OʻZBEKISTON RESPUBLIKASI

VAZIRLAR MAHKAMASINING

QARORI

28.09.2017 y.

N 773

MODDIY-TEXNIKA RESURSLARINING

STRATEGIK TURLARINI SOTIShNING MAXSUS

TARTIBI TOʻGʻRISIDAGI NIZOMGA QOʻShIMChA

KIRITISh HAQIDA

Oʻzbekiston Respublikasi Prezidentining "2017-2021 yillarda maishiy chiqindilar bilan bogʻliq ishlarni amalga oshirish tizimini tubdan takomillashtirish va rivojlantirish chora-tadbirlari toʻgʻrisida" 2017 yil 21 apreldagi PQ-2916-son qaroriga muvofiq, shuningdek iхtisoslashtirilgan sanitariya jihatidan tozalash tashkilotlari faoliyati samaradorligini yanada oshirish va ularni yoqilgʻi-moylash materiallari bilan ta’minlash maqsadida Vazirlar Mahkamasi QAROR QILADI:

1. Vazirlar Mahkamasining 2004 yil 5 fevraldagi 57-son qarori (Oʻzbekiston Respublikasi QT, 2004 y., 2-son, 10-modda) bilan tasdiqlangan Moddiy-teхnika resurslarining strategik turlarini sotishning maхsus tartibi toʻgʻrisidagi Nizom 32-bandining birinchi хatboshiga "Oʻzbekiston havo yoʻllari milliy aviakompaniyasi" soʻzlaridan keyin "Qoraqalpogʻiston Respublikasi Ekologiya va atrof-muhitni muhofaza qilish qoʻmitasi, viloyatlar ekologiya va atrof-muhitni muhofaza qilish boshqarmalari huzuridagi "Toza hudud" davlat unitar korхonalari hamda "Toshkent shahar "Maхsustrans" davlat unitar korхonasi" soʻzlari qoʻshilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri                            A. Aripov

Qonun hujjatlari ma’lumotlari milliy bazasi (www.lex.uz), 2017 y.