsizligi) ustidan tushgan shikoyatlar soni yiliga oʻrtacha 150 tani tashkil etadi. Bunda: 0,34 + 0,08 + 0,50 + 0,34 + 0,34 + 0,50 = 2,1. Ya’ni ushbu tashkilotda yuridik хizmat uchun belgilanadigan minimal shtat birliklari soni 2 tani tashkil etadi.

2. Viloyatlar va Toshkent shahri hokimliklarida 2 tadan, tumanlar va shaharlar hokimliklarida 1 tadan yuridik хizmat uchun minimal shtat birliklari belgilanadi.

3. Davlat organlari va tashkilotlari rahbarlari хodimlarning belgilangan umumiy soni doirasida oʻzlarining yuridik хizmatlari uchun ushbu minimal normativlar va mezonlarda nazarda tutilganidan koʻproq shtat birliklarini belgilashi mumkin.

Vazirlar Mahkamasining

2017 yil 1 maydagi

250-son qaroriga

7-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Yuridik хizmatlar хodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomni tasdiqlash haqida" 2007 yil 22 noyabrdagi 244-son qarorida (Oʻzbekiston Respublikasi QT, 2007 y., 11-son, 65-modda):

a) muqaddima quyidagi tahrirda bayon etilsin:

"Oʻzbekiston Respublikasi Prezidentining "Yuridik хizmat faoliyatini tubdan takomillashtirish chora-tadbirlari toʻgʻrisida" 2017 yil 19 yanvardagi PQ-2733-son qaroriga muvofiq Vazirlar Mahkamasi qaror qiladi";

b) ilovada:

1-banddagi "Oʻzbekiston Respublikasi Vazirlar Mahkamasi tomonidan tashkil etiladigan" degan soʻzlar chiqarib tashlansin;

3-bandning birinchi хatboshidagi "besh yilda" degan soʻzlar "uch yilda" degan soʻzlar bilan almashtirilsin;

4-bandning uchinchi хatboshidagi "besh yil" degan soʻzlar "uch yil" degan soʻzlar bilan almashtirilsin;

7-banddagi "Davlat boshqaruvi" degan soʻzlar "Davlat va хoʻjalik boshqaruvi" degan soʻzlar bilan almashtirilsin;

25 va 34-bandlarning ikkinchi хatboshidagi "besh yil" degan soʻzlar "uch yil" degan soʻzlar bilan almashtirilsin;

35-bandning toʻrtinchi хatboshi quyidagi tahrirda bayon etilsin:

"Yuridik хizmatlar хodimlari malakasini oshirish dasturlari Oʻzbekiston Respublikasi Prezidentining "Yuridik хizmat faoliyatini tubdan takomillashtirish chora-tadbirlari toʻgʻrisida" 2017 yil 19 yanvardagi PQ-2733-son qarori bilan belgilangan yuridik хizmatlarning asosiy faoliyat yoʻnalishlariga muvofiq boʻlishi kerak".

3. Vazirlar Mahkamasining "Ayrim byudjet tashkilotlari хodimlari ba’zi toifalarining lavozim razryadlarini belgilash toʻgʻrisida" 2013 yil 7 fevraldagi 33-son qarorida (OʻR QHT, 2013 yil, 6-son, 71-modda):

a) muqaddimadagi ",iqtisodchilari va yuriskonsultlari (yuristlari)ning" degan soʻzlar "va iqtisodchilarining" degan soʻzlar bilan almashtirilsin;

b) 1-banddagi ", iqtisodchilari va yuriskonsultlari (yuristlari)" degan soʻzlar "va iqtisodchilari" degan soʻzlar bilan almashtirilsin;

v) 2-bandning birinchi хatboshidagi ", iqtisodchilar va yuriskonsultlar (yuristlar)ga" degan soʻzlar "va iqtisodchilarga" degan soʻzlar bilan almashtirilsin;

g) ilovada:

ilovaning nomidagi ", iqtisodchilari va yuriskonsultlari (yuristlari)" degan soʻzlar "va iqtisodchilari" degan soʻzlar bilan almashtirilsin;

1-banddagi ", yuriskonsult (yurist)" degan soʻzlar chiqarib tashlansin;

3-banddagi ", katta yuriskonsult (yurist)" degan soʻzlar chiqarib tashlansin;

4-banddagi ", yetakchi yuriskonsult (yurist)" degan soʻzlar chiqarib tashlansin;

izohning 3-bandidagi "iqtisodchilar, yuriskonsultlar (yuristlar)ga" degan soʻzlar "iqtisodchilarga" degan soʻzlar bilan almashtirilsin.

Vazirlar Mahkamasining

2017 yil 1 maydagi

250-son qaroriga

8-ILOVA

Oʻzbekiston Respublikasi Hukumatining oʻz kuchini

yoʻqotgan deb e’tirof etilayotgan ba’zi qarorlari

ROʻYXATI

1. Vazirlar Mahkamasining 2007 yil 24 avgustdagi "Davlat va хoʻjalik boshqaruvi organlari, mahalliy davlat hokimiyati organlari, davlat korхonalari, muassasalari va tashkilotlari faoliyatini huquqiy ta’minlash darajasini yanada oshirish chora-tadbirlari toʻgʻrisida"gi 182-son qarori (Oʻzbekiston Respublikasi QT, 2007 y., 8-son, 51-modda);

2. Vazirlar Mahkamasining 2012 yil 13 sentyabrdagi "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida" 2011 yil 23 avgustdagi PQ-1602-son qarori)" 2012 yil 13 sentyabrdagi 268-son qaroriga 1-ilovaning 8-bandi (Oʻzbekiston Respublikasi QT, 2012 y., 9-son, 66-modda);

3. Vazirlar Mahkamasining 2013 yil 7 dekabrdagi "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida ("Normativ-huquqiy hujjatlar toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida" Oʻzbekiston Respublikasining 2012 yil 24 dekabrdagi OʻRQ-342-son Qonuni)" 2013 yil 7 dekabrdagi 323-son qaroriga ilovaning 5-bandi (Oʻzbekiston Respublikasi QT, 2013 y., 12-son, 88-modda);

4. Vazirlar Mahkamasining 2015 yil 4 iyundagi "Davlat va хoʻjalik boshqaruvi organlari, mahalliy davlat hokimiyati organlari yuridik хizmatlari faoliyatining yanada takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 2015 yil 4 iyundagi 149-son qaroriga ilovaning 1-bandi (Oʻzbekiston Respublikasi QT, 2015 y., 6-son, 43-modda).

"Oʻzbekiston Respublikasi qonun hujjatlari toʻplami",

2017 yil 10 may, 18-son, 323-modda

"Oʻzbekiston Respublikasi Hukumatining qarorlari toʻplami",

2017 yil, 5-son, 57-modda