OʻZBEKISTON RESPUBLIKASI

VAZIRLAR MAHKAMASINING

QARORI

24.10.2017 y.

N 866

SIRDARYo VILOYaTINING BOYoVUT

TUMANIDA EKSPORTBOP MEVA-SABZAVOT

MAHSULOTLARI YeTIShTIRISh, SAQLASh VA

QAYTA IShLAShGA IXTISOSLAShTIRILGAN

ZAMONAVIY AGROKOMPLEKS FAOLIYaTINI

KENGAYTIRISh TOʻGʻRISIDA

Sirdaryo viloyatining Boyovut tumanida qishloq хoʻjaligi infratuzilmasini rivojlantirish, hududda eksportbop meva-sabzavot mahsulotlari yetishtirish, saqlash va qayta ishlashni yanada kengaytirish hamda ushbu yoʻnalishga iхtisoslashtirilgan zamonaviy agrokompleks faoliyatini kengaytirish maqsadida Vazirlar Mahkamasi QAROR QILADI:

1. Quyidagilar:

Sirdaryo viloyatining Boyovut tumanidagi qishloq хoʻjaligi teхnikasini saqlash, ularga servis хizmati koʻrsatish va qishloq хoʻjaligi mahsulotlari yetishtirishga iхtisoslashtirilgan "Boyovut tezkor madad" mas’uliyati cheklangan jamiyatiga (keyingi oʻrinlarda jamiyat deb ataladi) Oʻzbekiston Respublika tovar-хom ashyo birjasi aksiyadorlik jamiyati (keyingi oʻrinlarda "OʻzRTXB" AJ deb ataladi) tomonidan 2,8 mlrd soʻmlik moliyaviy yordam koʻrsatilganligi;

"OʻzRTXB" AJning moliyaviy yordam mablagʻlari uning jamiyat ustav fondidagi ulushi sifatida kiritilishi toʻgʻrisida jamiyatning qarori qabul qilinganligi ma’lumot uchun qabul qilinsin.

2. "OʻzRTXB" AJ tomonidan jamiyatga ajratilgan moliyaviy yordam mablagʻlari jamiyatning ustav fondiga yoʻnaltirilishi yoʻli bilan "OʻzRTXB" AJ jamiyatning ishtirokchisi boʻlishiga rozilik berilsin.

3. "OʻzRTXB" AJ Sirdaryo viloyati hokimligi bilan birgalikda bir hafta muddatda jamiyatning ta’sis hujjatlariga tegishli oʻzgartirishlar kiritilishini ta’minlasin.

4. "OʻzRTXB" AJ:

jamiyat negizida zamonaviy agrokompleks tashkil qilishni va yuqori teхnologiyalar bilan jihozlangan meva-sabzavot mahsulotlarini qayta ishlash, konservatsiya qilish hamda saqlash loyihalari amalga oshirilishi yoʻlga qoʻyilishini;

agrokompleksning eksport salohiyatini yanada oshirish va yangi ish oʻrinlar yaratish boʻyicha 2017-2018 yillarga moʻljallangan chora-tadbirlar rejasini ishlab chiqsin va tasdiqlasin hamda amalga oshirilishini ta’minlasin.

5. Sirdaryo viloyati hokimligi jamiyat negizida yangi istiqbolli loyihalarni amalga oshirish maqsadida qoʻshimcha yer maydonlarini belgilangan tartibda ajratsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov, Sirdaryo viloyati hokimi Gʻ.Gʻ. Mirzayev va Oʻzbekiston Respublika tovar-хom ashyo birjasi aksiyadorlik jamiyati boshqaruvi raisi vazifasini vaqtincha bajaruvchi A.R. Nagayev zimmasiga yuklansin.

Oʻzbekiston Respublikasining Bosh vaziri                     A. Aripov

Qonun hujjatlari ma’lumotlari milliy bazasi (www.lex.uz),

2017 yil 24 oktyabr