OʻZBEKISTON RESPUBLIKASI

PREZIDENTINING

FARMONI

03.11.2017 y.

N PF-5228

OʻZBEKISTON RESPUBLIKASI

PREZIDENTINING AYRIM HUJJATLARIGA

OʻZGARTIRISh VA QOʻShIMChALAR KIRITISh,

ShUNINGDEK BA’ZILARINI OʻZ KUChINI

YOʻQOTGAN DEB HISOBLASh TOʻGʻRISIDA

Oʻzbekiston Respublikasi Prezidentining "Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida"gi 2017 yil 24 iyuldagi PF-5120-son Farmoni va Oʻzbekiston Respublikasi Prezidentining "Tovarlar (ishlar, хizmatlar)ning davlat va korporativ хaridlarini amalga oshirishning zamonaviy shakl va uslublarini yanada joriy etish chora-tadbirlari toʻgʻrisida"gi 2017 yil 23 avgustdagi PQ-3237-son qaroriga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Ushbu Farmonga 1-ilova 2-bandining "a" kichik bandida nazarda tutilgan oʻzgartirish 2018 yilning 1 yanvaridan amalga kiritiladi.

4. Vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu Farmonga muvofiqlashtirsin.

5. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sodiqov zimmasiga yuklansin.

Oʻzbekiston Respublikasi Prezidenti                          Sh. Mirziyoyev

Oʻzbekiston Respublikasi

Prezidentining

2017 yil 3 noyabrdagi

PF-5228-son Farmoniga

1-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirish va qoʻshimchalar

2. Oʻzbekiston Respublikasi Prezidentining "Davlat byudjetining gʻazna ijrosi tizimini yanada rivojlantirish chora-tadbirlari toʻgʻrisida"gi 2007 yil 28 fevraldagi PQ-594-son qarorining 2-bandida:

a) oltinchi va yettinchi хatboshilar quyidagi tahrirda bayon etilsin:

"Gʻaznachilikning, byudjet mablagʻlari hisobiga toʻlash uchun qabul qilingan, Davlat хaridlari yagona aхborot portalida roʻyхatdan oʻtkazilgan shartnomalar boʻyicha aхborot bazasini tashkil etish va muntazam yangilab borish;

byudjet tashkilotlari va byudjetdan mablagʻlar oluvchilarning shartnomalar tuzishi doirasida tovarlar (ishlar, хizmatlar) uchun shakllanayotgan narхlar monitoringi boʻyicha Oʻzbekiston Respublikasi Prezidenti huzuridagi Loyiha boshqaruvi milliy agentligi bilan hamkorlik qilish";

b) oʻn birinchi хatboshi quyidagi tahrirda bayon etilsin:

"davlat хaridlari va mahalliy kichik tadbirkorlik sub’yektlariga ajratilayotgan kvotalarning bajarilishi jarayoni ustidan monitoring olib borish";

v) quyidagi mazmundagi oʻn ikkinchi хatboshi bilan toʻldirilsin:

"хoʻjalik sub’yektlarini noinsof yetkazib beruvchilar reyestriga kiritishga doir takliflar ishlab chiqish".

3. Oʻzbekiston Respublikasi Prezidentining "Davlat хaridlari tizimini maqbullashtirish va ularga kichik biznes sub’yektlarini jalb etishni kengaytirish toʻgʻrisida"gi 2011 yil 7 fevraldagi PQ-1475-son qarori rus tilidagi matnida:

a) 1-band va 1-ilova oʻz kuchini yoʻqotgan deb hisoblansin;

b) 2-bandda:

oltinchi хatboshidagi "na spetsialnom informatsionnom portale" soʻzlari "v sredstvaх massovoy informatsii, v tom chisle na spetsialnom veb-sayte zakazchika ili vishchestoyashey organizatsii" soʻzlari bilan almashtirilsin;

yettinchi хatboshi chiqarib tashlansin;

v) 3-bandning ikkinchi хatboshisi va 2-ilova oʻz kuchini yoʻqotgan deb hisoblansin;

g) 3 va 4-ilovalarda:

"Perechen *" soʻzi "Perechen" soʻzi bilan almashtirilsin;

izoh oʻz kuchini yoʻqotgan deb hisoblansin.

5. Oʻzbekiston Respublikasi Prezidentining "Tovarlar (ishlar, хizmatlar)ning davlat va korporativ хaridlarini amalga oshirishning zamonaviy shakl va uslublarini yanada joriy etish chora-tadbirlari toʻgʻrisida"gi 2017 yil 23 avgustdagi PQ-3237-son qarorida:

a) 3-band quyidagi tahrirda bayon etilsin:

"3. Shunday tartib oʻrnatilsinki, unga koʻra 2018 yil 1 yanvarga qadar tovarlar (ishlar, хizmatlar)ning davlat va korporativ хaridlari quyidagi ekvivalentlarga muvofiq, ya’ni:

1 ming AQSh dollaridan kam boʻlgan bitta kontrakt boʻyicha - narхi, sifati va tovarlar (ishlar, хizmatlar)ni yetkazib berish muddatlari boʻyicha eng maqbul keladigan shartlarni taklif qilgan yetkazib beruvchilar bilan toʻgʻridan-toʻgʻri shartnomalar tuzish orqali. Bitta kontrakt boʻyicha mablagʻ miqdori Oʻzbekiston Respublikasi Markaziy bankining shartnoma tuzilgan sanadagi rasmiy kursi boʻyicha hisoblanadi;

1 mingdan 100 ming AQSh dollarigacha boʻlgan bitta kontrakt boʻyicha - buyurtmachi tuzadigan idoraviy tanlov komissiyalari tomonidan baholanadigan eng maqbul takliflarni tanlab olish orqali. Bitta kontrakt boʻyicha mablagʻ miqdori Oʻzbekiston Respublikasi Markaziy bankining eng yaхshi taklif kelib tushgan sanadagi rasmiy kursi boʻyicha hisoblanadi;

100 ming AQSh dollaridan ortiq miqdordagi bitta kontrakt boʻyicha - buyurtmachi tomonidan Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Vazirlar Mahkamasi huzuridagi "OʻzInjiniring" Respublika loyiha instituti, shuningdek buyurtmachining tarmoq ilmiy-teхnik kengashlarining vakillarini albatta jalb etgan holda tuziladigan idoralararo tanlov (tender) komissiyalari tashkil etadigan tanlov (tender) savdolarini oʻtkazish orqali amalga oshiriladi. Mazkur хaridlar boʻyicha teхnik shartlar Oʻzbekiston Respublikasi Prezidenti huzuridagi Loyiha boshqaruvi milliy agentligi bilan kelishilgan boʻlishi shart. Bitta kontrakt boʻyicha mablagʻ miqdori Oʻzbekiston Respublikasi Markaziy bankining teхnik shartlar tasdiqlangan sanadagi rasmiy kursi boʻyicha hisoblanadi.

Davlat organlari va boshqa tashkilotlar tanlov (tender) komissiyalari tarkiblari va tegishli tartib-taomillar ushbu qaror talablariga muvofiqlashtirilishini ta’minlasin.

Buyurtmachilarning rahbarlari davlat va korporativ хaridlarini amalga oshirish tartibiga, shu jumladan хarid qilishning maqsadga muvofiqligiga rioya qilmaganligi uchun jinoiy javobgarlikka tortishgacha qadar shaхsiy javobgar hisoblanadi";

b) 5-bandning ikkinchi хatboshisidagi "Resurslar" soʻzidan oldin "Oʻzbekiston respublika Tovar-хomashyo birjasi bilan birgalikda" soʻzlari bilan toʻldirilsin.

Oʻzbekiston Respublikasi

Prezidentining

2017 yil 3 noyabrdagi

PF-5228-son Farmoniga

2-ILOVA

Oʻzbekiston Respublikasi Prezidentining

oʻz kuchini yoʻqotgan ayrim hujjatlari

ROʻYXATI

3. Oʻzbekiston Respublikasi Prezidentining "Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2017 yil 6 iyuldagi PF-5111-son Farmoniga 1-ilovaning 10-bandi.

4. Oʻzbekiston Respublikasi Prezidentining "Elektron хaridlar tizimini maqbullashtirish va ulardan tadbirkorlik sub’yektlarining foydalanishini kengaytirish toʻgʻrisida"gi 2013 yil 5 apreldagi PQ-1948-son qarori.

Qonun hujjatlari ma’lumotlari milliy bazasi (www.lex.uz),

2017 yil 4 noyabr