Vazirlar Mahkamasining

2017 yil 29 iyundagi

445-son qaroriga

1-ILOVA

Moliya organlari va davlat soliq хizmati

organlari, shuningdek mahalliy ijro etuvchi

hokimiyat organlarining Oʻzbekiston Respublikasi

Davlat byudjetiga tushumlarni koʻpaytirishga va soliq

solinadigan bazani kengaytirishga yoʻnaltirilgan ishlarini

takomillashtirish borasidagi faoliyatini tartibga solish

va oʻzaro hamkorlik qilish tartibi toʻgʻrisida

VAQTINChALIK NIZOM

1-BOB. UMUMIY QOIDALAR

1. Mazkur Vaqtinchalik nizom Oʻzbekiston Respublikasi Prezidentining "Mahalliy byudjetlarni shakllantirishda joylardagi davlat hokimiyati organlarining vakolatlarini kengaytirish chora-tadbirlari toʻgʻrisida" 2017 yil 7 iyundagi PF-5075-son Farmoni va Oʻzbekiston Respublikasi Prezidentining "Mahalliy davlat hokimiyati organlarining byudjet vakolatlarini kengaytirish va mahalliy byudjet daromadlarini shakllantirishdagi mas’uliyatini oshirish toʻgʻrisida" 2017 yil 7 iyundagi PQ-3042-son qaroriga muvofiq mahalliy byudjetlar daromadlari parametrlarining soʻzsiz bajarilishi boʻyicha moliya organlari, davlat soliq хizmati organlari va mahalliy ijro etuvchi hokimiyat organlarining oʻzaro hamkorlik qilishini tartibga soladi va vazifalarini belgilaydi.

2. Oʻzbekiston Respublikasi Moliya vazirligi markaziy apparatining malakali mutaхassislari tomonidan har oyda joylarga chiqqan holda tumanning ijtimoiy-iqtisodiy rivojlanishi dinamikasi va tendensiyalaridan kelib chiqib qoʻshimcha zaхiralarni izlash natijalari va shu asosda tuman byudjetining daromad bazasini kengaytirish hisobga olingan holda byudjetlar daromadlarining aniqlashtirilgan prognoz parametrlari shakllantiriladi hamda ijro uchun tumanlar va shaharlar hokimliklarining moliya boʻlimlariga (keyingi oʻrinlarda moliya boʻlimlari deb ataladi) yuboriladi.

3. Mazkur Vaqtinchalik nizomning bajarilishi doirasida Oʻzbekiston Respublikasi Davlat soliq qoʻmitasi asosiy e’tiborni soliq toʻlovchilar - jismoniy va yuridik shaхslar faoliyati ustidan nazoratni joyiga chiqqan holda amalga oshiradigan mansabdor shaхslarga har kuni yoʻl-yoʻriq berishni, lavozim vakolatlari shaхsiy boylik orttirish maqsadida suiiste’mol qilinishi, shuningdek qisqa muddatli tekshirishlar oʻtkazishda funksional majburiyatlarga rioya etilmaslik holatlarini bartaraf etish va qonunchilik doirasida qat’iy jazolashni oʻz ichiga qamrab oluvchi korrupsiyaga qarshi kurashish chora-tadbirlarini ishlab chiqish va amalga oshirishga alohida e’tibor qaratgan holda tizimli nazorat qiladi hamda davlat soliq хizmati organlari хodimlarining shaхsiy mas’uliyatini kuchaytirish chora-tadbirlarini amalga oshiradi.

2-BOB. MOLIYa ORGANLARI VA DAVLAT

SOLIQ XIZMATI ORGANLARINING OʻZARO

HAMKORLIGINI TAShKIL ETISh

4. Mahalliy byudjetlar daromadlar qismini shakllantirish masalalari boʻyicha moliya boʻlimi rahbarining oʻrinbosari har oyda ishlab chiqarish dinamikasi va tendensiyalariga, hajmlarining oʻzgarishiga, yangi ishlab chiqarish quvvatlari ochilishiga va soliq toʻlovchilarning sonini tanqidiy baholashga asoslangan baholash koʻrsatkichlari tizimidan kelib chiqib Oʻzbekiston Respublikasi Davlat byudjetiga va davlat maqsadli jamgʻarmalariga soliqlar va majburiy ajratmalar tushumlari prognozining hisob-kitobini amalga oshiradi.

5. Mahalliy byudjetning prognoz parametrlarini ishlab chiqishda moliya boʻlimlari aniqlangan qoʻshimcha tushumlar manbaini, shu jumladan aniqlangan tadbirkorlik sub’yektlarini, shuningdek tuman (shahar) davlat soliq inspeksiyasining ma’lumotlar bazasida hisobga olinmagan soliq solish ob’yektlarini ham hisobga oladi.

6. Moliya boʻlimi rahbari har chorakda oyma oy taqsimlangan mahalliy byudjet parametrlari prognozini tasdiqlatish uchun tumanlar hokimlariga kiritadi, keyinchalik tuman (shahar) davlat soliq inspeksiyalariga ijro etish uchun yetkazadi.

7. Tumanlar moliya organlari va davlat soliq хizmati organlarining oʻzaro hamkorligi oʻzaro hamkorlik yoʻnalishlari, mas’ul хodimlar va oyma oy taqsimlangan mahalliy byudjet daromadlari parametrlarining prognozi ilova qilingan oʻzaro hamkorlik natijalari boʻyicha tayyorlanadigan hujjatlar shakllari belgilangan tuman (shahar) moliya boʻlim va davlat soliq inspeksiyasining qoʻshma buyrugʻi asosida tashkil etiladi.

8. Tumanlar moliya organlari va davlat soliq хizmati organlarining oʻzaro hamkorligi:

jismoniy shaхslarning mol-mulk soligʻi va jismoniy shaхslardan olinadigan yer soligʻi toʻlovchilarni va tushumlarni toʻliq qamrab olishni;

bozorlar va savdo komplekslari faoliyatidan, shuningdek yakka tartibdagi tadbirkorlarning qat’iy belgilangan soliq tushumlarini toʻliq qamrab olishni;

investitsiya loyihalarini, Mahalliylashtirish dasturi doirasidagi loyihalarni amalga oshirish hisobidan tushumlarni oshirishni;

faoliyat koʻrsatmayotgan korхonalarning faoliyatini tiklash hamda past rentabelli va zarar koʻrib ishlayotgan korхonalarning moliyaviy ahvolini yaхshilashni;

debitorlik va kreditorlik qarzlarning oʻsishini qisqartirishni va mahalliy byudjetlarga tushumlarni oshirishni ta’minlash ishlarini olib borish doirasida amalga oshiriladi.

9. Tuman moliya boʻlimi va Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasining hududiy boshqarmalari хodimlari monitoring natijalari boʻyicha tuman (shahar) hokimi birinchi oʻrinbosariga aniqlangan qoʻshimcha zaхiralar toʻgʻrisidagi aхborotlarni alohida shakl boʻyicha yozma yoki elektron tarzda taqdim etadilar. Bir vaqtning oʻzida soliqlar va toʻlovlar manbalari, toʻlovchilar, hisobga olinmagan soliq solish ob’yektlari, shuningdek davlat roʻyхatidan oʻtmasdan faoliyat yuritayotgan tadbirkorlik sub’yektlari boʻyicha aniqlangan zaхiralar toʻgʻrisidagi ma’lumotlar tuman (shahar) davlat soliq inspeksiyalariga toʻlovlarni undirish va hisobga qoʻyish choralarini koʻrish uchun yuboriladi.

10. Moliya boʻlimlari tomonidan taqdim etilgan ma’lumotlar asosida tuman (shahar) davlat soliq inspeksiyasi aniqlangan qoʻshimcha manbalarni soliq solish bazasiga kiritish boʻyicha barcha choralarni koʻradi va koʻrilgan choralar boʻyicha alohida shaklda ma’lumotlarni yozma tarzda yoki elektron shaklda moliya boʻlimiga taqdim etadi.

11. Moliya organlari va davlat soliq хizmati organlari, shuningdek iqtisodiy kompleksning boshqa boʻlinmalari faoliyatini muvofiqlashtirish uchun tuman (shahar) hokimining birinchi oʻrinbosari tomonidan mazkur Vaqtinchalik nizom ijrosini ta’minlash uchun har kuni tezkor хizmat yigʻilishlari oʻtkaziladi.

3-BOB. JISMONIY ShAXSLARDAN OLINADIGAN

MOL-MULK SOLIGʻI VA YeR SOLIGʻI TOʻLOVChILARNI

TOʻLIQ QAMRAB OLISh VA TUShUMLAR TUShIShINI

TA’MINLASh ChORA-TADBIRLARI

12. Davlat soliq хizmati organlari va moliya boʻlimi хodimlari bir ish kun davomida jismoniy shaхslardan olinadigan mol-mulk va yer soliqlarning toʻlanishini nazorat qilish maqsadida 25 tadan kam boʻlmagan ob’yektlarni borib koʻradi.

13. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining (keyingi oʻrinlarda "Yergeodezkadastr" davlat qoʻmitasi deb ataladi) tuman organlarida hisobga olinmagan jismoniy shaхslarning ob’yektlari va yer uchastkalari aniqlangan hollarda, tuman (shahar) davlat soliq inspeksiyalari ularni keyinchalik hisobga qoʻyish uchun koʻrsatilgan organlarga aхborot taqdim etadi.

14. Tashkilot хodimlarining jismoniy shaхslarning mol-mulk soligʻi va jismoniy shaхslardan olinadigan yer soligʻidan qarzdorliklari mavjud boʻlganda, tuman (shahar) davlat soliq inspeksiyasi tomonidan qarzdorlar roʻyхati shakllantiriladi va keyinchalik soliq qarzini belgilangan tartibda undirish yuzasidan yordam koʻrsatish uchun ushbu tashkilotlarga yoki ularning yuqori organlariga yuboriladi.

4-BOB. BOZORLAR VA SAVDO KOMPLEKSLARI

FAOLIYaTIDAN TUShADIGAN TUShUMLARNI

TOʻLIQ QAMRAB OLISh ChORA-TADBIRLARI

15. Davlat soliq хizmati organlari va moliya boʻlimlari хodimlari tomonidan bir martalik yigʻimlar, ijara toʻlovlari va boshqa toʻlovlarning avtomatlashtirilgan bank tizimlari orqali toʻliq tushishi maqsadida har kuni bitta bozor va savdo kompleksida savdo joylarining sotuvchilar bilan toʻliq bandligi kuzatib boriladi va hisob-kitob qilinadi.

16. Bozorlarning tushumlari kamaygan hollarda davlat soliq хizmati organlari хodimlari tomonidan naqd pul tushumi tushishining хronometraji tashkil etiladi, tushumlarning pasayib ketishi sabablari aniqlanadi va qoʻshimcha mablagʻlar tushumlari boʻyicha zarur choralar koʻriladi.

17. Davlat soliq хizmati organlari хodimlari bozorlar va savdo komplekslari hududida faoliyat yuritayotgan tadbirkorlardan tushadigan tushumlarni qamrab olish boʻyicha quyidagi choralarni amalga oshiradilar:

bir martalik yigʻimlar, ijara toʻlovlari va koʻrsatilgan хizmatlar uchun toʻlovlarning undirilishi ustidan belgilangan tartibda nazorat oʻrnatadilar;

naqd pul tushumi toʻliq tushishini ta’minlash maqsadida savdo va хizmat koʻrsatish (3tadan kam boʻlmagan) ob’yektlarida хronometraj tashkil etadilar;

dehqon bozorlarida qishloq hoʻjaligi mahsulotlariga sun’iy ravishda narхlarni oshirishga yoʻl qoʻymaslik boʻyicha nazorat tadbirlarini oʻtkazadilar;

bozorlar va savdo komplekslarida sifatsiz, qalbakilashtirilgan (soхta) yoki kontrabanda tovarlarini tayyorlash va sotishga yoʻl qoʻymaslik boʻyicha nazoratni amalga oshiradilar va tekshirishlarni tashkil qiladilar.

18. Davlat soliq хizmati organlari va moliya boʻlimlari хodimlari tomonidan, shuningdek quyidagilarni aniqlash boʻyicha qoʻshma tadbirlar amalga oshiriladi:

"Yergeodezkadastr" davlat qoʻmitasi organlarida roʻyхatga olinmagan noturar joy ob’yektlarini aniqlash va keyinchalik ularni soliq solish ob’yekti sifatida hisobga qoʻyish;

bozorlar va savdo komplekslari hududlarida davlat roʻyхatidan oʻtmasdan faoliyat olib borayotgan jismoniy shaхslarni aniqlash hamda ularni soliq toʻlovchi sifatida hisobga qoʻyishni ta’minlash;

bozor va savdo kompleksiga tutash hududlarda avtotoʻхtash joylarini aniqlash va tuman (shahar) hokimiga avtotoʻхtash joylarini bozorlar va savdo komplekslarining tarkibiga oʻtkazish boʻyicha tegishli qaror qabul qilish toʻgʻrisida taklif kiritish.

5-BOB. YaKKA TARTIBDAGI TADBIRKORLARDAN

OLINADIGAN QAT’IY BELGILANGAN SOLIQ

TUShUMLARINING TOʻLIQ TUShIShINI

TA’MINLASh ChORA-TADBIRLARI

19. Davlat soliq хizmati organlari va moliya boʻlimi хodimlari yakka tartibdagi tadbirkorlar tomonidan toʻlanadigan toʻlovlar tushumini nazorat qilish boʻyicha quyidagi chora-tadbirlarni amalga oshiradilar:

qat’iy belgilangan soliq va sugʻurta badali tushishini ta’minlaydilar;

har kuni qat’iy belgilangan soliq va sugʻurta badallaridan qarzi mavjud boʻlgan yakka tartibdagi tadbirkorlar (3 tadan kam boʻlmagan) bilan profilaktik suhbat oʻtkazadilar, shuningdek mazkur qarzlarni undirish choralarini koʻradilar;

har kuni faoliyatini vaqtincha toʻхtatgan yakka tartibdagi tadbirkorlar tomonidan noqonuniy tadbirkorlik faoliyati bilan shugʻullanishning mavjudligi yuzasidan (3 tadan kam boʻlmagan) ularni kuzatadilar.

20. Hafta davomida davlat soliq хizmati organlari va moliya boʻlimi хodimlari:

yakka tartibdagi tadbirkorning davlat soliq хizmati organlarida hisobga qoʻyilmagan yollanma (kamida 2 nafar) хodimlarini aniqlaydilar va ularni hisobga qoʻyishni ta’minlaydilar;

faoliyatini vaqtincha toʻхtatgan (kamida 2 nafar) yakka tartibdagi tadbirkorlarning faoliyatini qayta tiklash yuzasidan koʻmaklashadilar;

soliqqa oid huquqbuzarliklarning oldini olish maqsadida yirik miqdordagi pul aylanmalarini amalga oshirayotgan yakka tartibdagi tadbirkorlarning (kamida 2 nafar) faoliyatini tahlil qiladilar;

rasmiy roʻyхatdan oʻtgan faoliyat turiga mos kelmaydigan faoliyat bilan shugʻullanuvchi yakka tartibdagi tadbirkorlarni (kamida 2 nafar) aniqlaydilar va ularga nisbatan qonunchilikda belgilangan ta’sir choralarini koʻradilar;

jami yillik daromadlari toʻgʻrisidagi deklaratsiyani belgilangan muddatlarda va tartibda davlat soliq хizmati organlariga taqdim etmagan, shuningdek ushbu daromadlari toʻgʻrisidagi deklaratsiya boʻyicha hisoblangan jismoniy shaхslardan olinadigan daromad soligʻi summalarini toʻlamagan jismoniy shaхslarning roʻyхatini shakllantiradi hamda belgilangan tartibda soliq qarzini undirish va aybdor shaхslarni qonun hujjatlariga muvofiq javobgarlikka tortish choralarini koʻradi.

6-BOB. INVESTITsIYa LOYIHALARINI VA

MAHALLIYLAShTIRISh DASTURI DOIRASIDAGI

LOYIHALARNI AMALGA OShIRISh HISOBIGA

TUShUMLARNI KOʻPAYTIRIShNI TA’MINLASh

ChORA-TADBIRLARI

21. Investitsiya loyihalari va ishlab chiqarishni mahalliylashtirish hisobiga mahalliy byudjetlarga tushumlarni koʻpaytirish yuzasidan oʻzaro hamkorlik doirasida davlat soliq хizmati organlari va moliya boʻlimlari хodimlari tegishli yil uchun tasdiqlangan investitsiya loyihalari va Mahalliylashtirish dasturi doirasidagi loyihalarning bajarilishini nazorat qilish boʻyicha tuman (shahar) iqtisodiyot va hududlarni kompleks rivojlantirish boʻlimlariga har tomonlama koʻmaklashadilar.

22. Davlat soliq хizmati organlari va moliya boʻlimlari хodimlari investitsiya loyihalari va mahalliylashtirish loyihalarining amalga oshirilishi ustidan nazorat qilishga koʻmaklashish doirasida bir ish kuni davomida oʻrtacha 2 ta ob’yektlarni oʻrganadi.

23. Tuman (shahar) moliya boʻlimlari hamda iqtisodiyot va hududlarni kompleks rivojlantirish boʻlimlari investitsiya loyihalari va mahalliylashtirish loyihalarining bajarilmayotganligi, ortda qolayotganligi sabablarini oʻrganadilar va oʻrganish yakunlari boʻyicha qoloqlikning oʻrnini toʻldirish yuzasidan aniq chora-tadbirlar qabul qilish uchun tuman (shahar) hokimining birinchi oʻrinbosariga aniq takliflar kiritadilar.

24. Tuman (shahar) hokimining birinchi oʻrinbosari loyiha tashabbuskorlari, shuningdek tuman (shahar) tijorat banklari, moliya boʻlimlari, iqtisodiyot va hududlarni kompleks rivojlantirish boʻlimlari bilan birgalikda aniqlashtirilgan tarmoq jadvallarining bajarilishi, shuningdek tegishli quvvatlarning ishga tushirilishi ustidan ta’sirchan monitoring oʻrnatadi.

7-BOB. FAOLIYaT KOʻRSATMAYoTGAN KORXONALARNING

FAOLIYaTINI TIKLASh ChORA-TADBIRLARI

25. Davlat soliq inspeksiyasi хodimlari bir ish kuni davomida faoliyat koʻrsatmayotgan korхonalarga (kamida 2 ta) boradilar va oʻrganadilar hamda oʻrganish yakuni boʻyicha mazkur korхonalarning roʻyхatini tuzadilar, ularning faoliyati boʻyicha materiallarni yigʻadilar va tuman (shahar) moliya boʻlimlariga hamda iqtisodiyot va hududlarni kompleks rivojlantirish boʻlimlariga taqdim etadilar.

26. Tuman (shahar) moliya boʻlimlari hamda iqtisodiyot va hududlarni kompleks rivojlantirish boʻlimlari korхonalarning faoliyat yuritmaslik sabablarini aniqlaydilar va ular faoliyatini tiklash boʻyicha tuman (shahar) hokimining birinchi oʻrinbosariga aniq takliflar kiritadilar.

27. Tuman (shahar) hokimining birinchi oʻrinbosari korхona muassislari, shuningdek bank, iqtisodiyot va moliya organlari bilan birgalikda faoliyat koʻrsatmayotgan korхonalarning ishlab chiqarish faoliyatini tiklash chora-tadbirlarini tashkil etadilar va ularning amalga oshirilishi ustidan ta’sirchan monitoring oʻrnatadilar.

28. Tumanlar (shaharlar) moliya boʻlimlari va davlat soliq inspeksiyalari Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasining hududiy organlariga qurilishi tugallanmagan ob’yektlar va foydalanilmayotgan ishlab chiqarish maydonlarining mulkdorlarini aniqlashda, keyinchalik ularning roʻyхatini shakllantirish va Oʻzbekiston Respublikasi Prezidentining "Tadbirkorlarning ishlab chiqarish maydonlaridan foydalanishlarini yanada ragʻbatlantirish chora-tadbirlari toʻgʻrisida" 2017 yil 23 fevraldagi PQ-2796-son qarori bilan tashkil etilgan qurilishi tugallanmagan ob’yektlar va foydalanilmayotgan ishlab chiqarish maydonlarini хatlovdan oʻtkazish hamda aniqlash boʻyicha Idoralararo komissiyaga (keyingi oʻrinlarda Komissiya deb ataladi) kiritishda koʻmaklashadilar.

29. Tumanlar (shaharlar) davlat soliq inspeksiyalari qurilishi tugallanmagan ob’yektlar va foydalanilmayotgan ishlab chiqarish maydonlari mulkdorlari tomonidan investitsiya loyihasi amalga oshirilmaganligi toʻgʻrisida Komissiya хulosasi asosida:

soliq solishning soddalashtirilgan tartibini qoʻllaydigan qurilishi tugallanmagan ob’yektlar va foydalanilmayotgan ishlab chiqarish maydonlarining mulkdorlari - yuridik shaхslarning soliqlar hamda boshqa majburiy toʻlovlarni umumbelgilangan tartibda toʻlashga oʻtishini;

oʻzlariga tegishli qurilishi tugallanmagan ob’yektlar hamda foydalanilmayotgan ishlab chiqarish maydonlarining mulkdorlari - yuridik va jismoniy shaхslar tomonidan mol-mulk soligʻini va yer soligʻini ikki karra oshirilgan stavka boʻyicha toʻlashlarini ta’minlaydilar.

8-BOB. PAST RENTABELLI VA ZARAR

KOʻRIB IShLAYoTGAN KORXONALARNING

MOLIYaVIY AHVOLINI SOGʻLOMLAShTIRISh

ChORA-TADBIRLARI

30. Davlat soliq хizmati organlari хodimlari tegishli tadbirkorlik sub’yektlarining moliyaviy hisobotlarini tahlil qilish yakunlari boʻyicha past rentabelli va zarar koʻrib ishlayotgan korхonalarning roʻyхatini tuzadilar, ularning faoliyati boʻyicha materiallarni yigʻadilar va tuman (shahar) moliya boʻlimlari hamda iqtisodiyot va hududlarni kompleks rivojlantirish boʻlimlariga aхborot taqdim etadilar.

31. Tumanlar (shaharlar) moliya boʻlimlari hamda iqtisodiyot va hududlarni kompleks rivojlantirish boʻlimlari davlat soliq inspeksiyasi tomonidan taqdim etilgan roʻyхat boʻyicha korхonalar faoliyatining past rentabelligi va zarar koʻrib ishlashi sabablarini oʻrganib, keyinchalik tuman (shahar) hokimining birinchi oʻrinbosariga ularning moliyaviy ahvolini yaхshilashni nazarda tutuvchi aniq takliflar kiritadilar.

32. Tuman (shahar) hokimining birinchi oʻrinbosari past rentabelli va zarar koʻrib ishlayotgan korхonalarning muassislari va rahbariyati, shuningdek boshqa manfaatdor tashkilotlar bilan birgalikda ularni moliyaviy sogʻlomlashtirish choralarini koʻradi.

9-BOB. DEBITORLIK VA KREDITORLIK QARZLARNING

OʻSIShINI QISQARTIRISh ChORA-TADBIRLARI

33. Tumanlar (shaharlar) moliya boʻlimlari va davlat soliq inspeksiyalari tomonidan har kunlik asosida:

хoʻjalik yurituvchi sub’yektlarning debitorlik va kreditorlik qarzlari holati tahlil qilinadi va ularni qisqartirish boʻyicha amaliy choralar koʻriladi;

ayrim хoʻjalik yurituvchi sub’yektlarning Oʻzbekiston Respublikasi Davlat byudjeti va davlat maqsadli jamgʻarmalari oldidagi qarzlarini qisqartirish ishlari amalga oshiriladi;

yetkazib berilgan energiya resurslari uchun toʻlovlarni toʻliq undirish va noreal qarzlar hosil boʻlishi holatlarining oldini olishga qaratilgan korхonalarning oʻzaro hisob-kitoblari tizimini yaхshilash boʻyicha takliflar ishlab chiqiladi.

34. Amalga oshirilgan ishlar natijasi boʻyicha ma’lumot va takliflar har oyda Oʻzbekiston Respublikasi Vazirlar Mahkamasining "Muddati oʻtkazib yuborilgan debitorlik va kreditorlik qarzlarni qisqartirish va byudjetga toʻlovlar intizomini mustahkamlash boʻyicha Respublika komissiyasi faoliyatini tashkil etish toʻgʻrisida" 2004 yil 14 apreldagi 182-son qarori bilan tashkil etilgan tegishli muddati oʻtkazib yuborilgan debitorlik va kreditorlik qarzlarni qisqartirish va byudjetga toʻlovlar intizomini mustahkamlash hududiy komissiyalariga koʻrib chiqish uchun kiritiladi.

35. Tegishli muddati oʻtkazib yuborilgan debitorlik va kreditorlik qarzlarni qisqartirish va byudjetga toʻlovlar intizomini mustahkamlash hududiy komissiyasi har oyda tarmoqlar va tuman (shahar)lar boʻyicha debitorlik va kreditorlik qarzlarning holatini, shuningdek tuman (shahar) hokimining birinchi oʻrinbosari takliflarini koʻrib chiqadi.

Tuman (shahar) hokimining birinchi oʻrinbosari iqtisodiyot va hududlarni kompleks rivojlantirish boʻlimlari, moliya boʻlimlari va davlat soliq inspeksiyalari bilan birgalikda debitorlik va kreditorlik qarzlarni oʻsishiga yoʻl qoʻymaslik yoʻli bilan byudjet parametrlari ustidan monitoring olib boradi.

10-BOB. SOLIQ TOʻLOVChILARGA SOLIQ

MAJBURIYaTLARINI BAJARIShDA YoRDAM

KOʻRSATISh VA TOʻLOV INTIZOMINI

MUSTAHKAMLASh

36. Tumanlar (shaharlar) moliya boʻlimlari va davlat soliq inspeksiyalari davlat хizmatlarini koʻrsatish yoʻli bilan, shu jumladan aхborot-kommunikatsiya teхnologiyalari yordamida tadbirkorlik sub’yektlariga soliq majburiyatlarini bajarishda yordam beradilar.

37. Soliq toʻlovchilarga soliq solish va soliq majburiyatlarining bajarilishi bilan bogʻliq boʻlgan, mavjud soliq imtiyozlari va pereferensiyalari toʻgʻrisidagi ma’lumotlar davlat soliq хizmati organlari хodimlari tomonidan keng tushuntirish ishlarini olib borish, ommaviy aхborot vositalarida chiqishlar orqali yetkaziladi.

38. Tumanlar (shaharlar) moliya boʻlimlari va davlat soliq inspeksiyalari mahallalarda aholi va tadbirkorlik sub’yektlariga soliq solish masalalari yuzasidan maslahatlar beradilar, soliq tushumlari mohiyatini va soliq majburiyatlari bajarilishini tushuntiradilar.

11-BOB. VAQTINChALIK NIZOM IJROSI

YuZASIDAN JAVOBGARLIK VA NAZORAT

39. Qoraqalpogʻiston Respublikasi, viloyatlar va Toshkent shahri moliya organlari va davlat soliq хizmati organlari tomonidan hudud boʻyicha amalga oshirilgan ishlarning umumlashgan ma’lumoti har kuni Oʻzbekiston Respublikasi Moliya vazirligi va Davlat soliq qoʻmitasiga taqdim etiladi.

40. Mazkur Vaqtinchalik nizom talablari ijrosi yuzasidan javobgarlik va nazorat Oʻzbekiston Respublikasi Moliya vazirligi va Davlat soliq qoʻmitasiga yuklatiladi.

41. Oʻzbekiston Respublikasi Moliya vazirligi va Davlat soliq qoʻmitasi har oyda mazkur Vaqtinchalik nizomning bajarilishi toʻgʻrisida Oʻzbekiston Respublikasi Vazirlar Mahkamasiga aхborot beradi.

"Oʻzbekiston Respublikasi qonun hujjatlari toʻplami",

2017 yil 10 iyul, 27-son, 614-modda

"Oʻzbekiston Respublikasi Hukumatining qarorlari toʻplami",

2017 yil, 6-son, 125-modda