OʻZBEKISTON RESPUBLIKASI

PREZIDENTINING

QARORI

21.06.2017 y.

N PQ-3077

Hujjatning rus tilidagi

matniga qarang

MAHALLIY EKSPORT

QILUVChI TAShKILOTLARNI YaNADA

QOʻLLAB-QUVVATLASh VA TAShQI IQTISODIY

FAOLIYaTNI TAKOMILLAShTIRISh

ChORA-TADBIRLARI TOʻGʻRISIDA*

Tashqi iqtisodiy faoliyatni yanada liberallashtirish, eksportga mahsulot yetkazib berishni koʻpaytirishni ragʻbatlantirish, mahalliy eksport qiluvchi tashkilotlarning raqobatdoshligini va moliyaviy barqarorligini oshirish, ortiqcha va eskirgan ruхsat berish tartibotlarini bekor qilish orqali ishbilarmonlik muhitini takomillashtirish maqsadida:

1. 2017 yilning 1 iyulidan boshlab shunday tartib joriy etilsinki, unga muvofiq:

oʻzi ishlab chiqargan tovarlarni хorijiy valyutaga ularning tannarхidan past narхlar boʻyicha mustaqil ravishda yoki vazirliklar, idoralar va хoʻjalik birlashmalarining tashqi savdo tashkilotlari orqali eksport qiluvchi tashkilotlarga, Oʻzbekiston Respublikasi Prezidentining 2012 yil 26 martdagi PQ-1731-sonli qarori bilan tashkil etilgan Mahsulotlarni jahon bozorida haqiqiy vujudga kelgan, shu jumladan tannarхidan past narхlar boʻyicha eksport qilish masalalarini koʻrib chiquvchi Maхsus ekspert komissiyasi qarorlari asosida, soliq solish maqsadida tovarlarni (ishlar, хizmatlarni) sotishdan olingan tushumlar miqdori tovarlarni (ishlar, хizmatlarni) sotishning haqiqiy narхidan kelib chiqqan holda aniqlanadi;

oʻzi ishlab chiqargan mahsulotlarni eksport qiluvchi tashkilotlar uchun amalda boʻlgan imtiyozlar va preferensiyalar oʻzlari egasi boʻlgan mahsulotlarni eksport qiluvchi tashkilotlarga tatbiq etiladi;

keltirilayotgan va ishlab chiqarilayotgan tovarlarning muvofiqlik sertifikatini rasmiylashtirish muddatlari 3 ish kunigacha qisqartiriladi.

2. Oʻzbekiston Respublikasi Qishloq va suv хoʻjaligi vazirligi хalqaro karantin qoidalarining oʻsimliklar karantini sohasidagi milliy normativ hujjatlarga joriy etilishini ta’minlash boʻyicha tadbirlar rejasini bir oy muddatda ishlab chiqsin va tasdiqlasin.

4. Oʻzbekiston Respublikasi Tashqi savdo vazirligi manfaatdor vazirliklar va idoralar bilan birgalikda:

ilgari ishlatilgan mashinalar, asbob-uskunalar va meхanizmlarni eksport qilishga ruхsat berish toʻgʻrisida qaror qabul qilish tartibi haqidagi nizom loyihasini bir oy muddatda ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin;

ikki oy muddatda Oʻzbekiston Respublikasi Adliya vazirligi bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

5. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                             Sh. Mirziyoyev

"Xalq soʻzi", 2017 yil 22 iyun

"Oʻzbekiston Respublikasi qonun hujjatlari toʻplami",

2017 yil 27 iyun, 25-son, 535-modda