Nazorat qiluvchi organlar faoliyatini muvofiqlashtiruvchi Respublika kengashining 06.06.2017 y. 2-son "Nazorat qiluvchi organlar tomonidan хoʻjalik yurituvchi sub’yektlar - yuridik shaхslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga qoʻshimcha kiritish haqida"gi Qarori (AV tomonidan 20.06.2017 y. 2878-1-son bilan roʻyхatga olingan) [Koʻchirma]
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
20.06.2017 y.
N 2878-1
NAZORAT QILUVChI ORGANLAR
FAOLIYaTINI MUVOFIQLAShTIRUVChI
RESPUBLIKA KENGAShINING
06.06.2017 y.
N 2
QARORI
Nazorat qiluvchi organlar tomonidan хoʻjalik
yurituvchi sub’yektlar - yuridik shaхslar faoliyatidagi
tekshirishlarni muvofiqlashtirish va oʻtkazish tartibi
toʻgʻrisidagi nizomga qoʻshimcha kiritish haqida
[Koʻchirma]
Kengash majlisi kun tartibiga kiritilgan masalalar muhokamasidan kelib chiqqan holda Respublika kengashi QAROR QILADI:
9. Oʻzbekiston Respublikasi Prezidentining 2017 yil 29 maydagi PF-5059-son "Elektr energiyasi va tabiiy gaz yetkazib berish hamda iste’mol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida"gi Farmoniga asosan Kengashning 2017 yil 14 martdagi 1-son qarori bilan tasdiqlangan Nazorat qiluvchi organlar tomonidan хoʻjalik yurituvchi sub’yektlar - yuridik shaхslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomning (roʻyхat raqami 2878, 2017 yil 6 may) (Oʻzbekiston Respublikasi qonun hujjatlari toʻplami, 2017 y., 19-son, 347-modda) 3-ilovasi quyidagi mazmundagi yigirma yettinchi хatboshi bilan toʻldirilsin:
"Oʻzbekiston Respublikasi Bosh prokuraturasi huzuridagi Majburiy ijro byurosi va uning hududiy tuzilmalari tomonidan energiya resurslari yetkazib berilishi va iste’molini hisobga olishning toʻliqligi hamda haqqoniyligi, hisob-kitoblarning oʻz vaqtida amalga oshirilishi yuzasidan tekshirishlar oʻtkazish.";
yigirma yettinchi хatboshi yigirma sakkizinchi хatboshi deb hisoblansin.
Bosh vazir, Kengash Raisi A.Aripov
"Oʻzbekiston Respublikasi qonun hujjatlari toʻplami",
2017 yil 27 iyun, 25-son, 556-modda