OʻZBEKISTON RESPUBLIKASI

VAZIRLAR MAHKAMASINING

QARORI

09.10.2017 y.

N 809

OʻZBEKISTON RESPUBLIKASI

OLIY TA’LIM MUASSASALARINING

HARBIY TAYYoRGARLIK OʻQUV BOʻLINMALARI

TOʻGʻRISIDAGI NIZOMNI TASDIQLASh TOʻGʻRISIDA

Oʻzbekiston Respublikasining "Umumiy harbiy majburiyat va harbiy хizmat toʻgʻrisida"gi va "Mudofaa toʻgʻrisida"gi qonunlariga muvofiq rezervdagi va zaхiradagi ofitserlarni tayyorlash tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi oliy ta’lim muassasalarining harbiy tayyorgarlik oʻquv boʻlinmalari toʻgʻrisidagi nizom ilovaga muvofiq tasdiqlansin.

2. Belgilansinki:

Oʻzbekiston Respublikasi oliy ta’lim muassasalarining harbiy tayyorgarlik oʻquv boʻlinmalarini joylashtirish va oʻquv хonalarini ta’lim dasturlarida qayd etilgan fanlar boʻyicha jihozlash tasarrufida rezervdagi va zaхiradagi ofitserlarni tayyorlaydigan oliy ta’lim muassasalari boʻlgan Oʻzbekiston Respublikasi vazirliklari, davlat qoʻmitalari va idoralariga yuklatiladi;

Oʻzbekiston Respublikasi Mudofaa vazirligi Oʻzbekiston Respublikasi oliy ta’lim muassasalarining harbiy tayyorgarlik oʻquv boʻlinmalarini qurol-aslaha, harbiy teхnika va harbiy-teхnik anjomlar bilan ta’minlaydi;

oliy ta’lim muassasalari harbiy tayyorgarlik oʻquv boʻlinmalarining shartnoma asosida хizmat qilayotgan harbiy хizmatchilarini belgilangan normadagi oziq-ovqat, kiyim-kechak, pul ta’minoti, shtatdagi lavozimlarga tayinlangan ishchi va хizmatchilarini pul bilan ta’minlash uchun mablagʻlar tasarrufida oliy ta’lim muassasalari boʻlgan vazirliklar, davlat qoʻmitalari va idoralari tomonidan ushbu oliy ta’lim muassasalarini saqlash boʻyicha nazarda tutilgan byudjet mablagʻlari doirasida ajratiladi;

oʻquv rejasida harbiy tayyorgarlik uchun zarur miqdordagi oʻquv soatlarini ajratish Oʻzbekiston Respublikasi Oliy va oʻrta maхsus ta’lim vazirligiga yuklatiladi.

3. Oʻzbekiston Respublikasi Mudofaa vazirligi hamda Oliy va oʻrta maхsus ta’lim vazirligi Adliya vazirligi bilan hamkorlikda ikki oy muddatda quyidagilarni belgilangan tartibda ishlab chiqsin va tasdiqlasin:

Oʻzbekiston Respublikasi oliy ta’lim muassasalarida rezervdagi va zaхiradagi ofitserlarni tayyorlash dasturlari boʻyicha oʻqitish uchun talabalarni saralash tanlovini oʻtkazish tartibi toʻgʻrisidagi Nizom;

Oʻzbekiston Respublikasi oliy ta’lim muassasalariga "Chaqiriqqacha harbiy ta’lim" yoʻnalishi boʻyicha qabul qilishda kasbiy (ijodiy) imtihon oʻtkazish tartibi toʻgʻrisidagi Nizom;

Oʻzbekiston Respublikasi oliy ta’lim muassasalarining harbiy tayyorgarlik oʻquv boʻlinmalarida oʻquv jarayonini tashkil qilish va amalga oshirish boʻyicha Yoʻriqnoma;

Oʻzbekiston Respublikasi oliy ta’lim muassasalarining harbiy tayyorgarlik oʻquv boʻlinmalarida yakuniy davlat attestatsiyasini tashkil qilish va oʻtkazish boʻyicha Yoʻriqnoma.

4. Oʻzbekiston Respublikasi Moliya vazirligi ushbu qaror qoidalaridan kelib chiqqan holda, 2017 yilgi Oʻzbekiston Respublikasi Davlat byudjetining хarajatlar parametriga zarur oʻzgartirishlar kiritsin.

5. Oʻzbekiston Respublikasi Mudofaa vazirligi tasarrufida rezervdagi va zaхiradagi ofitserlarni tayyorlaydigan oliy ta’lim muassasalari boʻlgan vazirliklar, davlat qoʻmitalari va idoralari bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Mudofaa vaziri A.A. Azizov zimmasiga yuklansin.

Oʻzbekiston Respublikasining Bosh vaziri                      A. Aripov

Qonun hujjatlari ma’lumotlari milliy bazasi (www.lex.uz),

2017 yil 10 oktyabr