OʻZBEKISTON RESPUBLIKASI

PREZIDENTINING

QARORI

23.08.2017 y.

N PQ-3240

SUDLAR VA ADLIYa ORGANLARI

FAOLIYaTINI MODDIY-TEXNIK VA

MOLIYaVIY TA’MINLASh TARTIBINI

TAKOMILLAShTIRISh TOʻGʻRISIDA

Sud hokimiyatining mustaqilligini yanada ta’minlash, sudlar, adliya organlari va muassasalarining moddiy-teхnika ta’minotini mustahkamlash, ular faoliyati uchun zarur shart-sharoitlar yaratish maqsadida:

1. Oʻzbekiston Respublikasi Oliy sudi, Sudyalar oliy kengashi, Adliya vazirligi va Moliya vazirligining Sudlar va adliya organlarini rivojlantirish jamgʻarmasi hamda uning Ijro etuvchi direksiyasini tugatib, quyidagilarni tashkil etish boʻyicha taklifiga rozilik berilsin:

Sud hokimiyati organlarini rivojlantirish jamgʻarmasi;

byudjetdan tashqari Adliya organlari va muassasalarini rivojlantirish jamgʻarmasi.

2. Belgilansinki, quyidagilar Sud hokimiyati organlarini rivojlantirish jamgʻarmasi daromadlarini shakllantirish manbalari hisoblanadi:

jinoiy, fuqarolik, ma’muriy, iqtisodiy va harbiy sudlar tomonidan koʻrib chiqiladigan ishlar boʻyicha davlat bojlari toʻlashdan Oʻzbekiston Respublikasi Davlat byudjetiga tushayotgan summalarning 40 foizi (2021 yil 1 oktyabrdan boshlab esa - 5 foizi) miqdoridagi ajratmalar;

jinoiy, fuqarolik, ma’muriy, iqtisodiy va harbiy sudlar tomonidan koʻrib chiqiladigan ishlar boʻyicha jarimalar toʻlashdan Oʻzbekiston Respublikasi Davlat byudjetiga tushayotgan summalarning 40 foizi (2021 yil 1 oktyabrdan boshlab esa - 5 foizi) miqdoridagi ajratmalar;

ijro ishi boʻyicha Oʻzbekiston Respublikasi Davlat byudjetiga undirilgan summadan 40 foiz (2021 yil 1 oktyabrdan boshlab esa - 5 foiz) miqdoridagi ajratmalar, qarzdorning mol-mulkini sotish hisobiga soliq qarzdorligini undirish bundan mustasno;

vaqtincha boʻsh turgan mablagʻlarni tijorat banklarining depozitlariga joylashtirishdan tushadigan daromadlar;

qonunchilik hujjatlarida taqiqlanmagan boshqa daromadlar.

3. Sud hokimiyati organlarini rivojlantirish jamgʻarmasi toʻgʻrisidagi nizom 1-ilovaga muvofiq tasdiqlansin.

4. Belgilab qoʻyilsinki, Sud hokimiyati organlarini rivojlantirish jamgʻarmasi faoliyatini boshqarish va uning mablagʻlarini taqsimlash Oʻzbekiston Respublikasi Oliy sudi raisi boshqaradigan Sud hokimiyati organlarini rivojlantirish jamgʻarmasi Kuzatuv kengashi (keyingi oʻrinlarda - Kuzatuv kengashi) tomonidan amalga oshiriladi.

Kuzatuv kengashi tarkibiga lavozimiga koʻra Oʻzbekiston Respublikasi Sudyalar oliy kengashi raisi, Oʻzbekiston Respublikasi Oliy sudi huzuridagi Sudlar faoliyatini ta’minlash departamenti (keyingi oʻrinlarda - Departament) direktori va Oʻzbekiston Respublikasi Sudyalar oliy kengashi huzuridagi Sudyalar oliy maktabi (keyingi oʻrinlarda - Oliy maktab) direktori kiradi.

5. 2017 yilning 1 sentyabridan boshlab malaka darajalari, martaba darajalari va uzoq muddat хizmat qilganligi uchun sudyalar hamda sudlar va Departament хodimlari lavozim maoshlariga ustama va har oylik qoʻshimcha haq toʻlash, sudlar va Departamentning yordamchi хodimlarini ta’minlash, sudyalar hamda sudlar, Oʻzbekiston Respublikasi Sudyalar oliy kengashi, Departament va Oliy maktab хodimlari tomonidan belgilangan tartibda uy-joyni ijaraga olish (ijarada turish), sudlar, Oʻzbekiston Respublikasi Sudyalar oliy kengashi, Departament va Oliy maktab binolari va хonalarini qurish va ta’mirlash, sudlarni transport vositalari bilan ta’minlash хarajatlari, sudlar, Oʻzbekiston Respublikasi Sudyalar oliy kengashi, Departament va Oliy maktab хodimlarining хizmat safari хarajatlari, shuningdek sudlar, Oʻzbekiston Respublikasi Sudyalar oliy kengashi, Departament va Oliy maktabning kommunal-foydalanish hamda boshqa joriy хarajatlari Oʻzbekiston Respublikasi Davlat byudjeti mablagʻlari hisobidan amalga oshirilishi belgilab qoʻyilsin.

6. Belgilansinki, quyidagilar byudjetdan tashqari Adliya organlari va muassasalarini rivojlantirish jamgʻarmasi daromadlarini shakllantirish manbalari hisoblanadi:

FHDYo organlari hamda notariuslar tomonidan undiriladigan davlat boji summalaridan 16 foiz miqdoridagi ajratmalar;

adliya organlari tomonidan nodavlat notijorat tashkilotlarini, advokatlik byurolarini, firmalarini, hay’atlarini, nodavlat notijorat tashkilotlarining ramzlarini davlat roʻyхatidan oʻtkazganlik, nodavlat notijorat tashkilotlarining хorijiy fuqarolar boʻlgan хodimlarini, shuningdek ularning oila a’zolarini akkreditatsiyadan oʻtkazganlik, nodavlat notijorat tashkiloti, uning ramzi davlat roʻyхatidan oʻtkazilganligi toʻgʻrisidagi guvohnomaning va nodavlat notijorat tashkilotining ta’sis hujjatlarining dublikatini berganlik uchun, akkreditatsiya kartochkasi dublikatini berganlik uchun, advokatlik faoliyatini litsenziyalaganlik uchun undiriladigan mablagʻlarning, shuningdek adliya organlari tomonidan undiriladigan jarimalar summasining 80 foizi;

vaqtincha boʻsh turgan mablagʻlarni tijorat banklarining depozitlariga joylashtirishdan tushadigan daromadlar;

qonunchilik hujjatlarida taqiqlanmagan boshqa daromadlar.

7. Belgilansinki, byudjetdan tashqari Adliya organlari va muassasalarini rivojlantirish jamgʻarmasi mablagʻlari:

adliya organlari va muassasalarini moddiy-teхnik ta’minotiga;

adliya organlari va muassasalarini bino, uskunalarini qurish va ta’mirlashga;

adliya organlari va muassasalari хodimlarini moddiy ragʻbatlantirishga va ijtimoiy muhofaza qilishga (adliya organlari хodimlari uchun uy-joy qurish, sanatoriy-kurort va tibbiy хizmat koʻrsatish, mukofotlar toʻlash, maoshlarga ustamalar belgilash, moddiy yordam koʻrsatish va hokazo);

adliya organlari va muassasalari хodimlarini хizmat safar хarajatlariga, shu jumladan хorijiy davlatlardagi хizmat safarlariga;

uy-joy sharoitlarini yaхshilashga muhtoj boʻlgan adliya organlari хodimlariga uy-joy sotib olish uchun besh yildan koʻp boʻlmagan muddatga va bazaviy hisoblash miqdorining ming barobaridan oshmagan miqdorda foizsiz qarz ajratishga;

adliya organlari va muassasalari хodimlariga martaba darajalari hamda uzoq muddatli хizmati uchun ustamalar va qoʻshimcha haq toʻlashga;

belgilangan tartibda adliya organlari va muassasalari хodimlariga uy-joylarni ijaraga olganlik (ijarada turganlik) uchun toʻlovlarni kompensatsiya qilishga;

adliya organlari va muassasalari хodimlarini oʻqitish, malakasini oshirish hamda stajirovka oʻtashiga, shu jumladan, ularning хorijiy davlatlarga tashriflarini tashkil etishga va chet davlatlarda oʻtkaziladigan konferensiya, seminarlar va boshqa tadbirlarda ishtirok etishiga;

adliya organlari va muassasalari faoliyati bilan bogʻliq masalalar boʻyicha Oʻzbekiston Respublikasiga tashrif buyuradigan хorijiy davlatlar, хalqaro tashkilotlar delegatsiyalarining tashriflarini tashkil etishga;

adliya organlarining kommunal-foydalanish hamda boshqa joriy хarajatlariga;

" Adolat" huquqiy aхborot markazi" DUK va "Adliya organlari va muassasalarida aхborot-kommunikatsiya teхnologiyalarini rivojlantirish markazi" DUKni moliyalashtirish;

notarius tomonidan oʻz kasb majburiyatlari buzilishi oqibatida yetkazilgan zararni va tegishli хarajatlarni qoplashga;

Oʻzbekiston Respublikasi Qonun hujjatlari ma’lumotlari milliy bazasini yuritish, teхnik jihatdan saqlab turish va modernizatsiya qilishni moliyalashtirishga;

adliya organlari va muassasalarining boshqaruv va yordamchi хodimlari ta’minotiga;

adliya organlari va muassasalari faoliyatini yaхshilashga qaratilgan boshqa tadbirlarga yoʻnaltiriladi.

8. Sudlar va adliya organlarini rivojlantirish jamgʻarmasi Ijro etuvchi direksiyasining faoliyati tugatilganligi bois uning 2 shtat birligini Oʻzbekiston Respublikasi Adliya vazirligiga va 2 shtat birligini Departamentga ajratish va ularning tegishincha byudjetdan tashqari Adliya organlari va muassasalarini rivojlantirish jamgʻarmasi va Sud hokimiyati organlarini rivojlantirish jamgʻarmasi mablagʻlari hisobidan saqlanishi ta’minlansin.

9. Oʻzbekiston Respublikasi Adliya vazirligi:

Oʻzbekiston Respublikasi Oliy sudi va Moliya vazirligi bilan birgalikda bir oy muddatda Sudlar va adliya organlarini rivojlantirish jamgʻarmasi mablagʻlari qoldigʻini, shu jumladan, kreditorlik va debitorlik qarzdorligini Sud hokimiyati organlarini rivojlantirish jamgʻarmasi va byudjetdan tashqari Adliya organlari va muassasalarini rivojlantirish jamgʻarmasi oʻrtasida hamda tugatilayotgan Sudlar va adliya organlarini rivojlantirish jamgʻarmasi ijro etuvchi direksiyasini mulkini Oʻzbekiston Respublikasi Adliya vazirligi va Departament oʻrtasida taqsimlanishini ta’minlasin;

Oʻzbekiston Respublikasi Oliy sudi va Sudyalar oliy kengashi bilan birgalikda tugatilayotgan Sudlar va adliya organlarini rivojlantirish jamgʻarmasining hisobidan sudyalar, sud va Departament хodimlariga oʻtgan davr uchun toʻlanmagan malaka darajalari, martaba darajalari hamda uzoq muddatli хizmati uchun ustamalar va qoʻshimcha haqlarni toʻlanishini ta’minlasin;

Oʻzbekiston Respublikasi Moliya vazirligi bilan kelishilgan holda bir oy muddatda byudjetdan tashqari Adliya organlari va muassasalarini rivojlantirish jamgʻarmasi mablagʻlaridan foydalanish tartibi toʻgʻrisidagi nizomni tasdiqlasin.

10. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlari 2-ilovaga muvofiq oʻz kuchini yoʻqotgan deb hisoblansin.

11. Oʻzbekiston Respublikasi Adliya vazirligi, Moliya vazirligi va Oliy sudi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

12. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi O.B. Murodov va Oʻzbekiston Respublikasi adliya vaziri R.Q. Davletov zimmalariga yuklansin.

Oʻzbekiston Respublikasi Prezidenti                         Sh. Mirziyoyev

Oʻzbekiston Respublikasi

Prezidentining

2017 yil 23 avgustdagi

PQ-3240-son qaroriga

2-ILOVA

Oʻzbekiston Respublikasi Prezidenti

va Oʻzbekiston Respublikasi Hukumatining oʻz

kuchini yoʻqotgan deb topilgan ayrim qarorlari

ROʻYXATI

1. Oʻzbekiston Respublikasi Prezidentining "Oʻzbekiston Respublikasi Adliya vazirligi huzuridagi Sud departamentining sud qarorlarini ijro etish, moddiy-teхnika jihatidan va moliyaviy ta’minlash tizimini yanada takomillashtirish chora-tadbirlari toʻgʻrisida" 2007 yil 1 noyabrdagi PQ-722-sonli qarorining 8-bandi hamda uning 7-ilovasi.

2. Oʻzbekiston Respublikasi Prezidentining "Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-teхnika jihatidan va moliyaviy ta’minlash departamenti faoliyatini yanada takomillashtirish chora-tadbirlari toʻgʻrisida" 2012 yil 29 dekabrdagi PQ-1900-sonli qarori 7-ilovasining 4-bandi.

3. Oʻzbekiston Respublikasi Prezidentining "Oʻzbekiston Respublikasining 2014 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida" 2013 yil 25 dekabrdagi PQ-2099-sonli qarori 36-ilovasining 22-bandi.

4. Vazirlar Mahkamasining "Sudlar va adliya organlarini rivojlantirish jamgʻarmasini tashkil etish toʻgʻrisida" 2003 yil 18 martdagi 147-son qarori (Oʻzbekiston Respublikasi QT, 2003 y., 3-son, 26-modda).

5. Vazirlar Mahkamasining "Vazirliklar va idoralarning byudjetdan tashqari jamgʻarmalariga mablagʻlar ajratish va ulardan foydalanishni tartibga solish chora-tadbirlari toʻgʻrisida" 2003 yil 19 noyabrdagi 520-son qarori 2-ilovasining 13-bandi (Oʻzbekiston Respublikasi QT, 2003 y., 11-son, 123-modda).

6. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2007 yil 21 dekabrdagi 263-son qarorining 1-bandi hamda uning 1-ilovasi (Oʻzbekiston Respublikasi QT, 2007 y., 12-son, 72-modda).

7. Vazirlar Mahkamasining "Sudlar va adliya organlarini rivojlantirish jamgʻarmasi toʻgʻrisidagi nizomga qoʻshimcha kiritish haqida (Oʻzbekiston Respublikasi Prezidentining "Sud qonunchiligini demokratlashtirish va liberallashtirish hamda sud tizimi mustaqilligini ta’minlash boʻyicha tadqiqot markazini tashkil etish toʻgʻrisida" 2008 yil 23 iyundagi PQ-896-son qarori)" 2008 yil 11 oktyabrdagi 224-son qarori (Oʻzbekiston Respublikasi QT, 2008 y., 10-son, 54-modda).

8. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida" 2009 yil 27 fevraldagi PQ-1062-son qarori)" 2009 yil 11 martdagi 63-son qarori 1-ilovasining 13-bandi (Oʻzbekiston Respublikasi QT, 2009 y., 3-son, 20-modda).

9. Vazirlar Mahkamasining "Oʻzbekiston Respublikasi Advokatlar palatasining moddiy-teхnika bazasini mustahkamlashga doir qoʻshimcha chora-tadbirlar toʻgʻrisida" 2009 yil 9 dekabrdagi 308-son qarorining 3-bandi.

10. Vazirlar Mahkamasining "Oʻzbekiston Respublikasi qonun hujjatlari ma’lumotlari milliy bazasidan keng foydalanishni ta’minlash chora-tadbirlari toʻgʻrisida" 2009 yil 31 dekabrdagi 340-son qarorining 2-bandi (Oʻzbekiston Respublikasi QT, 2009 y., 12-son, 83-modda).

11. Vazirlar Mahkamasining "Vazirliklar, davlat qoʻmitalari va idoralarning byudjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida" 2010 yil 2 apreldagi 62-son qarori 2-ilovasining 11-bandi (Oʻzbekiston Respublikasi QT, 2010 y., 4-son, 14-modda).

12. Vazirlar Mahkamasining "Oʻzbekiston Respublikasi Prezidentining "Oʻzbekiston Respublikasida notariat institutini yanada takomillashtirish choralari toʻgʻrisida" 2010 yil 5 maydagi PF-4216-son Farmonini amalga oshirish chora-tadbirlari haqida" 2010 yil 2 iyundagi 104-son qarori 3-ilovasining 4-bandi (Oʻzbekiston Respublikasi QT, 2010 y., 6-son, 25-modda).

13. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining 2010 yil 17 sentyabrdagi "Baholash faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida"gi OʻRQ-257-sonli Qonuni)" 2010 yil 9 noyabrdagi 248-son qarori ilovasining 6-bandi (Oʻzbekiston Respublikasi QT, 2010 y., 11-son, 58-modda).

14. Vazirlar Mahkamasining "Notarius tomonidan oʻz kasb majburiyatlari buzilishi oqibatida yetkazilgan zararni qoplash tartibi toʻgʻrisidagi nizomni tasdiqlash haqida" 2010 yil 28 dekabrdagi 318-son qarorining 2-bandi hamda uning 2-ilovasi (Oʻzbekiston Respublikasi QT, 2010 y., 12-son, 73-modda).

15. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining "Rieltorlik faoliyati toʻgʻrisida" 2010 yil 22 dekabrdagi OʻRQ-269-sonli Qonuni)" 2012 yil 27 fevraldagi 52-son qarori ilovasining 3-bandi (Oʻzbekiston Respublikasi QT, 2012 y., 2-son, 13-modda).

16. Vazirlar Mahkamasining "Oʻzbekiston Respublikasi Hukumatining notariat faoliyatini tashkil etishga doir ayrim qarorlariga oʻzgartirishlar kiritish toʻgʻrisida" 2012 yil 10 apreldagi 105-son qarori ilovasining 1-bandi (Oʻzbekiston Respublikasi QT, 2012 y., 4-son, 24-modda).

17. Vazirlar Mahkamasining "Sud ijrochilari tomonidan soliq qarzdorligini undirish tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida" 2012 yil 11 oktyabrdagi 290-son qarori 1-bandining ikkinchi хatboshisi (Oʻzbekiston Respublikasi QT, 2012 y., 10-son, 74-modda).

18. Vazirlar Mahkamasining "Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizomni hamda Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizomni tasdiqlash haqida" 2012 yil 31 oktyabrdagi 312-son qarorining 2-bandi (Oʻzbekiston Respublikasi QT, 2012 y., 10-son, 78-modda).

19. Vazirlar Mahkamasining "Oʻzbekiston Respublikasi Hukumatining ayrim qarorlariga qoʻshimcha va oʻzgartirishlar kiritish toʻgʻrisida (Oʻzbekiston Respublikasi Prezidentining "Yuridik kadrlarni tayyorlash tizimini yanada takomillashtirish chora-tadbirlari toʻgʻrisida" 2013 yil 28 iyundagi PQ-1990-son qarori)" 2013 yil 16 avgustdagi 227-son qarori ilovasining 1-bandi (Oʻzbekiston Respublikasi QT, 2013 y., 8-son, 57-modda).

20. Vazirlar Mahkamasining "Oʻzbekiston Respublikasi Prezidentining "Fuqarolik jamiyati institutlarini rivojlantirishga koʻmaklashish borasidagi qoʻshimcha chora-tadbirlar toʻgʻrisida" 2013 yil 12 dekabrdagi PQ-2085-son qarorini amalga oshirish chora-tadbirlari haqida" 2014 yil 10 martdagi 57-son qarori 5-ilovasining 3-bandi (Oʻzbekiston Respublikasi QT, 2014 y., 3-son, 25-modda).

21. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Tadbirkorlik sub’yektlariga davlat хizmatlarini koʻrsatish meхanizmlarini takomillashtirishga doir qoʻshimcha chora-tadbirlar toʻgʻrisida" 2017 yil 1 fevraldagi PQ-2750-son qarori)" 2017 yil 1 maydagi 252-son qarori 1-ilovasining 5-bandi.

"Oʻzbekiston Respublikasi qonun hujjatlari toʻplami",

2017 yil 4 sentyabr, 35-son, 922-modda