Oʻzbekiston Respublikasi Vazirlar Mahkamasining 17.07.2017 y. 500-son "Fuqarolar yigʻinlari хodimlari mehnatiga Yagona tarif setkasi boʻyicha haq toʻlashning razryadlarini belgilash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
17.07.2017 y.
N 500
FUQAROLAR YIGʻINLARI
XODIMLARI MEHNATIGA YaGONA
TARIF SETKASI BOʻYIChA HAQ TOʻLAShNING
RAZRYaDLARINI BELGILASh TOʻGʻRISIDA
Oʻzbekiston Respublikasi Prezidentining "Mahalla institutini yanada takomillashtirish chora-tadbirlari toʻgʻrisida" 2017 yil 3 fevraldagi PF-4944-son Farmoniga muvofiq Vazirlar Mahkamasi QAROR QILADI:
1. Posyolkalar, qishloqlar va ovullarning, shuningdek shaharlar, posyolkalar, qishloqlar va ovullarning mahallalari fuqarolar yigʻinlari хodimlari mehnatiga haq toʻlashning Yagona tarif setkasi boʻyicha razryadlari ilovaga muvofiq tasdiqlansin.
2. Belgilansinki, ish haqini toʻlash bilan bogʻliq хarajatlar tumanlar va shaharlar byudjetlari mablagʻlari hisobiga qoplanadi.
3. Vazirlar Mahkamasining "Davlat hokimiyati va boshqaruvi organlari, sud organlari va notarial idoralar хodimlari mehnatiga haq toʻlashning tarif setkasini joriy etish toʻgʻrisida" 1996 yil 12 apreldagi 147-son qaroriga 26-ilova oʻz kuchini yoʻqotgan deb hisoblansin.
4. Oʻzbekiston Respublikasi Bandlik va mehnat munosabatlari vazirligi manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni ikki hafta muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
2017 yil 17 iyuldagi
500-son qaroriga
ILOVA
Posyolkalar, qishloqlar va ovullarning,
shuningdek shaharlar, posyolkalar, qishloqlar
va ovullarning mahallalari fuqarolar yigʻinlari
хodimlari mehnatiga haq toʻlashning
Yagona tarif setkasi boʻyicha
RAZRYaDLARI
T/r |
Lavozim nomi |
Mehnatga haq toʻlash boʻyicha razryadlar |
|
posyolkalar, qishloqlar, ovullar va shaharlar mahallalarining fuqarolar yigʻinlari |
shaharlar hududidan tashqarida joylashgan mahallalar fuqarolar yigʻinlari |
||
1. |
Fuqarolar yigʻini raisi |
7 |
6 |
2. |
Fuqarolar yigʻini mas’ul kotibi |
6 |
5 |
3. |
Profilaktika (katta) inspektorlarining jamoat tartibini saqlash boʻyicha yordamchilari |
6 |
5 |
4. |
Harbiy hisobga olish boʻyicha mutaхassis |
5 |
4 |
"Oʻzbekiston Respublikasi qonun hujjatlari toʻplami",
2017 yil 24 iyul, 29-son, 694-modda