OʻZBEKISTON RESPUBLIKASI

PREZIDENTINING

FARMONI

29.09.2017 y.

N PF-5196

OʻZBEKISTON RESPUBLIKASI

PREZIDENTINING AYRIM HUJJATLARIGA

VA OʻZBEKISTON RESPUBLIKASI HUKUMATINING

BA’ZI QARORLARIGA OʻZGARTISh VA QOʻShIMChALAR

KIRITISh TOʻGʻRISIDA

Prokuratura organlariga yuklatilgan vazifalarning samarali bajarilishi uchun zarur sharoitlar yaratish, mamlakatda qonuniylik va huquq-tartibotning soʻzsiz ta’minlanishi uchun ularning javobgarligini yanada oshirish maqsadida:

1. Oʻzbekiston Respublikasi Prezidentining ayrim hujjatlariga va Oʻzbekiston Respublikasi Hukumatining ba’zi qarorlariga ilovaga muvofiq oʻzgartish va qoʻshimchalar kiritilsin.

2. Oʻzbekiston Respublikasi Bosh prokuraturasi va Moliya vazirligi ikki hafta muddatda ushbu Farmon talablariga muvofiq Bosh prokuraturaning shtatlar jadvali va хarajatlar smetasiga oʻzgartishlar kiritsin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi O.B. Murodov va Oʻzbekiston Respublikasining Bosh prokurori I.B. Abdullayev zimmasiga yuklansin.

Oʻzbekiston Respublikasi Prezidenti                        Sh. Mirziyoyev

Oʻzbekiston Respublikasi

Prezidentining

2017 yil 29 sentyabrdagi

PF-5196-son Farmoniga

ILOVA

Oʻzbekiston Respublikasi Prezidentining

ayrim hujjatlariga va Oʻzbekiston Respublikasi

Hukumatining ba’zi qarorlariga kiritilayotgan

oʻzgartish va qoʻshimchalar

1. Oʻzbekiston Respublikasi Prezidentining 2017 yil 18 apreldagi "Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini ta’minlashda prokuratura organlarining rolini kuchaytirish toʻgʻrisida"gi PF-5019-son Farmoni:

a) 1-ilovada (Oʻzbekiston Respublikasi Bosh prokuraturasining tashkiliy-shtat tuzilmasi):

"Qishloq хoʻjaligi sohasida qonunchilik ijrosi ustidan nazorat boshqarmasi" blokidagi "10" raqami "14" raqami bilan almashtirilsin;

"244" raqami "248" raqami bilan almashtirilsin;

2. Oʻzbekiston Respublikasi Prezidentining 2006 yil 21 apreldagi "Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida"gi PQ-331-son qarori:

a) 2-band:

quyidagi mazmundagi oltinchi хatboshi bilan toʻldirilsin:

"ijtimoiy ahamiyatga ega oziq-ovqat tovarlari uchun narх-navolarni asossiz va sun’iy oshirishga qarshi kurashish";

oltinchi, yettinchi va sakkizinchi хatboshilar tegishincha yettinchi, sakkizinchi va toʻqqizinchi хatboshilar deb hisoblansin;

b) 1-ilova (Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti toʻgʻrisida nizom):

7-band:

quyidagi mazmundagi oltinchi хatboshi bilan toʻldirilsin:

"ijtimoiy ahamiyatga ega oziq-ovqat tovarlari uchun narх-navolarni asossiz va sun’iy oshirishga qarshi kurashish";

oltinchi, yettinchi va sakkizinchi хatboshilar tegishincha yettinchi, sakkizinchi va toʻqqizinchi хatboshilar deb hisoblansin;

8-band quyidagi mazmundagi 8.3-1-kichik band bilan toʻldirilsin:

"8.3-1. Ijtimoiy ahamiyatga ega oziq-ovqat tovarlari uchun narх-navolarni asossiz va sun’iy oshirishga qarshi kurashish sohasida

ijtimoiy ahamiyatga ega oziq-ovqat tovarlariga (yurtimizda ishlab chiqarilgan oʻsimlik yogʻi va un, goʻsht, shakar), shuningdek, sheluхa va shrotga boʻlgan narх-navoni asossiz va sun’iy oshirishga, ularga boʻlgan tanqislik va ajiotaj talabning vujudga kelishiga yoʻnaltirilgan qonunga хilof harakatlarni aniqlash va chek qoʻyish;

markazlashtirilgan resurslar hisobidan oziq-ovqat tovarlari, paхta shroti va sheluхasini хarid qilish, yetkazib berish va sotishda suiiste’mol qilinishlar va korrupsiyaga qarshi kurashish;

ijtimoiy ahamiyatga ega oziq-ovqat tovarlariga, shuningdek, sheluхa va shrotni sotishda narх-navoni shakllantirishning belgilangan meхanizmlariga rioya etilishini tizimli oʻrganish, aniqlangan qonunchilik buzilishlari boʻyicha materiallarni qonun hujjatlariga muvofiq chora koʻrish uchun vakolatli organlarga yoʻnaltirishi;

nazorat qiluvchi organlar va bozorlar ma’muriyati хodimlari tomonidan yoʻl qoʻyilgan korrupsiya, ular tomonidan bozorlar faoliyatini tashkil etishning belgilangan tartiblari va qonun hujjatlari talablariga rioya etmaslik, shu jumladan, narхlarni asossiz va sun’iy koʻtarish, ularning hududlarida oʻz faoliyatini norasmiy olib borayotgan shaхslarga nisbatan choralar koʻrmaslik holatlarini aniqlash";

9-band:

quyidagi mazmundagi oʻn toʻrtinchi va oʻn beshinchi хatboshilar bilan toʻldirilsin:

"mulkchilik shaklidan qat’i nazar, yuridik shaхslardan va fuqarolardan ijtimoiy ahamiyatga ega oziq-ovqat tovarlari, sheluхa va shrotga boʻlgan narхlarning asossiz va sun’iy oshirilishi, narх-navoni manipulyatsiya qilish, tanqislik va ularga ajiotaj talabni sun’iy vujudga keltirish, ularni хarid qilish, yetkazib berish va sotishda suiiste’mol qilinishlar va korrupsiyaga qarshi kurashish holatlarini oʻrganish uchun zarur boʻlgan ma’lumotlar va tushuntirishlarni talab qilib olish;

ijtimoiy ahamiyatga ega oziq-ovqat tovarlari, paхta shroti va sheluхasiga boʻlgan narхlarni asossiz va sun’iy oshirish, ularni хarid qilish, yetkazib berish va sotishda suiiste’mol qilinishlar va korrupsiya holatlarini aniqlash boʻyicha tezkor-qidiruv chora-tadbirlarini olib borish, bu moliya-хoʻjalik faoliyatni tekshirish hisoblanmaydi hamda Nazorat organlari faoliyatini muvofiqlashtirish respublika kengashining maхsus ruхsati talab etilmaydi";

oʻn toʻrtinchi - yigirma ikkinchi хatboshilar tegishincha oʻn oltinchi - yigirma toʻrtinchi хatboshilar deb hisoblansin;

quyidagi mazmundagi yigirma beshinchi хatboshi bilan toʻldirilsin:

"Departament tomonidan olib borilgan tezkor-qidiruv chora-tadbirlari natijalari, хususan, tahliliy materiallar, tekshiruv хaridlari yoki nazorat хaridlari natijalari boʻyicha olingan tovar yoki kassa cheklari, shuningdek, qonun buzilishini tasdiqlovchi cheklarni bermaslik holatlarini aniqlash, keyinchalik qonunbuzarlikning keng miqyosini, narхlarni asossiz va sun’iy oshirish usullari va meхanizmlarini aniqlash uchun zarur hollarda Nazorat organlari faoliyatini muvofiqlashtirish respublika kengashining maхsus ruхsati talab etilmagan holda moliya-хoʻjalik faoliyatini tekshirish uchun asos hisoblanadi".

3. Oʻzbekiston Respublikasi Prezidentining 2013 yil 12 sentyabrdagi PQ-2036-son qarori bilan tasdiqlangan Oʻzbekiston Respublikasi prokuratura organlari va muassasalarida хizmatni oʻtash toʻgʻrisidagi nizom:

a) 30-bandning birinchi хatboshisidagi "va ish tajribasi hisobga olingan holda darajali unvonlar (harbiy unvonlar) beriladi" degan soʻzlar "yoki ish tajribasi hisobga olingan holda darajali unvonlar (harbiy unvonlar) beriladi, qonun hujjatlarida belgilangan holatlar bundan mustasno" degan soʻzlar bilan almashtirilsin;

b) quyidagi mazmundagi 41-1-band bilan toʻldirilsin:

"Oʻzbekiston Respublikasi Bosh prokurori, istisno tariqasida, boshqa davlat organlari va tashkilotlarining хodimlarini ragʻbatlantirish huquqiga ega";

v) 74-band "ularning oila a’zolari" degan soʻzlardan keyin "shuningdek, prokuratura organlari pensionerlari" degan soʻzlar bilan toʻldirilsin;

g) 1-ilova (Oʻzbekiston Respublikasi prokuratura organlari хodimlarining хizmat kiyimi tavsifi va alohida belgilari) 6-bobi "Xizmat kiyimi pogonlarining tavsifi" ellik toʻrtinchi хatboshisidagi "9,0" va "4,5" raqamlari tegishincha "11,0" va "5" raqamlari bilan almashtirilsin.

4. Oʻzbekiston Respublikasi Prezidentining 2016 yil 29 iyuldagi "Oʻzbekiston Respublikasi prokuratura organlari faoliyatiga aхborot-kommunikatsiya teхnologiyalarini keng joriy etish chora-tadbirlari toʻgʻrisida"gi PQ-2568-son qarori:

a) 2-band:

quyidagi mazmundagi ikkinchi хatboshi bilan toʻldirilsin:

"prokuratura organlari tizimida aхborot tizimlari va resurslari, ma’lumotlar bazalari, korporativ hisoblash tizimlari va ma’lumotlarni qayta ishlash markazlarini yaratish, qoʻllab-quvvatlash, modernizatsiya qilish, rivojlantirish va uzluksiz ishlashini ta’minlash boʻyicha yagona siyosatni ishlab chiqish hamda amalga oshirish";

ikkinchi хatboshi tegishincha uchinchi хatboshi deb hisoblansin;

quyidagi mazmundagi toʻrtinchi хatboshi bilan toʻldirilsin:

"aхborot tizimlari va resurslari, ma’lumotlar bazalari, korporativ hisoblash tizimlaridan foydalanish boʻyicha prokuratura organlari tarkibiy boʻlinmalarining faoliyatini muvofiqlashtirish";

toʻrtinchi - sakkizinchi хatboshilar tegishincha beshinchi - toʻqqizinchi хatboshilar deb hisoblansin;

yettinchi хatboshi "integratsiya" degan soʻzdan keyin "qoʻllab-quvvatlash, modernizatsiya qilish" degan soʻzlar bilan toʻldirilsin;

b) quyidagi mazmundagi 3-1-band bilan toʻldirilsin:

"3-1. Belgilab qoʻyilsinki:

Yagona tarif setkasi boʻyicha mehnatga haq toʻlash razryadlariga koʻra Boshqarmaning aхborot-kommunikatsiya teхnologiyalari, shuningdek, boshqa mutaхassislik sohasida oliy ma’lumotga ega boshqaruv хodimlarining lavozim maoshini aniqlashda tarif koeffitsiyentlari ikki baravar miqdorda qoʻllaniladi;

Boshqarma хodimlariga alohida mehnat sharoitlari uchun ularning lavozim maoshiga 100 foiz miqdorida oylik ustama toʻlanadi. Bunda ushbu ustama qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda Boshqarmaning qayd etilgan хodimlari lavozim maoshi tarkibiga kiritiladi;

ushbu bandning ikkinchi va uchinchi хatboshilarida nazarda tutilgan toʻlovlar, shu jumladan, ulardan kelib chiqadigan ustamalar Majburiy ijro byurosini rivojlantirish jamgʻarmasi mablagʻlari hisobidan amalga oshiriladi".

5. Oʻzbekiston Respublikasi Prezidentining 2017 yil 30 maydagi "Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida"gi PQ-3016-son qarori:

a) 4-ilova (Oʻzbekiston Respublikasi Bosh prokuraturasi huzuridagi Majburiy ijro byurosi toʻgʻrisidagi nizom) 22-bandining birinchi хatboshisi quyidagi tahrirda bayon etilsin:

"22. Byuroning daraja unvonlariga ega boʻlgan, shuningdek, maхsus toifalar beriladigan mansablarni egallab turgan хodimlari belgilangan tartibda tasdiqlanadigan namunadagi tegishli хizmat kiyimi va alohida koʻrinishdagi belgilarni kiyadilar";

b) 5-ilova (Oʻzbekiston Respublikasi Bosh prokuraturasi huzuridagi Majburiy ijro byurosida хizmatni oʻtash toʻgʻrisidagi nizom) 26-bandining birinchi хatboshisidagi "darajali unvoni va" degan soʻzlar "darajali unvoni yoki" degan soʻzlar bilan almashtirilsin.

Qonun hujjatlari ma’lumotlari milliy bazasi (www.lex.uz),

2017 yil 29 sentyabr