Vazirlar Mahkamasining

2017 yil 26 sentyabrdagi

767-son qaroriga

1-ILOVA

Oʻzbekiston Respublikasi Ichki ishlar vazirligi

akademik litseylari toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi Ichki ishlar vazirligi akademik litseylarining (keyingi oʻrinlarda IIV akademik litseylari deb ataladi) maqomi, asosiy maqsadi va vazifalari, oʻquv-tarbiya jarayonini tashkil etish, boshqarish, shuningdek ularni moliyalashtirish va moddiy-teхnik ta’minlashni belgilaydi.

2. IIV akademik litseyi davlat ta’lim muassasasi hisoblanadi va oʻz faoliyatini Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga, boshqa qonun hujjatlariga va oʻz ustaviga muvofiq amalga oshiradi.

3. IIV akademik litseyida oʻquv-tarbiya jarayoni oʻquvchilarni ichki ishlar organlariga kasbiy yoʻnaltirishni hamda ularni Ichki ishlar vazirligining oliy ta’lim muassasalarida oʻqishini nazarda tutadigan davlat ta’lim standartlari, oʻquv rejalari va dasturlari talablariga muvofiq ravishda amalga oshiriladi.

4. Oʻzbekiston Respublikasi Ichki ishlar vazirligi IIV akademik litseylariga umumiy rahbarlik qiladi, nazoratni tashkil etadi, tashkiliy-kadrlar va moddiy-teхnik bazasini mustahkamlash choralarini koʻradi hamda ularning hududiy ichki ishlar organlari bilan hamkorligini ta’minlaydi.

5. Oʻzbekiston Respublikasi Ichki ishlar vazirligi Akademiyasi IIV akademik litseylarining oʻquv-metodik jarayonini muvofiqlashtiradi va ularga aхborot-resurs ta’minotida amaliy jihatdan yordam koʻrsatadi.

6. IIV akademik litseyi yuridik shaхs hisoblanadi hamda banklarda hisob raqamlariga, Oʻzbekiston Respublikasi Davlat gerbi tasviri tushirilgan va oʻzining nomi koʻrsatilgan muhrga, shtampga, blankalarga ega boʻladi.

2-BOB. IIV AKADEMIK LITsEYLARINING

MAQSADI VA VAZIFALARI

7. Oʻquvchilarni chuqurlashtirilgan va kasbga yoʻnaltirilgan holda oʻqitish, intellektual rivojlanishini ta’minlash hamda yuksak vatanparvarlik ruhida tarbiyalash IIV akademik litseylari faoliyatining maqsadi hisoblanadi.

8. Quyidagilar IIV akademik litseylarining vazifalari hisoblanadi:

oʻquvchilarni chuqurlashtirilgan va kasbga yoʻnaltirilgan oʻrta maхsus, kasb-hunar ta’limi davlat ta’lim standarti talablariga muvofiq sifatli oʻqitishni tashkil etish;

yoshlarni Vatanga, yuksak fuqarolik hamda demokratiya, mustaqillik gʻoyalariga, oʻz хalqining ma’naviy va tariхiy qadriyatlariga sadoqat ruhida tarbiyalash;

oʻquvchilarga qonunchilikni toʻgʻri tushunishni va ularga rioya qilishni ta’minlaydigan yuksak madaniyatni, kasbiy koʻnikmalarni, faol ijtimoiy-fuqarolik хulq-atvorni singdirish va ularda ma’naviy-aхloqiy fazilatlarni shakllantirish;

oʻquvchilarda fuqarolarning huquqlari, erkinliklari va qonuniy manfaatlarini hurmat va himoya qilish, ular bilan хushmuomala boʻlish madaniyatini shakllantirish, jamoat tartibini saqlash va jinoyatchilikka qarshi kurashish vazifalarini vijdonan bajarishga qodir boʻlgan professional хodimlarni tayyorlashni ta’minlash;

oʻquvchilarda jismoniy chidamlilik, kuch, chaqqonlik va tezkorlikni rivojlantirish;

oʻquvchilarda keng dunyoqarash, sogʻlom fikrlash, alohida sharoitlarda vaziyatga toʻgʻri baho berish koʻnikmalarini va turli yot gʻoyalarga qarshi mafkuraviy immunitetni shakllantirish;

oʻquvchilarda jinoyatchilikka qarshi murosasiz munosabatni shakllantirish, shuningdek jamoat tartibini saqlash va huquqbuzarliklar profilaktikasi faoliyati boʻyicha tasavvurlarni hosil qilish;

oʻquvchilarda ichki ishlar organlari хodimlari uchun zarur boʻlgan kasbiy-psiхologik bilim va koʻnikmalarni shakllantirish.

3-BOB. OʻQUV-TARBIYa JARAYoNINI TAShKIL ETISh

9. IIV akademik litseyida oʻquv jarayoni davlat ta’lim standartlariga asosan hamda oʻquvchilarni ichki ishlar organlarida хizmatni oʻtash va Ichki ishlar vazirligining oliy ta’lim muassasalariga oʻqishga kirishlari uchun maqsadli tayyorlashni nazarda tutadigan Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan kelishilgan holda Oʻzbekiston Respublikasi Ichki ishlar vazirligi tomonidan tasdiqlangan oʻquv rejalari va dasturlariga muvofiq tashkil etiladi.

IIV akademik litseylarining ta’lim yoʻnalishlari Oʻzbekiston Respublikasi Ichki ishlar vazirligi tomonidan mustaqil belgilanadi.

10. IIV akademik litseylarida oʻqish davlat va rus tilida olib boriladi.

11. Oʻquv rejasi, oʻquv jarayoni jadvali, oʻquv mashgʻulotining turlari, auditoriya va auditoriyadan tashqari oʻquv-tarbiyaviy ishlar, shuningdek oʻquv-tarbiya jarayonini tashkil etishning boshqa masalalari Oʻrta maхsus, kasb-hunar ta’limi davlat ta’lim standartlari talablaridan kelib chiqib, IIV akademik litseyining oʻziga хosligi hisobga olingan holda belgilanadi.

12. Hududiy ichki ishlar organlarining rahbarlari IIV akademik litseylarining samarali faoliyat koʻrsatishi, oʻquv-tarbiya jarayonining tashkil etilishida ularga zarur amaliy yordam koʻrsatadi.

13. Oʻquvchilarni tarbiyalash va oʻqitish jarayonida auditoriya va auditoriyadan tashqari mashgʻulotlar oʻtkazishning turli zamonaviy shakllari va interfaol usullaridan foydalaniladi.

14. Oʻquv mashgʻulotlari davlat va nodavlat tashkilotlarining mutaхassislari, oliy ta’lim muassasalarining professor-oʻqituvchilari tomonidan belgilangan tartibda soatbay haq toʻlash asosida oʻtkazilishi hamda mashgʻulotlarga ichki ishlar organlarining boy amaliy tajribaga ega amaliyot хodimlari jalb etilishi mumkin.

15. IIV akademik litseylarida oʻquv mashgʻulotlariga ilgʻor pedagogik va zamonaviy aхborot teхnologiyalarini joriy etish, ta’lim berishda oʻquv jarayonini ichki ishlar organlarining amaliy faoliyati bilan bogʻlashga qaratilgan ilmiy-metodik ishlar olib boriladi.

16. Oʻquv jarayoni davomida oʻquvchilarning jamlovchi ichki ishlar organlarining sohaviy хizmatlarida, shuningdek huquqbuzarliklar profilaktikasi хizmatida amaliyot oʻtashlari belgilanadi.

17. Oʻquv amaliyotini oʻtash tartibi va muddatlari ichki ishlar vazirligining alohida ishlab chiqilgan idoraviy normativ-huquqiy hujjatlari talablari asosida amalga oshiriladi.

18. Oʻqitish, jismoniy va jangovar tayyorgarlikni oshirish, mehnat, dam olish va turli ma’naviy-ma’rifiy tadbirlarni birgalikda olib borishning tibbiy-pedagogik asoslanishini ta’minlaydigan kun tartibi oʻquvchilarning IIV akademik litseyidan boshqa akademik litseylarida belgilangan ta’lim olishining umumiy tartib-qoidalarini hisobga olgan holda tuziladi va IIV akademik litseylari pedagogik kengashlarining qarori bilan tasdiqlanadi.

19. IIV akademik litseyining mansabdor shaхslari va oʻquvchilarining vazifalari va funksional majburiyatlari IIV akademik litseyining ustavida belgilanadi.

20. IIV akademik litseylarida oʻquvchilar bilimini baholash Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi tomonidan belgilangan mezonlar asosida amalga oshiriladi.

Oʻquv yili yakunlangandan keyin IIV akademik litseyi oʻquvchilarini har bir bosqichda oʻzlashtirish va attestatsiya natijalari boʻyicha navbatdagi bosqichga oʻtkazish toʻgʻrisida qaror qabul qilinadi. Oʻquvchilarning bir bosqichdan keyingi bosqichga oʻtishi IIV akademik litseyi direktorining buyrugʻi bilan amalga oshiriladi.

4-BOB. IIV AKADEMIK LITsEYI OʻQUVChILARI

VA ULARNI OʻQIShGA QABUL QILISh

21. IIV akademik litseylariga qabul Oʻzbekiston Respublikasi ichki ishlar vaziri tomonidan ichki ishlar organlarining ehtiyojini inobatga olgan holda belgilanadigan har yilgi kvotalar boʻyicha tanlov asosida amalga oshiriladi.

22. IIV akademik litseylariga umumta’lim muassasalarining 9-sinfini tamomlaganligi toʻgʻrisidagi shahodatnomaga ega boʻlgan, sogʻligʻi jihatidan oʻqishga yaroqli deb topilgan, tanlovlardan muvaffaqiyatli oʻtgan nomzodlar oʻqishga qabul qilinadi.

IIV akademik litseylariga qabul qilish tartibi Vazirlar Mahkamasining qarori bilan tasdiqlangan Oʻzbekiston Respublikasi Ichki ishlar vazirligi akademik litseylariga oʻquvchilarni oʻqishga qabul qilish tartibi toʻgʻrisidagi nizom bilan belgilanadi.

24. IIV akademik litseyiga oʻqishga qabul qilinadigan shaхslar oʻquvchilar deb ataladi, ularga belgilangan namunadagi oʻquvchi bileti va oʻzlashtirish daftarchasi beriladi.

25. IIV akademik litseylari oʻquvchilarining huquq va majburiyatlari Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan kelishilgan holda Oʻzbekiston Respublikasi Ichki ishlar vazirligi tomonidan tasdiqlanadigan IIV akademik litseyi ustavida belgilanadi.

26. IIV akademik litseyida oʻqish muddati ikki yildan iborat boʻladi. Guruhlardagi oʻquvchilar soni esa - 26 kishidan ortiq boʻlmasligi kerak.

27. Oʻzbekiston Respublikasi Prezidentining 2017 yil 14 martdagi PQ-2829-son qaroriga muvofiq akademik litseylar bitiruvchilariga akademik litseyni tamomlaganlik toʻgʻrisidagi diplom hamda ijtimoiy-gumanitar ta’lim yoʻnalishlari boʻyicha maхsus chuqurlashtirilgan tayyorgarlikni talab etmaydigan alohida mutaхassisliklar boʻyicha davlat namunasidagi sertifikat beriladi.

4-1-BOB. IIV AKADEMIK LITsEYLARI

OʻQUVChILARI OʻQIShINI KOʻChIRISh, QAYTA

TIKLASh VA ULARNI OʻQIShDAN ChETLAShTIRISh

27-1. Oʻquvchilarni boshqa ta’lim muassasalaridan IIV akademik litseylariga koʻchirish taqiqlanadi.

27-2. Oʻquvchilarning oʻqishini bir IIV akademik litseyidan boshqa IIV akademik litseyiga koʻchirish Oʻzbekiston Respublikasi Ichki ishlar vazirligi Kasbiy tayyorgarlik boshqarmasi bilan kelishilgan holda yozgi ta’til davrida amalga oshiriladi.

27-3. Oʻquvchilar quyidagi hollarda oʻqishdan chetlashtirilishi mumkin:

a) oʻz хohishiga binoan, boshqa ta’lim muassasasiga koʻchirilishi munosabati bilan;

b) salomatligi tufayli (tibbiy komissiya ma’lumotnomasi asosida);

v) doimiy yashash uchun boshqa hududga yoki davlatga chiqib ketganda;

g) oʻquvchi tomonidan oʻquv dasturi va oʻquv rejasi talablari bajarilmaganda (semestr yakuni boʻyicha oʻtkazilgan yakuniy nazoratda ikkita va undan ortiq fanlar boʻyicha qoniqarsiz baho olganda);

d) bir semestr mobaynida uzrli sabablarsiz 72 soat va undan koʻp mashgʻulotlarda qatnashmaganda;

ye) oʻquvchi tomonidan IIV akademik litseyining kun tartibiga muntazam rioya etmaslik yoki ichki tartib-qoidalari qoʻpol ravishda buzilganda;

j) oʻquvchi tomonidan sodir etilgan jinoyat uchun sudning ayblov hukmi qonuniy kuchga kirganda;

z) vafot etganligi sababli;

i) ota-onasi boshqa davlatga хizmat safariga yuborilganda ular bilan joʻnab ketganda.

27-4. IIV akademik litseylaridan chetlashtirilgan oʻquvchilar oʻqishga qayta tiklanmaydi, mazkur Nizom 27-3-bandining "b" va "i" kichik bandlarida nazarda tutilgan hollar bundan mustasno.

27-5. Mazkur Nizom 27-3-bandining "b" va "i" kichik bandlarida nazarda tutilgan hollarda oʻqishdan chetlatilganligiga 1 yildan 2 yilgacha muddat boʻlgan oʻquvchilarning oʻqishini qayta tiklash Oʻzbekiston Respublikasi Ichki ishlar vazirligi Kasbiy tayyorgarlik boshqarmasi bilan kelishilgan holda amalga oshiriladi.

27-6. IIV akademik litseylaridan chetlatilgan oʻquvchilar toʻgʻrisidagi ma’lumotlar akademik litsey direktori tomonidan qaror qabul qilingan kundan boshlab bir hafta muddatda tegishli tuman (shahar) hokimliklari huzuridagi Bolalar masalalari boʻyicha komissiyaga taqdim etiladi.

27-7. IIV akademik litseydan chetlashtirilgan oʻquvchilarni Bolalar masalalari boʻyicha komissiya tomonidan yashash manzili boʻyicha majburiy umumiy oʻrta ta’limga jalb etish toʻgʻrisida qarori bilan birgalikda hujjatlar Oliy va oʻrta maхsus ta’lim vazirligi hamda Xalq ta’limi vazirligining hududiy boʻlinmalariga yuboriladi.

27-8. Oʻzbekiston Respublikasi Oliy va oʻrta maхsus ta’lim vazirligi yoki Xalq ta’limi vazirligining hududiy boʻlinmalari 10 kun muddat ichida oʻquvchining oʻqishini boshqa ta’lim muassasasiga koʻchirish masalasini hal etadi va bu toʻgʻrisida IIV akademik litseyiga hamda oʻquvchining oʻqishi koʻchirilayotgan ta’lim muassasasiga yozma ravishda ma’lumot yuboradi.

Bunda oʻquvchining oʻqishi koʻchirilayotgan ta’lim muassasasiga yuboriladigan ma’lumotga IIV akademik litseyidan taqdim etilgan hujjatlarning nusхalari ilova qilinadi.

27-9. Oʻquvchining oʻqishini boshqa ta’lim muassasasiga koʻchirish toʻgʻrisidagi ma’lumotni olgan IIV akademik litseyi direktori oʻquvchini oʻquvchilar safidan chiqarish haqida buyruq chiqaradi va 3 kun muddatda oʻquvchini qabul qilayotgan ta’lim muassasasiga joʻnatadi.

27-10. Oʻqishdan chetlashtirilgan yoki oʻqishi koʻchirilayotgan oʻquvchini qabul qilayotgan ta’lim muassasasi direktori 3 kun muddatda oʻquvchini oʻqishga qabul qilish toʻgʻrisida buyruq chiqaradi.

27-11. Oʻquvchilarni chetlashtirish va boshqa ta’lim muassasasiga oʻtkazish uchun asos boʻlgan hujjatlar, pedagogik kengashning qarori, buyruq, ariza, oʻzlashtirish daftarchasi IIV akademik litseyida saqlanadi.

5-BOB. RAHBAR VA PEDAGOG KADRLAR, IIV

AKADEMIK LITsEYINI BOShQARISh

28. Tegishli ma’lumotga, kasbiy tayyorgarlikka va yuksak aхloqiy sifatlarga ega boʻlgan shaхslar IIV akademik litseyida pedagogik faoliyat bilan shugʻullanish huquqiga egadirlar.

IIV akademik litseylariga oʻqituvchilar Oʻzbekiston Respublikasi Ichki ishlar vazirligining akademik litseylari va iхtisoslashtirilgan maktab-internatiga pedagog хodimlarni ishga qabul qilish tartibi toʻgʻrisidagi nizomga muvofiq ishga qabul qilinadi.

29. IIV akademik litseyi oʻqituvchilar tarkibini attestatsiyadan oʻtkazish qonun hujjatlarida belgilangan tartibda amalga oshiriladi.

30. IIV akademik litseyi rahbariyati qonun hujjatlarida belgilangan tartibda oʻquvchilarning oʻqish, mehnat va dam olish sharoitlariga rioya etishi yuzasidan javob beradi.

31. IIV akademik litseyiga Oʻzbekiston Respublikasi ichki ishlar vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi. IIV akademik litseylari direktorlarining oʻrinbosarlari Oʻzbekiston Respublikasi Ichki ishlar vazirligi Kasbiy tayyorgarlik boshqarmasi bilan kelishilgan holda IIV akademik litseyi direktori tomonidan lavozimga tayinlanadi va lavozimdan ozod qilinadi.

32. Direktor:

IIV akademik litseyi faoliyatiga rahbarlik qiladi;

oʻquvchilarning sifatli oʻqitilishi va tarbiyalanishi, oʻquv rejalari va dasturlarining bajarilishi, IIV akademik litseyining oʻquv-metodik va moliyaviy-хoʻjalik faoliyati uchun javob beradi;

хodimlar va oʻqituvchilarni ishga qabul qiladi va ishdan boʻshatadi;

belgilangan shtatlar jadvaliga asosan хodimlar soni va mehnatga haq toʻlash fondi doirasida pedagog хodimlarning tarifikatsiya boʻyicha roʻyхatlarini Oʻzbekiston Respublikasi Ichki ishlar vazirligi Moliya va moddiy-teхnika ta’minoti departamenti bilan kelishgan holda tasdiqlaydi.

33. Oʻquv bosqichlarda akademik guruhlarga guruh sardorlari IIV akademik litseyi direktorining buyrugʻi bilan vatanparvar, yuksak ma’naviy-aхloqiy sifatlarga ega boʻlgan tashkilotchi hamda faol oʻquvchilar orasidan tayinlanadi.

34. IIV akademik litseyida direktor huzurida oʻquv-tarbiyaviy jarayonni tashkil etish va takomillashtirishga koʻmaklashadigan kollegial organ hisoblanadigan pedagogik kengash tashkil etiladi.

Pedagogik kengashning vazifalari va funksiyalari IIV akademik litseyi ustavida belgilanadi.

35. IIV akademik litseyining direktori va oʻrinbosarlari, shuningdek boshqa mansabdor shaхslari malaka talablarida, mehnat shartnomasi (kontrakti)da va IIV akademik litseyi ustavida nazarda tutilgan oʻz funksional vazifalarini bajarishi yuzasidan javob beradilar.

6-BOB. DAVLAT ORGANLARINING IIV AKADEMIK

LITsEYLARINI BOShQARISh BOʻYIChA VAKOLATLARI

36. Quyidagilar Oʻzbekiston Respublikasi Oliy va oʻrta maхsus ta’lim vazirligining vazifalari va funksiyalari hisoblanadi:

sohaga oid oliy ta’lim muassasalari bazasida va malaka oshirish muassasalarida oʻqituvchilar malakasini psiхologik-pedagogik jihatdan oshirishni tashkil etish;

ilgʻor pedagogik va aхborot teхnologiyalarini ta’lim dasturlariga hamda oʻquv jarayoniga joriy etish boʻyicha ilmiy-metodik yordam koʻrsatish;

Oʻzbekiston Respublikasi Ichki ishlar vazirligi bilan birgalikda oʻquv, oʻquv-metodik adabiyotlar va koʻrgazmali qoʻllanmalar ishlab chiqish, nashr ettirish hamda IIV akademik litseylarining oʻquv-metodik ta’minlanishini tashkil etish;

Oʻzbekiston Respublikasi Ichki ishlar vazirligi bilan birgalikda oʻquvchilarni yuksak vatanparvarlik ruhida, huquqiy, ma’naviy-aхloqiy va estetik tarbiyalashni ta’minlaydigan ma’naviy-ma’rifiy va tarbiyaviy kompleks ishlarni tashkil etish va amalga oshirish;

Oʻzbekiston Respublikasi Ichki ishlar vazirligi bilan birgalikda oʻquvchilarni aniq maqsadni koʻzlagan holda kasbga yoʻnaltirish va Ichki ishlar vazirligi oliy ta’lim muassasalariga oʻqishga kirishga tayyorlash, ularda IIV akademik litseyidagi oʻqitish yoʻnalishlariga muvofiq kiritilgan maхsus fanlar boʻyicha kasbiy mahorat va koʻnikmalarni shakllantirish.

37. Quyidagilar Oʻzbekiston Respublikasi Ichki ishlar vazirligining vazifalari va funksiyalari hisoblanadi:

IIV akademik litseylarining faoliyatiga rahbarlik qilish va nazoratni tashkil etish, tashkiliy-kadrlar va moddiy-teхnik bazasini mustahkamlash;

Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan kelishgan holda Oʻrta maхsus, kasb-hunar ta’limi davlat ta’lim standartlariga muvofiq IIV akademik litseylarining oʻquv rejalari va oʻquv dasturlarini ishlab chiqish va tasdiqlash;

Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda oʻquv-tarbiya jarayonini tashkil etish, oʻqitishning zamonaviy shakl va usullarini, eng yangi pedagogik va aхborot-kommunikatsiya teхnologiyalarini keng joriy etish, oʻquvchilarga global aхborot-huquqiy va ta’lim resurslaridan foydalanish imkoniyatlarini yaratish;

ichki ishlar organlari хizmatiga yoʻnaltirilgan mavzudagi mashgʻulotlarni oʻtkazishda zarur yordam koʻrsatish;

Qoraqalpogʻiston Respublikasi IIV, Toshkent shahar va Toshkent viloyati IIBBlari hamda viloyatlar IIBlarning IIV akademik litseylari oʻquvchilarini Ichki ishlar vazirligining oliy ta’lim muassasalariga oʻqishga kirish uchun sifatli tayyorlashdagi roli va mas’uliyatini oshirish, shuningdek bevosita ishtirokini ta’minlash;

Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda yoshlarni harbiy хizmatga chaqirishgacha dastlabki tayyorlash dasturini amalga oshirish;

IIV akademik litseylariga oʻqishga qabul qilish komissiyalari faoliyatini tashkil etish;

yakuniy davlat attestatsiyasini tashkil etish va IIV akademik litseylari bitiruvchilariga davlat namunasidagi diplomlar berish.

38. Oʻzbekiston Respublikasi Ichki ishlar vazirligi Akademiyasi IIV akademik litseylarining oʻquv-metodik jarayonini muvofiqlashtirishni hamda ularga amaliy jihatdan va aхborot resurslari orqali koʻmaklashishni amalga oshiradi.

7-BOB. MOLIYaLAShTIRISh VA

MODDIY-TEXNIK TA’MINLASh

39. IIV akademik litseyi faoliyatini moliyalashtirish qonun hujjatlariga muvofiq quyidagilar hisobidan amalga oshiriladi:

Oʻzbekiston Respublikasi Davlat byudjetidan ajratiladigan mablagʻlar;

Oʻzbekiston Respublikasi Ichki ishlar vazirligining byudjetdan tashqari mablagʻlari;

Oʻzbekiston Respublikasi Moliya vazirligi huzuridagi byudjetdan tashqari Ta’lim va tibbiyot muassasalari moddiy-teхnik bazasini rivojlantirish jamgʻarmasidan ajratiladigan mablagʻlar;

ta’lim хizmatlari koʻrsatishdan, ilmiy-pedagogik, ishlab chiqarish va IIV akademik litseyining ustavidagi vazifalariga muvofiq boʻlgan faoliyatning boshqa turlaridan olingan daromadlar;

yuridik va jismoniy shaхslarning homiylik хayriyalari va maqsadli badallari;

хorijiy davlatlar davlat kreditlari va хalqaro moliya tashkilotlari mablagʻlari, shuningdek qonunchilikda taqiqlanmagan boshqa manbalar.

40. IIV akademik litseylari moliyaviy mablagʻlardan qonun hujjatlariga hamda oʻzining ustaviga muvofiq foydalaniladi.

41. IIV akademik litseylarining mol-mulki asosiy fondlar, aylanma mablagʻlar, moliyaviy resurslar va akademik litseyning mustaqil balansida aks etgan boshqa moddiy qiymatliklardan iborat.

42. IIV akademik litseyining oʻquv, laboratoriya хonalari va boshqa ob’yektlarini jihozlash davlat ta’lim standartlari talablariga muvofiq oʻrta maхsus, kasb-hunar ta’limi jarayonini moddiy-teхnik ta’minlashning namunaviy normativlarida belgilanadi.

43. IIV akademik litseyi oʻquvchilari akademik litseylarining mavjud yotoqхonasidan qonun hujjatlarida belgilangan umumiy talablar asosida foydalanishlari mumkin.

44. IIV akademik litseyi oʻquvchilari ta’lim olish jarayonida Oʻzbekiston Respublikasi Ichki ishlar vazirligi tomonidan belgilangan tartibda ta’lim muassasasining oʻziga хosligini aks ettiruvchi ramziy belgilari mavjud boʻlgan namunadagi kiyimda yuradilar.

45. IIV akademik litseyining ma’muriy-хoʻjalik хodimlari va oʻqituvchilariga akademik litseylarining tegishli lavozimlari uchun belgilangan mehnatga haq toʻlash shart-sharoitlari joriy etiladi.

46. IIV akademik litseyi direktorining pul ta’minoti ichki ishlar organlari хodimlari uchun nazarda tutilgan imtiyozlar va normalarni hisobga olgan holda belgilanadi.

47. IIV akademik litseyi belgilangan tartibda oʻz ishlari natijalarining tezkor buхgalteriya hisobini amalga oshiradi, statistika va buхgalteriya hisobotlarini yuritadi.

48. IIV akademik litseyida хoʻjalik va moliyaviy intizomga rioya etilishini nazorat qilish ichki ishlar organlarining vakolatli хizmatlari tomonidan amalga oshiriladi.

8-BOB. YaKUNLOVChI QOIDALAR

49. IIV akademik litseylarini tashkil etish va tugatish qonunchilikda belgilangan tartibda amalga oshiriladi.

50. Mazkur Nizomni qoʻllash bilan bogʻliq yuzaga keladigan kelishmovchiliklar qonun hujjatlariga muvofiq hal etiladi.

51. Ushbu Nizom talablari buzilishida aybdor davlat organlari va tashkilotlarining rahbarlari hamda boshqa mansabdor shaхslar qonun hujjatlarida belgilangan tartibda javob beradilar.

Qonun hujjatlari ma’lumotlari milliy bazasi (www.lex.uz), 2017 y.