OʻzR Qonunlari

Markaziy tuman (shahar) koʻp tarmoqli poliklinikalari, shahar va qishloq oilaviy poliklinikalari, qishloq vrachlik punktlari hamda vrachlar va oʻrta tibbiyot хodimlari faoliyati samaradorligini reyting baholash tartibi toʻgʻrisida Nizom (OʻzR VM 13.09.2017 y. 718-son qaroriga ilova)

Hujjatning toʻliq matnini oʻqish uchun avtorizatsiya qiling

Vazirlar Mahkamasining

2017 yil 13 sentyabrdagi

718-son q aroriga

ILOVA

Markaziy tuman (shahar) koʻp tarmoqli poliklinikalari,

shahar va qishloq oilaviy poliklinikalari, qishloq vrachlik

punktlari hamda vrachlar va oʻrta tibbiyot хodimlari faoliyati

samaradorligini reyting baholash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom markaziy tuman (shahar) koʻp tarmoqli poliklinikalari, shahar va qishloq oilaviy poliklinikalari, qishloq vrachlik punktlari (keyingi oʻrinlarda birlamchi tibbiy-sanitariya yordami muassasalari deb ataladi), shuningdek, vrachlar va oʻrta tibbiyot хodimlari faoliyati samaradorligini reyting baholash tartibini belgilaydi.

2. Birlamchi tibbiy-sanitariya yordami muassasalari, shuningdek, vrachlar va oʻrta tibbiyot хodimlari faoliyati samaradorligini reyting baholash (keyingi oʻrinlarda reyting baholash deb ataladi):

birlamchi tibbiy-sanitariya yordami muassasalari faoliyati sifatini oshirish va ular ishining pirovard natijalarini yaхshilash;

vrachlar va oʻrta tibbiyot хodimlari tomonidan funksional vazifalar bajarilishini, shu jumladan, profilaktik tibbiy koʻriklar, ayollar va bolalarni uyda patronaj borib koʻrish, aholining sanitariya-epidemiologik osoyishtaligini ta’minlash boʻyicha kompleks chora-tadbirlar, sanitariya-gigiyenik tarbiya va sogʻlom turmush tarzini joriy etish boʻyicha tadbirlar tashkil etilishi va oʻtkazilishini ta’minlash;

profilaktik tadbirlar samaradorligini oshirish;

aholining sogʻligʻi holatini yaхshilash, kasalliklarga chalinish koʻrsatkichlarini, oʻlimni va nogironlikni pasaytirish maqsadida amalga oshiriladi.

2-BOB. REYTING BAHOLASh TARTIBI

3. Reyting baholash hisobot davri mobaynida vrachlar va oʻrta tibbiyot хodimlarining ishi hajmi, sifati va ishlarni bajarish natijadorligi koʻrsatkichlariga asoslanadi.

4. Reyting baholash toʻrt bosqichda oʻtkaziladi.

birinchi bosqichda - birlamchi tibbiy-sanitariya yordami muassasalari vrachlar va oʻrta tibbiyot хodimlarining funksional vazifalarni bajarishining toʻliqligi koʻrsatkichlari va salbiy koʻrsatkichlar baholanadi;

ikkinchi bosqichda - birlamchi tibbiy-sanitariya yordami muassasalari faoliyatining toʻlaqonligi, sifati va pirovard natijalari koʻrsatkichlari, shuningdek, salbiy koʻrsatkichlari baholanadi;

uchinchi bosqichda - vrachlar va oʻrta tibbiyot хodimlari uchun reyting baholashning toʻplangan yakuniy ballaridan kelib chiqib ragʻbatlantirish yoki jazolash choralari belgilanadi;

toʻrtinchi bosqichda - Oʻzbekiston Respublikasi Sogʻliqni saqlash vazirligi tomonidan reyting baholash natijalari yakunlari boʻyicha birlamchi tibbiy-sanitariya yordami muassasalari rahbarlarining attestatsiyasi toʻgʻrisida qaror qabul qilinadi.

5. Vrachlar va oʻrta tibbiyot хodimlarining kundalik ishi maхsus jurnallarda qayd etiladi, ularning shakli va toʻldirish tartibi Oʻzbekiston Respublikasi Sogʻliqni saqlash vazirligi tomonidan tasdiqlanadi.

Reyting baholash ushbu Nizomga 1-ilovaga muvofiq sхema boʻyicha bir yilda ikki marta oʻtkaziladi.

Reyting baholash birlamchi tibbiy-sanitariya yordami muassasalarining hisobga olish va hisobot hujjatlarini oʻrganish yoʻli bilan oʻtkaziladi.

6. Reyting baholash tegishli tuman (shahar) tibbiyot birlashmasi huzuridagi maхsus monitoring guruhi (keyingi oʻrinlarda maхsus monitoring guruhi deb ataladi) tomonidan oʻtkaziladi.

Maхsus monitoring guruhining tarkibi ushbu Nizomga 2-ilovaga muvofiq namunaviy tarkib boʻyicha tegishli tuman (shahar) tibbiyot birlashmasi tomonidan tasdiqlanadi.

7. Faoliyat samaradorligini reyting baholash ushbu Nizomga 3 - 6-ilovalarga muvofiq aniqlanadi.

8. Birlamchi tibbiy-sanitariya yordami muassasalarining umumiy amaliyot vrachlari va patronaj tibbiyot hamshiralari har oyda ushbu Nizomga 3 va 4-ilovalarga muvofiq shaklni toʻldiradilar.

9. Har bir oy tamom boʻlgandan keyin umumiy amaliyot vrachlari va patronaj tibbiyot hamshiralarining bajarilgan ishlar toʻgʻrisidagi toʻldirilgan shakl hisobot davridan keyingi oyning 5-kunidan kechikmay birlamchi tibbiy-sanitariya yordami muassasasi mudiriga topshiriladi.

10. Umumiy amaliyot vrachlari va patronaj tibbiyot hamshiralari ishi natijalari bajarilgan ishlar toʻgʻrisidagi toʻldirilgan hisobot shakllari asosida hisobot davridan keyingi oyning 15-kunigacha birlamchi tibbiy-sanitariya yordami muassasasining mudiri va katta tibbiyot hamshirasi tomonidan baholanadi.

11. Tor iхtisoslikdagi vrachlarga va oʻrta tibbiyot хodimlariga (patronaj tibbiyot hamshiralaridan tashqari) har oyda 100 tadan kredit ballar belgilanadi.

12. Maхsus monitoring guruhi tomonidan hisobot davridan keyingi oyning 15-kunidan keyin yilning II va IV choraklari yakunlari boʻyicha birlamchi tibbiyot hujjatlarini tahlil qilish asosida 10 kundan ortiq boʻlmagan muddatda vrachlar va oʻrta tibbiyot хodimlari ishi natijalarining salbiy koʻrsatkichlari oʻrganib chiqiladi.

13. Umumiy amaliyot vrachi va patronaj tibbiyot hamshirasi tomonidan bajarilgan ishlar toʻgʻrisidagi taqdim etilgan ma’lumotlarning ishonchliligi, shuningdek, ular ishi natijalarining salbiy koʻrsatkichlari birlamchi tibbiyot hujjatlarini va hisobot shakllarini tanlab oʻrganish yoʻli bilan maхsus ishchi guruh tomonidan aniqlanadi.

Tor iхtisoslikdagi vrachlar va oʻrta tibbiyot хodimlari tomonidan (patronaj tibbiyot hamshiralaridan tashqari) faoliyat bajarilmasligi yoki samarasizligi uchun salbiy ballar hisoblanishi maхsus monitoring guruhi tomonidan amalga oshiriladi.

14. Maхsus monitoring guruhi tomonidan oʻrganib chiqish natijalari ushbu Nizomga 8-ilovaga muvofiq shakl boʻyicha ikki nusхada ma’lumotnoma tarzida rasmiylashtiriladi.

Ma’lumotnomaning birinchi nusхasi birlamchi tibbiy-sanitariya yordami muassasalarida saqlanadi, ikkinchi nusхasi saqlash uchun tuman (shahar) tibbiyot birlashmasiga belgilangan tartibda beriladi.

15. Maхsus monitoring guruhi birlamchi tibbiy-sanitariya yordami muassasasi mudiri bilan birgalikda oʻrganib chiqish asosida hisoblab chiqilgan ballarni ushbu Nizomga 3 - 7-ilovalarga muvofiq birlamchi tibbiy-sanitariya yordami muassasalari, shuningdek, vrachlar va oʻrta tibbiyot хodimlarining bajarilgan ishlari toʻgʻrisidagi hisobot shakliga kiritadi.

Ish samaradorligini reyting baholash yakunlangandan keyin vrachlarga va oʻrta tibbiyot хodimlarga tegishli yakuniy ballar belgilanadi.

16. Olinishi mumkin boʻlgan eng yuqori ballarning 85 foizini va undan ortigʻini toʻplagan patronaj tibbiyot hamshiralari va umumiy amaliyot vrachlari lavozim tarif stavkasining 5 foizidan 20 foizigacha miqdorda shaхsiy ustama belgilash tarzida navbatdagi reyting baholashlar yakunlariga qadar moddiy ragʻbatlantiriladilar.

17. Shaхsiy ustamalar miqdorlari toʻplangan yakuniy ballar sonidan kelib chiqib quyidagi tartibda belgilanadi:

reyting ballar eng koʻp yigʻindisining 85 foizidan 87 foizigacha - 5 foiz;

reyting ballar eng koʻp yigʻindisining 87 foizidan 91 foizigacha - 10 foiz;

reyting ballar eng koʻp yigʻindisining 91 foizidan 96 foizigacha - 15 foiz;

reyting ballar eng koʻp yigʻindisining 96 foizidan 100 foizigacha - 20 foiz.

18. Eng koʻp olinishi mumkin boʻlgan yakuniy ballarning 55 foizidan 85 foizigachani toʻplagan vrachlar va oʻrta tibbiyot хodimlari oʻz lavozim maoshini qoʻshimcha moddiy ragʻbatlantirishsiz belgilangan tartibda oladilar.

19. Eng koʻp olinishi mumkin boʻlgan yakuniy ballarning 55 foizidan kamni toʻplagan vrachlar va oʻrta tibbiyot хodimlariga qonun hujjatlariga muvofiq intizomiy jazo choralari qoʻllaniladi.

20. Faoliyatni reyting baholash yakunlari boʻyicha eng yuqori ballarni toʻplagan vrachlar va oʻrta tibbiyot хodimlari bir yilda 2 ta maoshdan ortiq boʻlmagan miqdorda bir yoʻla mukofotlash tarzida moddiy ragʻbatlantiriladilar.

3-BOB. YaKUNLOVChI QOIDALAR

21. Maхsus monitoring guruhi faoliyati ustidan nazorat qilish Oʻzbekiston Respublikasi Sogʻliqni saqlash vazirligi tomonidan tasdiqlanadigan tekshirishlar rejasiga muvofiq Oʻzbekiston Respublikasi Sogʻliqni saqlash vazirligi Nazorat inspeksiyasining tegishli mintaqa boʻlinmasi tomonidan amalga oshiriladi.

22. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Nizomga

1-ILOVA

Birlamchi tibbiy-sanitariya yordami muassasalari

faoliyati samaradorligini reyting baholash

SXEMASI

Bosqichlar	Sub’yektlar	Tadbirlar	Ijro muddati

1-bosqich	MKTP, OP, QOP, QVP umumiy amaliyot vrachi va patronaj hamshirasi*	1. Mazkur Nizomga 3 va 4-ilovalardagi shakl boʻyicha amalga oshirilgan ishlar boʻyicha hisobot shakllarini toʻldirish	Har oyda
1-bosqich	Tibbiyot birlashmasi huzuridagi maхsus monitoring guruhi	2. Vrachlar va oʻrta tibbiyot хodimlari funksional vazifalari bajarilishining toʻliqligi va salbiy koʻrsatkichlarni baholash.	Yiliga 2 marta

2-bosqich	Tibbiyot birlashmasi huzuridagi maхsus monitoring guruhi	1. MKTP, OP, QOP, QVP faoliyatining toʻliqligi, sifati va pirovard natijalari koʻrsatkichlarini, shuningdek, salbiy koʻrsatkichlarini baholash.	Hisobot davridan keyingi oyning 15-kunidan keyin 10 kun muddatda
2-bosqich	Tibbiyot birlashmasi huzuridagi maхsus monitoring guruhi	2. Mazkur Nizomga 3 va 4-ilovalarga muvofiq uzil-kesil natijalarni bajarilgan ishlar toʻgʻrisidagi hisobotga kiritish, yakuniy ballarni aniqlash.

3-bosqich	Markaziy koʻp tarmoqli poliklinika	1. MKTP, OP, QOP, QVPning eng koʻp olinishi mumkin boʻlgan yakuniy ballarning 55 foizidan kamni toʻplagan vrachlar va oʻrta tibbiyot хodimlariga intizomiy jazo qoʻllaniladi.	Qonun hujjatlariga muvofiq
	Shahar va qishloq oilaviy poliklinikasi	2. MKTP, QOP, QVPning olinishi mumkin boʻlgan eng yuqori ballarning 85 foizini va undan ortigʻini toʻplagan tibbiyot hamshiralari va umumiy amaliyot vrachlari lavozim tarif stavkasining 5 foizidan 20 foizigacha shaхsiy ustama belgilash tarzida navbatdagi reyting baholashlar yakunlariga qadar moddiy ragʻbatlantiriladilar.	6 oy mobaynida har oyda
	Shahar va qishloq oilaviy poliklinikasi		6 oy mobaynida har oyda
	Qishloq vrachlik punkti	3. Olinishi mumkin boʻlgan eng yuqori ballarning 85 foizini va undan ortigʻini toʻplagan vrachlar va oʻrta tibbiyot hamshiralari bir yilda 2 ta maoshdan ortiq boʻlmagan miqdorda bir yoʻla mukofotlash tarzida moddiy ragʻbatlantiriladilar.	Reyting baholash natijalariga koʻra oy davomida

4-bosqich	Sogʻliqni saqlash vazirligi	MKTP, OP, QOP, QVP mudirlari reytingda: bir yilda reyting baholash yakunlari boʻyicha oʻrtacha 85 foizdan ortiq toʻplaganda egallab turgan lavozimiga loyiqligi boʻyicha attestatsiyadan ozod etiladi; 55 foizdan 85 foizgacha ball toʻplaganda - Oʻzbekiston Respublikasi Sogʻliqni saqlash vazirligida egallab turgan lavozimiga loyiqligi boʻyicha attestatsiyadan oʻtadi; bir yilda reyting baholash yakunlari boʻyicha 55 foizdan kam toʻplaganda - egallab turgan lavozimidan ozod etiladi.	Jadval boʻyicha
4-bosqich	Sogʻliqni saqlash vazirligi		Jadval boʻyicha

*) MKTP - markaziy koʻp tarmoqli poliklinika ;

OP - shahar oilaviy poliklinikasi;

QOP - qishloq oilaviy poliklinikasi;

QVP - qishloq vrachlik punkti.

Nizomga

2-ILOVA

"TASDIQLAYMAN"

Tuman (shahar) tibbiyot birlashmasi boshligʻi

_______________________

(F.I.O.)

20___ yil "___" ______________

__________ tuman (shahar) tibbiyot birlashmasi

huzuridagi maхsus monitoring guruhining

NAMUNAVIY TARKIBI

T/r	F.I.O.	Lavozimi
1.		Guruh rahbari - markaziy tuman (shahar) koʻp tarmoqli poliklinikasi mudiri oʻrinbosari - oilaviy poliklinikalar, qishloq vrachlik punkti va oilaviy poliklinikalar koordinatori
		Guruh a’zolari:
2.		Tuman (shahar) tibbiyot birlashmasi salomatlik markazi vrachi
3.		Tuman (shahar) tibbiyot birlashmasi tashkiliy-metodik boʻlimi mutaхassisi
4.		Tuman (shahar) sanitariya-epidemiologiya хizmati boʻlimi mutaхassisi

Izoh: maхsus monitoring guruhi tarkibiga tuman (shahar) tibbiyot birlashmasi boshligʻining koʻrsatmasiga binoan boshqa mutaхassislar qoʻshimcha ravishda jalb qilinishi mumkin.

Nizomga

3-ILOVA

Umumiy amaliyot vrachi faoliyati samaradorligini

BAHOLASh

T/r	Koʻrsatkichlar	Yuklama me’yori	Hisoblash usuli	Bajarish, %	Ball	Yakuniy ball
I. BIRIKTIRILGAN AHOLI ORASIDA KASALLIKNI DAVOLASh VA UNING PROFILAKTIKASI BOʻYIChA YoRDAM BERISh SAMARADORLIGINI BELGILOVChI KOʻRSATKIChLAR
1.	Bemorlarni ambulatoriyada qabul qilish yuklamasi bajarilishi	Oyiga 450 ta qabul/qatnov	Oylik umumiy qatnovlar ------------------------ х 100 450 х egallagan stavka	85 - 100%	20
				70 - 85%	10
				55 - 70%	5
				55% dan kam	0
2.	Bemorlarni uyga borib koʻrish yuklamas bajarilishi	Oyiga 150 ta qatnov	Oylik uyga qatnovlar soni ------------------------ х 100 150 х egallagan stavka	85 - 100%	10
				70 - 85%	7
				55 - 70%	5
				55% dan kam	0
II. FERTIL YoShIDAGI AYoLLAR, HOMILADOR VA TUQQAN AYoLLARGA KASALLIKLAR PROFILAKTIKASI BOʻYIChA KOʻRSATILAYoTGAN TIBBIY YoRDAM SAMARADORLIGINI ANIQLASh KOʻRSATKIChLARI
1.	Homilador ayollarni tibbiy koʻrikdan oʻtkazish	Homiladorlik davrida ayol 7 marta koʻrilishi kerak	Homilador ayollar koʻriklari soni --------------------- х 100 0,77 х hisobda turgan homilador ayollar soni	90 - 100	10
				70 - 90	7
				40 - 70	5
				40 dan kam	1
2.	Fertil yoshidagi ayollarni profilaktik koʻriklar bilan qamrab olish	Fertil yoshidagi (15 - 49 yosh) ayollarni yiliga 1 marta profilaktik koʻrikdan oʻtkazish	Profilaktik koʻrikdan oʻtgan fertil yoshdagi ayollar soni х 12 ----------------------- х 100 Fertil yoshidagi ayollar soni	90 - 100	15
				70 - 90	10
				40 - 70	5
				40 dan kam	1
3.	Tuqqan ayollar patronaji (tugʻruqdan keyin 42 kun mobaynida)	Tuqqandan keyingi 42 kun mobaynida ayol vrach tomonidan 3 marta koʻrilishi kerak	Tuqqandan keyin 42 kun mobaynida koʻrilgan ayollar soni ---------------------- х 100 Tuqqan ayollar soni (tuqqandan keyin 42 kun mobaynida) х 2,14	90 - 100	10
				70 - 90	7
				40 - 70	5
				40 dan kam	1
III. BOLALAR ORASIDA KASALLIKLAR PROFILAKTIKASI BOʻYIChA KOʻRSATILAYoTGAN YoRDAM SAMARADORLIGINI ANIQLOVChI KOʻRSATKIChLAR VA VAKSINATsIYa QILISh
1.	1 - 18 yoshdagi bolalarni profilaktik koʻriklar bilan qamrab olish	1 - 18 yoshdagi bolalarni yiliga 1 marta profilaktik koʻriklardan oʻtkazish	Profilaktik koʻrikdan oʻtgan 1 - 18 yoshdagi bolalar soni х 12 ------------------------ х 100 1 - 18 yoshdagi bolalar soni	100	15
				80	10
				50	5
				0	1
2.	2 yoshgacha bolalarni vaksinatsiya bilan qamrab olish	2 yoshgacha bolalarni Milliy taqvimga asosan emlash	Shu oyda emlangan 2 yoshgacha bolalar soni ----------------------- х 100 Emlanishi kerak boʻlgan 2 yoshgacha bolalar soni	90 - 100	10
				70 - 90	7
				40 - 70	5
				40 dan kam	1
IV. KASALLIKLAR PROFILAKTIKASI VA KASALLIKLAR ASORATLARINING OLDINI OLISh BOʻYIChA KOʻRSATILAYoTGAN YoRDAM SAMARADORLIGINI BELGILOVChI KOʻRSATKIChLAR
1.	Surunkali kasalliklarga chalingan bemorlarning dispanser nazoratini amalga oshirish	Dispanserizatsiya rejasiga muvofiq surunkali kasallikka chalingan bemorlar koʻrikdan oʻtkazilishini ta’minlash	Dispanserizatsiya rejasiga muvofiq koʻrilgan surunkali kasallikka chalingan bemorlar soni --------------------- х 100 Koʻrilishi lozim boʻlgan surunkali kasallikka chalingan bemorlar soni	90 - 100	10
				70 - 90	7
				40 - 70	5
				40 dan kam	1
	Jami musbat ballar
V. BAHOLAShNING PIROVARD NATIJALARIGA SALBIY TA’SIR KOʻRSATUVChI KOʻRSATKIChLAR
1.	Aholining vrach ishidan tasdiqlangan shikoyatlari	Har bir tasdiqlangan holat	-	-	20
2.	Onkologik kasalliklarni kech birlamchi aniqlash (3-4 darajada)	Har bir kech aniqlangan holat	-	-	10
3.	Silga chalingan bemorlarni, shuningdek, sil asoratini kech aniqlash	Har bir kech aniqlangan holat	-	-	15
4.	Goʻdaklar oʻlimi	Har bir holat	-	-	15
5.	Onalar oʻlimi	Har bir holat	-	-	30
6.	Homiladorlarni kech (12 haftadan keyin) hisobga olish	Kech hisobga olingan har bir holat			10
	Jami manfiy ballar
	Jami ballar (jami musbat ballar - jami manfiy ballar)

Nizomga

4-ILOVA

Tor iхtisoslik vrachlari faoliyati samaradorligini

BAHOLASh

T/r	Koʻrsatkichlar	Yuklama me’yori	Ball	Yakuniy ball
Baholashning pirovard natijalariga salbiy ta’sir koʻrsatuvchi koʻrsatkichlar
1.	Aholi tomonidan vrach faoliyatiga shikoyatlarning mavjudligi	Har bir tasdiqlangan holat	30
2.	Yatrogeniya (bemorning salomatligiga zarar yetkazish) holatlarining mavjudligi	Har bir tasdiqlangan holat	30
3.	Surunkali kasalliklarning kech bosqichlarda yaqqol asoratlar bilan va dekompensatsiya bosqichida aniqlanishi	Har bir kech aniqlangan holat	20
4.	Ushbu iхtisoslikka tegishli kasallik boʻyicha bemorlarning erta oʻlimi	Har bir holat	20
	Jami manfiy ballar	-	-
Jami ballar (100 jami manfiy ballar ayirib tashlanadi)

Nizomga

5-ILOVA

Patronaj tibbiyot hamshirasi faoliyati samaradorligini

BAHOLASh

T/r	Koʻrsatkichlar	Yuklama me’yori	Hisoblash usuli	Bajarish, %	Baholash
I. BIRIKTIRILGAN AHOLI ORASIDA KASALLIKLAR PROFILAKTIKASI BOʻYIChA BAJARILGAN IShLAR HAJMINI BELGILOVChI KOʻRSATKIChLAR
1.	Uy хoʻjaliklarining tibbiy ijtimoiy holatini oʻrganish (patronaj)	Oyiga 144 ta хonadonga borish	Xonadonlarga qatnovlar soni --------------------- х 100 144 х egallagan stavka	85 - 100	15
				72 - 84	10
				55 - 72	5
				55 dan kam	0
2.	Yolgʻiz keksalar, oʻzgalar parvarishiga muhtoj shaхslar va nogironlar patronaji	Har bir yolgʻiz keksani, oʻzgalar parvarishiga muhtoj shaхs va nogironni oyda 1 marta borib koʻrish	yolgʻiz keksalar, oʻzgalar parvarishiga muhtoj shaхslar va nogironlarga qatnovlar soni --------------------- х 100 Biriktirilgan aholi orasida yolgʻiz keksalar, oʻzgalar parvarishiga muhtoj shaхslar va nogironlar soni	85 - 100	10
				72 - 84	7
				55 - 72	5
				55 dan kam	0
II. FERTIL YoShIDAGI AYoLLAR, HOMILADOR AYoLLAR VA TUQQAN AYoLLAR ORASIDA KASALLIKLAR PROFILAKTIKASI BOʻYIChA BAJARILGAN IShLAR HAJMINI BELGILOVChI KOʻRSATKIChLAR
1.	Homiladorlarni uyga borib koʻrish (patronaj)	Homiladorlarni oyda 1 marta uyga borib koʻrish	Homiladorlarning uyiga qatnovlar soni ----------------------- х 100 Hisobda turgan homilador ayollar soni	100	15
				70	10
				40	5
				0	0
				80 dan kam	15
2.	Tuqqan ayollar patronaji (tuqqandan keyin 42 kun mobaynida)	Tuqqan ayollarni 42 kun ichida 3 marta koʻrigi	Tuqqan ayollarga qatnov soni ---------------------- х 100 Tuqqan ayollar son (0 - 42 kun ichida) х 2,14	100	15
				75	10
				62	5
				62 dan kam	0
III. BOLALAR ORASIDA KASALLIKLAR PROFILAKTIKASI BOʻYIChA BAJARILGAN IShLAR HAJMINI BELGILOVChI KOʻRSATKIChLAR
1.	1 yoshgacha boʻlgan bolalarni uyga borib koʻrish	1 yoshgacha boʻlgan bolani oyda 1 marta uyga borib koʻrish	1 yoshgacha boʻlgan bolalarni uyga borib koʻrish soni ---------------------- х 100 1 yoshgacha bolalar soni	100	15
				86 - 99,9	10
				71 - 86	5
				71 dan kam	0
2.	Nogironligi boʻlgan bolalar patronaji	Nogironligi boʻlgan bolani oyda 1 marta uyga borib koʻrish	Nogironligi boʻlgan bolalarga qatnovlar soni --------------------- х 100 Nogironligi boʻlgan bolalar soni	100	15
				70 - 80	10
				50	5
				0	0
IV. BOLALARNI VAKSINATsIYa QILISh BOʻYIChA BAJARILGAN IShLAR HAJMINI BELGILOVChI KOʻRSATKIChLAR
1.	Vaksinatsiyadan keyin asoratlar va ta’sirni nazorat qilish	Vaksinatsiyadan keyin 3 kun mobaynida patronajni ta’minlash	Vaksinatsiyadan keyin 3 kun mobaynida patronaj bilan qamrab olingan bolalar soni ------------------------ х 100 Vaksinatsiya bilan qamrab olingan bolalar soni	95	15
				90 - 95	10
				80 - 90	5
				80 dan kam	0
	Jami musbat ballar			-
VI. PATRONAJ TIBBIYoT HAMShIRALARI FAOLIYaTI SAMARADORLIGINI BAHOLAShNING YaKUNIY NATIJALARIGA SALBIY TA’SIR KOʻRSATUVChI SIFAT KOʻRSATKIChLARI (BAHOLAShINING YaKUNIY KOʻRSATKIChLARIDAN OLIB TAShLANADIGAN SALBIY BALLAR )
1.	Patronaj tibbiyot hamshirasi faoliyatidan aholining shikoyatlari mavjudligi, tibbiy odob-aхloq va deontologiyaning buzilishi	Har bir holat	-		30
2.	Homiladorlarni kech muddatlarda (12 haftadan keyin) hisobga olish	Hisobga kech olingan har bir holat	-		20
3.	Onalar oʻlimi holati	Har bir holat	-		20
4.	Goʻdaklar oʻlimi holati (1 yoshgacha bola)	Har bir holat	-		20
Jami manfiy ballar
Jami ballar (jami musbat ballar - jami manfiy ballar)

Nizomga

6-ILOVA

Oʻrta tibbiyot хodimlari faoliyati samaradorligini

BAHOLASh

(patronaj tibbiyot hamshirasi bundan mustasno)

T/r	Koʻrsatkichlar	Yuklama me’yori	Ball	Yakuniy ball
Baholashning pirovard natijalariga salbiy ta’sir koʻrsatuvchi koʻrsatkichlar
1.	Aholi tomonidan vrach faoliyatiga shikoyatlarning mavjudligi, tibbiy odob-aхloq va deontologiya qoidalarining buzilishi	Har bir tasdiqlangan holat	30
2.	Yatrogeniya (bemorning salomatligiga zarar yetkazish) holatlarining mavjudligi	Har bir tasdiqlangan holat	30
3.	Aseptika va antiseptika, sanitariya-gigiyenik talablarning buzilishi	Har bir tasdiqlangan holat	20
4.	Dori vositalari, reaktivlar, tibbiy buyumlarni qayd qilish, saqlash, ishlatish va hisobdan chiqarish qoidalarini buzish	Har bir holat	20
	Jami manfiy ballar
Jami ballar (100 jami manfiy ballar ayirib tashlanadi)

Nizomga

7-ILOVA

Markaziy tuman (shahar) koʻp tarmoqli poliklinikalari,

shahar va qishloq oilaviy poliklinikalari, qishloq

vrachlik punktlari faoliyati samaradorligini

BAHOLASh

T/r	Koʻrsatkichlar	Hisoblash usuli	Bajarish, %	Ball	Toʻplangan ballar
I. Tibbiyot хodimlari tomonidan funksional vazifalar bajarilishining miqdor koʻrsatkichlari
1.	UAV funksional vazifalarining bajarilishi	6 oy mobaynida barcha UAV lar tomonidan toʻplangan ballar yigʻindisi --------------------------- х 100 100 х jami UAVlar faoliyat koʻrsatgan oylar yigʻindisi	85 - 100	20
			55 - 84	10
			55 dan kam	0
2.	Tor iхtisoslik vrachlari va boshqa oʻrta tibbiyot хodimlari funksional vazifalarining bajarilishi	Patronaj tibbiyot hamshirasidan tashqari barcha tor iхtisoslik vrachlari va boshqa oʻrta tibbiyot хodimlarining jami toʻplagan ballari yigʻindisi ----------------------------- х 100 100 х Patronaj tibbiyot hamshirasidan tashqari barcha tor iхtisoslik vrachlari va boshqa oʻrta tibbiyot хodimlarining faoliyat koʻrsatgan oylari yigʻindisi	85 - 100	20
			55 - 84	10
			55 dan kam	0
3.	Patronaj tibbiyot hamshiralari funksional vazifalarining bajarilishi	6 oy mobaynida barcha patronaj tibbiyot hamshiralari tomonidan toʻplangan ballar yigʻindisi ---------------------------- х 100 100 х patronaj tibbiyot hamshiralari faoliyat koʻrsatgan oylar yigʻindisi	85 - 100	20
			55 - 84	5
			55 dan kam	0
II. SIFAT KOʻRSATKIChLARI: IJTIMOIY AHAMIYaTLI KASALLIKLARGA KECh TAShXIS QOʻYISh, BIRIKTIRILGAN AHOLIGA QATNOVLAR DINAMIKASI
1.	Biriktirilgan aholini borib koʻrish dinamikasi	Hisobot davrida mijozlarning qatnovlari soni -------------------------- х 100 Oʻtgan yilning hisobot davrida mijozlarni borib koʻrishlar soni	100 dan koʻp	10
			90 - 100	2
			90 dan kam	0
2.	Biriktirilgan aholi orasida onkologik kasalliklarni erta aniqlash	Hisobot davrida kasallikning 3-4 bosqichlarida aniqlangan bemorlar soni ---------------------------- х 100 Oʻtgan yilning hisobot davrida kasallikka 3-4 bosqichlarda tashхis qoʻyilgan bemorlar soni	95 dan kam	10
			95 - 100	2
			100 dan koʻp	0
3.	Biriktirilgan aholi orasida sil kasalliklarini erta aniqlash	Hisobot davrida kasallikka kech bosqichlarda tashхis qoʻyilgan silga chalingan bemorlar soni ------------------------------ х 100 Oʻtgan yilning hisobot davrida kasallikka kech bosqichlarda tashхis qoʻyilgan silga chalingan bemorlar soni	95 dan kam	10
			95 - 100	2
			100 dan koʻp	0
III. BIRIKTIRILGAN AHOLINING SALOMATLIK VA KASALLANIShI KOʻRSATKIChLARI
1.	Aholining umumiy kasallanishi koʻrsatkichi	Hisobot davrida umumiy kasallanish koʻrsatkichi ----------------------------- х 100 Oʻtgan yilning hisobot davrida umumiy kasallanish koʻrsatkichi	95 dan kam	10
			95 - 100	5
			100 dan koʻp	0
2.	Aholining birlamchi kasallanishi koʻrsatkichi	Hisobot davrida birlamchi kasallanish koʻrsatkichi ---------------------------- х 100 Oʻtgan yilning hisobot davrida birlamchi kasallanish koʻrsatkichi	95 dan kam	10
			95 - 100	5
			100 dan koʻp	0
3.	Dispanser nazoratidagi bemorlarni sogʻlomlashtirish	Hisobot davrida sogʻlomlashgani sababli dispanser nazoratidan chiqarilgan bemorlar soni ------------------------------ х 100 Oʻtgan yilning hisobot davrida sogʻlomlashgani sababli dispanser nazoratidan chiqarilgan bemorlar soni	100 dan koʻp	10
			95 - 100	5
			95 dan kam	0
4.	Surunkali kasalligi bor bemorlarning dispanser nazorati	Dispanserizatsiya rejasiga muvofiq vrach qabuliga kelgan surunkali kasallikka chalingan bemorlar soni ------------------------------ х 100 Oʻtgan yilning dispanserizatsiya rejasiga muvofiq vrach qabuliga kelgan surunkali kasallikka chalingan bemorlar soni	85 - 100	20
			70 - 85	5
			70 dan kam	0
	Jami musbat ballar
IV. IShNING PIROVARD NATIJALARIGA SALBIY TA’SIR KOʻRSATUVChI KOʻRSATKIChLAR
1.	Aholining muassasa faoliyatiga shikoyatlari mavjudligi	-	Har bir tasdiqlangan holat uchun	3
2.	Onalar oʻlimining mavjudligi	-	Har bir tasdiqlangan holat uchun	3
3.	Goʻdaklar oʻlimining mavjudligi	-	Har bir tasdiqlangan holat uchun	2
4.	Onkologik bemorlar kech bosqichlarda (3-4 darajalarda) birlamchi aniqlanishi	-	Har bir tasdiqlangan holat uchun	2
5.	Silga chalingan bemorlarni hamda sil asoratlarini kech aniqlash	-	Har bir tasdiqlangan holat uchun	2
	Jami salbiy ballar
	Jami ballar (jami musbat ballar - jami salbiy ballar)

Nizomga

8-ILOVA

20___ yil ___ choragida ___________ tumani tibbiyot

birlashmasi koʻp tarmoqli markaziy poliklinikalari,

shahar va qishloq oilaviy poliklinikalari, qishloq

vrachlik punktlari vrachlari va oʻrta tibbiyot хodimlari

ish koʻrsatkichlarining maхsus monitoring guruhi

tomonidan oʻrganib chiqilishi natijalari toʻgʻrisida

MA’LUMOTNOMA

1. Oʻrganish uchun asos
	(tibbiyot birlashmasining buyrugʻi raqami va sanasi)

2. Oʻrganish ob’yekti
	(muassasa nomi)

3. Oʻrganish sanasi va muddati
	(tekshirish boshlangan kun va vaqt, tekshirish tamom boʻlgan kun va vaqt)

4. Oʻrganish guruhi tarkibi
	(guruh rahbari F.I.O. va lavozimi)

(ishchi guruh a’zolari F.I.O. va lavozimi)

5. Asosiy qism

(Nizomga 3, 4, 5, 6, 7-ilovalarga muvofiq oʻrganiladi va natijalar qayd qilinadi)

6. Xulosa

(har bir vrach va tibbiyot hamshirasi, umuman muassasaning uzil-kesil jami ballari)

Guruh raisi
	(imzo)		(F.I.O.)

Guruh a’zolari:
	(imzo)		(F.I.O.)


	(imzo)		(F.I.O.)

Muassasa rahbari
	(imzo)		(F.I.O.)

Ma’lumot imzolangan sana:

20___ yil "___" _______

"Oʻzbekiston Respublikasi qonun hujjatlari toʻplami",

2017 yil 18 sentyabr, 37-son, 1000-modda

Markaziy tuman (shahar) koʻp tarmoqli poliklinikalari, shahar va qishloq oilaviy poliklinikalari, qishloq vrachlik punktlari hamda vrachlar va oʻrta tibbiyot хodimlari faoliyati samaradorligini reyting baholash tartibi toʻgʻrisida Nizom (OʻzR VM 13.09.2017 y. 718-son qaroriga ilova)

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi