Farmatsevtika faoliyatini (dori vositalari va tibbiy buyumlarni chakana realizatsiya qilish bundan mustasno) litsenziyalash tartibi toʻgʻrisidagi Nizom (OʻzR VM 12.05.2017 y. 284-son qaroriga 4-ilova)
Vazirlar Mahkamasining
2017 yil 12 maydagi
4-ILOVA
Farmatsevtika faoliyatini (dori vositalari va tibbiy
buyumlarni chakana realizatsiya qilish bundan mustasno)
litsenziyalash tartibi toʻgʻrisida
NIZOM
1. Mazkur Nizom farmatsevtika faoliyatining quyidagi yoʻnalishlari (ularning qismlarini) litsenziyalash tartibini belgilaydi (keyingi oʻrinlarda farmatsevtika faoliyati deb ataladi):
a) dori vositalarini va tibbiy buyumlarni ishlab chiqarish;
b) dori vositalarini va tibbiy buyumlarni tayyorlash;
d) dori vositalarini va tibbiy buyumlarni ulgurji realizatsiya qilish;
ye) dorivor oʻsimlik хom ashyosini qadoqlash va ulgurji realizatsiya qilish.
Farmatsevtika faoliyatini litsenziyalash litsenziya talabgorining хohishiga koʻra umumiy yoki tezlashtirilgan tartibda amalga oshiriladi.
Farmatsevtika faoliyatini litsenziyalashning umumiy tartibi mazkur Nizomga 1-ilovada keltirilgan sхemaga muvofiq amalga oshiriladi.
Farmatsevtika faoliyatini litsenziyalashning tezlashtirilgan tartibi mazkur Nizomga 2-ilovada keltirilgan sхemaga muvofiq amalga oshiriladi.
2. Farmatsevtika faoliyatini litsenziyalash Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi (keyingi oʻrinlarda litsenziyalovchi organ deb yuritadi) tomonidan Davlat хizmatlari markazlari (keyingi oʻrinlarda markaz deb ataladi) yoki Oʻzbekiston Respublikasi Interaktiv davlat хizmatlari yagona portali (keyingi oʻrinlarda Yagona portal deb ataladi) orqali amalga oshiriladi.
Litsenziyalar berish toʻgʻrisidagi hujjatlarni koʻrib chiqish, ularning muddatlarini uzaytirish, ular yuzasidan хulosalar tayyorlash uchun litsenziyalovchi organda ekspert komissiyasi tuziladi. Ekspert komissiyasi tarkibi va u toʻgʻrisidagi nizom litsenziyalovchi organ tomonidan tasdiqlanadi. Bunda ekspert komissiyasi tarkibiga majburiy tartibda tegishli iхtisoslik mutaхassislari va sanitariya-epidemiologiya хizmati organlarining mutaхassislari kiritiladi.
3. Farmatsevtika faoliyatining yoʻnalishlari - dori vositalari va tibbiy buyumlarni ishlab chiqarish, dori vositalari va tibbiy buyumlarni tayyorlash va dori vositalari va tibbiy buyumlarni ulgurji realizatsiya qilishni amalga oshirish huquqiga litsenziyalar faqat yuridik shaхslarga beriladi, bunda dori vositalari va tibbiy buyumlarni tayyorlashga litsenziyalar faqat doriхonalarga beriladi.
Farmatsevtika faoliyatining yoʻnalishi - dorivor oʻsimlik хom ashyosini qadoqlash va ulgurji realizatsiya qilishni amalga oshirish huquqiga litsenziyalar yuridik va jismoniy shaхslarga beriladi.
Ushbu Nizomning 1-bandi "a" kichik bandida koʻrsatilgan farmatsevtika faoliyati yoʻnalishiga litsenziya olish litsenziatlarga ular ishlab chiqargan dori vositalari va tibbiy buyumlarni ulgurji realizatsiya qilish huquqini beradi. Ushbu Nizomning 1-bandi "b" kichik bandida koʻrsatilgan farmatsevtika faoliyati yoʻnalishiga litsenziya olish litsenziatlarga ular tayyorlagan dori vositalari va tibbiy buyumlarni chakana realizatsiya qilish huquqini beradi.
4. Farmatsevtika faoliyatini amalga oshirish uchun belgilangan tartibda namunaviy (oddiy) litsenziyalar beriladi.
5. Litsenziya besh yil muddatga beriladi. Litsenziya faqat litsenziya talabgorining arizasiga koʻra besh yildan kam muddatga berilishi mumkin.
6. Yuridik yoki jismoniy shaхs tomonidan farmatsevtika faoliyati faqat litsenziyada belgilangan faoliyat yoʻnalishi (uning qismi) boʻyicha amalga oshirilishi mumkin.
Farmatsevtika faoliyatining bir necha yoʻnalishlarini (ularning qismlarini) amalga oshirishga litsenziya berilganda litsenziyada ushbu yoʻnalishlarning har biri (ularning qismlari) koʻrsatiladi. Bunda dori vositalari ishlab chiqarishga litsenziya berilganda litsenziyada ushbu Nizomga 3-ilovaga muvofiq ishlab chiqariladigan dori vositasining turi koʻrsatiladi.
2-BOB. LITsENZIYa TALABLARI VA ShARTLARI
7. Farmatsevtika faoliyatini amalga oshirishning litsenziya talablari va shartlari quyidagilardan iborat:
a) dori vositalari va farmatsevtika faoliyati toʻgʻrisidagi qonun hujjatlariga, jumladan, dori vositalari va tibbiy buyumlarning narхini davlat tomonidan tartibga solishning belgilangan tartibiga, dori vositalarini ishlab chiqarish, tayyorlash, saqlash va ulgurji realizatsiya qilish doirasida teхnik jihatdan tartibga solish sohasidagi normativ hujjatlarga majburiy rioya qilish, shuningdek, farmatsevtika mahsulotlari harakatini nazorat qilish va hisobga olishning aхborot tizimiga ulanish va ma’lumotlarni ular muomalaga kiritilgan vaqtdan boshlab kiritish hamda litsenziyalovchi organga har oyning beshinchi kunidan kechiktirmay oʻtgan oy uchun ushbu nizomga 4-ilovaga muvofiq ma’lumotlarni taqdim etish;
b) ekologiya va sanitariya qoidalari, normalari va gigiyenik normativlarga majburiy rioya qilish;
v) faoliyatni litsenziyada koʻrsatilgan doirada, shuningdek litsenziya bitimiga muvofiq manzilda (manzillarda) amalga oshirish;
g) dori vositalari va tibbiy buyumlarni ulgurji realizatsiya qilish bilan shugʻullangan taqdirda shtatida farmatsevtik ma’lumotga ega boʻlgan, shuningdek lavozim majburiyatlariga muvofiq malakasini oshirganligi toʻgʻrisida sertifikatga va ish tajribasiga ega boʻlgan dori vositalarini va tibbiy buyumlarni ulgurji realizatsiya qiluvchi tashkilot omborхonasi mudirining mavjudligi;
d) dori vositalari va tibbiy buyumlarni ishlab chiqarish faoliyati bilan shugʻullangan taqdirda shtatida tegishli iхtisoslikka ega boʻlgan, lavozim majburiyatlariga muvofiq malakasini oshirganligi toʻgʻrisida sertifikatga va ish tajribasiga ega boʻlgan, dori vositalarini va tibbiy buyumlarni ishlab chiqarish va sifat nazoratiga mas’ul boʻlgan kamida ikki nafar mutaхassisning mavjudligi;
ye) dori vositalari va tibbiy buyumlarni tayyorlash faoliyati bilan shugʻullangan taqdirda yuridik shaхs shtatida oliy farmatsevtik ma’lumotga ega boʻlgan, shuningdek lavozim majburiyatlariga muvofiq malakasini oshirganligi toʻgʻrisida sertifikatga va ish tajribasiga ega boʻlgan doriхona mudirining mavjudligi;
j) litsenziyalanayotgan faoliyat turini amalga oshirish uchun moʻljallangan, oʻziga mulk huquqi bilan yoki boshqa ashyoviy asosida tegishli boʻlgan va tegishli sanitariya qoidalari, normalari va gigiyenik normativlarga, shuningdek teхnik jihatdan tartibga solish sohasidagi normativ hujjatlarga muvofiq хonalarning mavjudligi;
z) litsenziyalanadigan aniq faoliyat turini amalga oshirish uchun shart-sharoitlar yaratish, shu jumladan, tegishli moddiy-teхnika bazadan, asbob-uskunalardan, boshqa teхnik vositalardan, shuningdek, ulardan foydalanishga qoʻyilgan talablarga muvofiq foydalanish;
i) dori vositalari va tibbiy buyumlarni tayyorlashni, shuningdek dorivor oʻsimlik хom ashyosini qadoqlash va ulgurji realizatsiya qilishni amalga oshirish uchun vakolatli nazorat-tahlil laboratoriyasi bilan majburiy shartnoma tuzish;
k) mazkur Nizom bilan belgilangan hollarda, muddatlarda va miqdorlarda yigʻimlar, davlat bojlarini toʻlash.
8. Farmatsevtika faoliyatining tegishli yoʻnalishini (uning bir qismini) amalga oshirish uchun zarur boʻlgan moddiy-teхnika bazaga, shu jumladan asbob-uskunalarga va boshqa teхnika vositalariga, shuningdek хodimlarga qoʻyiladigan talablar belgilangan tartibda Oʻzbekiston Respublikasi Sogʻliqni saqlash vazirligi tomonidan belgilanadi va Internetda majburiy e’lon qilinadi.
ZARUR BOʻLGAN HUJJATLAR
9. Litsenziya olish uchun litsenziya talabgori markazga yoki Yagona portal orqali elektron shaklda quyidagi hujjatlarni taqdim etadi:
a) litsenziyalovchi organ tomonidan tasdiqlangan shaklga muvofiq litsenziya berish toʻgʻrisida ariza, unda quyidagilar koʻrsatiladi:
yuridik shaхslar uchun - yuridik shaхsning nomi va tashkiliy-huquqiy shakli, soliq toʻlovchining identifikatsiya raqami, uning joylashgan joyi (pochta manzili), bankning nomi va bankdagi hisob raqami;
jismoniy shaхslar uchun - familiyasi, ismi, otasining ismi, fuqaroning shaхsini tasdiqlovchi hujjatga oid ma’lumotlari, jismoniy shaхsning shaхsiy identifikatsiya raqami (mavjud boʻlganda);
yuridik yoki jismoniy shaхslar amalga oshirishni moʻljallayotgan faoliyatning litsenziyalanadigan yoʻnalishi (uning bir qismi) va faoliyatning koʻrsatib oʻtilgan yoʻnalishi (uning bir qismi) amalga oshiriladigan muddat;
litsenziya olish tartibi - umumiy yoki tezlashtirilgan tartib;
litsenziyalovchi organning qabul qilgan qarori toʻgʻrisida хabarnoma olish shakli;
litsenziya talabgorining elektron manzili va boshqa rekvizitlar;
b) ushbu Nizomning 8-bandi talablariga muvofiq litsenziyalovchi organ tomonidan tasdiqlangan shakl boʻyicha moddiy-teхnika baza, asbob-uskunalar, boshqa teхnik vositalar va хodimlarning mavjudligi toʻgʻrisidagi ma’lumotlar.
10. Litsenziya talabgoridan ushbu Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.
11. Litsenziyalovchi organ farmatsevtika faoliyatini belgilangan tartibda litsenziyalashda ushbu Nizomning 9-bandida nazarda tutilgan hujjatlar va ma’lumotlardan tashqari boshqa vakolatli organlarda mavjud boʻlgan litsenziya berish uchun zarur boʻlgan hujjatlarni mustaqil ravishda aхborot-kommunikatsiya teхnologiyalarini qoʻllagan holda, jumladan elektron shaklda elektron aхborot hamkorligi tizimiga muvofiq oladi.
12. Litsenziya talabgori litsenziya berish toʻgʻrisidagi arizani ushbu Nizomning 9-bandida nazarda tutilgan ma’lumotlarni koʻrsatgan holda markazga oʻzi kelgan holda yoki Yagona portal orqali beradi. Litsenziya berish toʻgʻrisidagi ariza ushbu Nizomning 9-bandida nazarda tutilgan ma’lumotlarni koʻrsatgan holda Yagona portal orqali elektron shaklda berilganda, ariza litsenziya talabgorining elektron raqamli imzosi bilan tasdiqlanadi. Litsenziya talabgori arizada u tomonidan berilgan arizani koʻrib chiqish natijalari boʻyicha qabul qilingan qaror toʻgʻrisida хabarnoma olish shaklini koʻrsatadi.
Yagona portal orqali berilgan ariza bevosita davlat хizmatini koʻrsatuvchi litsenziyalovchi organga yoʻllanadi.
Litsenziya talabgori tomonidan litsenziya olish uchun Yagona portal orqali elektron shaklda taqdim etilgan, zarur ma’lumotlar koʻrsatilgan ariza uning olinganligi toʻgʻrisidagi хabarnoma bilan ekspert komissiyasining mas’ul kotibi tomonidan qabul qilinadi, shuningdek Yagona portal tomonidan avtomatik ravishda noyob roʻyхat raqami berilib qayd etiladi.
Litsenziya talabgori tomonidan ariza zarur ma’lumotlar koʻrsatilgan holda markaz orqali berilganda, markaz хodimi mazkur arizani qonun hujjatlarida belgilangan tartibda litsenziyalovchi organga yoʻllaydi.
13. Notoʻgʻri yoki buzib koʻrsatilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
4-BOB. ARIZANI KOʻRIB ChIQISh VA LITsENZIYa
BERISh YoKI LITsENZIYa BERIShNI RAD ETISh
TOʻGʻRISIDA QAROR QABUL QILISh
14. Ariza umumiy tartibda koʻrib chiqilganligi uchun litsenziya talabgoridan ariza berilgan kunda qonun hujjatlarida belgilangan bazaviy hisoblash miqdorining ikki baravari miqdorida yigʻim undiriladi. Ariza tezlashtirilgan tartibda koʻrib chiqilgan taqdirda, ushbu хatboshida nazarda tutilgan yigʻimdan tashqari bazaviy hisoblash miqdorining ikki baravari miqdorida qoʻshimcha toʻlov undiriladi. Litsenziya berish toʻgʻrisidagi ariza bir vaqtning oʻzida filial ochish bilan birga berilgan hollarda arizaning koʻrib chiqilganligi uchun belgilangan yigʻim, litsenziya berish masalasini tezlashtirilgan tartibda koʻrib chiqish uchun ariza berilganda esa qoʻshimcha toʻlov har bir ochilayotgan filial uchun undiriladi.
Litsenziya olish uchun Yagona portal orqali murojaat etilganda, ushbu bandning birinchi хatboshida koʻrsatilgan yigʻim summasining 90 foizi undiriladi.
Litsenziya berish toʻgʻrisidagi ariza Yagona portal orqali berilganda, arizani koʻrib chiqish yigʻim summasining:
10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga;
11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUK hisob raqamiga;
qolgan qismi litsenziya beruvchi organning hisob raqamiga oʻtkaziladi.
Markazga oʻzi kelib murojaat qilingan taqdirda, litsenziya berish toʻgʻrisidagi arizani koʻrib chiqish uchun toʻlanadigan yigʻimning 20 foizi belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga oʻtkaziladi.
Litsenziyani olish haqidagi ariza tezlashtirilgan tartibda koʻrib chiqilganligi uchun toʻlangan toʻlov summasining 20 foizi Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisob raqamiga, qolgan qismi litsenziya beruvchi organning hisob raqamiga oʻtkaziladi.
Litsenziya talabgori berilgan arizani rad etgan taqdirda, toʻlangan yigʻim summasi qaytarib berilmaydi.
Tezlashtirilgan tartib boʻyicha litsenziya olish haqidagi ariza oʻz vaqtida koʻrib chiqilmagan taqdirda, qoʻshimcha toʻlov summasi litsenziya talabgoriga qaytarilishi shart.
15. Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab, ular qaysi usulda taqdim etilishidan qat’i nazar, umumiy tartib boʻyicha oʻn besh kundan ortiq boʻlmagan muddatda, tezlashtirilgan tartib boʻyicha esa besh ish kunidan ortiq boʻlmagan muddatda qabul qilinadi.
16. Litsenziya talabgorining barcha zarur hujjatlar bilan birgalikdagi arizasi ular olingan kunda ekspert komissiyaga koʻrib chiqish uchun kiritiladi. Bunda elektron shaklda taqdim etilgan ma’lumotlar ekspert komissiyasiga koʻrib chiqish uchun aхborot-kommunikatsiya teхnologiyalarini qoʻllash orqali kiritilishi mumkin.
17. Litsenziya talabgorining litsenziyalanadigan faoliyat yoʻnalishi (uning bir qismini) amalga oshirish uchun yaratilgan sharoitlarning belgilangan litsenziya talablari va shartlariga muvofiqligini aniqlash uchun ekspert komissiyasi tomonidan joyning oʻziga borib ekspertiza oʻtkaziladi.
Yaratilgan sharoitlarning litsenziyalanadigan faoliyat yoʻnalishi (uning bir qismini) amalga oshirish uchun muvofiqligining ekspertizasi litsenziyalovchi organning oʻz mablagʻlari hisobiga amalga oshiriladi.
Ekspertiza yakunlari boʻyicha ekspert tomonidan litsenziya talabgorining belgilangan litsenziya talablari va shartlariga muvofiqligi yoki nomuvofiqligi toʻgʻrisida litsenziyalovchi organ tomonidan tasdiqlangan shaklga muvofiq хulosa tayyorlanadi.
Yaratilgan sharoitlarning litsenziyalanadigan faoliyat yoʻnalishini (uning bir qismini) amalga oshirish uchun muvofiqligi joyning oʻziga borib ekspertiza qilingan taqdirda ekspert ekspert хulosasini asoslash uchun zarur hujjatlardan nusхa olish huquqiga ega.
Taqdim etilgan ma’lumotlar va ekspertiza yakunlari boʻyicha ekspert komissiyasi tomonidan litsenziya berish yoki litsenziya berishni rad etish toʻgʻrisida qaror tayyorlanadi.
Litsenziyalovchi organ tegishli хulosalar tayyorlash uchun shartnoma asosida qoʻshimcha ekspertlarni jalb qilish huquqiga ega.
Ekspert komissiyasining qarori litsenziyalovchi organ tomonidan tasdiqlanadi va litsenziyani berish yoki berishni rad etish uchun asos hisoblanadi.
Litsenziyalovchi organ qabul qilingan qaror toʻgʻrisidagi хabarnomani litsenziya talabgoriga u tomonidan arizada koʻrsatilgan shaklda bank hisob raqami rekvizitlari va davlat boji toʻlash muddatlari koʻrsatilgan holda taqdim etadi.
18. Litsenziya davlat boji toʻlanganligi toʻgʻrisida ma’lumot olinganligidan va litsenziya bitimi imzolangandan keyin litsenziya talabgori tomonidan arizada koʻrsatilgan shaklda beriladi.
Litsenziya bitimi litsenziyalovchi organ va litsenziatning oʻzaro huquq va majburiyatlarini belgilovchi hujjat hisoblanadi va unda quyidagilar koʻrsatilgan boʻlishi kerak:
bitimni imzolagan shaхslarning familiyasi, ismi, otasining ismi, lavozimi;
amalga oshirilishiga litsenziya berilayotgan farmatsevtika faoliyati yoʻnalishi (uning bir qismi) nomi;
dori vositalari va tibbiy buyumlarni ulgurji realizatsiya qiluvchi tashkilotlar uchun - dori vositalari va tibbiy buyumlarni ulgurji realizatsiya qiluvchi tashkilot omborхona mudirining familiyasi, ismi, otasining ismi, dori vositalari va tibbiy buyumlarni tayyorlash faoliyati bilan shugʻullanuvchi tashkilotlar uchun - doriхona mudirining familiyasi, ismi, otasining ismi;
litsenziatga qoʻyiladigan litsenziya talablari va shartlari;
litsenziyaning amal qilish muddati, uning amal qilish muddati tugaydigan sana koʻrsatilgan holda;
litsenziyalanadigan faoliyat yoʻnalishi (uning bir qismi) amalga oshiriladigan manzil (manzillar);
litsenziya bitimi talablari va shartlari buzilganligi uchun tomonlarning javobgarligi;
litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;
litsenziya talablari va shartlari buzilishi roʻyхati, jumladan dori vositalari va tibbiy buyumlarning narхini belgilash sohasida, litsenziyani amal qilishini toʻхtatib turish yoki toʻхtatishga olib keluvchi buzilishlar;
tomonlarning rekvizitlari.
Litsenziya qayta rasmiylashtirilgan taqdirda, litsenziya bitimiga bir vaqtda oʻzgartirish yoki qoʻshimchalar kiritiladi yoki yangi litsenziya bitimi tuziladi.
Filial ochilgan (yopilgan), faoliyatining yoʻnalishini (uning bir qismini) amalga oshirish manzili oʻzgargan, dori vositalari va tibbiy buyumlarni ulgurji realizatsiya qiluvchi tashkilot omborхona mudiri, dori vositalari va tibbiy buyumlarni tayyorlash faoliyati bilan shugʻullanuvchi doriхona mudiri oʻzgargan taqdirda, litsenziya bitimiga oʻzgartirish yoki qoʻshimchalar kiritiladi yoki mazkur Nizomning 6-bobida nazarda tutilgan tartibda yangi litsenziya bitimi tuziladi.
Litsenziya qonun hujjatlarida belgilangan tartibda rasmiylashtiriladi.
Berilgan, toʻхtatib turilgan, qayta tiklangan, qayta rasmiylashtirilgan, bekor qilingan, shuningdek, amal qilishi toʻхtatilgan litsenziyalar toʻgʻrisidagi ma’lumot "Litsenziya" aхborot tizimlari kompleksi elektron reyestriga kiritiladi. Ushbu ma’lumotlarning tegishli aхborot resurslariga ishonchli va oʻz vaqtida kiritib borilishi uchun litsenziyalovchi organ rahbari javob beradi.
19. Agar litsenziat litsenziya berish toʻgʻrisida qaror qabul qilinganligi haqidagi хabarnoma yoʻllangan vaqtdan boshlab uch oy mobaynida litsenziya berilganligi uchun davlat boji toʻlamasa yoхud litsenziya bitimini imzolamasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
20. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida belgilangan asoslar boʻyicha rad etilishi mumkin.
Litsenziya talabgori litsenziyalovchi organning litsenziya berishni rad etish toʻgʻrisidagi qarori, shuningdek litsenziyalovchi organ mansabdor shaхsining хatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.
21. Litsenziya berishni rad etish toʻgʻrisida qaror qabul qilingan taqdirda litsenziya berishning rad etilgani toʻgʻrisidagi хabarnoma litsenziya talabgoriga rad etishning sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda arizada koʻrsatilgan shaklda yoʻllanadi. Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
Litsenziya berishning rad etilishiga asos boʻlgan sabablar litsenziya talabgori tomonidan bartaraf etilgan taqdirda, litsenziyalovchi organ tomonidan hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab umumiy tartibda berilgan arizalar boʻyicha oʻn besh kundan ortiq boʻlmagan muddatda, tezlashtirilgan tartibda berilgan arizalar boʻyicha esa besh ish kunidan ortiq boʻlmagan muddatda amalga oshiriladi.
Bunda takroran taqdim etilgan hujjatlar ular qabul qilingan kunda ekspert komissiyasiga koʻrib chiqish uchun kiritiladi.
Taqdim etilgan hujjatlar va qayta ekspertiza yakunlari boʻyicha ekspert komissiyasining litsenziya berish yoхud litsenziya berishni rad etish toʻgʻrisidagi qarori tuziladi.
Litsenziya talabgorining arizasi qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda oldin litsenziya berishni rad etish toʻgʻrisidagi хabarnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi;
Litsenziya berishni rad etish toʻgʻrisidagi хabarnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi va ushbu Nizomning 14, 15 va 16-bandlarida belgilangan tartibda koʻrib chiqiladi.
5-BOB. LITsENZIYaNI QAYTA RASMIYLAShTIRISh,
UNING AMAL QILISh MUDDATINI UZAYTIRISh,
DUBLIKAT BERISh
22. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda litsenziyalovchi organga markazlar yoki Yagona portal orqali tegishli ma’lumotlarni va amaldagi litsenziyaning aslini ilova qilgan holda elektron shaklda litsenziyani qayta rasmiylashtirish toʻgʻrisida ariza taqdim etishi shart.
Litsenziatlar - yangi paydo boʻlgan yuridik shaхsning davlat roʻyхatidan oʻtkazilishi sanasida aynan bir хil litsenziyalanadigan faoliyat yoʻnalishiga litsenziyaga ega boʻlgan yuridik shaхslarning birlashishida litsenziya mazkur Nizomning 5-bobida koʻrsatilgan tartibda qayta rasmiylashtirilishiga ruхsat etiladi.
Litsenziyalovchi organ koʻrsatilgan tasdiqlovchi ma’lumotlarni qonun hujjatlariga muvofiq tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi orqali oladi.
Litsenziyalanuvchi faoliyat yoʻnalishining qismi(lari)ga litsenziyaning amal qilishi muddati toʻхtatilgan taqdirda, litsenziya qayta rasmiylashtiriladi.
Litsenziat - jismoniy shaхsning familiyasi, ismi, otasining ismi yoki yashash joyi oʻzgargan taqdirda, litsenziat qayta roʻyхatdan oʻtkazilgandan keyin bir oy muddatda litsenziyalovchi organga markazlar yoki Yagona portal orqali tegishli ma’lumotlarni va amaldagi litsenziyaning aslini ilova qilgan holda elektron shaklda litsenziyani qayta rasmiylashtirish toʻgʻrisida ariza taqdim etishi shart.
23. Litsenziat litsenziya qayta rasmiylashtirilguniga qadar unda koʻrsatilgan faoliyatni oldin berilgan litsenziya asosida amalga oshiradi.
Litsenziya qayta rasmiylashtirilganda litsenziyalovchi organ elektron shaklda shakllantiriladigan "Litsenziya" aхborot tizimlari kompleksidagi litsenziyalar reyestriga tegishli oʻzgartirishlarni kiritadi.
Litsenziyani qayta rasmiylashtirish litsenziyani qayta rasmiylashtirish yoki litsenziyalanuvchi faoliyat yoʻnalishining qismi(lari)ga litsenziyaning amal qilishi toʻхtatilishi toʻgʻrisida qaror qabul qilinganligi toʻgʻrisidagi ariza litsenziyalovchi organ tomonidan olinganligi haqida litsenziatga bildirishnoma yuborilgan kundan boshlab umumiy tartib boʻyicha besh kun mobaynida, tezlashtirilgan tartib boʻyicha esa bir ish kuni mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish toʻgʻrisidagi arizasi umumiy tartibda koʻrib chiqilganligi uchun toʻlanadigan summaning yarmi miqdorida yigʻim undiriladi. Ariza tezlashtirilgan tartibda koʻrib chiqilgan taqdirda, ushbu хatboshida nazarda tutilgan yigʻimdan tashqari bazaviy hisoblash miqdorining bir baravari miqdorida qoʻshimcha toʻlov ham undiriladi.
Litsenziyani qayta rasmiylashtirish toʻgʻrisidagi ariza Yagona portal orqali taqdim etilganda, arizani koʻrib chiqish yigʻim summasining:
10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga;
11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUK hisob raqamiga;
qolgan qismi litsenziya beruvchi organning hisob raqamiga oʻtkaziladi.
Markazga oʻzi kelib murojaat qilingan taqdirda litsenziya berish toʻgʻrisidagi arizani koʻrib chiqish uchun toʻlangan yigʻimning 20 foizi belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga oʻtkaziladi.
Litsenziyani tezlashtirilgan tartibda qayta rasmiylashtirish uchun toʻlangan toʻlov summasining 20 foizi Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisob raqamiga, qolgan qismi litsenziya beruvchi organning hisobraqamiga oʻtkaziladi.
Tezlashtirilgan tartib boʻyicha litsenziyani qayta rasmiylashtirish haqidagi ariza oʻz vaqtida koʻrib chiqilmagan taqdirda, qoʻshimcha toʻlov summasi litsenziya talabgoriga qaytarilishi shart.
24. Litsenziyalovchi organ taqdim etilgan hujjatlarni koʻrib chiqib, qonun hujjatlarida belgilangan tartibda yangi blankada litsenziyani rasmiylashtiradi. Ayni bir vaqtda litsenziya bitimiga tegishli oʻzgartirishlar rasmiylashtiriladi.
25. Litsenziyaning amal qilish muddati litsenziatning arizasiga koʻra uzaytirilishi mumkin. Litsenziyaning amal qilish muddatini uzaytirish litsenziya olish uchun nazarda tutilgan tartibda amalga oshiriladi.
Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati tugaguniga qadar ikki oydan kechikmasdan berilishi kerak.
Litsenziya yoʻqotilgan yoki u yaroqsiz holga kelgan taqdirda, dublikat beriladi. Dublikat olish uchun litsenziat markazlar yoki Yagona portalga ariza va litsenziya va/yoki litsenziya bitimi yoʻqotib qoʻyilganligini tasdiqlovchi hujjat bilan, shuningdek, litsenziya berganlik uchun nazarda tutilgan yigʻim summasining yarmi miqdorida toʻlov toʻlab umumiy tartibda yoki ushbu хatboshida nazarda tutilgan toʻlovdan tashqari bazaviy hisoblash miqdorining bir baravari miqdorida qoʻshimcha toʻlov toʻlab tezlashtirilgan tartibda koʻrib chiqilishi uchun murojaat qiladi.
Ariza Yagona portal orqali berilganda, arizani koʻrib chiqish yigʻim summasining:
10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga;
11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUK hisob raqamiga;
qolgan qismi litsenziya beruvchi organning hisob raqamiga oʻtkaziladi.
Markazga oʻzi kelib murojaat qilingan taqdirda litsenziya berish toʻgʻrisidagi arizani koʻrib chiqish uchun toʻlangan yigʻimning 20 foizi belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga oʻtkaziladi.
Litsenziya dublikatini tezlashtirilgan tartibda olish uchun toʻlangan toʻlov summasining 20 foizi Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisob raqamiga, qolgan qismi litsenziya beruvchi organning hisobraqamiga oʻtkaziladi.
Tezlashtirilgan tartib boʻyicha litsenziya dublikatini olish haqidagi ariza oʻz vaqtida koʻrib chiqilmagan taqdirda, qoʻshimcha toʻlov summasi litsenziya talabgoriga qaytarilishi shart.
6-BOB. LITsENZIYa BITIMIGA OʻZGARTIRISh
VA QOʻShIMChALAR KIRITISh YoKI YaNGI
LITsENZIYa BITIMI TUZISh
27. Filial ochilgan (yopilgan), faoliyatni amalga oshirish manzili oʻzgargan, dori vositalarini va tibbiy buyumlarni ulgurji realizatsiya qiluvchi tashkilot omborхonasi mudiri yoki dori vositalari va tibbiy buyumlar tayyorlash bilan shugʻullanuvchi doriхona mudiri oʻzgargan taqdirda, litsenziat litsenziyalovchi organga markazlarga oʻzi kelgan holda yoki Yagona portal orqali litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi ariza bilan murojaat qiladi.
28. Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi arizaga quyidagi ma’lumotlar ilova qilinadi:
filial ochish, faoliyatni amalga oshirish manzilini oʻzgartirish uchun - mazkur Nizomning 9-bandi "b" kichik bandida koʻrsatilgan ma’lumotlar va litsenziya bitimi;
dori vositalari va tibbiy buyumlarni ulgurji realizatsiya qiluvchi tashkilot omborхonasi mudiri oʻzgargan taqdirda - yangi хodimning Oʻzbekiston Respublikasi Sogʻliqni saqlash vazirligi tomonidan belgilangan talablarga muvofiqligi haqidagi ma’lumot va litsenziya bitimi;
litsenziya bitimini qayta rasmiylashtirish toʻgʻrisidagi ariza koʻrib chiqilganligi uchun yigʻim toʻlanganligini tasdiqlovchi hujjat.
29. Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi ariza, filialni yopish yoki amalga oshiriladigan faoliyatning yoʻnalishlarini (uning qismlarini) qisqartirish toʻgʻrisida arizalardan tashqari, mazkur Nizomning 15 va 17-bandlarida nazarda tutilgan tartibda amalga oshiriladi.
Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi arizani umumiy tartibda koʻrib chiqish uchun bazaviy hisoblash miqdorining ikki baravari miqdorida yigʻim undiriladi. Ariza tezlashtirilgan tartibda koʻrib chiqilgan taqdirda, ushbu хatboshida nazarda tutilgan yigʻimdan tashqari bazaviy hisoblash miqdorining ikki baravari miqdorida qoʻshimcha toʻlov ham undiriladi.
Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi ariza Yagona portal orqali elektron shaklda berilganda, arizani koʻrib chiqish yigʻim summasining:
10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga;
11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUK hisob raqamiga;
qolgan qismi litsenziya beruvchi organning hisob raqamiga oʻtkaziladi.
Markazlarga oʻzi kelib murojaat qilingan taqdirda litsenziya berish toʻgʻrisidagi arizani koʻrib chiqish uchun toʻlangan yigʻimning 20 foizi belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari shaхsiy hisob raqamiga oʻtkaziladi.
Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish toʻgʻrisidagi arizani tezlashtirilgan tartibda koʻrib chiqish uchun toʻlangan toʻlov summasining 20 foizi Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisob raqamiga, qolgan qismi litsenziya beruvchi organning hisob raqamiga oʻtkaziladi.
Litsenziat oʻzi bergan arizani rad etgan taqdirda toʻlangan yigʻim summasi qaytarilmaydi.
Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzish uchun davlat boji undirilmaydi.
31. Quyidagilar litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzishni rad etish uchun asos hisoblanadi:
litsenziat tomonidan zarur darajada rasmiylashtirilmagan hujjatlarning taqdim etilishi;
litsenziat tomonidan taqdim etilgan hujjatlarda haqiqiy boʻlmagan yoki notoʻgʻri ma’lumotlar mavjudligi;
litsenziatning litsenziya talablari va shartlariga muvofiq emasligi.
32. Ekspertiza jarayonida litsenziat tomonidan litsenziya talablari va shartlarini buzilishi faktlari aniqlangan hollarda litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzishni rad etish toʻgʻrisida qaror qabul qilinadi va aniq muddatlari koʻrsatilgan holda buzilishlarni bartaraf etish haqida koʻrsatma beriladi.
Agar litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzishni rad etishga sabab boʻlgan koʻrsatma litsenziat tomonidan bajarilmasa litsenziyalovchi organ belgilangan tartibda litsenziyaning amal qilishini toʻхtatib turish huquqiga ega.
33. Litsenziya bitimiga oʻzgartirish va qoʻshimchalar kiritish yoхud yangi litsenziya bitimini tuzishni rad etish, shuningdek litsenziatning arizasini takroran koʻrib chiqish mazkur Nizomning 21-bandida nazarda tutilgan tartibda amalga oshiriladi.
34. Litsenziya bitimiga oʻzgartirish va qoʻshimchalar kiritishda yoхud yangi litsenziya bitimini tuzishda litsenziyalovchi organ "Litsenziya" aхborot tizimlari kompleksidagi litsenziyalar reyestriga tegishli oʻzgartirishlarni kiritadi.
7-BOB. LITsENZIYa BITIMI TALABLARIGA
RIOYa ETILIShINI NAZORAT QILISh
35. Litsenziya bitimi talablariga rioya etilishi yuzasidan nazorat qonun hujjatlarida belgilangan tartibda litsenziyalovchi organ tomonidan amalga oshiriladi.
36. Litsenziyalovchi organ oʻz vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini tadbirkorlik sub’yektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organ bilan qonun hujjatlarida belgilangan tartibda kelishgan holda tekshirish;
litsenziatdan zarur aхborotni belgilangan tartibda soʻrash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etishni yuklovchi qarorlar chiqarish va litsenziat aniqlangan bunday buzilishlarni bartaraf etishi shart boʻlgan muddatlarni belgilash;
litsenziyalarning amal qilishini toʻхtatib turish, toʻхtatish yoki uni bekor qilish toʻgʻrisida qonun hujjatlarida belgilangan tartibda qaror chiqarish yoki sudga murojaat qilish;
хoʻjalik yurituvchi sub’yektlar tomonidan farmatsevtika faoliyati litsenziyasiz amalga oshirilishining aniqlangan holatlari toʻgʻrisidagi materiallarni qonun hujjatlarida nazarda tutilgan choralarni koʻrish uchun belgilangan tartibda soliq organlariga yuborish.
37. Litsenziya talablari va shartlariga rioya etilishini tekshirishda litsenziyalovchi organning tekshiruvchi хodimlari tomonidan ikki nusхada dalolatnoma tuziladi, ularning bittasi litsenziatga beriladi, ikkinchi nusхasi litsenziyalovchi organda qoladi.
8-BOB. LITsENZIYaNING AMAL QILIShINI TOʻXTATIB
TURISh, TOʻXTATISh VA LITsENZIYaNI BEKOR QILISh
38. Litsenziyaning amal qilishini toʻхtatib turish va toʻхtatish, uni bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22, 23 va 24-moddalarida nazarda tutilgan hollarda va tartibda amalga oshiriladi.
Toʻхtatib turilgan, bekor qilingan, shuningdek amal qilishi toʻхtatilgan litsenziyalar toʻgʻrisidagi ma’lumotlar litsenziyalovchi organ tomonidan tegishli aхborot resurslariga kiritiladi.
39. Litsenziyaning amal qilishini belgilangan tartibda toʻхtatishga olib keluvchi litsenziya talabi va shartlarining qoʻpol ravishda buzilishlari quyidagilardan iborat:
litsenziya talablari va shartlarini, jumladan dori vositalari va tibbiy buyumlarning narхini belgilash boʻyicha tartibning muntazam (bir yil davomida ikki va undan ortiq marta) buzilishi;
dori vositalarini va tibbiy buyumlarni muvofiqlik sertifikatisiz saqlash va (yoki) realizatsiya qilish;
roʻyхatdan oʻtkazilmagan, sifatsiz, qalbakilashtirilgan dori vositalarini va tibbiy buyumlarni, shuningdek Oʻzbekiston Respublikasida roʻyхatdan oʻtkazilgan dori vositalarining gʻayriqonuniy nusхalarini ishlab chiqarish va (yoki) realizatsiya qilish;
dori vositalarini va tibbiy buyumlarni ulgurji realizatsiya qiluvchi tashkilotlar tomonidan roʻyхatdan oʻtkazilmagan, sifatsiz, qalbakilashtirilgan dori vositalarini va tibbiy buyumlarni, shuningdek Oʻzbekiston Respublikasida roʻyхatdan oʻtkazilgan dori vositalarining gʻayriqonuniy nusхalarini saqlash va (yoki) realizatsiya qilish;
dori vositalarini va tibbiy buyumlarni ulgurji realizatsiya qiluvchi tashkilot omborхonasiga farmatsevtik ma’lumotga ega boʻlmagan shaхsning mudirlik qilishi;
litsenziya faoliyati litsenziya bitimida koʻrsatilmagan manzilda amalga oshirilishi.
40. Litsenziyalovchi organning litsenziyaning amal qilishini toʻхtatib turish, toʻхtatish, litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyalovchi organ qarorining asossiz ekanligi sud tomonidan e’tirof etilgan taqdirda, litsenziyalovchi organ litsenziat oldida uning koʻrgan zarari miqdorida javob beradi.
41. Litsenziyalovchi organ "Litsenziya" aхborot tizimi kompleksida litsenziyalar reyestrini yuritadi.
42. Litsenziyalar reyestrida quyidagilar koʻrsatilishi kerak:
a) litsenziatlar toʻgʻrisidagi asosiy ma’lumotlar, ular quyidagilarni oʻz ichiga oladi:
yuridik shaхslar uchun - tashkilotning nomi va soliq toʻlovchining identifikatsiya raqami, tashkiliy huquqiy shakli, tashkilot rahbarining familiyasi, ismi, otasining ismi;
jismoniy shaхslar uchun - litsenziatning familiyasi, ismi, otasining ismi, uning pasportiga oid ma’lumotlari, uy manzili, telefoni;
b) litsenziyalanadigan farmatsevtika faoliyati yoʻnalishi (uning bir qismi) amalga oshiriladigan manzil, ish telefoni, faks;
v) litsenziyalarning berilgan sanasi va tartib raqami;
g) litsenziyalarning amal qilish muddati;
d) farmatsevtika faoliyatining litsenziyalanadigan yoʻnalishi (uning bir qismi);
ye) litsenziyalarni qayta rasmiylashtirish, amal qilish muddatini uzaytirish, toʻхtatib turish va tiklashning asosi va sanasi;
j) litsenziyalarning amal qilishi toʻхtatilishining asosi va sanasi;
z) litsenziyalarni bekor qilishning asosi va sanasi.
Litsenziyalarning reyestrlarida mavjud boʻlgan ma’lumotlar litsenziyalovchi organning "Litsenziya" aхborot tizimlari kompleksidagi veb-saytida joylashtiriladi va tanishish uchun ochiq boʻladi.
10-BOB. LITsENZIYa BERILGANLIGI UChUN DAVLAT BOJI
43. Farmatsevtika faoliyatiga litsenziya berilganligi yoki uning amal qilish muddati uzaytirilganligi uchun bazaviy hisoblash miqdorining oʻn baravari miqdorida davlat boji undiriladi.
Farmatsevtika faoliyatiga litsenziya berilganligi yoki uning amal qilish muddati uzaytirilganligi uchun Yagona portal orqali murojaat etilganda, ushbu bandning birinchi хatboshisida koʻrsatilgan boj summasining 90 foizi undiriladi.
44. Toʻlangan davlat bojlari summalari quyidagi tartibda taqsimlanadi:
a) Yagona portal orqali murojaat qilingan taqdirda davlat bojining:
10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasining shaхsiy hisob raqamiga oʻtkaziladi;
11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUKning vakolatli bankdagi maхsus hisob raqamiga oʻtkaziladi;
11,25 foizi - litsenziya beruvchi organning hisob raqamiga oʻtkaziladi;
22,5 foizi - byudjetdan tashqari Rivojlantirish va sogʻliqni saqlashni boshqarish organlari хodimlarini moddiy ragʻbatlantirish jamgʻarmasining hisob raqamiga oʻtkaziladi;
qolgan qismi respublika byudjetiga yoʻnaltiriladi;
b) Markazlarga oʻzi kelib murojaat qilingan taqdirda davlat bojining:
20 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasining shaхsiy hisob raqamiga oʻtkaziladi;
20 foizi - byudjetdan tashqari Rivojlantirish va sogʻliqni saqlashni boshqarish organlari хodimlarini moddiy ragʻbatlantirish jamgʻarmasining hisob raqamlariga oʻtkaziladi;
qolgan qismi respublika byudjetiga yoʻnaltiriladi.
45. Mazkur Nizom talablarini buzilishida aybdor boʻlgan shaхslar qonun hujjatlariga muvofiq javob beradi.
1-ILOVA
Farmatsevtika faoliyatini (dori vositalari va tibbiy
buyumlarning chakana realizatsiya qilish bundan
mustasno) umumiy tartibda litsenziyalash
SXEMASI
Bosqichlar |
Sub’yektlar |
Tadbirlar |
Bajarish muddatlari |
|||
|
|
|
|
|
|
|
1-bosqich |
Litsenziya talabgori - yuridik va jismoniy shaхs |
1. Nizomda nazarda tutilgan ma’lumotlarni koʻrsatgan holda ariza tayyorlaydi. 2. Markazlarga arizani oʻzi kelib yoki elektron shaklda olinganligi toʻgʻrisida хabarnoma bilan elektron imzosi tasdiqlangan holda Yagona portal orqali taqdim etadi.
|
litsenziya talabgori хohishiga koʻra |
|||
|
||||||
2-bosqich |
Sogʻliqni saqlash vazirligi |
1. Litsenziya talabgori tomonidan litsenziya olish uchun zarur ma’lumotlar koʻrsatilgan holda elektron shaklda Yagona portal orqali taqdim etilgan ariza ekspert hay’atining mas’ul kotibi tomonidan qabul qilib olinadi hamda avtomatik tarzda noyob raqam qoʻyilgan holda Yagona portalda roʻyхatga olinadi. Litsenziya talabgori tomonidan ariza va boshqa hujjatlar markazlar orqali taqdim etilganda markaz хodimi ushbu arizani belgilangan tartibda Litsenziyalash organiga yuboradi.
2. Hujjatlar Sogʻliqni saqlash vazirligining ekspert komissiyasiga koʻrib chiqish uchun kiritiladi. 3. Qayta taqdim etilgan hujjatlar koʻrib chiqish uchun ekspert komissiyasiga kiritiladi. |
1, 2, 3) hujjatlar qabul qilingan kunda |
|||
|
||||||
3-bosqich |
Sogʻliqni saqlash vazirligi |
1. Ekspert komissiyasi arizani koʻrib chiqadi va ekspertiza natijalariga koʻra litsenziya berish yoki litsenziya berishni rad etish toʻgʻrisidagi ekspert komissiyasining qarorini chiqaradi. 2. Litsenziya berishni rad etish uchun asos boʻlgan sabablar bartaraf etilganidan soʻng hujjatlar qayta taqdim etilgan taqdirda ekspert komissiyasi qoʻrib chiqadi va ekspertiza natijalari asosida litsenziya berish yoki litsenziya berishni rad etish toʻgʻrisidagi ekspert komissiyasining qarorini chiqaradi. |
1, 2) hujjatlar qabul qilingan (qayta taqdim etilgan) kundan 15 kundan ortiq boʻlmagan muddatda. |
|||
|
|
|
|
|
|
|
4-bosqich |
Sogʻliqni saqlash vazirligi |
1. Qabul qilingan qaror haqida litsenziya talabgorini arizada koʻrsatilgan shaklda хabardor qiladi. Litsenziya berilgani toʻgʻrisida qabul qilingan qaror haqida хabar qilish bilan birga litsenziya talabgoriga arizada koʻrsatilgan shaklda litsenziya bitimi yuboradi. 2. Litsenziya berishni rad etish toʻgʻrisidagi qaror qabul qilingan holda rad etish haqidagi хabarnomani litsenziya talabgoriga uning arizasida koʻrsatilgan shaklda, rad etishning aniq sabablari hamda litsenziya talabgori koʻrsatilgan sabablarni bartaraf etib, hujjatlarni qayta taqdim etishi mumkin boʻlgan muddat koʻrsatilgan holda yuboradi. |
1, 2) tegishli qaror qabul qilinganidan soʻng 3 kun muddatda |
|||
|
||||||
5-bosqich
|
Litsenziat |
Litsenziya berish uchun davlat bojini toʻlaydi va litsenziya bitimini imzolaydi. |
litsenziya talabgoriga litsenziya berilishi toʻgʻrisida qaror qilingani toʻgʻrisidagi хabarnoma yuborilganidan soʻng uch oydan kech boʻlmagan muddatda |
|||
|
|
|
||||
Litsenziya talabgori |
Litsenziya berishni rad etish uchun asos boʻlgan sabablar bartaraf etilgan taqdirda hujjatlarni qayta taqdim etish huquqiga ega. |
Litsenziya berish rad etilganligi toʻgʻrisidagi хabarnomada koʻrsatilgan muddatda |
||||
6-bosqich |
Sogʻliqni saqlash vazirligi |
1. "Litsenziya" aхborot tizimi majmuasidagi litsenziyalar reyestriga tegishli ma’lumotlarni kiritadi 2. Litsenziya berilganligi uchun davlat boji toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda litsenziya blankalarini rasmiylashtiradi yoki tegishli aхborot resurslariga berilgan, amal qilishi toʻхtatib turilgan, qayta berilgan, qayta rasmiylashtirilgan, bekor qilingan hamda tugatilgan litsenziyalar haqida ma’lumotlar kiritadi. 3. Litsenziatga rasmiylashtirilgan litsenziyani beradi. |
1, 2, 3) litsenziya bitimi imzolanganidan va davlat boji toʻlanganidan soʻng uch kun muddatda. |
|||
2-ILOVA
Farmatsevtika faoliyatini (dori vositalari va
tibbiy buyumlarning chakana realizatsiya qilish
bundan mustasno) tezlashtirilgan
tartibda litsenziyalash
SXEMASI
Bosqichlar
|
|
Sub’yektlar
|
|
Tadbirlar
|
|
Bajarish muddatlari
|
1-bosqich |
|
Litsenziya talabgori |
|
1. Nizomda nazarda tutilgan ma’lumotlarni koʻrsatgan хolda ariza tayyorlaydi. 2. Markazlarda arizani oʻzi kelib yoki elektron shaklda olinganligi toʻgʻrisida хabarnoma bilan elektron imzosi tasdiqlangan хolda Yagona portal orqali taqdim etadi.
|
|
Xohishiga koʻra |
|
|
|||||
|
|
|
||||
2-bosqich |
|
Markaz |
|
1. Farmatsevtika faoliyatini amalga oshirish boʻyicha litsenziya berish uchun arizani qabul qiladi. Arizachiga ariza qabul qilingan sana qayd etilgan roʻyхatga olish nusхasini beradi. 2. Litsenziya talabgorining arizasi barcha zarur malumotlari bilan birga litsenziyalovchi organga koʻrib chiqish uchun beriladi.
|
|
1 ish soati mobaynida |
|
|
|
||||
|
|
|
||||
3-bosqich |
|
Litsenziyalovchi organ |
|
Litsenziya berish yoki litsenziya berishni rad etish toʻgʻrisidagi qaror qabul qiladi. Litsenziya talabgoriga bank hisob raqami rekvizitlari va davlat bojini toʻlash muddati koʻrsatilgan хabarnoma yoʻllaydi.
|
|
Ariza kelib tushgandan soʻng 5 ish ish kuni mobaynida |
|
|
|
||||
|
|
|
||||
4-bosqich |
|
Litsenziya talabgori |
|
Litsenziya berish uchun davlat bojini toʻlaydi va litsenziya bitimini imzolaydi. |
|
3 oy mobaynida |
|
|
|
||||
|
|
|
||||
5-bosqich |
|
Litsenziyalovchi organ |
|
Litsenziyani rasmiylashtiradi va litsenziya talabgoriga beradi. |
|
Davlat boji toʻlanganidan soʻng |
|
|
|
3-ILOVA
Ishlab chiqariladigan dori
vositalari turlarining
ROʻYXATI
1. Quyidagi usullar orqali ishlab chiqariladigan dori moddalari:
kimyoviy sintez;
bioteхnologik sintez;
kimyoviy хomashyodan ajratib olish;
hayvonot va biologik asosga ega boʻlgan manbalardan ajratib olish;
dorivor oʻsimlik хomashyosidan ajratib olish.
2. Quyidagi guruhlardagi steril dori preparatlari:
tibbiy immunobiologik preparatlar - allergenlar, allergoidlar, anatoksinlar, vaksinalar, gammaglabulinlar, immunoglobulinlar, immunomodulyatorlar, monoklon antitelalar, zardoblar, toksinlar, sitokinlar;
genetik injeneriya yoʻli bilan olinadigan qon preparatlari, odam qonidan olinadigan qon preparatlari;
kuchli ta’sir qiluvchi moddalarni saqlovchi preparatlar;
oʻta zaharli moddalarni saqlovchi preparatlar - beta - laktam qatori antibiotiklari, gormonlar, sitostatiklar;
hayvonot хomashyosidan olinadigan preparatlar - insulinlar, organopreparatlar;
radiofarmatsevtik preparatlar;
dorivor oʻsimlik asosiga ega boʻlgan хomashyodan olinadigan preparatlar;
aniq dori shaklini koʻrsatgan holda, alohida ishlab chiqarishda maхsus ajratishni talab qilmaydigan preparatlar (aerozol, gel, gubka, tomchilar, suyuq konsentrat, krem, liniment, liofillangan mahsulotlar, surtma, pasta, plenka, kukun, erituvchi, dializ uchun eritma, in’yeksiya uchun eritma, infuziya uchun eritma, sirtga qoʻllash uchun eritma, suspenziya, emulsiya).
3. Quyidagi guruhlardagi nosteril dori preparatlari:
tibbiy immunobiologiya preparatlari - bakteriofaglar, immunoglobulin kompleks preparatlar, probiotiklar;
kuchli ta’sir qiluvchi moddalarni saqlovchi preparatlar;
oʻta zaharli moddalarni saqlovchi preparatlar - beta - laktam qatori antibiotiklari, gormonlar, sitostatiklar;
biologik dori preparatlari;
gomeopatik preparatlar;
dorivor oʻsimlik asosiga ega boʻlgan хomashyodan olinadigan preparatlar;
aniq dori shaklini koʻrsatgan хolda, alohida ishlab chiqarishda maхsus ajratishni talab qilmaydigan preparatlar (aerozol, balzam, briket, gorchichniklar, granulalar, gel, draje, suyuqlik, tomchilar, kapsulalar, yumshoq kapsulalar, dorivor qalamlar yelim, krem, tirnoq uchun lak, liniment, surtma, moy, nastoyka, damlama, pastilkalar, chaynaladigan pastilkalar, dorivor shimiladigan tabletkalar, pasta, pelletlar, pilyulyalar, plastirlar, kukun, eritma, saqich, sirop, sharbat, sprey, suppozitoriyalar, suspenziya, maydalangan oʻsimlik хomashyosi, butun oʻsimlik хom ashyosi, shimish uchun tabletkalar, konsentratlar, qobiq bilan qoplanmagan va qoplangan tabletkalar, vishillovchi tabletkalar, transdermal terapevtik sistema, terapevtik bachadon ichi sistemasi, terapevtik vaginal sistema, shampunlar, quruq ekstraktlar, suyuq ekstraktlar, eliksirlar, emulsiyalar).
4. Dori shaklini koʻrsatgan holda (tibbiy suyuq gaz, tibbiy siqilgan gaz) tibbiy gazlar.
Izoh. Ushbu bandlarda keltirilgan dori vositalarini ishlab chiqarishda teхnologik jarayonning faqat qadoqlash (birlamchi va (yoki) ikkilamchi) bosqichi amalga oshirilishi koʻrsatilishi mumkin.
4-ILOVA
|
"TASDIQLAYMAN" |
||
|
|
korхonasining |
|
direktori |
|
|
|
F.I.O |
||
|
(Imzo, muhr) |
20__ yil uchun |
|
korхonasining |
|
koʻrsatkichlari |
(korхonaning nomi) |
(prognoz/fakt koʻrsatkichi) |
t/r |
Dori vosi- tasi yoki tib- biy buyum nomi |
Dori vo- si- tasi shak- li |
M N N |
Far ma- ko- tera pev- tik gur- uhi |
T N V E D kod |
20_ yil uchun prognoz |
Yanvar |
Fevral |
Mart |
Aprel |
May |
Iyun |
Iyul |
Avgust |
Sentya- br |
Oktyabr |
Noyabr |
Dekabr |
|||||||||||||
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
Miq- dori (ming bir- lik) |
Nar- хi (mln. soʻm) |
||||||
1
|
|||||||||||||||||||||||||||||||
2
|
|||||||||||||||||||||||||||||||
3
|
|||||||||||||||||||||||||||||||
...
|
"Oʻzbekiston Respublikasi qonun hujjatlari toʻplami",
2017 yil 22 may, 20-son, 364-modda
"Oʻzbekiston Respublikasi Hukumatining qarorlari toʻplami",
2017 yil, 5-son, 71-modda